肉骨皇 (已結業)

外賣買咗一個海南雞飯同一個菠蘿鮮蝦炒飯，兩樣都係正路嘢，無理由會伏。點知！海南雞飯乾爭爭嘅，雞皮灰灰哋暗淡冇光，啲飯仲要好似微波爐叮過龍，硬嘅。究竟要點做先可以整到個海南雞飯咁難食⋯⋯菠蘿鮮蝦炒飯仲勁，搵哂成兜飯得兩隻蝦，我連「蝦蝦蝦」都笑唔出。個飯都冇炒好，仲見到啲白飯嘅⋯⋯杯嘢飲不得了，去攞外賣嗰時望住佢叮返熱⋯⋯成件事真係比直升機還要伏⋯⋯

去到有口罩袋可以比客人放置口，唔係好多餐廳有呢個安排，好窩心的提供。肉骨茶全程有個爐熱住一煲肉骨茶，叫左1-2人份，好足料，內有杞子、金菇、豆卜、炸枝竹、豬骨等， 好入味，仲有起碼6件豬骨，仲配有油炸鬼。油飯為左配肉骨茶，所以加左碗油飯，好抵食，$15一大碗，碗肉骨茶簡直一流，碗油飯一啲都唔油膩，但仲保持到油香味，好正。扎肉喇沙混合油面和米粉好足料的喇沙，有成8-9塊扎肉，好抵食，而且可以試晒兩款面，米粉同油面，一次滿足晒兩個人的口味，個湯好惹味。

今日收咗工同朋友去大坑道搵食 呢度好多間唔同嘅特色小店 經過呢間肉骨皇睇落好似味道唔錯 於是就入去食下啦餐廳嘅裝修非常有南洋風情 用咗好多木去做裝飾叫咗個海南雞飯 係新加坡口味嘅海南雞 海南雞肉夠嫩滑 雞皮爽脆 最出色係個雞油飯好香 而且一啲都唔會油膩秘製肉骨茶 有濃沃嘅藥材味 入面仲煮到超冧超入味嘅豬骨同埋冬菇 豆卜等嘅食材 好補身呀午餐可以換購雞翼炸得超脆又入味美祿恐龍 自從冇得去旅行之後就冇飲過 美祿味非常夠 上面仲加上海量嘅美祿粉 飲落口感十足龍眼冰 好清甜而且夠曬冰凍 十分解渴好透心涼

入餐廳的時候係閒日下午六點左右，室內裝修用黑色色調為主，光線有點過暗，夏天嘅時候有少少唔夠冷氣，汗出了不少，但座位還算寬闊， 餐枱都係大而整齊， 上面放了餐具同埋紙巾， 都算方便。印巴裔的侍應姐姐好有禮貌， 佢主動幫我哋加水(但夏天只有熱滾水還是有點太熱了）， 會問我們食物的質素如何， 聽了我們的意見後， 甚至主動要求替我們更換菜色（我們當然說不用換了，以免浪費食物）。我們點了兩味菜， 首先是菠蘿鮮蝦炒飯。 值得稱讚的地方是分量， 即是兩個男人食， 也足夠飽肚。 其次是足料， 先不說蝦仁很大， 至少一碟飯裏有六七隻蝦， 除了菠蘿還有魷魚等少量其他海鮮。 唯一美中不足的地方便是飯有點太濕太軟。另外點了一碗冬陰功蝦粉絲。女友覺得紅湯太油了，所以連生菜也避免不吃了。但我們吃得出是新鮮蝦，肉甜而不爛，而且有五隻大蝦。價錢不算很平，但對比餐牌其他美食（貴不少），還算是相對實惠。

The food was OK, but however the waiting time was unbearable. Waited for 30 mins or more for 4 drinks and more for the rest of our meal. Also felt bad for the people waiting outside when there were empty tables inside not cleaned. No we would not come again. One of the servers were nice just another one creating problems.

- 大坑美食真係多到數唔晒，今日想同大家介紹位於浣紗街既一間星馬餐廳。-呢間餐廳主打肉骨茶同唔同類型異國美食，大廚係馬來西亞工作過，口味正宗有特別！-今次我地叫左海南雞喇沙，喇沙非常大碗，食落有濃濃椰香味，唔算太辣。喇沙有三款麵底選擇，包括油麵、米粉同滲滲，即係油麵加上米粉兩溝。我叫左油麵，麵底勁大個，兩個人分享先食得哂。而海南雞分量更加唔洗講，我仲專登夾出黎俾大家睇😆！-而巴東牛肉係小菜黎，我地額外叫左白飯。呢款巴東牛肉炆得非常入味，醬汁比較濃，絕對要配白飯！醬汁食到南薑、香茅同椰奶，牛肉切成粒粒，十分易咬。

-🔸肉骨茶湯 $58🔸沙爹串 $88/6串🔸桔仔酸梅水 $32-出開港島，嚟咗依間肉骨茶試吓，係朋友介紹我嘅小店，話佢哋嘅星馬菜都幾正喎！一個人dinner食唔晒成份肉骨茶，餐廳就有提供咗一人份嘅細size，非常之貼心。肉骨茶非常香濃嘅藥材味，飲落順喉舒暢，好飲！叫咗份串燒，一份6串有齊豬、牛、雞肉，配上沙嗲醬汁，燒烤風味好惹味啊！最後叫多咗杯好特別嘅桔仔酸梅水，飲落清新解渴，即時可以化解油膩感。

黎開過開港島做嘢成日聽聞大坑好多唔錯既餐廳～晏晝順便去大坑睇吓有咩食見到呢間肉骨王 唸起好耐都冇食肉骨茶～肉骨茶午餐set午餐set肉骨茶都大大碗～超多肉骨排肉骨湯濃淡適宜岩岩好！真係食到當地嘅風味～配料滿滿的～有金菇、枸杞、豆卜～呢度嘅菜式都係特登請返當地嘅廚師製造～湯料熬製認真，味道同出面既確實唔同～飯係跟油飯～顏色油黃，好香好好味！鹹檸七鹹檸醃得夠鹹～飲啖超relax~黃金蝦即炸～炸到好金黃～香脆～點甜酸醬食～幾滋味

大坑有唔同種類嘅小店, 今次同朋友光顧一間星馬菜專門店!肉骨茶湯餐廳好細心, 有唔同份量嘅肉骨茶選擇, 仲有淨湯揀, 最啱我呢啲懶, 唔鍾意咬骨嘅朋友😂 肉骨茶藥材味重, 補身恩物。海南雞叻沙叻沙可自選配油麵, 米粉或滲滲, 配料亦可選擇海鮮, 海南雞, 扎肉等。雞件雖然比較細件, 但肉質嫩滑。用上咖哩湯頭, 味道較為濃郁, 一碗麵有齊甜、鹹、微辣嘅風味, 刺激食慾。原味油酥餅油酥餅嘅牛油味香且酥脆, 附上嘅印度咖哩都幾正宗! 下次有機會要試埋集團嘅印度餐廳! 餐廳有提供口罩套供食客使用, 食得更安心。

喺我嘅wechat群組有唔同國家校友傾偈，無所不談，而近排講得到多嘅係東南亞嘅喇沙，有馬來式，有星加坡式，有自家製式，呢排就唔使旨意親自飛過去喇，而想食正宗喇沙就會記起呢間『肉骨皇』,佢味道偏向馬來式。點咗我鐘意的『海鮮喇沙』，海鮮料都唔少，有蝦仁，大蝦，青口，蜆及魷魚圈，微辣，有油麵及米粉，俗稱『摻摻』，够哂正宗，满足，今次餐枱上之旅遊係馬拉，之前嗰次係日本。而『洋蔥油酥餅』係食評上之推介，我亦都第一次嚐試，即刻就愛上了，本來油酥餅熱辣辣酥酥脆脆已很討人歡喜，再加埋洋蔥，多了一重口感，實在好食。

今日係大坑有野做，於是晚飯都係附近食埋先返屋企。揀左呢間肉骨皇，係一間星馬餐廳。原來係香港有幾間姐妹餐廳，分別係印度同土耳其菜。連曼谷都有2間分店。$32 鹹檸七，鍾意飲落鹹鹹地，甜甜地既味道，夠解渴。$118 香茅豉汁炒花甲，呢幾日係咁想食海鮮，連今晚都唔例外呀。成盤花甲有20粒左右啦，粒粒都有肉既，唔會好似出邊幾個orders一齊炒，搞到有時得殼無肉。味道係正常豉椒既味，香茅味較淡，略嫌個汁thick左啲少少。$48 洋蔥油酥餅，個價錢同原味油酥餅一樣，於是揀左有洋蔥🧅既。我以為係洋蔥味，點知原來係入面真係包住洋蔥，正呀！上枱熱辣辣，岩岩整起，外皮酥脆，入面軟熟，重點係個咖喱汁好好味，狂點啲汁黎食，完全唔會膩。同埋呢到service都唔錯，我見隔離一枱4人不斷要求呢樣果樣，侍應都無表現唔耐煩。

寫呢個食評係覺得佢咁多讚 實在唔符實 離左地好耐以前食過當時都好一般，我諗係自己唔多鐘意肉骨茶。最近有朋友話試下就再去下啦，話晒都過左咁耐，見open rice啲相裝修又好似唔同，又咁多讚可能有唔同。點知又中 唉。叫左三樣野，個人覺得最伏都係䄂子蝦沙律一上枱有啲懷疑自己睇到啲咩。食落就知真係雞醬汁撈耶菜絲 紅蘿蔔絲 蝦 花生碎 沙律，仲要雞醬好足料 有大半支啊，食完仲想感受個口想食一堆炸嘢的朋友推介呢個。仲有個芽葉雞，食到雞脾位都正常嘅，朋友食到胸就學得似煲湯雞。喇沙算正常 不過唔值野飲都幾重口味 可能我雞醬個甜味都影響杯野好甜 我飲嘅係青檸梅子飲料服務都ok

本身我咩都食ge，肉骨茶係其中一樣，今次係專程黎大坑食ge，見佢門面同家具唔算舊重幾有風味，貼心ge係有A、Bset，今次點左肉骨茶（實走唔甩）海南雞飯同甜品焗咖吔面包伴雪糕，先講個肉骨茶上面個D幾好飲但飲唔到葯材味就有D失望但各位注意ge係底個D盡量唔好飲，唔知係我攪數勻定係本身個煲係咁（好鹹！真係好鹹，鈉含量超標的朋友建議唔好點或者食其他）之後到海南雞飯，都幾好食無話有咩特別野但有部份都係鞋鞋地（應該係雞ge問題掛😏）最後係甜品睇落去幾豪華，我食左兩啖無食（我個人覺得太甜啦）本身我無食過咖吔所以唔知咩味，所以甜品我不予置評。p.s.我睇個串燒應該幾好食，你地去可以試下～

位於大坑的馬來西亞，新加坡菜，一想到馬拉就會想到這家，要再encore ！但因為同行朋友不太喜歡藥膳，就沒有點肉骨茶，但看到旁邊枱點的肉骨茶湯底非常之濃郁，下次一定要一試招牌。咖啡骨 $118名副其實咖啡骨，一上已經聞到很香的咖啡香，濃濃的咖啡醬汁，而且略帶焦香和朱古力味，非常之特別，令到骨甜甜的而不油膩，推介！怡保芽菜雞 $148馬拉菜必點怡保芽菜雞，雞味濃，肉質滑嫩，特別要讚賞一下醬汁，都非常出色，特別中間黑色甜甜的醬，配合雞肉非常出色。一定要嗌油飯 一定要嗌油飯 一定要嗌油飯！很重要，要講三次，比出面的更濃，飯粒粒分明，就咁食我已經可以吃掉一大碗。洋葱油酥餅 $48最愛油酥餅點咖喱汁，油酥餅中間夾着大量洋蔥碎，洋蔥控必點

.朋友介紹呢間係大坑人氣高既星馬菜餐廳，星期日中午要訂位先唔使等。.黎到一定要食肉骨茶啦！招牌肉骨茶 - 細 $118先嚐一啖湯....香濃東革阿里味湯底，唔重藥材味，想起係星加坡既味道😋.排骨肉沾埋黑醬油，好味呀真係！細份都有6舊肉，份量都多，兩個人食差唔多。.除左肉排仲有油炸鬼、豆卜、枝竹同金菇菜都吸收左湯汁，正。.海鮮喇沙 $118.除左食肉骨茶，梗係食埋喇沙，我叫左滲滲（油麵mix米粉），喇汁湯底惹味而唔算辣，海鮮有蝦、魷魚、青口、大蜆，夾。.青檸梳打 $32.咁熱天氣飲呢個梳打最好～酸酸地又有氣，爽。