聯發茶餐廳

營業中

休息中

聯發茶餐廳是澳牛第三代傳人開的店，還記得小時候爸爸曾帶我到澳牛吃早餐，記憶中就是「快！快！快！」總是吃得很趕急的。這晚跟男友去九龍城覓食，原來聯發和坤記牛腩就在隔壁，所以便先到這裡吃。晚上六時許，客人只有兩、三枱，我們坐到卡位看看吃什麼。這裡比很多茶餐廳乾淨企理，環境亦舒適。一進來便飄來陣陣茶香，一於點熱奶茶 (雖然單點一杯有點貴)。當天氣溫驟降，又下了整天雨，喝杯熱奶茶頓時暖在心頭。奶茶以全白瓦杯盛載，基本的茶香奶滑也做到，喝下去算是順口，但熱度稍有不足，很快便變涼了。通常每到一家新的茶餐廳我也會點奶茶，奶茶做得好，我想那家餐廳應該都不會太差吧。待會要吃牛腩麵，那就點一份公司三文治一同分享。可選牛或豬肉，我選了前者。茶餐廳上菜效率果然極快，幾分鐘已經上齊了。公司三文治份量真大，多士比一般吃到的厚得多！麵包烘至微焦，夾著滿滿的餡料，一口包含火腿、芝士、番茄、炒蛋、酸瓜和鹹牛肉，口感很豐富。鹹牛肉和蛋向來是最佳搭檔，這裡的炒蛋也是很多人推薦的呢。厚身炒蛋蛋味香濃，入口香甜滑溜，跟那份鹹香形成對比。看到牆上的炭火叉燒飯煞是吸引，於是點了一碗大的，因為小的沒有煎蛋啊><實物跟

平時去澳洲牛奶公司就多, 聽說聯發是澳洲牛奶公司老闆兒子所開的店舖, 所以趁上星期要到九龍城AEON 入貨, 就順便來試試它的茶餐了~ 店子較狹小, 坐得不夠舒服, 不過不緊要啦, 有試過澳牛的你都知道食這類餐一向是easy come easy go, 快來快去, 只要食物好味就可以了! 選擇方面, 除了可以單點餐牌上的熱冷飲, 多士三文治米粉通粉都有提供 不過我想來得這裡的人大多會選茶餐吧~ 最貴的特餐是HKD 54, 價位比澳牛略貴, 它包恬: 牛油多士, 火腿炒疍, 沙嗲鮮牛肉湯意粉+餐茶 要抵食少許可以點快餐或茶餐, 只是湯粉變了叉燒, 而快餐則沒有了湯粉類~ 不過聯發這裡還有西多士和大大碗的炭火叉燒飯食! 下午茶時段還特別優惠呢~ 想了又想, 結果我點了大大份的特餐,很快就上枱了~ 多士即叫即烘, 表面金黃微濃, 飄來陣陣多士香味! 而炒疍肉眼見到都覺得滑嘟嘟 疍香令我要立即起筷! 用上滑滑的牛奶來弄, 炒疍濕潤, 充滿濃濃的疍香和鮮奶味道, 好好味! 多士用上厚底面包來烘, 中間塗了美味的牛油, 熱熱的面包把中間的牛油烘溶了, 傳來陣陣面包和牛油香, 一口

今日個FD帶我黎呢度食下午茶，我心諗點解要特登呢到呢間茶餐廳食呢，但食完之後真係一點都冇後侮，因為只係下午茶，所以我地只係嗌左兩份小吃，火腿奄列同腿蛋治其實個價錢並不是說十分便宜，但是份量和質素都係超水準!!先講火腿奄列，好大份，目測都有3,4隻蛋係入面，而且入面火腿份量十足，外面個層會煮得比較熟，而入面就係流心既蛋MIX火腿，成塊奄列有成塊面咁大！！而且有埋牛油多士送，作為下午茶真係一流然後黎既係腿蛋治，哇左一聲出黎，三文治入面舊蛋勁大，我諗應該三隻蛋走唔甩，重點係大得黎佢係非常之YUMMY，又係流心的內涵，我想講呢度既蛋真係超好味，有澳牛既質素，無聊睇下店入面既POSTER，先知原來呢度既廚師係澳牛轉過黎自己開店的，以後想食靚蛋唔洗去到佐敦咁遠了！！

九龍城的確是美食勝地，有大量很好吃的餐廳，蛋糕店，糖水鋪等等。所以有時得閒，都會過來覓食。今次就睇中左聯發茶餐廳。因為上次路過，見到唔少人排隊，從此就心郁郁，一定要試下味道如何約了一個朋友來食。在店外排隊時，才發現原來是澳牛三代傳人所開。所以店內，還是有主打嘅炒蛋。不過都有其他嘅創新，例如碟頭飯等等。不過，既然炒蛋係主打，咁一定要試啦！一坐低就喊左一個特餐，再加一個公司三文治。朋友食特餐，有炒蛋，多士，沙嗲牛肉意粉嘅黃金組合。公司三文治就夾有午餐肉，火腿，炒蛋，蕃茄，醬瓜，同芝士。由於朋友嘅特餐黎先，根據朋友定律，好自然我會jam 佢野食，啲炒蛋真心滑！正！完全唔輸澳牛。牛油多士都唔錯，好脆好軟，唔會好似一啲餐廳成塊都浸哂牛油太over ，亦都唔會太輕手好似冇烘過咁，係唔錯嘅一個牛油多士。不過，我都係覺得我食嘅公司三文治好食啲。都幾難形容，總之個包鬆軟，入面夾住芝士，午餐肉同炒蛋等惹味野，又咬到脆卜卜嘅蕃茄同埋醬瓜開胃。不過要投訴！有成四塊咁多真係食唔哂！如果唔係朋友大食就會浪費食物啦~

星期日去到九龍城，好想食個靚tea獎勵下自己😁同男友share左一份牛肉公司三文治，另外叫了一杯奶茶。一來到就比份量嚇親😳好厚好大份呀！可以清楚看到不同層次的材料，好吸引！😍公司三文治麵包烘得香脆，散發著淡淡的牛油鹹香。（總是覺得茶餐廳的多士係香口d😋😋)炒滑蛋又厚又滑，是綿綿的滿足。鹹牛肉配上多汁的蕃茄、酸瓜，更加鮮味❤️芝士增加鹹香👍🏻奶茶是一間茶餐廳的靈魂。呢間充滿傳統風味，茶香而不澀，香滑得很！為下午茶劃上完美句號。😋😋

M佬：唔該，我要一個特餐呀A姐：特餐？特餐有咩食㗎？店員：同早餐一樣囉A姐：咁早餐係咩嚟㗎﹖店員：同茶餐咁上囉A姐：咁茶餐又係咩嚟㗎﹖店員：唓，茶餐咪即係快餐A姐：快餐食咩架﹖店員：快餐同特餐一樣㗎（誤…wakaka）佐敦有澳牛，原來九龍城都有，同佢分庭抗禮嘅就係澳牛第三代傳人開嘅九龍城侯王道聯發茶餐廳，一樣係主打炒蛋，同港式常餐！所以，我哋要一個特餐、一個茶餐、一件公司三文治、一件法蘭西多士、一杯凍檸樂同一杯紅荳冰啦！特餐（牛油多士+火腿炒蛋+沙嗲鮮牛肉出前一丁）沙嗲牛肉麵可揀米粉、意粉、通粉或出前一丁，但M佬話，識食沙嗲牛一定係配出前一丁！牛肉夠哂新鮮，又滑又腍，而沙爹味嘅辣度適中，味道香濃！令到牛肉同出前一丁都索晒沙嗲汁，夠晒入味！而最驚喜係，同坊間嘅麵底相比，一啲都無偷工減料，大大碗好滿足！而火腿炒蛋就係呢度嘅招牌！炒蛋夠晒滑溜，仲好香蛋味添！聽講，呢度嘅炒蛋，你點炒都學唔到，因為有家傳秘方㗎！想試就只可以嚟到聯發喇！而牛油多士仲係厚多牌，好香脆，牛油仲好香，唔錯！茶餐（牛油多士+火腿炒蛋+叉燒湯意）叉燒麵可揀米粉、意粉、通粉或出前一丁，但M佬話，識食叉燒一定係配意粉！叉燒半肥

九龍城，飲食界聽到九龍城，應該淨係諗起泰國菜同越南菜「超水準茶記」同九龍城應該冇乜關係但當你見到聯發茶餐廳暗然銷魂飯、沙嗲牛肉， 同埋佢嘅無敵凍檸茶查底真係冇得彈呢度定價唔平我哋兩個人食午餐買單147佢個多士好厚好脆蛋好滑、蛋味亦都好滑想到枱嘅時候仲係熱辣辣， 好靚仔沙嗲牛肉有別於一般茶餐廳佢唔係好咖喱嘅辣味 反而似於日本咖喱甜甜地個湯意粉嘅湯好杰意粉略淋不過味道救翻整體嚟講都OK重點係叉燒飯個蛋有蛋汁，撈飯一流但係個蛋邊係燶既，好香口，賣相亦相當不錯叉燒係瘦叉（我最鍾意食瘦叉，我老公鍾意食肥叉） 呢隻瘦叉大家都鍾意食好juicy，味道亦好好有香濃蜜汁包著肉汁滿滿既叉燒好高質唯一挑剔嘅地方係個飯好林如果個飯落少d水，整體口感會提升另外一個茶餐廳嘅凍檸茶非常高質茶底香濃，有一點港式檸檬茶應有的苦澀味 呢間茶餐廳嘅門口係冇玻璃門既所以頭先食食吓有一隻烏蠅飛過衛生環境內部算係唔錯不過如果有道門可以防下啲蟲同埋飛蟲更加好

澳牛第三代傳人？好似走左n年 出品点就 不願致評了 山長水又遠去到 食唔到想食嘅就無謂啦 唉 以前出品真係唔錯！而家就.... 同楼下間茶記差不多。 係篤炒蛋好過麥當勞少少咋。真係想食嘅去反正牌啦！copy always copy!

隔幾個月，總係要來一次九龍城！想念這裏的茶記！☺️我係一個任何時候都可以食早餐嘅人， 男友則無飯不歡。聯發茶餐廳就正正啱晒我哋口味喇😋晚餐食茶記，都唔算好貴，所以就好豪咁叫咗個特餐$54。沙嗲牛肉出前一丁！掙扎左好耐，食健康的意粉或是出前一丁好🙈一場來到，要邪惡就邪惡飽佢啦！出前一丁煮得剛剛好，不會太淋！沙嗲牛肉味道正宗，是兒時在大排檔的味道啊！❤️牛肉滑身，份量頗多👍🏻多士又薄又脆，配上微鹹的牛油，不消幾下功夫就K.O.了！滑蛋嘅幼滑程度，睇圖都見到，充滿蛋香😋😋😋男友點了大碗的炭火叉燒蛋飯$68叉燒份量好多，入口即溶，肥瘦均勻！配上半熟煎蛋，拌飯一流！是黯然銷魂飯的味道（係冇洋蔥姐😆）每次來都必定encore！（自己一個食的話，更別有一番風味！）男友正一大胃王，再點了一份公司三文治（牛肉）。這是高級的中式漢堡包吧！ 牛肉半生熟，配上芝士、酸瓜片、厚身炒蛋、蕃茄等，配搭清新，令人滿足！到茶餐廳，點一杯奶茶，對我們來說，是一份堅持！（就是要試試餐廳的水準）😛茶走（跟餐）， 色澤明亮，入口香滑，茶味濃度恰到好處，不會太稀👍🏻👍🏻合格😌😏這是一間令人回味的茶記！👍🏻食完再食糖水，啱啱好！❤️

一直都覺得澳洲牛奶公司的餐好好味可惜佢選擇唔多當知道佢地家族係九龍城開茶餐所以放假特突去食不愧係受歡迎，一黎到門口已經有好多人排緊隊我地都等左一陣先入到去坐裝修同澳牛都差唔多因為當時太多人，所以我地坐左係卡位的一邊我地點左「炭火叉燒飯」 $68唔知點解特別鍾意食滑蛋叉燒飯呢度嘅叉燒每一舊都係厚切而且叉燒附有好多叉燒汁可以餸飯另外再有支豉油，可以加落飯度食整個飯其實都好夠味，所以加左好少豉油就足夠「茶餐」 $49有牛油多士，多士好厚身，經過烘過再塗過上牛油，食落好鬆香配有火腿炒蛋及叉燒丁叉燒雖然無飯果啲咁大舊不過一樣咁好味「法蘭西多」 $24炸到好鬆厚而不膩既西多士雖然食左個飯，因為實在太吸引所以都一樣食得落而且一啲油益味都無，好好味整體來講味道都好好食，選擇地比澳牛既多唔怪得咁多人要排隊去食

懶洋洋的星期六下午，的起心肝去九龍城行一行，搵啲美食醫一醫肚，經過聯發茶餐廳，想不到一間外表看似平凡的茶餐廳外邊係需要排一陣隊先有得入內進食架叫咗個快餐、特餐加多碗叉燒飯個炒蛋真係冇得頂，生熟比例好好，咬落好軟滑，又有少少，而且蛋味十分之濃郁，對蛋冇乜研究，但係我知道應該用啲比較靚嘅蛋炒出嚟先咁有蛋味！至於片多士（厚多士，因為真係幾厚身呀嘛 ）上枱嗰時，本來我見佢咁厚有點擔心，怕外面脆，裏面其實幾韌。食落先知呢個擔心其實係多餘嘅，成個麵包多士一口咬落去可以咬到底，好夠熱好夠脆，而且啲牛油溶晒入去好香口。老公叫嘅係特餐，有個沙嗲牛肉湯意粉，我都有食兩啖，發現佢個意粉湯係比平時出面茶餐廳濃郁，所以個意粉食落都幾夠味了。奶茶方面，茶香奶滑！重頭戲就是呢個炭火叉燒飯，冇想過可以在茶餐廳食到一個極品級嘅叉燒飯！餐廳的圖片真係冇誇張，個實物真係有勁多片叉燒，隻蛋真係煎得好靚仔。叉燒切得幾厚身，食落啖啖肉好正，有肥有瘦，微甜嘅豉油同埋半生熟嘅煎蛋先係靈魂所在，豉油引發左飯嘅香甜，而蛋黃撈埋叉燒同飯一齊食係呢個叉燒飯增添左一層滑溜的口感同濃郁的蛋香，呢個組合實在太令我嘅味蕾感動了！

呢間茶記都係以懷舊冰室既裝潢，別有一番風味。星期六晚上六時多去到，有好多位置。茶餐 $49叉燒通粉/意粉，我同朋友選左各一，叉燒幾蜜汁，肥瘦適中👍🏼 炒蛋好香滑，多士烘得脆身，幾好食！😋馳名紅豆冰 $26奶味特別濃，超多紅豆！吾會太甜，吾錯呀！最欣賞聯發既蔥花滑蛋叉燒飯 $63好香呀！滑蛋滑到bling bling咁！😍見到都心心眼！個滑蛋好大份！半肥瘦叉燒夠晒蜜汁👅 蔥花同洋蔥令到個味道錦上添花👏🏻 再加適量既甜鼓油一齊食，冇得彈呀！👍🏼 個飯都幾大份！最好同朋友share 食。公司文治 $46 可以揀豬或牛肉，我地揀左牛肉。一層咸牛肉配芝士，一層蕃茄滑蛋配火腿，夾埋一齊食，味道好豐富呀！吾會太咸，幾好食！😋 同埋賣相夠吸引，大大份，抵食！👍🏼

呢間餐廳~特別推薦滑蛋~我同幾個fd路經搵間餐廳食下野~我地3個人都同時覺得呢間餐廳d滑蛋好味~因為口感十分滑~滑得黎唔易碎!火腿蛋奄列超好食!一黎口感好味~ 2黎夠大份~滿足到大食既我!燒味飯比想像中份量小左d美中不足係入面無菜同埋蛋~因為其實我睇個poster係有~所以我就照叫=3=不過圖片不可以作準! 叉燒好大件~ 夠厚身~半肥瘦~質量係絕對不錯的三文治就夠大份~有2層均有唔同既送料組成一層係火腿蛋,一層係咸牛肉!份量絕對夠多多士有分西式同中式~2隻我都試齊~因為細細個好中意食~現在回味一下~唔會話烤得太耐或過晒火~ 可以一試

位於九龍城的聯發，是 澳牛第三代傳人開的茶餐廳。 從未吃過澳牛的我，今天特意來到九龍城吃晚餐。我們一行四人由四點起從九龍灣食到九龍城，食得非常滿足呢茶餐$49還記得第一次吃常餐是大半年前，還記得原本想去出名的荃灣嘉X餐廳，但因太多人而轉到旁邊的蘭X，那是我第一次吃常餐。茶餐包括:牛油多士或包，火腿炒蛋或煎雙蛋，叉燒湯意，餐飲。供應時間由11:00至22:30。光速呈上的厚多士和火腿炒蛋，果然有澳牛風格厚多士抹滿牛油，炒蛋色澤深黃，較一般的雞蛋色深，蛋黃味濃郁滑溜溜，但有點略油。叉燒湯意和湯通粉賣相不俗呢，熟度剛好，湯頭鹹味充足，但湯底不夠熱呢。我們拍照得太久，令意粉略為腍身了公司三文治$46公司三文治是我另一推介必食菜哦。賣相吸引的公司治可選豬肉或牛肉，任君選擇。超厚厚厚吐司烘烤微焦，夾滿咸牛肉，芝士，火腿，炒蛋，酸瓜，生菜一口咬下去，口感層次鹹香超豐富，正正子。滑蛋香蔥叉燒飯$63賣相也是很吸引的滑蛋叉燒飯，好友們都忍不住馬上開動呢。淋上色深濃甜醬油，口水都要流出來啦賣相像芺蓉蛋飯，香蔥雞蛋芽菜配搭完美，叉燒偏瘦香甜，哎呀，男人般，大家快速清光。

今天在 openrice 看見一張很吸引的相片，即時相約朋友開飯。

這裡是九龍城的聯發茶餐廳，早已決定吃原個蕃茄牛肉飯，入座後，即時點餐，但實在失望，原來蕃茄牛肉飯要六時後才供應。唯有轉點次愛的特餐，烘得金黃酥脆的厚多士，塗滿半溶的牛油，絕對是經典人間美食，搭配著火腿煎蛋，趁熱吃下那兩隻半熟蛋黃，口感非常順滑。

還有沙嗲牛肉通粉，牛肉軟腍入味，通粉是沒有坑紋的，可惜口感偏硬，未夠火候，而且湯底亦過於濃稠，如可稀薄一點，更覺美味。

朋友點了茄蛋三文冶，質地鬆軟的厚身麵包配上飽滿的炒蛋，口感幼滑水潤，蕃茄亦新鮮清甜，完美配搭。

朋友至愛的西多士，烘得金黃，抹上香滑的牛油及蘸滿糖漿，熱辣香甜。

飲品點了熱檸檬汁，酸甜之味，十分醒胃。

這裡的食物新鮮熱辣，滋味十足，今天吃的是特餐，但改天要再來吃個晚餐，點的當然是蕃茄牛肉飯。