聯發茶餐廳

營業中

休息中

因為懶，冇去佐敦食澳牛。因為懶，令我好後悔。午餐黎講，茶餐（$49）同特餐（$54）相差$5，分別係特餐可以叫牛肉。我就叫左特餐，牛油方包、火腿炒蛋、沙爹牛肉通粉及熱華田。賣相麻麻，火腿炒蛋份量少，而且唔夠滑，牛油方包來貨質素，冇乜特別。後悔叫呢個餐嘅主因係沙爹牛肉好鹹，而且同通粉唔夾，我見其他人叫出前一丁，咁可能會夾少少。唉，聯發比起澳牛真係差好遠，無論係價錢同食物質素，都係差幾個level...

星期六經過諗住食個lunch 我以後吾會再黎 真係比錢去食野要受埋氣 因為坐位既問題佢係到 b le ba la 係直頭鬧你 係你安排得有問題 明明有人排緊隊 突然有人衝入去佢就比左第二個客入 咁排隊黎做咩 仲要聲大夾惡 其實你間野冇咩咁巴閉 就算你間野幾咁好食 你地d態度咁樣 人地黎食野你咁樣鬧人 幾好食都吾會再黎啦 你多人做到燥係你既事 吾好發洩係d客到 你既做法完全係趕客囉 一心諗住一家大細去食野 比個收銀呀姐激到啤一趕 希望聯發老闆注意下 改善下啦吾該 收銀呀姐你禮貌d啦

每逄見到叉燒蛋飯，都會好想食同即刻叫，但今次係聯發茶餐廳見到，我都考慮咗一陣，因為覺得有啲貴($68) ，但又未去到明蛛閣$9X這類價錢。諗咗一陣都係叫咗，因為個名同張海報都相當吸引。送到面前雖然話$68蚊，但我都覺得可以的，因為叉燒份量多又淋又好食，試吓都無妨，但如果送杯飲品就會覺得抵啲。開始食的時候發覺碗飯無豉油汁，原來有支豉油另外上的，加埋豉油汁就相當好食。

放假起身 已經12點了呵呵 去到九龍城找好食的今天特別想食多士🤤就去排隊囉～等了十分鐘就進去啦❤️價錢真的一點都不便宜呀呀呀😱點了茶餐跟黯然銷魂飯 配一杯奶茶 埋單就$120了🤦🏻‍♀️$68的叉燒蛋飯比中環還要貴不過叉燒真的蠻好食叉燒看起來很瘦 可是食的時候 卻軟軟的最想食的多士終於來了🙈多士真的好好吃！！！🤤多士很厚很厚 超棒👍通粉就普通囉 沒特別可言****要算亮點 就是他們是用廚師腸❤️****

因為太掛住澳牛，一試常餐，义燒多士還可以，但意粉及湯底就...極之失望，由其是意粉湯底，又油又結，意粉又淋，食咗一半已經唔想食，食完還肚痛，無下次！其實佢地可以做好D，九龍城唔多茶餐，位置適中，奈何！

平時一想食茶餐廳茶餐炒蛋多士一定只會諗起澳x 牛奶公司，食餐肉通粉一定會諗起義x, 今次去到九龍城，冇target 食咩，見到聯發茶餐廳唔駛點等位，就入左去試下啦上一次其實都係度食過西多士，今次就試番最正式嘅茶餐廳茶餐啦！茶餐以$49黎講並唔係平，但要睇埋質數嘅～炒蛋，火腿同厚多士同澳x 差不多好味, 午餐肉通粉又同義x有得比～ 通粉唔會硬硬的，湯底唔會如水一樣無味。朋友就叫左炭火叉燒飯，唔知點解我會諗起黯然消魂飯個樣都好似好好味咁，厚切叉燒，試左一件又真係有炭火味喎！但以呢碗為之大碗來說，就冇想像中咁大碗啦 最後的餐茶，凍柯華田同埋凍奶茶，朋友話杯奶茶都幾好飲... 佢仲有特餐，但唔好沙嗲牛嘅我冇乜興趣啦整體黎講味道係ok嘅，但價錢就唔可以叫抵食啦，特別係個叉燒飯.... 如果都係食叉燒，以佢嘅座位編排可能我會揀去番太x

周日好去處 聯發茶餐廳 九龍城男人的浪漫 麻甩的味道 ☺️ 呢間鋪頭分左兩款叉燒 普通常餐嗰款 叉燒 係似我哋係一般普通茶餐廳食到乾身又好薄身果種而呢一個🍳叉燒飯就唔同！係用厚切嘅...可能係梅頭肉🐽 炭燒叉燒 足足有五大片 然後加上秘製醬汁 估計係少少滷水味 嘅汁🤔另外餐廳再提供多一樽豉油你任你落😮講返個蛋先 個蛋就 係一邊燶一邊唔燶既令令太陽蛋！但女孩子始終想 多選擇 多野食 所以次次黎茶餐廳 常餐牙特餐牙 全部都係我既選擇！呢度另一出名係 沙嗲牛肉麵 🐄不過我欣賞餐入面個蛋同多士多d 夠驚喜 夠足料 係幾抵讚加喎又😳試下囉米 不過要就翻小小時間排隊等等 知無🤗

有日朋友問'泰妹，你有無試過九龍城既聯發茶餐廳？ 佢地既叉燒飯同公司三文治好出名既woo!'我答' 無woo'就係因為咁樣 我就上網睇下聯發係咩料子喇一搵之下原來發現聯發係澳洲牛奶公司既第三代係九龍城另起爐灶，因為咁樣令我更有興趣一試撞岩今日我又係九龍城工作，順理成章聯發係我唯一醫肚選擇一入到茶餐廳，即覺得聯發既裝潢格局、枱櫈什至連餐牌都同澳洲牛奶公司好似我一個人 就被安排坐於對牆既一人位老闆的確好善用店空間唔會哂左任何一何位置澳洲牛奶公司 以我記得係無飯類既野食而聯發就有幾款我今次就簡左朋友過出名既炭火叉燒飯喇一上枱我見到已覺得非常吸引半肥瘦既叉燒再配上一隻太陽蛋每一舊叉燒都大大舊一半肥，一半瘦 （係好分明的半肥瘦）而每舊都係超厚切其實食到第三舊已經膩膩地但的確唔錯每件都有點炭燒香味而且亦有甜甜既蜜糖味讚👍🏻另外，當你叫左呢個飯後待應會另上枝醬汁如客人覺得唔夠汁 就自行添加我呢d醬怪就岩哂蛋黃汁加埋小小醬汁撈埋飯一齊食無得輸我就叫左大碗再加杯凍飲一個lunch 埋單$90確實有點貴但耐唔耐一次唔緊要啦😁😁

今日o係九龍城附近上完堂, 真係餓到一個點。原本諗住出反旺角打邊爐, 不過已經好累同好餓, 所以都係留反係九龍城食個便飯算。我同朋友入左一間叫聯發茶餐廳既茶記食野。見佢入面都幾光猛, 感覺都幾乾淨, 貪茶記夠快! 快D食完快D反屋企。我叫左番茄鮮牛飯, 朋友叫左豉椒牛肉飯, 2杯凍檸茶, 大家SHARE食。上菜速度無令我地失望。$68蕃茄鮮牛飯呢度既係原隻蕃茄上, 幾特別。下面有好多牛肉同埋滑蛋。個蕃茄好新鮮多汁, 酸酸甜甜, 幾清新既感覺。牛肉同雞蛋夾埋好滑, 個汁溝得幾好, 好開胃。整碟飯份量偏大, 食埋個蕃茄真係有D飽.$63豉椒牛肉飯雖然呢個無蕃茄牛肉飯咁得意, 呢碟其實都唔錯。個豉汁好夠味, 但唔會太咸, 岩岩好。幾有獲氣。好多青椒哦同埋。呢間茶記都唔錯，幾好味，一人一舊水有找，都幾大碟。

姊妹淘約出嚟傾心事一定要試返個豐富嘅下午茶。之前聽朋友介紹話聯發啲嘢食好掂，就專程來試吓。下晝3點半，朋友先食今日嘅第一餐，我哋決定點晒呢度嘅招牌菜式！炭火叉燒飯（細 ）$55，份量比想像中細，有五至六件厚切juicy肉嫩嘅叉燒，相比起大碗有蛋又有菜$68，都係叫大碗抵啲：）西多士餐$38，必食推介，賣相非常靚仔，多士麵包double厚度又挺身，唔似街外嗰啲一上碟件西多就凹陷。趁熱等面頭舊牛油慢慢溶化，再淋上一層糖漿，真係人間極品！公司三文治（牛）$46，麵包夠哂份量，餡料豐富，有免治牛、酸瓜、火腿、芝士、蕃茄，仲有至愛嘅滑蛋添！檸蜜（跟餐）、茶走$20，熱飲都按照傳統，用具厚度瓦杯裝先至係皇道，飲落確係滋味啲，茶走茶香又滑，值得一試！

LUNCH時間黎到, 都要等10分鐘先有枱, 因為多人所以都分左2枱, 疑似店長呀姐已經好似渴住我地快D坐低咁落左單食物好快就上枱, 但應該係廚房放左一排, 因為全部食物都唔熱, 意粉浸到好淋, 不過多士仲係鬆脆, 炒蛋都係滑既。疑似店長呀姐話野飲轉頭先嗌, 但食食下想叫野飲, 叫完之後攪到侍應姐姐比人鬧, 話張枱太細放唔到野飲, 唔應該幫我地落單喎 總括黎講, 都係普通貨色, 唔會想再試。

放假難得嚟到九龍城，食完頭先隔離嘅牛腩，就同屋企人四周圍行！黎九龍城之前已經做足功課，知道呢度有一間又名九龍城澳牛嘅茶記，行到攰攰地又來竭竭腳！地點喺九龍城街市隔一條街就到。除咗炒蛋之外，呢度嘅法蘭西多士都係吸引我來嘅其中一環！呢度同澳牛唔同，就係除咗常餐之外都有好多其他嘢食。我哋叫咗個公司三文治拼牛肉，估唔到原來咁厚咁大份！麵包烘得金黃香脆！入邊嘅蛋好滑！ 唔怪得有九龍城澳牛嘅稱號！呢份三文治食落層次分明。另外當然就係要是法蘭西多士！同樣比我想像中好好多！ 外表炸得好黃金香脆， 感覺冇平時嗰啲咁油膩！麵包厚得來鬆軟！可惜中間冇花生醬，你平時嗰啲冇咁香。同時試咗一個叉燒飯，本來諗住叫細嘅， 但阿姐話大嘅會有埋煎蛋同埋菜， 咁我就要左大嘅！估唔到叉燒飯都不錯，叉燒係半肥瘦，外表燒得香甜，蜜味香！不過美中不足係如果隻煎蛋有燶邊會更好了！而家感覺有點生。屋企人要左杯紅豆冰，佢話紅豆好淋，不太甜，不錯！

茶餐廳算是香港飲食特色之一，所以我一放假就找尋特色餐廳試試。聽聞九龍城的聯發出名是叉燒飯同超厚公司三文治，內裡餐廳整齊乾淨，都幾多人排隊架。茶餐廳必有的特餐，麵包也是超厚，等於兩塊多方包厚度。凍檸茶少冰但也少糖，味道太淡...而凍奶茶茶味不算太濃，有點甜。炭火叉燒飯 （大）$68，另有細碗size，但沒有蛋及菜賣相不吸引，比起同檯客人的那碗遜色得多，只怪自己運氣不好。叉燒大舊但沒有叉燒醬味道，也未夠燶，而且不是用上燒味豉油，無咸味似是老抽，味道好一般。公司三文治$46，可選牛/豬，豬肉就是午餐肉。厚多士、芝士、火腿、蕃茄、午餐肉、炒蛋等等，用料相當豐富。炒蛋好滑，整體配搭不錯，所以超推介大家試下。

整個蕃茄鮮牛肉飯($68)-之前睇相見到原個蕃茄上非常𥄫睛 已經決心要一試佢個蕃茄汁好濃郁 甜甜地加上滑嘅蛋 撈飯食一流🤘🏿蕃茄蛋真係點整都咁正🤤🤘🏿上面個蕃茄蒸到熟透充滿新鮮天然蕃茄汁 酸酸地🤤不過牛肉真係 好 失 望🙁10舊有9舊都超 韌🙁韌過橡筋呀媽呀🤦🏿‍♀️說好的鮮牛🤦🏿‍♀️整體來說還好如果可以改善一下牛肉質素就好了-價錢不太親民宜家啲茶記越來越高級貴價化了🙁🙁🙁🙁-

唔講都唔覺九龍城而家開左好多唔同類型既餐廳，以前就話係泰國菜既天下，而家越開越多，今次我食既係呢間雖然叫做茶餐廳，但係入面既裝潢就比起一般既茶餐廳要得乾淨，而且整體感覺上會比較衛生今次我叫的是滑蛋蝦球飯，等左大約5分鐘，一碟熱辣辣的碟頭飯便上到我的台上，這道飯的份量很大，幾乎將整隻碟也覆蓋住了，而當中一半是滑蛋蝦球，另一半就是滿滿的飯，份量來說絕對夠一個成年男子吃飽！先說一下個滑蛋蝦球，真的是出乎我意料的好吃，很多人都會覺得到茶記吃飯都是為了飽肚而已，但這裡的碟頭飯卻是以質素取勝，因為這滑蛋實在太好吃，滑流流的，一口蛋一口飯是絕好的配答，而且蝦的數目也有很多，基本上每一口都會有吃到蝦球，而蝦球也很嫩滑，真的是貨真價實的材料老實說價錢並不是最便宜，但食物質素真的是別家比不上，絕對是值得一試的餐廳