聯發茶餐廳

營業中

休息中

茶記一個特餐頂多䦉拾，呢度收得伍拾䦉，應該要有要求。餐包括腿炒蛋加多士，爹牛丁，同咖啡。火腿：煎都唔煎，無誠意。炒蛋：收得我54，同澳牛比差好遠，但同普通茶記比又好一點。多士：好好食，抵讚。爹牛丁：呢個絶對出色。咖啡：一般茶記水準。唔識食嘅我，試過就算，絕不會推介，因價格絶不合理。

一向鍾意食d街坊餐廳，唔好食都唔肉赤。其實佢係九龍城開左冇幾耐我就食過一次，真係唔錯，有澳牛水準。事隔一排... 估唔到會差左，明明有時都仲會見到有人係門口等位。叫左個茶餐配啡走。炒蛋冇滑蛋有蛋汁ge效果，偏乾身... 同澳牛個隻差少少。食到有一著麵未散開... 叉燒屬於厚切，肉較多，唔係脂肪平均分佈個d酒樓叉燒，不過唔「鞋」同易咬開ge，係唯一覺得keep到水準之作，比火腿通/麵抵食。啡走唔重奶香，冇咩特別，只可以話不過不失啦...可能對「澳牛傳人」呢個名有期望，估唔到咁快就水準下降... 短期內唔會再試，又唔算平。

今天去了九龍城, 本來想吃另一家西式餐廳, 怎知這茶餐廳門口有一堆人, 吸引了我和老婆. 等了15分鐘, 到我們了. 我叫了茄蛋治, 老婆叫了餐. 茄蛋治:蛋滑嫩, 蕃茄微酸開胃, 面包脆, 三者合起來很好吃. 餐:這不是我吃的, 是老婆吃的. 不知道味道如何, 只放相片讓大家參考一下. 她的反應是 "幾好味".如果有在家試試炒蛋的人, 應該會更佩服炒蛋炒得好的茶餐廳. 這手藝真的說難不難, 說易也不易. 老婆曾經讚我炒蛋炒很好, 但我自覺跟這些茶餐廳還是有一段距離.

香港茶記，不外乎早餐、午餐、晚餐、特餐、茶餐、常餐....大致上千篇一律，話雖如此，這正是香港茶餐廳的特色！路經九龍城，來到「聯發」，其後才得知這是「澳牛」的分枝，怪不得內裏的裝潢格局有幾分相似！茶餐牛油多士配以火腿炒蛋，炒蛋帶有少許蛋汁，但稱不上嫩滑，實力未到澳牛的水準，只屬中規中矩。奉上兩片沒有煎過的火腿片，味道不太討好。多士烘得過火，以致表面微燶，樣子乾巴巴似的，但勝在熱溶牛油塗得滿滿，包身入口外脆內軟，尚算不俗！叉燒出前一丁，麵質比較爽彈，不是腍軟的劣質口感，叉燒肉質較韌，但肉香味是濃郁的，仍可接受！用瓷杯盛載的茶走，茶香度、甜度、幼滑度十分得宜，這已值回票價！香港人每天營營役役的為生活打併，閒時不妨四處遊走，品嚐香港獨有的特色美食，享受一下悠閒時光吧～

今日咁岩經過九龍城就黎聯發到食左個特餐。總共等左差吾多半個鐘先有位，而且坐位好窄，落單小姐態度麻麻，最吾鍾意就係俾錢買難受，特餐係沙嗲牛意，我跟左腳蛋治同奶茶，沙嗲牛的湯底好白，好似係加左忌廉🤔🤔，份腳蛋治係一份，吾係半份，所以女仔食應該食吾晒，廣告寫到好食到出層入火的蛋治對於我黎講係普通到無得普通，個蛋係足料，吾會覺得溝水，但$52一份，如果佢溝水，應該會俾好多人差譚口，所以依個價錢，加上坐位吾舒服，試一次就夠。

女朋友成日都聽電台, 佢話最近被扑頭果位就係成日去依間食窩蛋免牛飯, 食完就出黎俾人扑左個頭, 所以我地就特意黎試下依個飯!食之前都睇到好多食評話依度係澳牛果類, 入到去個格局同食物都好相似既, 但依度非常乾淨, 好似岩岩開張咁服務員既態度就當然亦都比較好啦窩蛋免牛飯到! $60份量十足, 個汁非常之多, 每一啖飯都可以撈好多汁黎伴平時出面果D窩蛋免牛飯係類似肉醬意粉既肉醬咁打到碎哂, 加埋隻蛋, 而有D甚至唔係窩蛋, 係變左荷包蛋所以依度既煮法非常好味, 將隻蛋同免治牛撈埋一齊食, 加埋韭王, 會忍唔住係咁一啖一啖咁"爬"入口!*不過$60... 我係覺得貴左少少既

聽聞係澳牛第二代開既, 佐敦果間成日大排長龍, 每次我都只能夠外賣腿蛋治品嘗, 今次黎到九龍城, 就一定要去坐低慢慢食.  人流唔算太多, 起碼無左好多自遊行同胞, 可以慢慢歎一份常餐, 一定比打衝風食法開心.餐牌大致同佐敦澳洲牛奶公司一樣, 牛油多士為主多了碟頭飯餐牌, 但設有供應時間最後都係點番個常餐, 厚多士跟澳牛一樣美味.  環境是整齊乾淨, 可慢慢坐, 沒有人催促你埋單

究竟咖啡裡面有檸檬核係咩玩法？伙計態度差。同佢講個麵要生啲，來到又脹又淋。沙嗲牛啲牛肉又少又諧口。隻旦係幾滑嘅...但得咁多若果唔係比起澳牛同華聲順路我都真係唔會來...成日都見好多人排隊...係咪食客要求真係低咗咁多...

聞說由澳牛二代經營的茶餐廳，走中產路線（即係價錢唔平），但服務係澳牛級數。特餐有火腿炒蛋，多士，沙爹牛肉麵，飲品($52，凍飲加$2）是日茶餐有西多同紅豆冰（$38）。紅豆好大粒，夠甜，但淋d仲好。炒蛋同澳牛差不多但好似澳牛香d，多士夠厚好鬆軟，沙爹牛肉丁麵最驚喜因為湯底夠濃。反而奶茶就茶味太濃有點澀 。如果唔介意茶餐廳格局收五十幾蚊一餐，又想唔排隊地試下澳牛的食物，可以一試。

真係唔知點解次次黎餐d檯都放「留座」，好反感囉。 同埋佢d餐真係好貴。 我叫左個 沙爹公仔麵，除左出面份量多d外，真係冇乜特別。 咁多年餐牌來來去去都係個幾樣，好悶，希望可以加多d選擇俾食客選

公司喺附近，有時會同同事到聯發lunch! 嗌左個set lunch，有火腿拼炒滑蛋、牛油多士、餐肉麵、熱檸茶! 份量超多，次次食都食唔曬，今次都唔例外，所以每次黎我都唔食早餐炒蛋係佢地既招牌菜，我覺得好味既，不過黎到就要盡快食，咪放得耐會水水既! 餐肉麵好大碟，我個人覺得個麵唔係一個麵，而係超過一個!整體黎講ok!

這裡是澳牛第二代成員所開，食物的款式、路缐大致上相若，只是這裡還多了一些碟頭飯。不用多想便叫了一客茶餐、西多士和紅豆冰。茶餐 ～ 多士一早烤好，怎能不韌，餐肉通粉煮得不會過淋，還有一點點咬口，算是合格。炒蛋也追得上澳牛的水準，香滑有蛋味，算是今次最出色的一味。西多士 ～ 這裏的西多士是傳統式的，㚒心沒有餡料，反而更能吃到它純綷的味道。可惜這次吃到的麵包質感太淋，軟趴趴的一點生氣也沒有；相信最好的廚師也不能讓它「起死回生」。😖紅豆冰 ～ 每次吃紅豆冰，均喜歡事先將紅豆和奶水攪拌一番，令兩者溶合，總覺這樣才能將它的美味完全發揮出來。但今次攪動了一分鐘，顏色仍然是白白的，豆跟水各有各的互不協調；一試之下果然同心中所想的一樣，紅豆煮得不夠火喉，沒有軟腍起沙；難怪水和豆互不理睬吧！另外糖也實在下得太重手了，幾乎是每喝兩口红豆冰就要喝一口清水來中和那甜膩的味道！澳牛第二代？還有很多進步空間吧！

行過見唔洗排隊，就入去試下叫左 茶餐同特餐主要係想試下佢既蛋啫真係炒得好滑，好味道！用出前一丁，有誠意！但味道普通平平無奇既叉燒意奶茶夠濃夠滑不過員工態度就爭d木口木面野都未食完就擺個留座牌好似趕你走咁

慕名而來門口有大量錶位 對駕駛人士都算方便。晚上大概6點幾黎到，唔使等位 可以直接入點左2份餐第一份點特餐沙嗲牛麵配火腿炒蛋如果揀麵佢應該會直接就係出前一丁 唔使額外加錢都幾香沙嗲味同麻油香 但湯底偏濃第二份點左茶餐轉餐肉米同火腿蛋三文治三文治有2舊 中間夾住滑蛋同火腿都幾厚 唔錯餐肉煎得都香 唔會燶 但碗米個湯底都偏咸整體都唔錯，係湯底偏咸左小小，但滑蛋夠香加分比起澳牛起碼多左沙嗲牛揀 鍾意食沙嗲牛既人會多左選擇

我本來係澳牛控，儘管好多人話澳牛名過其實，但係愛蛋嘅我真係好鍾意澳牛嗰個味道濃郁嘅炒蛋。所以得知第三代自己開咗間聯發茶餐廳位於比去澳牛少一半路程嘅九龍城，是日公休，去朝一朝聖!門面裝修餐牌都學足父輩間澳牛，但係阿第三代竟然話一直想低調唔特別話俾人知佢同澳牛有關係，我真係服咗佢。坐位比澳牛舒服，全店大約坐咗6成客人，靜靜哋，同澳牛嘅全日爆滿真係大相逕庭。我搭枱坐一張中央四方枱，只有對面有另一客人。一睇餐牌我比價錢嚇咗一跳，比澳牛貴6蚊?唔係化......九龍城啲租咁貴咩? OK, 好食就冇所謂啦。我覺得多咗彈性可以轉餸同麵嘅種類，真係一大賣點，不過真係僅此而已。意粉冇煮太冧我都幾滿意，餐肉乾硬，最可惜係個炒蛋得個樣，零香零味道搞到我要加鹽 (我食澳牛從來唔駛加任何嘢落炒蛋度㗎)，麵包冇咁軟熟，凍好立克淡貿貿到水咁。Sorry, 我都係返翻澳牛食罷喇。要我再幫襯真係要諗諗，佢其實仲有個未轉凍飲已經52蚊嘅所謂特餐(一般茶記都有嘅沙爹牛麵加火腿蛋連飲品囉); 同埋咩夏日限定紅豆冰加西多士餐($38)需唔需要試，真係大家自己諗啦!結論係: 你只要以一間普通到唔普通但係價錢唔平嘅茶餐廳去食其實係