聯發茶餐廳

營業中

休息中

今日同老公2個人專登去呢間茶記食野，因為近來都幾多人講，話呢間係澳牛第幾代既後人開，咁就梗係試下好唔好食啦，星期日晚上18:30去到，都唔係好多人，唔使等就可以入去啦，環境都可以，服務就麻麻地啦，叫左好多次先幫我落單，叫左2個茶餐，一個要沙嗲牛肉意粉，另一個要沙嗲牛肉出前一丁，個沙嗲牛肉意粉好食，湯好濃，但略嫌牛肉過靭，而個出沙嗲牛肉出前一丁就麻麻啦，因為佢用返出前一丁個味粉，所以冇咩沙嗲牛肉汁，個人黎講唔贊成叫出前一丁，個多士好厚，但個人意見係可以焗多少少時間同多d牛油😝，炒旦係滑既，但冇咩旦味，野飲同一般茶記冇咩分別

以前去茶餐廳食常餐係貪佢又平又飽肚，今時真係唔同往日，一個常餐至平都三十幾。今日去左呢間茶餐廳，門口好多介紹，睇到個餐牌嚇一嚇。特餐盛惠$58，茶餐都$53，本來想食其他，但見去到就試下啦。快餐真係好唔抵，多士加煎雙蛋加支奶要成$43，唔太餓嘅我都唯有叫茶餐。上左菜後係有驚喜嘅，厚多士外脆內軟，加埋蛋上去食一絕。兩塊多士輕鬆KO。沙嗲牛麵係用日本版出前一丁，都叫落足本。湯底都幾濃，不過牛肉唔多。火腿通得兩塊細火腿，但個通粉好食，唔係一般茶餐廳好淋好散，反而好有咬口！總括而言，味道係好，耐唔耐一餐都ok!

今日行完花虛冇野做又冇野好行走左去九龍城搵下有冇特別野食見今日天文台話涼涼地諗住打邊爐但又誤打誤撞見到有煲仔飯就決定一試雖然價錢貴小小69蚊一客得4款選擇我同老婆一人叫左一個窩蛋牛名窩蛋臘腸講真 佢真係比左好多油 先冇咁癡底味道幾好上到台真係熱到滋滋聲但係飯焦真係好好食 係黑左幾多但係好脆反而個老抽汁真係冇咩味冇野飲要另外加錢 =-=

星期日夜晚，同朋友係九龍城搵嘢食，行過聯發茶餐廳，就入咗去試下。同朋友每人叫咗一個茶餐，有牛油多士，火腿炒蛋，义燒湯意粉 ，咖啡或茶。多士係厚多，外脆內軟，熱熱地，好香，好好食。炒蛋好有蛋香好滑，不過記得要趁熱食，凍咗真係無禁好食。另外仲有兩片火腿，佢都幾大份，剩係食多士同炒蛋都飽咗一半。义燒湯意粉，我轉咗食麵，佢地個麵用日本版出前一丁，感覺特別正，义燒少少肥肥地，肉質好淋，切到少少厚厚地，唔會好乾，有口感。朋友將义燒轉咗午餐肉出前一丁，賣相好吸引，午餐肉煎到燶燶地，好香口，不過得兩塊，如果多D，會覺得仲滿足。餐茶叫咗凍檸茶同凍咖啡，都幾香茶味，唔會好甜，味道ok。雖然佢地個餐都唔算平，不過食完覺得幾好食，貴少少都可以。

放假要食好西~ 上網睇D人話呢間係澳牛2.0就一於試下.去之前已經做定功課諗好食咩, 一坐低就可以叫了~ 最後叫咗三款主打. 首先係炭火叉燒飯(大). 大碗同細碗的分別就係多了隻煎蛋同條菜. 因為隻蛋好重要, 所以諗都唔洗諗就叫了碗大. 先講隻蛋, 煎得非常靚, 蛋黃好吸引仲有燶邊架. 而叉燒係厚切大大舊,唔似得有D地方切到超薄如紙咁. 叉燒味道是不錯的, 不過食唔出炭燒味, 同埋多返D肥會比較好食. 而飯方面希望可以再多點汁就好. 之後就茶餐, 有叉燒湯意粉, 炒蛋同多士. 意粉硬度剛好, 唔會係浸咗超耐脹晒果隻. 個湯有D似忌廉雞湯既味道, 不過又唔肯定係唔係. 而炒蛋就好滑, 入口就滑了落肚lu~ 最後就公司三文治, 個三文治黎到真係嘩一聲, 好大件, 好足料. 叫咗個牛, 原來係咸牛肉黎架, 好開心因為已經好耐冇食過. 整個三文治口感好充實, 多士夠晒厚同有烘過, 外層有少少脆. 入面夾住炒蛋, 咸牛肉, 蕃茄, 酸瓜, 火腿同芝士, 真係非常多料而且好好味. 今餐食得好滿足, 仲好飽~ 個公司三文治真心好好味, 推介呀.

去到九龍城又點會吾去聯發試試呀，始終澳牛後人開嘅，點都要潮潮聖嘅！我湊完小朋友返學，咪去食個早餐，大約九點啲時間，不過係要拎飛仔等位嘅😑😑我諗如果好味，有心試嘅，等下冇妨！👌🏻喎，吾使等好耐就有位，好似澳牛甘，都係得嗰個餐叫🤣🤣🤣落單快，上菜快👍🏻炒蛋顏色好靚，好鮮黃，味道吾錯，夠味！個多士係厚多士，重要打孖上，我最后都食淨一塊🤦🏻‍♀️另餐裡我揀左火腿丁（吾使加$👍🏻👍🏻👍🏻）我自己口味覺得杯奶茶吾錯，個茶底幾好！吾會有喼味！整體好味，飽到上心口🤣🤣值得推介😉

放工後揾食，同事提意食呢間講真我覺得冇咩特別，抄滑蛋同脆多士都合格，不過同類餐廳多的是，但佢早餐價錢貴過其他。裝修傳統既茶餐廳，不是太好坐唔可以坐太耐吹下水，下次都係去其他

放工和同事去左法國醫院探病後已經差不多晚上7點半, 近近地去九龍城搵食。行左幾條街都無乜頭緒, 可能又唔太肚餓。有幾間新開的小店, 可惜也是滿滿人龍, 最後吸引左我地係入一間茶餐廳, 原因係推介炭火叉燒飯。餐廳叫, 與其他茶記無礙, 但十分光猛而且地方亦乾淨。餐牌食物款式唔算好多, 不過入得去真係想去試食炭火叉燒飯。叉燒飯有大及細, 大的$68, 細的$55, 價錢不包飲品。老實講, 價錢真係貴。但講到咁出名，我和同事最後叫了一個大炭火叉燒飯及快餐(炒蛋,牛油多士配熱奶茶)快餐(炒蛋,牛油多士配熱奶茶)牛油多士是用上厚多士, 炒蛋好大份,炒得好滑,蛋味濃。熱奶茶因為怕訓唔著, 只飲了幾啖。無想過咁香咁滑,好好味。炭火叉燒飯最期待的炭火叉燒飯, 上枱時擺得好靚, 加上顏色鮮艷。紅色=叉燒, 黃色=蛋黃, 白色=蛋白, 綠色=菜心。厚叉燒有8片, 肥瘦適中，肉質好淋身, 做得出色。還配有一隻太陽蛋和一條菜。食後感覺不錯, $68未免貴了一點, 如果可以配埋飲品, 成為套餐相信更吸引客人。

落九龍城居然唔系食泰國野。黎到呢間比喻為澳牛2.0既聯發，間舖門口系無玻璃門全開放型，但可能夜晚關係，又唔系好熱咋喎~~ 店裡面燈光光猛整潔，夜市只有3-4枱客，門口仲可以泊車添！今晚並唔系食光速餐。想點呀！食寡佬飯依~~ 超乎想像既寡佬飯，賣相吸睛，有造型，亦都唔系得個樣，好有內涵好好味 原隻蕃茄鮮牛肉飯 令一碟平平無奇既鮮茄牛蛋飯 將焦點轉放在宜家香港人掛在咀邊既健康飲食上 用上原隻蕃茄先煮熟去皮放上飯面，又有鮮牛又有炒蛋，酸酸甜甜整體感覺良好。呃到唔少Like 蔥花滑蛋叉燒飯叉燒炒蛋做到蛋包飯咁樣覆蓋晒整個飯 呢度除左用半肥瘦叉燒外，仲加上蔥花及洋蔥炒滑蛋，令層次更好更出整體來講，除左光速餐，寡佬飯都好得。p. s.希望店員比多少少寬容唔好黑面

一直見到好多人都介紹話這間位於九龍城既聯發炒蛋好味過佐敦澳洲牛奶, 其實我都多年無去澳洲牛奶度食野, 果度真係多人又迫, 食野食到咁唔舒服更好味都無用.上星期六無無聊聊決定一早去九龍城聯發試下啦...估唔到9點幾來到都要等位,認真巴閉...好彩等左唔夠3分鐘已經可以安排入座.早餐都係得3款選擇價錢盡對唔平呀..不過份量亦相當十足.友人就叫左個火腿通+炒蛋多士+飲野, 而我就真係無咩胃口只係叫左個炒蛋多士+飲野就算..其實2個早餐都係差3蚊, 不過食唔落就係食唔落架啦.. 友人既通粉係似忌廉粟米湯底係非常之濃郁既..不過真係罐頭湯..唔算特別好味.至於佢地出名既炒蛋係做得唔錯, 但我就覺得塊多士偏硬又無牛油香,杯茶收得咁既價錢, 茶無苦澀係應該...所以整體來講食物都只屬一般叫做試過就算.地址:九龍城侯王道2-4號地下1號舖

不是難吃，只是慬慬合格。炒蛋多士，外觀炒蛋顏色很鮮黃，可能是不同貨源，但食得出麵包不是太新鮮，我點的是多士，而不是淨包了：（ 配搭午餐肉通粉，送上檯的時候，通粉的湯熱到燙嘴，但湯底的cream base還有明顯細粒粒狀，由於是罐頭忌廉湯煮出來，要煮開滾起，最想提及，還要是煎午餐肉一片，可惜是，咬一口是凍的, 要經過火熱湯底變暖（多此一提，$10加多一片餐肉）。咖啡濃、但不滑，最後請樓面幫我「走糖-加煉奶」再飲多兩啖。

其實九龍城真係有好多好野食，大部分都係小店，係一個少有的區域未被連鎖餐廳攻陷。星期六晏左起身過哂午餐時間，就決定黎茶餐廳，食物都係全日供應，過左午餐時間都冇所謂。茶記就梗係唔少得常餐啦！太肚餓掛住食都冇影多士炒蛋。但牛油多士好厚好正，烘得好脆，牛油啱啱好。炒蛋唔會油，但略嫌散左啲，但夠哂滑！沙爹鮮牛肉出前一丁，簡直係茶記必選，呢度亦冇令我失望，份量又夠，最緊要係沙爹味濃，微辣，夠哂味，出前一丁亦煮得啱啱好。好多一般的茶記真係連出前一丁都煮得差架。本想試呢度的滑蛋蔥花叉燒飯，可惜是日冇供應。改左叫炭火叉燒飯，可以揀大或小，大的會有煎蛋一隻，我食的係小。真係比較細碗，但甜豉油自己落，鐘意幾多落幾多。叉燒好厚切，但略嫌太瘦，如果多啲半肥瘦會好食啲。唔太食到炭火燒的香味，同一般叉燒冇乜分別。整體一般。茶記就係食個份本土味道，服務從來都係唔好，但亦係特色之一，坐又例牌要搭抬，但就係最香港的餐廳，久唔久就係會想食。

光顧了聯發多次其實早已覺得它名大於實今天友人再提議光顧換來的卻是再一次失望不經不覺特餐已加至$54在茶餐廳吃碟頭飯加凍飲也不用這價錢先試一杯茶走茶味還好可是煉奶下得過多過甜的味道蓋過了其他感覺再來的是火腿炒蛋多士炒蛋奶味很重可以並沒有從前驚為天人的香滑的感覺只是一種平凡的感覺來到聯發絕不應只有這水準相反多士方面水準不錯厚切烘底加上恰如其份的牛油吃下去相當滿足沙嗲牛肉麵則不過不失轉一丁不用加錢值得一讚沙嗲味是有的牛肉份量正正常常合格水平，談不上突出服務方面聯發從來不會如澳牛般「霸氣」可是聯發的另類霸氣卻是不提供紙巾若需要的話盛惠三元一包五十多元一個特餐連紙巾也不提供一張服務水平可見一斑來到聯發炒蛋絕對是不容有失的可是今次炒蛋，茶走兩大茶記名物都黯然失色在炒蛋維持不了水準的情況下聯發的特餐其實沒甚賣點可言

晚上獨自到訪聯發茶餐廳, 也許是過了晚飯高峰時間, 正好沒太多人.佔據了卡座, 坐得相當舒適.點了蔥花滑蛋叉燒飯加凍檸茶, 盛惠$66, 價格一點不便宜.首先來的是凍檸茶, 茶味略嫌不夠濃, 可能是天氣熱, 冰下多了吧.5分鐘後, 飯來了. 那份量真心覺得不少, 整碟飯給滑蛋跟叉燒完整包圍了.先試吃蛋, 嘩嘩嘩!!! 那蛋炒的很嫩滑, 真的!叉燒一半瘦一半肥, 口感很好.炒蛋內加了蔥花和有點辛辣的洋蔥, 配上滑蛋, 解了油膩, 真不錯!實在美味!

其實已經食過幾次，個炒蛋確實係好食，夠滑同好有蛋味，之前睇過佢哋一篇專訪，話佢哋個炒蛋有2款不同的蛋一齊炒，仲會因季節已用不同的蛋，食得出個蛋係有落功夫。叫了個特餐和茶餐、特餐是沙嗲牛肉公仔麵、茶餐是叉燒公仔麵，二款都配有多士、炒蛋及火腿。今次要評的是沙嗲牛肉，不是街外一般的沙嗲味道，食得出不同種類的沙嗲味道，但係啲牛肉非常唔得，有筋、有啲又好硬咬唔開，應該係放左好耐凍左嗰種硬，將佢放落湯到一陣希望軟化，都係咬唔開，浪費左個沙嗲醬。出前一丁麵應該沒有什麼投訴，叉燒亦沒有什麼特別。呢度嘅特餐同茶餐價錢比出邊只少貴10至20元，值唔值真係見仁見智。我覺得還可以，全因為個蛋、多士同出前一丁。