老闆娘雲南米線

營業中

休息中

黎得預左排 但冇諗過咁過份平日約五點到達門外有大約20人條隊郁得極慢 一個鐘先入到去但坐低原來仲要等佢根本煮唔切 仲不停咁接外賣單到有野食已經近8點未食個體驗已經好差講返食物酸麻辣湯中辣 $78 三餸辣度同譚仔小辣差不多 唔算辣麻就好夠麻 但辣椒唔夠香個湯都算係好食既叫左最出名既炸物 雞同豆卜係炸得出色個餡好難食既野菌腐皮卷總結：價錢唔算平 叫埋野飲每人都近$100但係坐街市摺檯摺凳 仲要同好多人搭檯米線唔特別，好多類似質素選擇炸物外其他配料都十分普通如果為左食炸野而等2-3小時唔知你覺得值唔值我就試一次就夠時間好寶貴

江湖傳聞荃灣老闆娘雲南米線好鬼出色，但要排一輪隊仲要係社交平台睇老闆娘心情有冇開鋪，係種種原因下，我決定黎試試佢😂😂😂😂做好晒準備，查好左佢今日吉日有開，網友強推食品，帶好風扇係到乾等45分鐘，終於入到去環境好簡單，冇咩裝飾，感覺有點高人咁排隊個陣已經簡定食咩填好，一入位就交比職員。又等多十五分鐘，今次真係有野落肚啦嗯。叫左個牛腩豬軟骨蒙古湯米線，炸豬排，春卷正常普通米線，湯底係少見，但唔係驚為天人配料都係不過不失反而，我覺得炸物係出色既，唔會好油，食落成口油既，係酥脆的但食完都係要喪飲水如果路過唔洗等係可以既，但要排隊就睇個人啦

老闆娘雲南米線 香車街街市名物麻酸辣湯底米線推薦麻酸辣湯，又麻又辣又酸一次過滿足晒湯頭既配料例如酸菜、肉碎份量好多招牌酥炸雞球每次都必點，好juicy。但今次乾身左啲，調味都仲係好好味滷汁豬手粒豬手粒以為係細細粒，但上檯先知好大舊。但豬手略嫌太淋，冇乜咬口。滷水味都香秘製豬腩肉肥瘦適中。略嫌太長太大塊，比較難入口，開半會更好雲醬豬軟骨份量好多，又大舊。軟骨好淋又入味野菌腐皮卷都係每次必點，野菌味好香，腐皮好脆，咬落口感層次豐富，唔會太油膩整體水準之上，食物製作好有心。排隊半個鐘內都可以，但排隊去到食都要等兩個鐘，就唔建議了。真係得閒 手機叉好電先好等😂

成日係社交平台睇到人哋推介..真係大家各有各口味。要排成個鐘，我寧願排壽司郎啦⋯⋯起碼可以拎籌，差唔多時間先返黎，老闆娘開係街市上面，無冷氣又焗又熱，會覺得唔值，以為入到去可以好快食到，但要等半個鐘先有等到好餓。炸雞球聽聞好出名，差不多台枱枱都有人叫，咁咪試下。外皮係炸到好脆，呢點好抵讚嘅，不過雞肉老過我，真係搞唔掂。仲有蝦膠豆卜，脆還脆，但硬挖挖無哂蝦肉嘅彈牙。湯底有特色，推蒜香辣湯，蒜味勁濃蒙古湯就似烤串味，好重香料。

想試好耐，今日第一次去食。排隊係預左。叫左麻酸辣細辣，食第一啖時已經比個麻度震撼到，如果10分麻，呢碗麵已經達9.5分，都係我食咁多麻辣以黎最麻度最高既一間。注意，我已經係叫細麻酸辣都已經咁麻，就係因為麻度太勁已經食唔到酸同辣味，因為咁既情況我係食唔晒碗麵。提醒食唔到麻既人揀其他湯底。要排隊至少一個鐘先食到碗麵….都真係要諗下

最近發現工作地方附近有呢間咁出名嘅米線，一直都好想lunch去試，但係因為通常下午五時才開始營業，一直都食唔到。follow左佢既社交平台既page,發現竟然農曆新年前有一日lunch會開，終於等到呢個機會。12:30去到舖頭門口，一如所料，都有唔少人喺度排隊。人龍都唔算好長，等咗大概半個鐘可以入去，但係原來入咗去要等仲耐。坐低計好似成個鐘先有嘢食。美食係值得等待嘅，先上咗野菌腐皮卷同招牌酥炸雞球，可能加上等得太耐好肚餓，真係覺得好好食，炸得好脆又香口，仲幾juicy。冇幾耐米線都上埋，我嗌嘅係麻酸辣湯小麻BB辣豬粉腸鮮豬潤米線，第一啖食落去真係覺得好正，麻酸辣層次都好分明，BB辣對於我唔食得太辣嚟講啱啱好。豬粉腸鮮豬潤就正常唔係特別出色。不過之後食到差唔多就覺得個米線太油，有啲頂唔順。總括嚟講佢啲炸嘢同米線湯底味道都真係幾出色，只係個湯底略嫌太油。仲有值得一讚佢嘅衛生環境，以街市熟食中心嚟講，真係算乾淨企理。

一直都知老闆娘米線出名，的起心肝去排隊食， 叫左個麻酸辣米線小辣再配招牌酥炸雞球，魚肉腐皮卷同反斗蝦膠豆卜。第一啖飲個湯底覺得個味道唔錯有層次， 首先會有酸味，後勁啲麻味會麻痹個喉嚨。米線質地正正常常。餸方面3款都係係新鮮炸起，最好食就係招牌炸雞球，炸粉唔會太厚，雞肉嫩滑多汁。其他兩個餸正正常常無乜特別。總括黎講，呢間嘢值得一試😋😋

米線關注組top5嘅老闆娘 終於嚟到食！星期日嘅夜晚 大概7:45到 大概等左半個鐘 等嘅期間要寫定食咩先 然後喺入去之前就會收走張order同安排位置俾你 不過其實入到去坐低咗之後都仲要再等 大概又等多15分鐘啲嘢食先到黎之前已經聽人講話佢哋啲炸物比較出色 所以我哋兩個都淨係嗌咗雞肉 另外再加野菌腐皮卷同埋酥炸雞球 湯底就揀咗酸辣湯BB辣 米線可能本身期望太高 嚟到一食又覺得冇想像中咁好食 不過整體其實係比出面好多米線鋪都好食嘅 湯望落有啲油 但食落又唔會太油 酸同辣都好平均 食落好順口👍🏻雞肉份量都俾得唔少 而且全部大大件 幾嫩唔鞋口炸物就真係同人講嘅一樣 係有驚喜嘅 全部即叫即炸 新鮮炸起嘅酥炸雞球 炸到金黃色一咬入面仲有好多肉汁 雞肉都唔鞋 雞肉醃得都入味野菌腐皮卷就好足料 啖啖都係菇 而且佢啲菇冇切到好碎 仲係大大粒食落口好正

米線狂終於食到老闆娘米線 可惜有啲失望呀😅評分： ⭐️⭐️/ 5勁好彩呢日唔洗點排隊，五點十分到了，派材料紙等左一陣就入得，入座後等咗20分鐘就上菜，但係大家都知呢間店一定要等，所以無野。入座時拎咗一支和梅蘋果茶，嘩，喺雪櫃拎但係唔凍嘅，真係多謝晒，常溫的飲品真係好難飲，不過拎咗上手因為衛生問題我無放返入去。點了熱門的菜色炸雞球、炸豬排、反斗蝦膠豆卜、魚肉卷。只有炸雞好味，炸得金香酥脆，內裡肉汁仲keep到 juice有彈性，咬時會聽得出個種高層次感。其他幾樣炸得過硬，而且一般。揀左酸辣湯底，BB辣，嚟到一食大失所望，酸度不夠，辣度不夠，沒有層次，仲差過譚仔嘅酸辣湯底。米線煮得太硬，唔入味唔滑身，好似食緊膠條咁。餸方面試咗肥牛、豬軟骨、牛腩同豬肉。肥牛入貨係最CHEAP嗰陣，食落無牛味又硬，一啲都唔正。至於講求要炆得入味嘅豬軟骨同牛腩，炆嘅火侯唔夠，唔入味，真係差到不得了。我心目中荃灣米線排行榜:米線撚＞雲家>川味>漁川米線>雲桂香>唯一⭐️

酸辣湯配招牌酥炸雞球 $50酸辣湯好夠酸味，但湯底味道比較單一。炸雞球好滑好多汁，炸粉漿薄身，但有少少偏硬，唔夠香脆。米線唔係煙韌彈牙嗰隻，如果追求質感嘅話，可能唔係好滿足，但口感唔算太腍。加餸每款$12魚肉響鈴響鈴好脆，釀魚肉好彈牙，不過炸得比較乾身，沾湯食好食啲😋反斗蝦膠豆卜豆卜同樣脆口，但釀蝦膠份量較少，唔係好食到蝦膠嘅味道。蟲草花薑酒湯配豬膶 $56湯底有大量嘅蟲草花、杞子、紅棗等，清甜得嚟帶有薑味同酒味，幾好飲。最令人驚喜嘅係豬膶，好好食！絕對唔係連鎖店嘅又薄又柴嘅質素，豬膶有厚度得嚟，生熟度剛好，好爽彈好香，大推❤️〰️〰️〰️〰️〰餐廳嘅湯底同配料都係用心之作，係坊間米線舖比較少見，水準高！但可能我係煙韌控，餐廳米線嘅質感就唔算好啱我，再加埋等候時間各樣，我真係未必會再嚟🤣 如果等30分鐘以內嘅話，我都可以考慮考慮😂溫馨提示，餐廳依家只開晚市17:00-22:00，去之前仲要留意社交平台專頁，睇下會唔會休息呀~ 我今次16:30去到，前面已經有長長人龍，17:00開門都未入到座，要等到17:40第二批先落單入座，等咗差唔多半個鐘先有嘢食，到我哋食完離座就係18:40，食呢餐飯前前後

期待已久的老闆娘米線🍜，星期日專程過嚟排隊，真係好多人，我哋四點半到，直到坐低有得食係一個鐘之後嘅事，不過黎得食都預咗，我哋叫咗一碗清湯米線🍜，一碗麻酸辣bb辣米線🍜，餸就豬軟骨，健康有營，魚肉腐皮卷，時菜，魚肉響鈴，豬腩肉，炸嘢最快上枱，係好脆，但唔覺有咩特別，之後就上咗米線，清湯幾好，唔咸，但麻酸辣湯，一試個湯底已經覺唔對路，第一試到麻嘅感覺，我食唔慣，個嘴麻到爭啲頂唔順，之後搵極都搵唔到豬軟骨，原來俾漏咗，不過同職員講返都好快補返，豬軟骨有啲辣，但好入味，豬腩肉都幾好味😋，總結黎講，我覺得正正常常，唔使排隊嘅話可以再食

天氣終於開始凍🙈，好想食啲熱辣辣嘅嘢，所以就諗起左老闆娘米線。之前已經黎食過好多次，所以大概都知道攻略。第一，check 老闆娘米線社交平台睇吓佢今日有冇開 （通常晏就5點開到10點）第二，有定心理準備排隊🙊可能大家都覺得凍㗎，今日以為自己5點到已經好早，點知去到前面都有十多個人排隊 😂😂 不過半個鐘內都慢慢咁入座，比起以前，老闆娘米線裝修左，又擴大左，所以都快左。因為老闆堅持每碗都要獨立煮一次，所以坐左入去都要等30分鐘先陸續會有野食😇 我大概5點到，5點半入座，6點有野食。如果唔係一開鋪around 5點去，通常都要排1.5小時到2個鐘 🙈 佢既玩法系$48蚊包湯底+一款小食，追加小食每款$12蚊，支裝野飲另計。不過提一提，老闆娘小食偏大份。如果正常食量既女仔，建議最多2份小食，唔好做大嘥鬼嘛 ☺️ 多啲朋友黎食就可以試多啲小食😛 推薦湯底：🌟麻酸辣🥰：酸酸辣辣比較開胃，而且個酸味同出面米線鋪唔同，值得一試。🌟麻辣湯：老闆娘既麻辣湯底系特別香，所以如果有麻辣愛好者，不妨一試。推薦小食🌟招牌酥炸雞球（基本4舊）：呢個系老闆娘皇牌，新鮮炸出，外脆內多汁，基本上每枱必點 🌟蒜香椒鹽雞翼（3

心血來潮，去咗潮聖😅。食好西係要等，等了又等兼要碰運氣至可食到。食之前先要喺佢社交平台睇下佢公佈當日開唔開。因為佢真係唔係日日開架😂我之前都摸過幾次門釘。跟住排長龍等下，坐得低之後再等咗半小時有多。終於麵到了面前。明白嘅，佢係逐碗麵煮出嚟。然後啲炸物又炸得真心好食又脆口。全部都係心機嘢嚟❤️今次食咗：麻酸辣湯底中辣少麻。以前覺得佢個麻太勁，搶唒酸辣既味。落單職員教我咁樣叫。我覺得酸辣既辣度夠，亦都好多肉碎芽菜酸菜😍，但食食下仍然食到個麻好勁。我麻麻哋佢哋既麻。4/5分米線👉偏淋身，份量亦頗多架。好夠飽。 4/5分餸: 炸雞👉一如既往，炸得好脆，雞肉好滑。咬落啖啖肉。我鍾意食食吓浸落湯度再食。😋5/5分野菌腐皮卷👉第一次食佢。睇樣普通但食落有驚喜。又係炸得好脆身，咬咗一啖發現入面有好多菇。呢個卷幾好食。😋 5/5分

Please FOLLOW 👉🏻IG@fatwestx2•評分：🧡•終於有機會食到老闆娘！我地係平日6點開始排隊，都唔算好多人，所以大約等左15分鐘就入到座🫶🏼•🍴蒙古湯米線 $487.5/10孜然味好出！比其他湯底冇咁重口味，鹹味為主，肉碎份量充足🫶🏼🫶🏼不過米線比較淋 比個辣度大家參考🤣BB辣同譚仔10小差唔多•🍴麻酸辣湯米線 $486.5/10越食越麻嘅感覺好jeng😹但係當日我地食湯底有啲苦🥹🥹因為酸菜苦，不過夠酸，有啲傷心🥲🥲•🍴野菌腐皮卷 （+$12）8/10超級脆身！皮夠薄，而且入面嘅菜balance翻食落唔會覺得油！🫶🏼•🍴炸雞球（+$12）8/10皮薄，雞肉嫩滑有肉汁，加$12有4大嚿真係好抵啊🥹•🍴反斗蝦膠豆卜（+$12）7/10豆卜夠脆，蝦膠彈牙，不過比較油•🍴魚肉腐皮卷（+$12）7.5/10皮薄又夠脆，唔油，魚肉彈牙❤️•📍 老闆娘雲南米線 (荃灣)荃灣曹公街8號香車街熟食中心3樓28-29號舖••𝘨𝘰𝘰𝘥 𝘧𝘰𝘰𝘥 𝘨𝘰𝘰𝘥 𝘮𝘰𝘰𝘥. •————————————————————————#荃灣美食#荃灣美食#fw2#fw2荃灣#hkfoodie #hkfood

無heart 生意 ，賺錢就識 其他就…1: 明知d客要排隊排成粒鐘，又熱！櫈都無張！ 2:假期 夜晚黎到食酸辣湯，火都黎 湯無味 又話逐煲煮！？淡既 ！ 你好唔好意思？ 3: 排到黎 乜野出名既餸都無哂，仲要俾個無味既湯我？ 你無心做你可以截龍架老闆娘！ 俾d咁既質素排左一粒鐘既客？ 4:無樓面同客講要排幾耐 Chef唔會煮時唔知淡 ，湯底落幾多水隨心架？真係貼錢買難受 乜野餐廳黎？明知出面d客等左咁耐 都可以心地咁差 求其煮 勁做左幾十幾年人，無一間 可以衰過你！無食過一間可以唔酸既 湯底！人生第一間black list既舖 多謝你 畢生難忘得你呢間野可以做得出