最近發現工作地方附近有呢間咁出名嘅米線，一直都好想lunch去試，但係因為通常下午五時才開始營業，一直都食唔到。follow左佢既社交平台既page,發現竟然農曆新年前有一日lunch會開，終於等到呢個機會。
12:30去到舖頭門口，一如所料，都有唔少人喺度排隊。人龍都唔算好長，等咗大概半個鐘可以入去，但係原來入咗去要等仲耐。坐低計好似成個鐘先有嘢食。
美食係值得等待嘅，先上咗野菌腐皮卷同招牌酥炸雞球，可能加上等得太耐好肚餓，真係覺得好好食，炸得好脆又香口，仲幾juicy。
冇幾耐米線都上埋，我嗌嘅係麻酸辣湯小麻BB辣豬粉腸鮮豬潤米線，第一啖食落去真係覺得好正，麻酸辣層次都好分明，BB辣對於我唔食得太辣嚟講啱啱好。豬粉腸鮮豬潤就正常唔係特別出色。不過之後食到差唔多就覺得個米線太油，有啲頂唔順。
總括嚟講佢啲炸嘢同米線湯底味道都真係幾出色，只係個湯底略嫌太油。仲有值得一讚佢嘅衛生環境，以街市熟食中心嚟講，真係算乾淨企理。

平日下午茶時段茶木有多款下午茶套餐供選擇，因為吾太肚餓，我揀左甜品配飲品。 出面西式甜品舖食個心太軟閒閒地都六七十蚊，仲要吾包野飲。雖然抵，但一d都吾伏，仲吾馬虎。中間以cream+曲奇碎+士多啤梨分隔，賣相吾錯。心太軟幾好食，有流心，個底又吾會燶，完全拍得住出面d西式甜品舖，個曲奇雪糕都好好食，配杯玫瑰紅茶消濟perfect。

見到呢排做緊tea set75折優惠，計番連加一都係250一位，加上本身鐘意食榴槤，hotel icon 既tea set 之前一直都好難book, 就決定去試一試。 Green 係酒店大堂果度，一入酒店就見到。入去之前會量體溫，枱上有準備信封俾你入口罩，而坐位之間距離闊落，感覺防疫措施做得不錯。 其實除左榴槤雪糕，仲有其他雪糕選擇，不過因為自己本身吾食咁多雪糕，只食左今次既主題雪糕。雪糕面係榴槤容，榴槤味十足，鍾意食榴槤既人一定會鍾意。 我一直都怕食鬆餅會好濟。呢個鬆餅好鬆軟，口感同味道都好好，食完一個都吾會覺得好濟。 最後到tea set, 其實味道吾錯。不過底層既咸點吾熱，感覺差d，比較推薦蝦多士。甜點係都榴槤味，味道不俗。 整體份量適中，以一個吾太食得多甜品既人野講，都可以勉強食晒。味道整體吾錯，榴槤味甜品幾好食，特別推薦榴槤雪糕、英式鬆餅。價錢75折之後性價比高。

因為K11 做緊優惠，買完野有張100蚊Dinning coupon, 又見吾洗排隊，就入左去食。 叫左一個原味Soufflé，一個all day breakfast 同一杯 Hotcha Latte. 先黎原味Soufflé, 吾知係唔係我吾記得左，定真係縮左水，我第一個反應係點解咁細舊😑。除左細舊，仲好似吾多厚，我一度懷疑佢地俾錯左普通pancake我😂。Souffle味道普通。 跟住上all day breakfast, 嘩，個樣真係幾頹下😨，好似自己係屋企整咁，pancake味道都好一般。 Hotcha Latte 味道都係一般。 整體黎講我覺得無論係食物賣相、味道、同份量都係冇乜誠意，價錢又吾係平，性價比低。如果冇coupon我應該吾會再食，更加吾值得排隊。🤷‍♀️

本身我對梳乎里pancake情有獨鐘，香港大部分有弄梳乎里pancake的店也試過，知道有新店開業，專程來朝聖。 平日下午來，拎了二人枱既飛見要等9張，諗住應該不用等太久。後來發現入面3-5人枱較多，而店員又沒有靈活地將大枱分拆給先等位等二人枱的客人，加上中間發生了一段小插曲，店員不小心將枱先安排俾本身輪在後面拎手寫飛既客人(因為電腦壞了後來以手寫飛派飛),最後足足等了一個小時才入坐。 叫左兩款pancake,原味,蕉糖香蕉各一，同埋一杯rose latte, 一杯mocha。店員下單時同我地講pancake要等20-25分鐘，最後等左大概35分鐘。 飲品同pancake既份量都好足，味道亦都相當不錯。Pancake都幾香滑，好有蛋味同麵粉味，空氣感適中，牛油質感好好，塗上pancake上即融。 整體來說食物的性價比頗高，希望日後的服務和等位安排會改善。