老闆娘雲南米線

營業中

休息中

剛在同同事係荃灣做完野，大早聽聞老闆娘米線很出名就一齊去試下。到左門口前面已經有十多人排隊，不過見條隊都有郁就繼續排。店員都間中叫人排隊排好d，怕人龍影響到其他食店。大概排左半小時就入到座。不過入座後等食都要等半小時，好彩我地有拎支野飲飲下。我地叫左個酸辣湯米線同蒙古湯加牛腩米線，另外再加左招牌酥炸雞球、反斗蝦膠豆腐同野菌腐皮卷。整體黎講，都ok，不過唔會特登再去食，要排半個鐘食又再等半個鐘，可能會去其他地方食。個人覺得酸辣湯米線比較好味。咁多樣最出色係招牌酥炸雞球，外面脆，內裏雞件有肉汁同滑。

第一次去食 排隊只係排左半個鐘無傳說中排個幾鐘咁耐 可能係時間尚早(大概5點幾左右排)但食完返出去就開始人多大家去到食 預左係需要同人搭枱排緊隊既時候會有職員問幾位 同有紙仔比你睇定寫定食咩 到counter位時候就落單同埋比錢 等佢出餐時間係比較耐啲 等左8個字 炸雞又香又脆又多汁 仲啖啖肉👍👍米線同湯底正正常常 本身期望高 反而有啲失望 飲品方面係汽水同支裝野飲 支裝野飲係有啲特別花茶既揀 不過都係平時街外可以買到既

已經食咗好多年，但呢半年食物質素比以前低好多，今晚再食，仍然都係失望， 真係無下次了。黃酒湯雞米線 ， 雞滑但湯底無酒甜香味🫤小鍋米線湯底偏酸，雜菇新鮮，牛腩及豬軟骨淋但係真係唔香， 一般車仔麵檔嘅瑞士汁/滷水汁比佢出色。炸物 是晚只有炸雞， 以為自己好不幸， 搭枱靚女話佢上次7點直程無任何炸物。今晚炸雞有3粒，係一般快餐廳質素。店外排隊35分鐘， 店內再等25分鐘，呢個質素唔值浪費一小時等。 強烈建議大家： 1. 如果無炸餸，唔好浪費時間等 。2. 唔好對湯底有期望。

在2023年7月21日享用晚餐,首先,如果你趕時間或者唔食得辣的人,又或者唔食炸食物的人,唔建議你來食,我在享用晚餐前已經等了40分鐘才入得,另外叫完餐後要等10-15分鐘才能享用晚餐,不過,等了這樣耐都值得,因為米線、湯底同炸食物非常出色,開頭以為只是米線同湯底好食,原來炸食物也同樣好食。如果同一啲連鎖米線食店比較,係沒有得比,因為這食店係好食食店,值得推薦。如果你係喜歡食米線、炸食物或者喜歡食辣的人,你就一定要試試了。

我同男朋友都係米線控! 星期五去荃灣接佢放工就去荃灣數一數二的老闆娘雲南米線，今次我地大概6:45p.m.到，係30幾度高溫無冷氣咁排左半小時，終於入座。入座之後仲坐左大概15分鐘先上米線，不過有冷氣咁坐住等都無問題同值得啦^^ 老闆娘既特色就係老闆堅持用小鍋煮每一碗米線，即點即製的，食客又多，所以就要等咁耐啦排隊果陣已經tick定你想叫小食同米線，入座前就交單及揀野飲今次我地兩個都係叫左麻酸辣湯底$52米線可選一款配料，額外添加每款+$14。✿《麻酸辣湯底小鍋米線  (小辣) $52+14》(★4.4/5)店員一上米線果陣已經聞到好香既麻酸辣味！食米線第一啖當然係試湯底！湯底非常濃郁，麻味足，好多花椒麻香，間唔時仲會咬到花椒粒，相當刺激！食到中間，超級惹味，成個口腔同咀唇都係麻得好緊要！而且，湯底本身好足配料，有大量既肉碎，仲有D花生碎，口感豐富但相對黎講，重麻味，酸味失蹤~ 同埋佢都算係重口味，湯底偏油既果款，不過我地都係偏愛重口味米線，所以都係好出色既湯底!米線就屬正正常常，份量好多，軟硬度適中，唔會太淋!✿《招牌酥炸雞球 $14》(★4.3/5)所有炸物都係即叫即炸，每份有4舊

身為米線愛好者，當然要試盡吾同嘅米線啦😝 今次去食人氣米線鋪頭 - 老板娘雲南米線。店舖營業日子不穩定，建議上佢地社交平台睇睇當日有冇營業先出發過去。我地17:00左右店舖剛開門時間到達，已經大排長龍，要排大約1.5小時先成功入座🫤我地叫咗佢嘅麻辣湯米線、麻酸辣湯米線同給幾款小食炸物，全部都係即叫即整，非常新鮮🤤 論湯底，個人認為比較普通🫢 麻辣湯有麻香，吾係死辣；麻酸辣湯酸味吾太出。米線軟硬適中，普通正常米線。相反，佢地嘅炸物相對較為出色👍🏻 我地叫咗店舖嘅招牌酥炸雞球、野菌腐皮卷、蒜香椒鹽雞翼同埋反斗蝦膠豆卜。炸物不但即叫即炸熱辣辣外，仲好脆且不油膩。招牌酥炸雞球外層包住薄嘅粉漿，內層雞肉粉嫩多汁，果然係招牌菜☺️ 另外，反斗蝦膠豆卜同樣出色。豆卜炸到酥脆，但吾會硬；內餡釀咗蝦膠，有彈牙口感，好少地方食到👍🏻 非常推薦大家去食此店嘅炸物，好好食🥰

話說有天跟朋友去荃灣行街，我朋友是一個米線控！所以就帶我來這間餐廳進餐！不喜歡排隊嘅我，見到人龍就想走！但既然朋友話這間米線非常出名！就即管試下！排隊排了差不多30分鐘左右，就到我！真係排隊排到我懷疑人生！入座前已經要落單！叫了一些小食及米線米線的確好食！但竟然更喜歡酥炸雞球炸得香脆，又多肉汁！雞球酷似日式炸唐揚雞，還很窩心，用另一小碟盛起上桌，以免浸軟，細心！值得一試！

一直係社交平台米線group有好多人推介呢間米線，呢間米線店係荃灣，好近我屋企，就決定收工去試一試，佢係係個街市個到，環境就真係好一般，我試過係香車街街市見到老鼠，我超驚老鼠，上次去都唔敢周圍望。去到門口條龍已經好長，等左30分鐘先食得，我見啲人都係推介炸物，就叫左好幾樣炸物試試，湯底就叫左普通小辣，米線成碗好大，但係真係有少少油，我就覺得湯底好普通，唔個係咪叫唔岩湯底，但炸物就真係好好食，如果有機會再會黎試多次

星期日晚上7點來到 見到前面只有10人 原來係冇炸野 基本上已經想走 因為你食$66 兩餸 冇炸物基本就係呃你錢 因為冬菇又係一餸 吉列豬扒又係一餸 同價錢 但一場泥到都想試一試 都算 等一陣等左4,5個字左右 入到去 諗住都係等多一陣 唔會太耐點知 伏就係度 由門口開始 等左1個鐘25分鐘 到呢一刻都仲等緊。明明問過職員 但就呃你話仲有2,3個字，問完又等左半個鐘，太得閒，唯有寫個差評，希望大家唔好再中伏。

等候時間不合理 味道一般今日去話冇曬炸物 所以等既人唔算多 等左15-20分鐘就入得去坐但點知個伏由宜家開始 一直等 過左30分鐘都仲未有 一個鐘都仲未有。。。幾枱人一齊係到等 好似完全冇進展過咁最後等左1個鐘20分鐘先有得食。。。汽水都就快變暖講番碗米線都係極一般 個麻酸辣既麻係麻到苦 完全唔enjoy 個米線幾滑 但太稔 冇咩咬口 唯一可以讚既係啲餸 好大份而且高質不過講緊一碗兩餸米線要$66 加埋咁長等候時間就不了 大家諗清楚先好去試伏

之前都分別食過唔同區嘅當區人氣米線🍜，而且各有特色💕，今次就嚟到#荃灣 一間長期都超高人氣💥嘅米線舖，佢嘅特色包括佢哋嘅湯底、炸物🔥！！一直都聽聞呢間#米線 店要排好耐隊之餘⏱️，坐低咗都仲要等好耐。我哋平日dinner time嚟到的確有條短短嘅人龍😱，排隊過程會先落單📝，等咗大約10分鐘，已經有得入去坐👏🏻。原來佢哋會group埋一班人再放入舖頭，所以入到去，見到有一堆空位。今次就嗌咗一碗🔴蒙古湯米線+豬潤+魚肉腐皮卷($66)，另一碗就🔵酸辣湯米線+秘製豬腩肉+反斗蝦膠豆卜($66)。蒙古湯米線+豬潤+魚肉腐皮卷🌟🌟🌟個湯底好特別，有好濃郁嘅孜然味🤩，同時都好麻，的確好有草原風情🌿，覺得自己變咗隻羊🐑，不過食耐咗個感覺就會變到好草青味🌱，同埋感覺湯底溝多咗水😯。米線份量好多，食落口都好滑，軟硬適中😋。豬潤就偏細嚿，同埋偏薄😖、煮耐咗，食落無咗陣爽口嘅感覺。而魚肉腐皮卷就真係唔錯💕，雖然係油炸，但食落又唔覺好油膩，同時明顯食得出腐皮、魚肉，甚至粟米嘅味道，非常好食🤤。酸辣湯米線+豬腩肉+蝦膠豆卜🌟🌟🌟🌟呢度湯底嘅酸辣味道好平衡🥳，唔會話太酸，配埋本身啲肉碎就好正💕。豬腩肉真係一整條腩

終於試左非常之出名既老闆娘雲南米線是日係星期六晚既六點三開始排隊可能因為落雨關係所以都唔需要排到出邊係街市室內等了四十五分鐘跟住入去order完再等多四十五分鐘就有得食啦入去餐廳之前店員會問你要唔要係雪櫃揀野飲咁我地就揀左兩支自家製的茶$18一支唔算好甜👍配米線都唔錯炸雞球 $14一定係必叫👍炸得非常之好味個味道有啲似日式的南蠻炸雞我見基本上每枱都有叫一碟野菌腐皮卷 $14相比起炸雞球好明顯失色味道係不錯但比較油蒜香辣湯BB辣 $52一碗叫了酸菜辣牛腩,一碗叫了滷汁豬手味道不算太辣,如果平時有吃辣的朋友可以試小辣沒有酸菜,沒有腐皮,沒有太多芽菜,但有很多肉碎湯底亦算是非常特別,在其他米線店沒有試過米線和餸的份量亦算大份轉括來說是值得排隊試的但如果再次排隊就未必會再試了

老闆娘荃灣出左名食米線， 數度慕名而來，前幾次不是大排長龍 ，就遇上佢不定休日。敗興而歸今次決定 早d過來，5：30pm左右就到，終於一嘗所願～排左半小時，就入座了。我點左呢d野食～我揀左 小酸辣米線。（$52+$14）配 蝦膠豆卜 + 炸雞球米線味道 正正常常。雖然等得耐，但新鮮熱騰騰的炸物 無得輸。蝦膠豆卜，香酥可口值得一試。炸雞球我個人覺得是必點的， 醃料入味，亦唔會炸乾晒仍然juicy~ 我朋友 點左 淨酸湯，佢好鍾意。（$52+$14）點左 滷水豬粉腸 + 野菌腐皮卷除左生滾粥店，唔係好多地方有賣，豬粉腸OK 無怪味，無特別～野菌腐皮卷，係好好食。呢個都是要必點項目～荃灣友話去老闆娘 記得點炸物，所言非虛～飲品 拎左 凍櫃裡面的 羅漢果蘋果茶，味道正常，無特別。有5款揀既，食完炸野 飲返d茶飲 潤下都好既。（唔記得價錢18蚊支左右）不過因為佢間店 是即點即製的，食客又多，入左座都等左陣先有得食。如果你來果陣，是餓住肚等入座，入座後再等上野食，是唯一唔好的地方。

週末嚟到荃灣，專程嚟食老闆娘雲南米線😆 之前嚟過見到門口有長長人龍就冇排隊去試🥲 今次6:30pm前嚟到唔洗排隊，喺門口落單後就直接入座第一次嚟，店員推介蒙古湯同蒜味辣湯湯底，呢兩款都係呢度獨有嘅味道，一於試試🧄BB辣度蒜味辣湯米線，配招牌酥炸雞球，$52已包一餸。蒜味辣湯米線送上枱時已聞到好香蒜蓉味，內有芽菜及肉碎，BB辣度接近無辣。由於炸物製作需時，酥炸雞球要等多大約10分鐘先送上。炸雞球新鮮炸起，外層香脆，內裏肉質滑嫩😋 整體而言味道不錯，如果唔需要排隊都值得去食👍🏽餐廳劃分兩個區域，約有十零張枱，按落單次序入座，餐點亦係順序送上。雖然有2人枱同4人枱，如果2人入座時派到去4人圓枱，係需要同其他人搭枱。

今日叫咗兩碗米線，諗住試埋佢啲炸物，首先嗌咗第一碗米線就已經係比錯左，仲要本身唔知佢比錯咗，搵隻匙羹搞咗兩下，再擺咗其他餸落碗麵度個店員先發現比錯咗我哋，佢問我地有冇食過，我哋係冇食過嘅，不過都放咗其他餸上碗麵上面，理論上都唔應該比下一家啦，但係我睇住佢攞入去廚房，唔使2秒就攞返個碗麵出嚟比隔籬枱跟住炸物嗌咗一個炸雞球，同一個炸魚肉春卷，炸雞係OK嘅，正常水平，但係另外個魚肉春卷，等到我哋兩碗麵都食晒都未嚟就追下佢啦，點知佢其實係漏單都唔緊要再追佢，佢話再炸過俾我，點知又等咗10分鐘佢又同我講，又比錯咗隔離台……我都無言，就同佢講我唔要喇，佢都因為就嚟收工都主動話扣番$就算其實都唔計佢比錯嘢漏單嗰啲，最主要係個麵好唔好食，個麵其實係好普通，同埋勁鹹又勁酸，（我係叫咗麻酸辣），如果唔使等都未必會再去食，因為距離有啲遠，但係如果要等就一定唔會再去食喇