老闆娘雲南米線

營業中

休息中

每星期都會同朋友路經老闆娘米線一次，見親都排長龍，今次終於的起心肝排隊試下米線～～米線湯底濃，不錯，但最有驚喜係d炸物，酥炸雞球及野菌腐皮卷香脆無比、雞肉裏面有汁唔乾身～值得一試

11:40到達老板娘雲南米線, 準時12點派order紙, 排了半個鐘約12點20分就安排第一round入座, 再等了20分就有得食, 感上沒有等得太辛苦麻辣湯(小辣)銀針粉期待的老板娘米線送到面前喇! 先飲一啖湯...嘩!!! 一陣香油味, 我想吃真材實料炒成的麻辣, 同呢種一陣香油味的麻辣有距離吧! 同枱食客的蟲草花薑酒系列, 薑酒味道好香濃, 相信比麻辣湯出色炸物即叫即炸預咗要後上, 不過都真係等幾耐, 等到碗粉食剩1/3先出現, 急不及待放咗啲入口才餵飽相機, 所以相中的炸物數量與現實有出入最好食就係魚肉響鈴, 腐皮炸至脆卜卜, 另外兩款則唔太特別! 酥炸鯪魚球 (一份三粒) 酥炸雞球 (一份三件) 魚肉響鈴 (一份兩件)

假日約朋友行山，友人介紹，話呢間鋪頭終於再開張所以一定要光顧。我都好鍾意食米線，尤其麻辣米線，亦食過好多間，其實麻辣湯要做到有層次都幾高難度，因為好多都被麻及辣蓋過了一切。我選了小酸麻辣，一餸配米線要$42，有點貴，不過一見真身都覺物有所值，好大碗，而且湯底用多種香料煲出來，不過對本人來說有點複雜，唔係我杯茶。見好多枱都有叫炸雞，腐皮卷類似嘅炸物。我地都有食，炸得夠乾身，唔會油淋淋。係唔錯，不過唔好忘記，鋪名叫米線店，我都係會以佢米線質素作評價。湯底略嫌複雜，米線淋咗少少，用筷子夾起時，會有米線被夾斷情況，作為專業米線鋪來說，唔合格。

雖然排左成個鐘，食就食左3個字！但能夠食到好味嘅米線...係滿足嘅!!!!!湯底夠鮮而冇味精，值得一讚👍👍👍，D小食樣樣又係用心製作，無得頂...但本身想食果個蟲草花個湯底，可惜已沽清，唯有下次早D…就算外賣都要親自去排隊。。。不過我諗我會好快又再去幫襯架喇!!!!!

之前都黎過幾次老闆娘米線，但都係經過，因為見到咁多人排隊已經唔想再等。今日再黎終於可以試到，而且仲係九點幾見少D人就排一排都要半個小時先可以入到去，再等15分鐘再食到。因為之前都無試過所以都好想試下。豬腩肉米線豬腩肉肥的部份十分軟外連瘦肉既部分都十分滑，唔會食落有渣，另外米線真係好入味，而米線是幾粗的但是口感就係軟熟入味。份量方面也十分多，難怪有咁多人排隊。炸雞球/反斗蝦膠豆卜小食都十分出色，好少米線店既小食都咁好味而且又好便，十蚊是有3舊都幾大舊，而且試左兩款都好好味，炸既仍然保留到肉汁同埋嫩滑既口感。下次如果無咁多人會再排下食多次，有好多款小食都好吸引想試一下。

每隔幾星期就會從facebook 見到老閭娘米線的食評...到底有多好吃...為左可以一試我加了她的facebook page...因為開店時間經常不同...12:00 , 2:00, 突然休息亦有試過。。約了3-4次去吃都因為排隊時間太長而放棄..今次佢開店時間是中午12時...我11時50分已經到門外等待...依然是大排長龍...我前面已經有約15-20人在排隊..排隊其間,會派發點餐紙..價錢由42碗起..第2款加$10..我選擇了麻辣(bb辣)配炸雞, 而朋友選了蒙古湯(bb辣)招牌腩肉..大己概苦等一小時後入席..店內環境是乾淨的..冷氣亦足夠..我的炸雞是分開上的...但炸雞和麵的上菜時間相差15分鐘..當麵來到時....炸雞已經有點冷卻了,,,至於麻辣湯方面...可能選擇錯辣度了,,,味道普普...而朋友的蒙古湯比較香! (圖中較紅的那碗)但招牌腩肉實在令人失望..2片是五花腩肉..而另2片是五花腩只有肥膏部份沒有肉的...如果你問我仲會唔會等佢一小時?我不會了..假如有日不會排隊或許會再試。

黎到荃灣，即刻諗起呢間大受好評既米線。位於熟食市場內，4點鐘左右，好多餐廳都仲未開，但老闆娘門外，已經有一條少少人龍，好彩只需要等五分鐘。入座前，店員先派一張點菜單比你tick，tick好晒先會被安排入座，好讓你一坐底就有一碗熱騰騰既米線😍🙆 豬腩肉麻酸辣米線 $40揀左bb辣既麻酸辣，湯底濃而不膩，酸辣味balance得唔錯，喝一口，麻痹了吞尖但絕對唔係死辣，湯底仲加入肉碎，味道更濃郁👍米線偏腍，秘製豬腩肉有驚喜，大塊又入味，肥瘦相隔，好軟腍😜 整體而言，係幾好食，最欣賞佢無落味精，就算淨食米線，唔飲野都無口渴👍不過加$10一個餸真心有啲貴。

早前見清明節有日假 男友知我係雲南米線中毒者就帶左我去搵老闆娘喇講起雲南米線 我真係超級超級中意食中意既程度係會自己一個特登行去離屋企有20分中路程既鋪頭度食 所以前排聽講老闆娘係好味到大排長龍 當然要食啦！我地已經特登簡三點幾呢d時間希望冇乜人點知去到都有條人龍係度 大約2-30人啦 排緊隊果時要簡好晒食乜方便排到差唔多佢就會幫你落定單 好有規律我簡左酸辣米線+炸醬+雲醬豬軟骨 盛惠$52價錢比起其他鋪頭係稍稍貴少少 排左約15分中就有得入 都算快掛碗米線一到我嚇左一嚇 嘩 乜甘大碗既！不過無難度 我搞得掂既平日我都係食開小辣 呢個小辣都算係差唔多不過好可惜佢人太多 我想走芽菜都走唔到好彩芽菜量唔算多 而雲醬豬軟骨好好味 好林 好入味 而我亦食左少少男友叫既豬腩肉 佢地既腩肉唔係一片片 係一大塊連住好長 我覺得比平日食既肥少少 好似五花腩甘一層肥一層肉 呢個就睇個人喜好中唔中意食肥喇 總結 雖然要排隊 但係都值得既見到店家做個不停 一班人走又有一班人黎甘就知有幾受歡迎啦

之前睇過報道話個師父做米線有熱誠所以去試下，之前7點去到坐哂兩排人等位放棄了，今次就6點到，不過都要等，同埋冇哂冷氣位試下咩叫蒙古湯底，好香！好重香料味，正呀，配秘醬腩肉好惹味，啲肉食極都仲有，滿足男朋友叫左清湯配炸雞球，雞球炸得非常香脆。雖然食到成身汗，但食得開心滿足，下次會再去試其他

回憶，排了半小時，終於食到。賣飛佛。個炸雞同豆腐丸子正到暈，炸雞有肉汁，一點都不乾。麻酸辣湯好香好麻，新出左好多款有花雕雞湯，米線滑，但我偏愛銀針粉，好煙un。但貴左好多

因為本身都係鍾意食米線既人，所以一直想食老闆娘雲南米線，今日朋友收早，大家都一早話想食，所以決定去試下啦2:30左右去到等，等左大半個鐘就排到門口啦，係門口就交左點食物紙先，之後就可以入去坐我同我朋友每人都叫左兩個餸同一罐野飲，每人$58後：魚肉響鈴👌，味道還可以，不過都偏向係麻麻地前：招牌酥炸雞球👍👍，呢個係好味，但個size大小不一，格離位果碟d雞件件都大秘醬豬腩肉米線蒙古湯，麻麻地，d腩肉唔好食，我可能我用左同區另一間出名食米線既腩肉黎比，所以一有對比就覺得唔好食，所以腩肉真係食淨一半有多雲醬豬軟骨米麻酸辣湯米線，d湯都係麻麻，但豬軟骨係ok的由於真心麻麻地好食，所以我地兩個都係食淨半碗左右我地食左陣，一放底筷子飲淡汽水，個店員就係到望啦，之後就問我重要唔要，其實都見到重有好多未食啦，就算係有人等緊位都唔係咁樣問人呀，由於我地成枱有7個人，全部都係差唔多同一時間入黎，所以基本個個速度差唔多，所以個店員就不係我地張枱旁邊到行黎行去，真係有d麻囉，好似食慢d都唔得咁總括嚟講：我同朋友都覺得老闆娘雲南米線食一次就夠，因為唔值得要排隊食，今日重要天氣都幾焗下，下次食米線都係去返同唯一雲貴

今日老公叫我去試下，話好多人好評，個到去要寫張字，店員好不耐煩咁話坐呢到啊，又點點點，寫好張紙打算比佢，佢地D態度好衰格，又好大聲係到話乜野湯底啊，點點點。。總之貼錢買難受，野食又唔係特別好食，就係得個大碗。。大住個肚受人地氣過x份

這小店搬來了香車街街市後才知道他們的大名，有Tvb 介紹，我在沒有那麼繁忙的一天走去看看，其實沒有什麼特別，蒙古湯有點香草味道，牛肉尚算入味，但唔會話要不停來這裡食無限次，太誇張了！！各大媒體嚴重誇大這裡的美味程度！

之前睇openrice 見到好多食評都話等位又要排好耐 點完餐又要排好耐...已經有心理準備揀左平日嘅下午3:30左右去到，好采唔洗等位！ 但都係好多人食緊同等緊上菜我點完之後，真係等左45分鐘先見到碗米線......值得一試嘅，但我驚我食完唔會再黎第二次， 真係等好耐！！ 所以我叫左3樣小食：炸雞，腐皮同魚肉（圖片中係我已經食左一半份量多d)炸雞好香脆，juicy但另外兩樣特別d, 好味！我揀左中辣麻酸米線， 但唔算好辣，有點失望麻酸岩岩好， 唔似連鎖店咁味精豬軟骨好淋好軟， 夠入味！！ 豬頸肉爽！ 呢碗野好足料, d餸 好多，好大碗！ 可能我叫好多小食，真係食唔晒呢碗野

在網上認識這個米線，再加上朋友的推薦，今天就去試試啦！去到條隊真係好長的，如果天氣炎熱的時候，我相信會出汗。長長的人龍，排到咁上下便有多張櫈，當可以坐那些櫈嘅時候，即係你很快有得食了。坐定後店員會讓食客知道有什麼食物沒有，然後店員會續一順序幫你落ORDER，然後給帳單。之後入了一間房是有冷氣的，真是太好了！因今天有點兒熱了點。上菜會睇番單的枱號送上，所以可放心不會攪亂。食完先再出面付款。好了講番食物先，我叫了酥炸雞球加生菜酸辣湯米線，見到網上個個推介招牌食物，當然要試下啦！外層真係好脆，就算隔了一陣依然都咁脆，肉質有肉汁，不會覺得諧，味道剛好；米線就有點不足，我覺得有點兒硬了少少，可能多人的關係，唔夠時間出水啦，不過份量真係多，很大碗；當然我評分咁高最主要湯底將分數拉高，我叫了酸辣湯，可選擇BB、小辣、中辣及大辣，雖然可叫酸湯，但似中有點兒味調升酸味，是最好的，真是很夠酸味的酸湯。其實還有清湯，我見到好似較為普通了點，如果不愛的人，都可以叫酸湯或酸湯的BB辣，湯底還有麻辣湯及麻辣酸湯選擇。不過湯底的口味各有不同，我較喜歡酸湯多過麻辣湯，因我不喜歡麻麻的感覺，所以如果喜歡酸湯的人，值得排