老闆娘雲南米線

營業中

休息中

早陣子聽說有一家超水準但要排隊逾句鐘的雲南米線店，當時心想:公司附近也有好幾家米線店，當中也有不俗的，用得著等一小時嗎? 有機會可真要一試虛實。是日恰巧去了荃灣附近，決定去會一會老闆娘。去到的時候差不多2點半，在我前面排隊都有二十多人。早上11時只食了一個麵包，早已消化得無影無蹤，但一場來到，我等!等了差不多35分鐘，終於可以入座。等的期間順便填點菜紙，其實價格不低，只選一餸都要40元，外面已可選3餸了。想食的金錢肚，金錢𦟌都已賣光，又總覺得點1餸太少了吧，最後點了豆腐魚丸，野菌腐皮卷及健康有營。入座後繼續等，先送上豆腐魚丸及野菌腐皮卷，太肚餓沒有等米線已經起筷。野菌腐皮卷，好像頗有名氣，腐皮炸得脆口，裡面的新鮮野菌及粟米粒流出來，口感有層次，而且剛炸起又熱又香口。豆腐魚丸打得彈牙，香濃魚味中帶點豆香。等了約半小時，米線終於來到，很大碗，健康有營其實有蕃茄，豆腐干，腐皮，雲耳等，落足料非常豐富。湯底香辣，麻的感覺慢慢滲出來。逐碗煮的米線果然與別不同，受歡迎是有其原因的。食畢令人回味，承惠62元，的確不平，但真材實料，依然值得再來。4時多離開，已經沒有人在店外排隊，下次再來知道選什麼時間

朋友知我喜愛食米線，仲要無辣不歡。突然話帶我到荃灣的熟食中心吃排長龍的米線對於住在市區的我，一聽到有些卻步⋯⋯但食完之後就覺得物有所值。夜晚8:30pm來到，己見幾十人坐著等位，幸爾今天是平日約等了半小時。等位時順便揀配料湯底和辣度，知道呢度出名酥炸雞球，但怕熱氣，所以叫了雞肉酸辣中辣。米線来到超大碗，朋友話e個價錢係超值，十分認同。起初以為吃不完，但等了一段時間和湯底實在太野味，全碗KO了。湯頭極香濃；但可能個人比較喜歡酸一點，所以覺得不夠酸，還好中辣剛剛好。米線腍滑，酸菜、芽菜及蔥吸滿湯及醬料的香味，十分入味。十分推薦，下次再來一定要挑戰大辣和炸物。

上星期行過見到起碼4x人等緊，所以最後都擇放棄，星期一早啲嚟食啦大約6點左右去到，一去到就自己拎餐紙填，係門口擇完交紙比個姐姐，點知原來係一人寫一張，我地2人，又要重新寫啦，個姐姐態度係好一般，入到大約7成滿，第一碗嚟清湯（單寫靚肥牛）$40靚肥牛，好肥，大x樂火鍋肥牛比佢仲要好牙菜，係生嘅第二碗BB竦加酸（滷水金錢肚， 炸醬）$50加酸幾好味BB竦唔竦鹵水金錢肚，係咬唔開炸醬一般小食（魚肉響鈴）唔記得幾錢炸到勁硬，食完界到嘴總結：如果要排隊等，係會後悔，應該都無下次了

蒙古湯唔錯 唔知係米有牛腩所以辣左 湯底係用心做 有冇人食過魚肉響鈴? 我叫人地的相有3件但我得兩件, 係米比少左?雞件大件底食去到已經冇左豬軟骨有些失望如果包埋野飲就very good.

昨晚就去試下，大約7:00到達，排咗大約30分鐘，忠於到我們啦，叫咗一碗BB麻辣豬腩+招牌炸雞+野菌腐皮，另一碗BB麻辣豬脷+時菜，首先講下第一碗湯底有少少辣同麻，豬腩肉真喺好肥同無咩廋肉，平時去其他食腩肉都喺肥，不過唔會肥到咁，炸雞無咩特別，野菌腐皮就幾好味，至於個豬脷無特別，整體嚟講唔使特登去食囉。

之前終於去試左呢間人稱"隱世"既米線, 呢度D餸同其他米線舖特別唔同, 唔係普通車仔面或者打邊爐既配料, 所以價錢都貴D, 叫一餸米線至少都40蚊..而我就叫左呢度既招牌酥炸雞球, 揀酸麻辣湯底BB辣 ($42). 開頭都覺得唔平,直至食物上枱後發覺又值既.落單後等左一陣, 碗米線先到, 好大碗...個酸麻辣湯頭好香濃, 超級夠麻味, 但食食下覺得有D over左, 對我黎講太過麻了...如果鍾意好麻既人就會好岩食. 辣度雖然揀左BB辣, 但其實都幾夠辣....不過酸辣味就唔多覺..米線口感唔錯, 煙韌, 同埋份量好多. 我都好大食但都爭D食唔晒. 約十分鐘後就有埋招牌酥炸雞球上枱, 酥炸雞球係即炸既, 份量又係好多, 有4大舊呀!!仲要係啖啖肉, 完全冇骨, 熱辣辣好好食. 淨係食呢4舊雞球已經飽飽地...總結黎講, 味道其實都幾好, 下次唔會食麻辣, 會試下酸辣湯底, 可能會岩我D. 同埋會試埋佢D 腐皮卷. 

I set off to Tsuen Wan on a quiet Saturday, determined to try this store once and for all. Perhaps it was the timing (I reached at 3pm) or the day, but I arrived at the third of the wet market and saw the massive line. There was easily 50+ people in the queue, and yes, I queued for an hour and waited for another 20 to 30 minutes for my food to come after I ordered. But at the end of it? It's absolutely worth the wait. There is a reason why they are so popular, and as I speak of them now, I am sa

周日係荃灣行左一整日，到入夜決定試下聲名遠播的~老闆娘雲南米線~由於聽聞好彩都要排個令鐘先食到，一於去試下佢乜料，結果真係超多人排隊，😰😰好彩都係等左個令鍾！😁😁講番個湯底，真心超過癮！😝麻酸辣湯底其實並非新鮮事，個人食唔到太辣的食物，所以叫左個BB辣！麻酸辣層次分明😍，唔會搶味，味道調教得剛剛好，個人本身比較驚肥膩，都試叫左店內較 靚嘅豬腩肉😘, 但出乎意料非常之入口即溶而且並不太油膩！另外， 腐皮魚肉卷 的腐皮好鬆脆，魚肉再加咗少少芋頭非常之香口👍👍👍😳

係openrice 睇到開11點半，諗住早15分鐘排下啦。 一去到，已經排左差不多10個人係到。排到搭半無開門跡象，入面啲工作啲人走出黎開檯，排前面啲人問幾點開，工作人員表示係12 點，仲補一句，可以留意下我地個fb。你咁講一講，第一時間去睇下係咪自己唔岩無留意到先至問個咁既問題阻住人開舖啦。 點知， 又無架喎。 等了又等，12 點到喇。開舖=/=入坐，佢係派落單紙俾我地，唔好意思地唔記得帶筆所以諗住去問佢借黎畫野食，諗住唔好阻佢寶貴時間麻。但又話唔可以俾我用，叫我自己諗下食咩先，因為佢地無咁多筆。 諗了又諗，終於都派筆，即刻圈低食乜。過五關斬六將終於入座。好緊張呀！ 落完單當然都仲要等啦！呢到推介既係逐碗做喎！估唔到小食黎先， 叫左雜菌鮮竹卷，雞翼。 雞翼係脆得黎唔太油膩既，惟一美中不足既係雞肉好似唔夠入味，不過呢樣野好多餐廳都真係做唔到。 鮮竹卷，餡料真係好澎湃，外皮又脆，但係佢搓埋啲菌用既粉就有陣味，影響左少少件事。 米線係我地食緊小食既無幾耐就出場喇！好大一碗，大碗到佢一檯擺7個人其實每人一碗已經滿。揀左bb辣，食落有啲惹味不過其實完全唔辣。米線真係煮得好煙韌！啲料我揀左滷水豬

名氣大熱🔥！但早排結業左一排，依家重開，人氣冇跌呀！仲係勁多人排隊，一試，係唔錯，湯底夠濃味，配菜唔會死咕咕得丸呀菜呀果啲。招牌酥炸雞球米線 $42______________________________點評✏️分數：8/10______________________________味道🍴揀左麻酸辣湯底要左中辣，上枱果股味道，好有譚仔既辣味，一食落口，其實真係似譚仔😶唔係只係識比較定咩，因為咁樣去形容佢既味道大家都明，辣味比酸味重，而SK認為個餸先係精髓所在與其話炸雞球，其實係炸雞扒😳？有成4大舊！炸到勁脆，炸粉唔係話好薄，但放心，肉好厚而且Juicy，勁香口。另外，友人就點左野菌腐皮卷，個人認為都值得一試既不過以米線黎講，佢同譚仔真係有7,8成似🤔，如果只會佢既湯底我唔會走咁遠水路入黎食，但為左試佢啲餸都值既

星期五收工後, 由於突然之間想食米線! 而又得知老闆娘米線原址重開, 反以決定去荃灣回捨一下久違既味道.我去到既時間都係岩岩好6點半!但係已經見到有大約20個人係度排隊! 心諗實在係太跨張!因為就當時時間黎講, 都算早! 但都已經出面左隊形!!!黎間隱世食肆真係名不虛傳.結果,我都排左大約30分鐘.  係排隊既時候,店員已經派了落單紙俾我地,等顧客可以地提早諗定選擇同落單.結果我自己就揀左酸辣米線(小辣)配 必點既 招牌酥炸雞球 & 豬潤!  終於輪到我入去坐啦~ 入左去後,都等左差唔多15分鐘碗米先整好. 因為黎間店既米線都係一碗一個煲甘即整,所以時間方面一張比較長.  但為左食好野, 等下都要既!!雖然我只係叫左小辣, 但我都覺得好辣啦! 如果各位唔食得辣既朋友諗住去試既話,可以叫BB辣體驗一下先!值得一讚既係, 份量十足!真係好大碗. 對男仔黎講 食完一碗後都會覺得飽肚.味道方面 當然都係無得輸啦! 米線夠滑都有彈性!  另外,雞球方面,真係炸得剛剛好. 咬開時仲有雞汁流出! 十分野味.但係豬潤都十分普通! 下次可以試下點其他.埋單一共HK$52.  對於兩餸既其他米線黎講!係貴

二月十九日（星期日），我同男友剛睇完傢俬心血來潮想食辣，搵下荃灣有咩麻辣米缐好食，結果揾到近日人氣之選。 街市真係好古老，無昱要上二層三樓先到，我仲以為下午五點三不用排隊，誰不知道，已經要排隊。原本我們想叫雲醬豬軟骨同草蟲花薑酒米線各一碗都已買曬。最後改叫一碗酸菜辣牛腩併野菌腐皮卷米缐同小排酥炸雞球米線，兩碗都是小辣麻酸辣湯。野菌腐皮卷同酸菜辣牛肉米線分開上，野菌腐皮卷尚算熱辣辣，忍唔住食一件，味道尚可。但米線要等多20分鐘先上枱，腐皮卷凍左冇咁好食。講番米缐～酸辣中帶麻恰到好處。睇碗麺顏色都知道好食。奉勸唔食得辣的朋友，叫BB辣都可以，會越食越辣。招牌酥炸雞球米線～米線同炸雞分開上，米缐不用再講，very !但炸雞球肉質比較粗鞋同不夠多汁，不過雞球都係熱！我相信我會再幫襯，食埋其他招牌菜😄

同朋友行完山早d去排隊食，一去到已經好多人，心諗講到咁好食，應該都值得... 等左一個半鍾終於有得食，之後同朋友選左麻酸辣同酸辣 飲完湯 普通 之後麻辣就麻到個咀無晒知覺... 完全唔覺得有人地講既咩好新鮮 ... 好俾心機整一碗湯，因為我覺得要等既原因係多人同位少，而野食到既時間好快。食完一個人都要50幾蚊... 大家都一致認同 無下次，食完返屋企總係咁飲水... 姐味精都唔少。

呢間神話一般嘅米線鋪門口條人龍長期都 keep 住三四五十人，上次嚟肚餓得滯唔想排去咗其他地方搵食，今次我較啱時間，今朝遲啲先至食早餐架喇，嚟啦，盡情愚弄我吧。以為得坐喺度嘅呢十幾個人等緊，少年你太年輕鳥。擰轉面望下條人龍先，神龍見首不見尾，我排嘅時候前面大約有二十幾個人，到我走嘅時候，目測都有成四五十人，我排二十幾個都用咗一個鐘，真係唔能夠想像呢四五十人要等幾耐。排隊嘅呢一個鐘期間都有兩三個少年就咁一籮柚得咗落去個十張櫈到，就以為自己排緊隊，過咗十幾秒先至識醒。喺由企位等到 upgrade 左去坐位之後，就會安排港豬們落單，我到落單嗰一刻先知一碗一個餸嘅米線最平都要40蚊，口痕再加多兩個餸咁就62蚊架啦，要等一個鐘加上成62蚊一碗令我對呢碗米線相當期待 。由坐低到到碗米線嚟到都只係十分鐘。唔算過份，不過就坐得十分之迫。個湯底同雲桂香同屬一個門派，不過再加多好大陣嘅花椒味，湯底嚟講大約好食過雲桂香嘅兩成左右啦， 至於個招牌酥炸雞球，就同一般舊式茶餐廳差唔多，炸得鬆脆而充滿油味，酸菜辣牛腩同孜然豬頸肉唔知係咪因為喺濃湯嘅洗禮之下，完全同酸菜以及孜然毫無關係，唯獨是係個滷汁金錢肚依然食到滷

十分吾開心的經歷今次係我第一次去老闆娘食米線因為聽過太多同事同朋友都話呢間米線好好食，所以今日我黃昏時間食晚飯前去試吓，因為係平日嘅關係所以好快就被安排到入座。我同女朋友叫左兩碗米線同埋炸雞炸鯪魚球，一張圓枱同枱亦都入咗兩台客，加埋我分別係4A(本人)，4B同4C。以下我用一個簡略既時間表去形容一下我遇到嘅事:18:00-本人4A入座18:05-4B 入座18:10-4C 入座18:15-炸雞件同鯪魚球由職員遞給4C，當時我已經覺得佢次序有問題，但係我覺得佢會好快上返，所以我冇出聲。18:20-本人兩碗米線到達，我第一次向職員提及我有一碟炸雞同鯪魚球，職員叫我等一陣炸緊。(我心諗對面都食緊啦...仲炸緊，好...我等！)18:30-職員遞上炸雞件同鯪魚球俾4B，係呢一刻我覺得佢應該漏咗單。4B叫同樣嘅嘢食都已經有，我又向職員作出第二次嘅催促，職員同樣同我講炸緊等一陣(啦)...18:40-我見我碗米線都差唔多食晒啦，我就再同職員作第三次嘅催促，帶職員仍然同樣回應同一句說話等一陣炸緊，我就同職員講我等左好多個一陣，我反問佢其實你係咪漏左單，我話同一樣嘅食物你唔係應該順次序上咗4A>