老闆娘雲南米線

營業中

休息中

想講星期六去荃灣試吓呢間好多人推薦嘅米線😀之前上網睇真係好多人推薦，仲要係黃店，就心郁郁去咗試。講返啲嘢食先，其實個炸雞球都可以，幾滑，算係出邊米線店少見嘅餸，整得又還可以。米線就係平時出街普通可以食到嘅米線，我覺得就係配菜比較特別同埋都OK，個米線又真係冇話有好特別嘅湯底之類。價錢就比較偏貴，算係米線之中比較貴價錢嘅店，不過如果走到去試嘅話又唔係好介意個價錢嘅，因去之前都已經睇到。重點，我由一點幾等到三點幾，真係企到腳都軟埋，雖然我啲嘢OK ，但等咁耐就真係見仁見智，我覺得如果真係好鍾意米線去試一次都可以嘅，如果真係純粹為試吓嘅話咁你就要諗吓等嘅時間。