老趙越南餐廳

營業中

休息中

I went there at 3pm in the afternoon and of course there was no line up. The Raw Beef rice noodle soup was good, but the beef was still raw after 10 min so i ordered the waitress to gave me another bowl of hot soup to "cook" the beef. The deep fried soft shell crab was good too. Veggie and desert was "okay", a bit too expensive for that kinda food and environment.

我記得廿幾年前渡船街一帶係越南華僑既集居地，所以當年有不少越南餐廳係呢到，老趙同西貢係比較出名既越南餐廳。講老趙(以我記憶中，當年只是小毛一名)，廿幾年前佢初初開業只賣越南粉，舖位很細，亦經常要等位，不過食物一流，由老闆同老闆娘一手主理。不久就擴充到一個較大舖位，仲加入好多新菜色，生意很好，枱都要擺過對面街。我記得最喜愛佢既酸辣司"鵪"，不過以經無咗呢味菜好耐。後來，趙家移民加國，無直接打理"老趙"，啲野就已經無咁好食。後來佢地返來香港，主要由兩位公子打理，但係都係差過以前好多。星期六四點幾經過佐敦，走過去都見佢有開到，我地兩個人滿心歡喜叫咗生牛肉粉，粉包，豬扖撈檬同satay豬牛。可能係無乜人既關係，佢地既整出來都比較平時多人時賣相好。牛肉粉- 湯底好濃同香，不過啲河粉似係一早整定咁，比較痴住。粉包- 一般，都係整定，一枱時唔係咁熱豬扖撈檬- 一般都係整定satay豬牛- 牛比較乾身除咗個牛肉粉外其它都比較一般，如果唔係一個情意結都未必會走去食....

四人晚飯,吃了:1.春卷2.沙嗲半打3.咖喱牛腩4.蝦餅5.法包及蒜茸包各一6.扎肉湯河7.香茅豬扒雞翼8.馬拉盞通菜另加飲品咖喱汁及4,5,6 三項不俗,價錢略貴

充滿期望地去試, 但真的有點失望。由於己經差不多下午三時﹔一行三人叫了三碗粉及一個小食。湯底還可以，但沒有甚麽特別之處。價錢似乎真的太貴了。扎肉河耍23元，豬扒檬要36，沙爹蝦河又耍36。比一般越南菜館貴，當有一點期望。可是，只是一般貨式，以地方及環境算，打番個7折就差唔多。如果食味同環境不變，都幾難再嚟

到老趙，算是一件苦事。肚皮不爭氣，總不可能食晒所有想食的野。叫牛肉幾味，原來得番牛十下十下一款。都好過無啦，反正今餐想食越南味精，食緊的時候，更懷念當年食火車頭牛肉粉的滋味。在toronto 生活過的人，閱讀這篇食評時，有否想起那味道？

近期去幫,只覺得全部食品都好鹹,勁重味精,完全冇哂昔日的水平.之後不服氣再幫趁,仍是失望.有一次鋪面冇位,被安排到對面的鋪位坐,極其難受,冷氣不足焗到死.雖然我是街坊,相信都不會再光顧. 以佢呢個消費水平,行多幾步係油尖區食餐好D絕不難.

食0左都有廿年,每次都先來一杯綠豆冰,之後必食蒸粉包,咖喱雞/鴨+焗麵包,好入味0架.牙車快也不容忽視,唔怕血可以試0下生牛肉,好腍好鮮味, 再叫一客雞翼簡直冇得彈.其實香芧豬肉檳海都好正,唯獨食得唔係咁方便.想食粉,可叫雞絲粉絲/生牛肉河.甜品就樣樣都唔錯,建議"椰汁jei豆"

o係天寒地凍(under 10度)既晚上, 試下有好多好評既依家鋪頭.試過春卷, 豬扒, 蝦餅, 粉包都好好食!間中有人食煙, 覺得好焗! 之後就冇, 因為開埋對面分鋪,廚房D食物就不斷送過去, 期間一直打開門, 一D都唔焗, 因為寒風不斷吹入鋪內, 凍到客人震下震下! (得幾度咋!)下次應該唔會再黎!

原來呢間真是好食好多, 唔間唔單止好食過其他兩間老趙, 仲好食過其他較出名的越南菜館, 味道好, 價錢公道, 份量亦夠。今日食了個酸窩牛肉, 雖然只是冷藏西冷牛肉片, 不過就有小山般高, 酸窩湯底又足料, 和金牛苑只有一個酸味清湯底和幾片牛肉, 真是相差得遠, 在老趙此窩吃得非常過癮...牛柳粒紅飯, 現在的越南菜館都做得不好, 但是呢到就是傳統做法, 紅飯和牛柳粒都有水準, 須然要七十大元, 不過份量好夠...香茅鷄亦, 略為遜色, 香茅味不夠特出...呢度又唔加一, 環境整潔, 又重拾吃越南菜的興趣了...

三間老趙, 喱間最好......價錢方面,因為不加一!好多野都好好食,如咖喱蟹,軟殼蟹,蔗蝦,蝦餅...... 尤其喜歡生牛肉湯河,湯河上時牛肉還生的.攪兩攪牛肉剛熟.鮮嫩無比.湯底清甜,好食!

昨晚二人吃了一個咖喱蝦,蒜蓉包,炒粉皮和椰青。咖喱汁好好味,入面有豬紅同粉絲,拿來yam 蒜蓉包o岩晒。d蝦分開上,不過d肉無咩味,好細舊,只係外面o的炸粉顯得佢大舊。蒜蓉包好鬼香,我細個成日去呢頭食越南野,但係唔肯定係咪同一間,不過以蒜蓉包的味來說,又好可能係。但係吃了兩三塊之後,個咀已經痛痛地,因為佢脆得來偏硬。可能叫既野都幾「漏」,吃後有少少反胃,唔係好舒服。

前幾日,同啊媽落去食晚飯.叫左個咖哩牛腩煲,一碟抄菜,一碟香茅雞翼飯.一條法包d咖哩牛腩煲就一樣錦正,加埋d法包就真係一流.但係碟香茅雞翼同碟抄菜就真係唔掂,完全無味.真係大失水準.同之前真係唔同左.

早幾個禮拜食過山林道分店，今次專程老遠行到o黎老店試o下，講真都幾唔就腳，但係6點幾都唔少人喎。只得兩個人食唔到d咩野，而且時間尚早又唔肚餓。叫o左一碗鹵水排骨檬、七彩三絲檬、咸魚炒油墨菜及一杯綠豆冰。鹵水排骨正，肉質好鬆化，好入味外但唔會好勁花椒八角味，一碗有5件都唔少，不過唔夠喉，有d後悔唔叫一煲。可能心理上影響，覺得總店好食過分店，而且上菜又快，又無分店咁烏煙瘴氣。

個多月前的事了，那天與混混談越南菜，他力說老趙的精彩，甚麼紅飯炒牛柳粒、炸軟殼蟹等，對此店亦早有所聞，只是懶的到那山卡罅的地方，當日閒閒沒事幹，那就與混混試試，看看是否傳聞中的好。要吃當然要到總店，它位於左敦與機鐵九龍站之間，超隔涉的說，沒有混混這盲公竹的話，想吃？連們都沒有。開業多年的老舖，店子是舊了點，但很清潔整齊，有點茶餐廳Feel，由於是三點多，店內只有偶們一檯客。雖知紅飯炒牛柳粒是招牌菜，但當日天氣蠻熱的，所以打消了吃紅飯的念頭，生牛河是偶的最愛，是吃越南料理必點之菜，看到菜單上有由生、熟牛肉加牛根的雜錦河，那更沒有不點之理，除了此品外還點了蔗蝦；混混最愛煎炸的東東，於是點了招牌炒飯。雜錦河的湯比想像中的好，濃濃的牛肉湯，味道有點像生記的清湯，當然味道較之濃十倍，正點！生牛肉很嫩，有肉味，亦未被浸熟，不俗～可惜熟牛煮過龍，鞋鞋的，並帶蘇味，怪哉，煮牛根的功夫亦未到家，沒有味道外亦很韌，沒有偶期待的那種稔口感，失格，河粉不錯，嫩滑的同時亦帶有河味，若單以生牛肉河計，真的無得彈～蔗蝦很大件，漲卜卜的，蠻可愛呢，單看賣亦足夠令人食指大動嚕！炸的剛剛好，外皮很爽，餡用了大量蝦肉再混了

之前o係電視見過介紹呢間舖，所以今晚專登走黎試食．我地兩個人唔叫得多，就叫左個蒜蓉包，春卷和牛柳炒紅飯．個蒜蓉包好正，好香，好味道．正如之前個食家所講，o的蒜蓉甜甜地o架，而o的麵包幾鬆軟（趁熱食時，涼了就硬，多數人都伴咖哩食，但我地淨食包），食落冇其他店的咁飽肚，對我地兩個黎講係好，因為原來一客蒜蓉包有8件，太飽的話就食唔落其他野．仲有，每塊包都塗上了好多牛油，好味．我地見隔鄰o個枱三個人仲叫了兩客蒜蓉包添！個春卷一客有兩大條，食時用生菜同香葉包住，點少少汁食，條春卷新鮮炸起，浸下落o的汁耐少少才吃，如果唔係就好熱o架喇．條春卷比小巴黎的大條好多，塊皮又比較薄和脆，唔知係咪因為大條，包得少層數，所以咁樣．除了塊皮之外，o的餡料好似差不多．至於個牛柳炒紅飯，o的牛柳粒真係好軟，一o的都唔tough，而o的紅飯好好味，粒粒飯都沾上醬汁，好入味．不過跟牛柳一齊炒的洋蔥就完全冇味，我食左一塊都冇再食．整體上，呢個紅飯都幾好食o架，不過都幾肥下，因為o係電視見係用好多牛油煮o架，有得同人share 就最好啦．不過價錢方面都幾貴下，可能我食慣小巴黎o的平民食店啦．而服務都OK 既．