老趙越南餐廳

營業中

休息中

拉麵唔好食, 到六點幾又肚餓, 去佐老趙食喺老趙食的食物係牛柳粒紅飯, 呢個就野味得多, 好正! 牛柳粒勁淋, 紅飯係茄汁炒飯, 味道帶輕微的酸, 好開胃! 牛柳用洋蔥炒過, 份外香口, 牛柳粒份量都幾多, 再食兩件新鮮蕃茄, 飽咁好食, 唔介紹俾大家點得呢

收工同AMY去老趙, 它搬到呢到都有幾年,同以前舊鋪唔係隔好遠,但總係搵唔到以前d feel生牛肉河依然好味, 酸子牛肉鍋唔同咗,依家H5N1後無鴨仔蛋,杯茶仲係咁好飲老趙-惜日拍拖等幾耐都要去,耐唔耐都會心掛掛才去

二月初四‧陰陰涼 吃了這個牌子很多年，原來老店這邊，一個食評也未交過，就趁是日補上一個。同朋友吃完腸粉，吃粥還未夠喉，還想喝喝湯，就轉過來這邊。 在大角咀區來說，這裡也是旺場店，不過就勝在店子不小，等一會就多數有位。是晚更幸運，來到剛好有四人位子，可以立即坐低。 吃什麼也好，先來點啤酒才算，就33及39啤各一。坦白說，真的說不出跟平時喝的樽啤或黑啤有何分別，只不過總應時過在吃越南菜時喝藍妹罷了。吃的方面，要了個生牛肉河，鹵水排骨湯粉及春卷濱海，一於在這裡吃飽先。 生牛肉湯河很快上桌，喝口湯，味道濃郁，雖然是偏鹹了一點，牛肉的濃香是過到關的，雖然比起最出色的，還差了小半線。生牛肉真的夠生，浸浸湯，吃起來軟滑，不如坊間一些生牛肉湯河，拿出來已經是熟得很的柴皮牛肉。河粉幼身，雖然是厚了一點，但和著牛湯來吃，加上不少的洋蔥碎，是有水準的。這個牛湯河，值得一吃； 鹵水排骨湯河是我在這裡必吃的一味，所謂的鹵水排骨，是將切件的排骨，加入肉桂、香茅、紅椒等香料熬成如墨汁的濃湯。湯底味道，甜中帶一點點辣，還滲有濃郁的新鮮香茅的清香，是個幾地道的排骨湯。河粉索了湯汁，又夠味又好吃。難得朋友跟我也是香茅的愛

睇戲之前, 去食少少野先, 因為去elements 睇, 所以揀去佐敦老趙食碗咖哩粉咖哩鴨檬係今次的選擇, 老趙的咖哩檬係我食o甘多間越南餐之中最好食架, 咖哩汁好野味, 最欣賞係鴨肉煮到入哂味, 100%入哂嗰隻, 又淋, 真係好好食 而件薯仔同樣係充滿哂咖哩味, 成碗檬粉真係好食到, goooood~~之前都會嚟食, 仲好鍾意幫襯碗生牛河同埋蔗蝦, 老豆就會食鴨仔蛋, 不過我覺得呢樣野好得人驚

睇完戲之後, 同朋友諗去邊食飯好, 最初我提議去金寶, 不過朋友想去老趙食, 於是坐的士落佐敦去了今趟只係我第一次來, 不過聽朋友講老趙的食物都好好食, 咁就要試吓喇 我自己食一碗生牛肉河, 噯 真係好好味呢, 湯底好正宗呢, 有白蘿蔔兩大件, 加上香濃的牛肉味, 這碗生牛肉粉水準很高, 同金寶最大的分別係, 佢因為落左白蘿蔔, 所以味道比較甜, 廿六蚊一碗, 更加抵食椒鹽軟殼蟹係十分野味之菜式, 我地三個人食一碟, 可能因為太好食, 所以居然好似唔夠咁 仲有個蟹餅都係做得好出色的食物!今日到此一吃, 令我食越南餐又多個好去處了, 好開心!

咖哩雞檬: 多紅油不過唔太辣，上面幅圖係"撇"左一半紅油既狀態...咖哩無椰香味，都唔緊要，因為唔係隻隻咖哩都落椰汁，不過最慘係咖哩唔夠香。雞肉尚可，夠滑，係雞搥位。檬粉彈牙，但太硬。冰咖啡: 侍應話係用煉奶沖，但我覺得咁樣太甜，無乜咖啡味，似糖水...其實食物唔算太太太差...不過以$40食咁既質素...再計埋佢既地理位置...算吧啦...俾 都唔會太過份。

打完麻雀同D雀友落老趙睇住舖搬大舖又開分店,始終覺老舖係最好食.生牛肉粉絲牛肉夠嫩羅白入味最差就係得嗰一舊,湯底夠濃.粉包足料皮又唔會厚咖喱鴨煲配法包一D都唔會嘥咗個汁,個鴨唔老.咖喱雞煲D雞唔入味重係白唔及個鴨好食春卷失色炸唔脆酸湯灼牛肉好開胃開邊大頭蝦D蝦唔新鮮梅梅哋失望.炒雜菜咸咗D檸檬梳打酸甜適中不過正體都算OK

三月十五日 (星期日)本想在吃AMC之前到渡船街一試鴨肉腸粉,誰知星期日休息一場來到,不如逛逛有沒有好食肆,經過老趙,好像似曾相識,於是便決定試了來到時並不多人,貪心地霸了一張四人桌,反正都沒人坐菜牌的菜式都是越南餐廳常見的,經過一翻商量,選了以下數款:黃金蛋釀蟹肉是小食,很不錯的賣相,色香味的色已做得很好面層用了咸蛋,和蟹肉很匹配唯蟹肉味不算特出,不過作為小食己是不錯牛肉雞絲凍檬來到時凍檬竟有點熱,驚訝,幸好熱力很快就散去我很喜愛魚露,每次都落了大半瓶,今次也不例外今次的魚露不是太酸,我鐘意檬粉頗為爽,很好吃至於鮮牛肉亦很煙韌,而且很大碗,很足料咖喱黃鱔粉絲煲深紅色的表面,看上去好像很辛辣,原來只是靠嚇很甘香的咖喱味,濃而不太辣至於黃鱔頗多,肉質鮮而爽,唯一缺點是沒有去骨,以至每一塊肉都有骨,吃得不夠暢快粉絲加上咖喱永遠是最好拍擋,可惜的是粉絲較少快吃完的時候,原本有很多空桌的老趙己變得座無虛席,有些人要在門外等候雖然正在回味,我們也不太好意思打攪老趙,結帳離開

零八年十月三十日下午茶第三次來，首次是老弟帶來，他說這裡牛柳粒紅飯不錯，自己就喜歡這裡濃湯，當時Pho熱不如現在，尤其是意爐結業，又未有火車頭，想吃碗好的越式牛肉湯河選擇也真的很有限，除這裡外就要數到老許。是日同同事再附近開工，沒有東西下肚就來喝碗生牛河祭祭五臟廟吧。四時許店員多過客，大叔接過單，未幾送來碗熱辣辣湯河，繼續刨馬經。大碗湯底夠熱，下了不少橫切圓片洋蔥，蔥同金不換下得慷慨，牛肉不少肉質細嫩美味，河粉是本地貨，滑口但無米漿質感，湯底濃得不得了，但有解釋不了黃油浮面，香料味很厚將牛骨味道蓋過，說差嗎不是，說好嗎現在的火車頭比這裡鮮濃，不過卅幾元的街坊風味，已滿意了。專注於湯底，味道比起山林道的分店紮實，吃完滿嘴是薄薄的油脂，回味。

听朋友说过这家店N多遍了！但是一直没有试过终于在圣诞节有机会吃了，去完朋友家他开车去。一入到里面见到挂着很多明星光顾的照片！坐低后点了生牛肉河粉，牛油鸡翅，越式蒸粉卷， 春卷，虾汤和牛柳粒红饭； 饮料点了3色冰，椰青，和珍多冰！老实说越南菜其他的地方和这里就像差点味道！总觉得牛肉的味道比其他的重，汤底也是浓一点很不错！喜欢越南菜的朋友值得来试啊！

曾經對老趙的生牛河死心塌地,起碼幫襯超過十五年,大頭蝦,咖喱煲,春卷都覺得正!就算別家的牛肉比它滑,河粉更幼身也無所謂!因為佢仲有舊蘿蔔係其它地方無嘅!好耐無去過喇,因為怕晚止食飯時間多人要等餐死....點知七點半一去到剩係得十個客左右,仲以為咁好彩,點知........兩個人叫咗:生牛肉河----牛肉份量少咗好多,個湯咸咗好多,舊蘿蔔起晒渣,仲要唔夠熱!咖喱雞煲----薯仔中間凍嘅,從未食過雞肉霉成咁嘅,每樣食咗一件就擺咗喺度無再惦過!四寶飯----豬朳無味又柴皮,雞翼又係霉嘅,蟹肉蛋又係凍嘅,剩係食咗果兩片扎肉!青檸梳打----較為似飯後糖水.......唔敢再叫其它嘢食,埋單!開車盡油劈住走!回家罰自己寫五百次"我以後唔會再去老趙"同食咗個喺曰本買翻嚟嘅杯麵............

記得第一次到老趙, 也是夏天, 幾個朋友不知誰提議的, 坐在街邊的桌椅, 像大排檔, 不過既有星光又有酒, 尚有幾個好友, 其實已經夠, 誰知吃食一來, 驚為天人, 差不多十幾年了,至今難忘。剛吃過添記, 不能吃太多, 只點了春卷及生牛肉湯河。湯河先到, 外觀意外地十分不錯, 牛肉也是帶生的, 中央放了一段煮透了的白蘿蔔,上面一堆生洋蔥絲, 色彩構圖兼顧, 除了濃濃的牛肉香, 更有生洋蔥的刺激的香氣,不暇細想,先啖一口湯, 濃且滑, 香草的配合平衡; 立即加入碌冧, 河粉薄滑, 配合濃湯, 不消一刻, 吃過碗底朝天, 湯, 當然一滴不剩。春卷來了, 今天既有時間, 就用不同的方法吃,:1. 點碌冧: 新鮮, 春卷皮脆, 不會太乾, 仍有嚼頭, 餡料新鮮2. 用筷子用力鍾爛點碌冧: 更入味3. 用筷子用力鍾爛點碌冧加生菜: 加了清爽口感4. 用筷子用力鍾爛點碌冧加金不換加生菜: 雖然麻煩,但實在精彩臨走時不忘外賣咖喱牛腩。沒有星光也不像大排檔, 據說老店的水準也未能保持,但老趙總在我心靈的某個角落。

老趙响佐敦嘅呢間老舖，不嬲都係小弟心目中數一數二嘅越南菜館...可能自小响度長大，再加埋D感情分使然la。响呢度，可以食到水準極高嘅特別金邊粉、春卷、粉包及牙車快。當然，仲有可以講係全港最出色嘅魚露...太座每次來，必定先自隊半樽。的確，做得咁入味嘅貨色，難求矣...今次前來，某程度都可算係為咗重温魚露嘅滋味。試過後，依然有水準。但是，僅此而已...從前嘅"特別"金邊粉已變成"雜錦"金邊粉。從前嘅配料如扎肉、稔肉等完全失踪，換嚟係小弟最討厭嘅蟹柳，實在豈有此理之極。可幸湯底夠清之餘依然入味，否則，棄之可也...春卷亦失去咗兒時嘅滋味。不過，比起外面嗰D超市貨色，依然略勝一籌...牙車快最重要係椰菜絲份量足，配上極品魚露，難食極都有限。雞肉肉地幾實淨，雞絲真正手撕出來，食落冇乜雪味，算係比較出色。但比起十多二十年前嘅水準，依然有距離...話雖如此，比起越棧、rice paper嗰D勞什子貨色，仍係冇得比...

話說周六晚收工心血來潮想去試下越南野食﹗於是搭車去左油麻地渡船街既老趙越南飯店﹗睇網上食評呢間野都唔錯，見都幾多人讚呢度既大頭蝦，不過望一望個餐牌同埋對面食客之後就無叫到﹗成百蚊一隻本身都無咩所謂﹗不過成隻都係炸粉見到有0的似街邊0的肥大椒鹽魷魚，可能好食，不過賣相比較核突所以無叫﹗一坐低就叫左酒先啦當然﹗試下0的地道野﹗西貢beer加Porter 39啤酒﹗我試左西貢beer，幾清新，啖口飲品，飲落幾舒服﹗39原來係黑啤，苦中帶澀我地最憎，又試錯新野了﹗第一味送係香葉炒青口﹗青口很肥很飽滿，個汁少少辣幾惹味，青口沾著香草香氣，好食﹗地道越南沙律，好似叫"蝦車打" ，我好似睇蔡欄節目時見過﹗有椰菜啦、青紅蘿蔔絲啦、蝦仲有好多花生等等香料撈埋一齊，食落咸咸地幾好味﹗應該個汁裡面有魚露、麻油等﹗最後一個係招牌牛柳粒紅飯﹗牛柳粒好淋好味﹗燒得岩岩好，外暖內軟有嚼勁﹗紅飯有蒜味、仲有黑椒、茄汁、蛋絲等，有0的似西炒飯﹗好開胃份量亦多，不過成八十蚊一個就.......貴左少少吧﹗埋單二百幾蚊，值得一試好味不過幾貴的一間野﹗我地坐咁耐0的客出出入入多人到......應該好多人好似我地咁冒名而來呢﹗

同個ＦＤ去左食野,對上一次巳是３年前,果陣時佢都末搬叫左兩個三宝飯.４２蚊１碟..有２隻雞中翼,２塊小豬扒(一啖可以食晒咁大),２塊薄扎肉,味道○Ｋ啦,飯係好大碟,但嫌唔夠唔的餸..同埋比起以前貴左下次都係去返小巴黎食算