老趙越南餐廳

營業中

休息中

這篇是小弟 "處男下海" ~ 第一篇食評。(還未習慣飯前拍照啊！)近月每逢周三，太太在渡船街附近上課；在她上課前，都會與她在佐敦找地方晚餐。"老趙"可算是其中較多光顧的店舖之一 昨天本想去文蔚街"隨變"，但多人等候緣故，所以又去"老趙" (連續2個星期三都係佢，仲要係食同一樣款式)就係二人套餐A / HKD218 (先旨聲明，我倆並不是悶蛋啊)只因早已對他們供應的"清湯牛柳窩"十分十分有興趣，但始終得兩個人，胃納有限但又想試多款式情況下，總會擱置之。在上周，看餐牌準備落單時，餐廳侍應總會推介我們食套餐。但我倆真的想試"清湯牛柳窩"，就不為所動。但侍應姐姐補充原來套餐可以更改配搭的。那我倆二話不說，order 之套餐菜式如下：>大頭蝦 (更改為 清湯牛柳窩) 驟眼看似份量很小，但是足夠的。味道：湯底原先清甜，但灼完牛肉後就牛味濃郁，連伴碟的洋蔥、大蔥一同灼食；一字記之曰：正 牛肉的質素亦不俗。>馬拉盞炒時蔬 (揀選了 芥蘭苗)味道：馬拉盞味濃，炒得夠火候。>春卷味道：招牌菜式，不作詳述。>湯河或飯 (揀選了 生牛河) (無錯，我哋係牛王)味道：都是招牌菜

聖誕節同男朋友黎食晚飯~7點多，店外有6-8人在等，剛好我地兩位，即刻有得入了~座位係迫d，茶餐廳feel，不過員工服務態度幾好~落單後不久，見到我地仲未上菜，仲係望住隔離枱食，就即刻主動跟單原來真的未入單=.=""不過算啦...佢地都即時跟進呢~點了越式大蝦干炒粉、咖哩大蝦粉絲煲、蒜蓉包、椒鹽軟殼蟹>w<越式大蝦干炒粉﹕超香呀!!!炒粉上有d香脆的粒粒，惹味!!! 蝦的數量也合理，沒有雪藏味 (應該係新鮮的~??)咖哩大蝦粉絲煲﹕大蝦與咖哩粉絲煲分開上的，大蝦炸得香脆，小心燙咀!!! 略嫌咖哩太稀蒜蓉包﹕蒜味再濃d就更好~數量恰當!!!椒鹽軟殼蟹﹕好熱氣=v=好好味=w=椒鹽味恰到好處一邊食，見到好多附近住客都黎買外賣呢~!!!下次黎要試o下生牛肉河，好似HK$28左右同場加映﹕椒鹽軟殼蟹食到最尾唔覺意食埋辣椒，埋單後即衝去對面7-11買竹蔗茅根飲=.="

聖誕節，原本諗住可以食餐好味既，同家人一同過，知道佐敦有一間食越南野既OK好味道，就過左去試下啦。以前未出名時依間舖頭都OK的，隔左咁多年之後試左一次，唔洗指二我會再幫襯佢。大約九點左右到達，等位五位就等左五個字左右，入去坐位置好迫。打算叫個四人餐先啦，唔夠再叫其他，$398（圖１）咖哩雞同小食併盆中既春卷味道唔錯，咖哩加埋個蒜蓉飽幾好味。而碟炒時菜實在太少，其實菜好平o者，比多d都賺啦..炒飯同個蟹都正常既。依個時候見到隔離台食完走人，台上有未食既生菜（同黎包住d春卷食既），見到侍應執野時故意將果d菜同其他碟分開攞入去，好驚，睇黎佢諗住將d菜再比其他客人.......食左好耐，就黎想叫上糖水之際，數下數下，好似少左碟蝦餅wo....問問個侍應，佢話：「係呀，岩岩都想同你地講，依家運緊過黎啦」我地問：「o係邊運緊過黎？」侍應：「o係沙林道呀（即另一分店）」「下...咁幾耐？」「兩分鐘倒啦」我地要轉過第二樣野食，就轉左香茅雞亦。如果我地唔問分分鐘走都唔知少左樣，$398呀，食左咩呀請問？諗住食埋個糖水就走啦，一攞過黎我仲以為自己睇錯有冇搞錯呀！！依d咁既野叫糖水？不如你唔好送，我會開心d

位於渡船街的總店位置偏遠，但西鐵開通後其實已方便不少，由柯士甸站A出口去就是了!雖然環境只一般，無椅背的位坐得人麻麻舒服，不過食物實在是不錯的，上週二十多人的生日局一次掃了：　　蒜茸包x3-新鮮上檯時香脆又可口，我尤其欣賞它有蒜香但不會太濃味，無論淨食或配咖哩，都十分美味!　　咖哩牛腩/咖哩雞/咖哩鴨煲-咖哩帶有淡淡椰香，香滑惹味而不過濃過膩，味道實在不錯，引得我筆完又筆。三款肉類中個人最鍾愛鬆化的牛腩，亦欣賞軟熟香口的薯仔；此外雞及鴨煲的加料雞/鴨血，也都得到在場食友不少讚賞。　越式蒸粉卷x2-以免治豬肉、沙葛、甘筍等為餡的粉卷非常飽滿，粉皮特滑，口感十分豐富。不過要彈是外皮與餡料油分都不少，加上件頭不小吃來頗膩，同樣都屬越式卷物，比較下個人較愛清淡的米紙卷。　炸軟殼蟹x3-粉漿只薄薄一層，軟殼蟹炸得非常香脆惹味，趁熱食真是滋味一流!不過一經擺凍，風味就會十級降，點這味真是馬上清碟為妙!　香茅雞翼拼豬扒x2-大堆頭的油膩肉類拼盤，在眾多美食中吸引力稍遜，最後果然成為倉底貨。貪新鮮的我也趁熱各試了一件，發現無論雞翼或豬扒肉質都較乾，調味淡淡的，最突出是濃濃香茅味，整體味道一般。　沙爹串

由旺角打的來也不用跳錶，近九時，人客很多三位阿姐全程在忙個不停，阿姐手腳快未幾已安排到位置給坐下。二人點菜難度不少，始終吃越南菜是六～八人來最試得多，先來個繽海拼越南春卷、蔗蝦及蟹蛋，朋友今次唔飲「33」改飲南越西貢啤。蔗蝦來到，生菜包著鬆軟材料紮實的蝦膠蘸魚露吃，美味。蟹肉焗蛋金磚，是不錯的風味手作仔，別的越南餐廳不會做。主菜是四葉炒蟹，有點點美極汁的味道，肉質嫩而鮮，不錯，剩下的汁亦不錯過，用剩下的繽海蘸來吃，滿意。盡情的吃上四款碟頭足夠四～六人細分的菜式，最後以甜到死的眉頭糯米作結，滿足，然後再吃別的好東西！更足本的網誌@http://foodxfile.blogspot.com/2009/09/1.html

經常行經這間老趙都誤以為這間是冒充的因為我只去過山林道分店就兩間外觀相比之下差天共地若果他們不是掛有老趙這人像招牌相信很多朋友都覺得這只是一家雲吞麵店或一家茶餐廳．．．今次只想介紹一道有驚無喜的午市飯餐： 蟹肉焗蛋飯它上檯後我誤以為來錯檯向店員查詢她肯定的跟我證實它是蟹肉焗蛋飯（如圖）蟹肉焗蛋飯包含：蟹肉、蛋、香蔥、花生碎、蘿蔔絲、青瓜和飯上檯五件“蟹肉”整齊的擺放在飯丘上很難相信這是“蟹肉焗蛋”恕小弟孤陋寡聞，跟我想像的真的很大出入姑且吃一件嚐嚐其“蟹肉焗蛋”的味道豬肉．．．紮肉味．．．應該是將蟹肉混豬肉製成的味道沒有特別的由於本人已戒吃紅肉多年故將所有“蟹肉焗蛋”都給了朋友吃白飯就夠了．．．都怪自己才疏學淺付上$40見識這碟「蟹肉焗蛋飯」 總結：．午市湯粉或飯餐$32-$40，跟飲品：咸柑桔水 / 咸青檸水 / 咖啡或茶．湯粉份量很多，一般食量女士或者未必應付到．午市時間店內只見兩位樓面店員，高朋滿座確實有點吃力．店內環境寬敞，因為座椅以圓椅為主，沒有椅背使客人都不願久留．店外有很多咪錶車位，店子設大玻璃可看到店外車子有否被抄牌，方便駕駛人士．雖然在公司附近，但由於那「蟹肉焗蛋飯」

西打想一下，好像沒有寫過任何關於越南菜的食記。說實話，西打個人沒有很愛越南菜。總覺得每道菜的特色不夠。要吃東南亞菜，西打寧可吃泰國菜，愛其酸辣霸道的口味。越南菜就是取了中庸路線，有點進退失據。是夜吃的老趙可算是香港越南菜開創著之一，早幾年西打去吃時，在渡船角一連開了幾家店，每家都塞滿了人。好久沒吃了，不知現在變成哪個模樣。未來外父大人的熟牛肉湯粉不怕生的西打點的生牛肉湯粉越式湯粉跟廣東式的有差！比廣東的河粉再幼一點，唏哩哇啦的吸進口，幼滑可口，米香略嫌單薄了一點。吃老趙其實也只不過是為了吃這口湯。用大量牛骨，花上十多小時熬製的湯頭，每次喝第一口時，西打整個人都覺得好感動，怎麼會有這麼好喝的湯。清甜卻不失濃厚，有厚度但又不會感到油膩，底蘊還隱隱嚐到蘿蔔的甜再來的串燒，一半燒豬肉一半是牛肉。這個味道很普通，完全缺少了應有經過燒烤的香氣。肉也切得太薄，整串串燒變得好單薄。馬拉盞炒通菜，還不錯吃！扎肉，西打一貫不愛這種像香腸的食物。西打只吃了一片，平心而論，味道是不錯的。總計：12X / 3人 (老趙)若不是未來外父大人想吃老趙，西打應該這輩子都不會主動說要吃越南菜。人的口味就是如此，連西打都

這天大樹菠菜子去到老趙, 目的係見這間越南餐廳有不少食友推介個生熟牛肉粉, 自己都好想食到一碗好食的生熟牛粉, 最好要正宗的, 咁就好滿足了今次食o左碗走青的, 生熟牛肉粉的味道真不錯, 湯底鮮甜, 牛味充份, 加埋件大大件的白蘿蔔, 十分之正宗的越式風味, 細嘗之下, 發覺胡椒的味道都幾重吓, 多種味道的配合之下, 碗生熟牛粉好快就放入肚裡, 連湯都差不多飲哂雖然係咁, 少少缺點係香花菜, 辣椒, 檸檬都俾得好少, 要主動叫侍應添加, 不過叫到都無托手踭!

搬來佐敦上班都差不多九個月了…一直都有聽同事說渡船街那邊有一家越南菜館很好吃…奈何天氣如此炎熱…要由圓方步行出去實在有點辛苦…況且平常都是帶飯回公司吃的…所以一直沒機會吃…是日週末…一點要回公司加班…就正正有一個好機會來這邊先吃一頓午飯才上班…~熱天最好就是吃凍檬…所以率先點了一碗扎肉撈檬…另外就想試試她的牛河如何…所以友人就再點了一碗熟牛肉河…其實我是比較愛吃生牛肉河的了…哈哈哈~河先上…喝一口湯…不錯…很濃郁的湯底…而且我覺得好像帶一點點蘿蔔的清甜味…好喝…加了青檸汁和辣椒碎之後…湯底變得更惹味…友人幾乎把整碗喝掉…河粉看起來幼滑…吃起上來也不俗…但未算是我吃過最滑的越式河粉…熟牛肉就一般…有點兒鞋…扎肉凍檬的份量很大…一碗滿滿的…空肚的我也未必能夠吃完一碗…味道是不錯…不過就嫌這個凍檬不夠凍…微溫的…還是湯河好吃一點...下一次也可以嚐嚐演海...~其中有一位好像比較高級的女待應當日似乎心情不太好...一直皺著眉的...有點嚇人...~

今日下午本打算到添記買番個越式三文治食, 但臨時轉軑去左老趙食, 因為好想食佢既咖哩一個人入到去, 柯打左一碗咖哩雞檬同一碟炒通菜食, 咖哩雞檬好味之處係個咖哩汁做到好杰的效果, 我要求了店員俾多一舊青檸我揤落咖哩度, 更覺好味! 雞件好入口, 完全已經吸收哂咖哩的味道, 每一件咬落都好入味, 好好食!最特色係咖哩檬落左兩件豬紅, 而豬紅都索哂咖哩的味道, 變成一件好味的豬紅, 好正!咖哩檬做得好味, 要所以食物都可以入味, 唔係將咖哩汁倒落煮熟左的雞肉就算, 老趙的咖哩雞檬, 好食係因為佢入味, 所以我好鍾意!

今次真係特登搭車去搵呢間試一試換來既係失望......去到已經係TEA TIME就叫左個咖哩雞飯D咖哩就唔錯不過可以再濃D味雞就真係敗筆骨仲多過肉我而家又唔係叫上海排骨......另外飯既份量較少我最後食剩三份一碗汁.......

今次食越南餐的地點係老趙寫左咁耐食評, 終於都試吓用相機影低食過的食物, 坦白講, 影的時候都有點怕, 驚店主唔喜歡會駡人, 但見個個都係咁影, 都唔係太怕了老趙的咖哩檬係好好食的一間, 比金寶更好味 (雖然係金寶的fans, 但咖哩老趙好食d), 加一些辣椒粒同青檸汁食味道更正宗, 今次所叫的是咖哩牛腩粉絲, 感覺上粉絲無檬粉咁好, 但係個咖哩汁實在出色, 所以另外叫多份蒜蓉包點咖哩汁食, 一流!蟹肉餅係另一出色小食, 不可不試! 一客六小件, 我一個人食哂, 野味的最主要原因, 係落了很多白胡椒粉, 我發覺越南餐無胡椒粉根本一點都不像越南餐呢

最近極忙, 極倦, 更在危急存亡之秋大病, 實在是倒霉透頂。 在家養病了一星期, 見病情稍有起色, 立刻外出四處逛. 順便處理一下事務也好。約了師父仔在佐敦區見面, 而且也實在不到其他環境安靜的地點, 最後便進了來, 邊吃邊等。 我的決定果然沒錯, 時約六時, 食客還只是小貓三四, 環境和服務是好的很。 這個笑臉可是跑不掉了!把餐牌掀了又掀, 最初的選擇原不是牛河, 因約大半年前吃過一次卻不甚滿意, 但礙於大病初愈, 而且月尾手緊, 最後還是還原基本步要了生牛肉河粉一碗。見牛筋好像也不錯, 想雙併, 對不起沒有, 那三併(生,熟,牛筋)走熟牛? 又有。由此可見, 世事真的無奇不有哈。牛河是要等了一等才有得吃, 但果然沒令我失望。 吃牛河當然先來一口湯, 味極鮮極濃, 滿口牛香, 果然足料, 而牛湯面上泛著的油光, 更是最好的証明。 大病中口淡淡的我嘗一口牛湯後, 感到無比受用, 感覺舒暢, 猶如打通任督二脈, 神奇神奇! 牛肉和牛筋滿滿的佈滿在河粉上, 很豐富, 但味道上卻成為大配角了, 前者近孚全熟, 而且並不軟滑; 後者全不入味, 亦有點硬, 最後當然是吃不完, 建議不要點。最

尋日到了老趙的老店食, 感覺很正宗首先係嗅覺正宗, 一入門口已經係好重的香茅味, 仲有魚露的腥味 之後係食物, 包括了正宗的生牛河, 咖哩牛腩檬, 椒鹽軟殼蟹, 香茅豬扒最好食係生牛河, 覺得佢好正宗係因為有齊洋蔥, 蘿白, 胡椒, 番西的味道, 加埋牛骨, 重要係好濃的程度, 牛肉片係手切的, 唔係肥牛, 雖然少了牛油的香, 但多了些血腥的牛味, 嗜牛的人必定愛吃!最唔好食係個炸豬扒, 炸得好乾, 雖然有魚露點, 但乾同燶的感覺完全不可以令我覺得佢好食, 比較失色不過只係一碗生牛粉, 足以讓我再去幫襯

八點幾兩個人入去食, 食客不少, 捧場客很多呢首先講吓個牛柳粒紅飯, 紅飯係茄汁炒飯加上炒蛋, 牛柳用洋蔥炒過, 好香呀, 但係覺得咸左少少, 牛柳唔un, 十分滿分我俾7.5分!生牛肉河一般, 牛肉比較un, 個湯味道就咸左, 同一年前食過的記憶有出入, 當時好似好食好多! 今次個湯底牛味唔夠!仲叫左個蔗蝦, 老趙的魚露溝得好好味, 個蔗蝦點魚露食我俾10分, 係滿分!炒通菜係蒜蓉炒, 幾好, 因為有獲氣同少油, 上枱時出緊煙, 好食!食物有好的菜色, 但好似生牛河咁就退步左, 不過都值得食!