老趙越南餐廳

營業中

休息中

听朋友说过这家店N多遍了！但是一直没有试过终于在圣诞节有机会吃了，去完朋友家他开车去。一入到里面见到挂着很多明星光顾的照片！坐低后点了生牛肉河粉，牛油鸡翅，越式蒸粉卷， 春卷，虾汤和牛柳粒红饭； 饮料点了3色冰，椰青，和珍多冰！老实说越南菜其他的地方和这里就像差点味道！总觉得牛肉的味道比其他的重，汤底也是浓一点很不错！喜欢越南菜的朋友值得来试啊！

曾經對老趙的生牛河死心塌地,起碼幫襯超過十五年,大頭蝦,咖喱煲,春卷都覺得正!就算別家的牛肉比它滑,河粉更幼身也無所謂!因為佢仲有舊蘿蔔係其它地方無嘅!好耐無去過喇,因為怕晚止食飯時間多人要等餐死....點知七點半一去到剩係得十個客左右,仲以為咁好彩,點知........兩個人叫咗:生牛肉河----牛肉份量少咗好多,個湯咸咗好多,舊蘿蔔起晒渣,仲要唔夠熱!咖喱雞煲----薯仔中間凍嘅,從未食過雞肉霉成咁嘅,每樣食咗一件就擺咗喺度無再惦過!四寶飯----豬朳無味又柴皮,雞翼又係霉嘅,蟹肉蛋又係凍嘅,剩係食咗果兩片扎肉!青檸梳打----較為似飯後糖水.......唔敢再叫其它嘢食,埋單!開車盡油劈住走!回家罰自己寫五百次"我以後唔會再去老趙"同食咗個喺曰本買翻嚟嘅杯麵............

記得第一次到老趙, 也是夏天, 幾個朋友不知誰提議的, 坐在街邊的桌椅, 像大排檔, 不過既有星光又有酒, 尚有幾個好友, 其實已經夠, 誰知吃食一來, 驚為天人, 差不多十幾年了,至今難忘。剛吃過添記, 不能吃太多, 只點了春卷及生牛肉湯河。湯河先到, 外觀意外地十分不錯, 牛肉也是帶生的, 中央放了一段煮透了的白蘿蔔,上面一堆生洋蔥絲, 色彩構圖兼顧, 除了濃濃的牛肉香, 更有生洋蔥的刺激的香氣,不暇細想,先啖一口湯, 濃且滑, 香草的配合平衡; 立即加入碌冧, 河粉薄滑, 配合濃湯, 不消一刻, 吃過碗底朝天, 湯, 當然一滴不剩。春卷來了, 今天既有時間, 就用不同的方法吃,:1. 點碌冧: 新鮮, 春卷皮脆, 不會太乾, 仍有嚼頭, 餡料新鮮2. 用筷子用力鍾爛點碌冧: 更入味3. 用筷子用力鍾爛點碌冧加生菜: 加了清爽口感4. 用筷子用力鍾爛點碌冧加金不換加生菜: 雖然麻煩,但實在精彩臨走時不忘外賣咖喱牛腩。沒有星光也不像大排檔, 據說老店的水準也未能保持,但老趙總在我心靈的某個角落。

老趙响佐敦嘅呢間老舖，不嬲都係小弟心目中數一數二嘅越南菜館...可能自小响度長大，再加埋D感情分使然la。响呢度，可以食到水準極高嘅特別金邊粉、春卷、粉包及牙車快。當然，仲有可以講係全港最出色嘅魚露...太座每次來，必定先自隊半樽。的確，做得咁入味嘅貨色，難求矣...今次前來，某程度都可算係為咗重温魚露嘅滋味。試過後，依然有水準。但是，僅此而已...從前嘅"特別"金邊粉已變成"雜錦"金邊粉。從前嘅配料如扎肉、稔肉等完全失踪，換嚟係小弟最討厭嘅蟹柳，實在豈有此理之極。可幸湯底夠清之餘依然入味，否則，棄之可也...春卷亦失去咗兒時嘅滋味。不過，比起外面嗰D超市貨色，依然略勝一籌...牙車快最重要係椰菜絲份量足，配上極品魚露，難食極都有限。雞肉肉地幾實淨，雞絲真正手撕出來，食落冇乜雪味，算係比較出色。但比起十多二十年前嘅水準，依然有距離...話雖如此，比起越棧、rice paper嗰D勞什子貨色，仍係冇得比...

話說周六晚收工心血來潮想去試下越南野食﹗於是搭車去左油麻地渡船街既老趙越南飯店﹗睇網上食評呢間野都唔錯，見都幾多人讚呢度既大頭蝦，不過望一望個餐牌同埋對面食客之後就無叫到﹗成百蚊一隻本身都無咩所謂﹗不過成隻都係炸粉見到有0的似街邊0的肥大椒鹽魷魚，可能好食，不過賣相比較核突所以無叫﹗一坐低就叫左酒先啦當然﹗試下0的地道野﹗西貢beer加Porter 39啤酒﹗我試左西貢beer，幾清新，啖口飲品，飲落幾舒服﹗39原來係黑啤，苦中帶澀我地最憎，又試錯新野了﹗第一味送係香葉炒青口﹗青口很肥很飽滿，個汁少少辣幾惹味，青口沾著香草香氣，好食﹗地道越南沙律，好似叫"蝦車打" ，我好似睇蔡欄節目時見過﹗有椰菜啦、青紅蘿蔔絲啦、蝦仲有好多花生等等香料撈埋一齊，食落咸咸地幾好味﹗應該個汁裡面有魚露、麻油等﹗最後一個係招牌牛柳粒紅飯﹗牛柳粒好淋好味﹗燒得岩岩好，外暖內軟有嚼勁﹗紅飯有蒜味、仲有黑椒、茄汁、蛋絲等，有0的似西炒飯﹗好開胃份量亦多，不過成八十蚊一個就.......貴左少少吧﹗埋單二百幾蚊，值得一試好味不過幾貴的一間野﹗我地坐咁耐0的客出出入入多人到......應該好多人好似我地咁冒名而來呢﹗

同個ＦＤ去左食野,對上一次巳是３年前,果陣時佢都末搬叫左兩個三宝飯.４２蚊１碟..有２隻雞中翼,２塊小豬扒(一啖可以食晒咁大),２塊薄扎肉,味道○Ｋ啦,飯係好大碟,但嫌唔夠唔的餸..同埋比起以前貴左下次都係去返小巴黎食算

同男朋友兩個人去食,叫左咖喱鴨檬,蔗蝦同埋香茅雞翼凍檬!咖喱鴨檬既咖喱十分好味,好香椰汁咖喱味,d鴨肉煮到林哂,入哂味,實在係好好食!蔗蝦雖然細細條,但係肥肥地,蝦肉多,個魚露汁都好好食!香茅雞翼凍檬雞翼醃得入味,加埋個魚露食又係十分之好!價錢實惠,男友加多兩枝啤酒都係百二蚊到!

今天跟友人匆忙揀了一間食店, 眼見笑臉多, 所以一試.由於叫做七時去到, 不用等位, 已有得入座, 好....彩, 因為之後開始見到條隊...叫了四樣野食- 越式粉皮: 嘩, 好好味呀, 加埋魚露, 一絕... 好足料...- 雞翼: 嘩, 又好好味呀... 皮脆肉滑- 蒜蓉包: 可以不試, 或者揀其他人推介的法包- 咖喱牛腩: 好"un", 不是太大好感.下次再試過啦...

其實係白加士街分店才對!見門外放了”乜乜飽”的adv, 想入面的裝修都幾年青化, 無想過會係老趙. 既然係, 梗要試下喇!點了二人餐, 因價錢太相宜了.1.xx法飽: 好好好味, 好多層次, 有扎肉和火腿, 酸蘿蔔, 青瓜, 芫茜…太多唔同的野加在一起, 味道很清新, 法飽又烘得脆脆的. 2.香茅雞翼: 似”老”水雞翼加香茅, 幾好味, 又無咁熱氣.3.越南春卷: 熱騰騰新鮮炸起, 不錯!4.炒油麥菜: 不油, 幾香, ok!5.炒貴刁: 一般.兩個人吃得飽飽的, 也不過$140大圓, 味道也真不錯, 抵!

星期六打完波(City Golf), 駕車去試下老趙油麻地新店。乾淨過舊店好多，食物保持水準，唯一是他的濱海比較貴，同埋唔係用好幼的米粉做。建議可改良春卷做法，現在太多馬蹄，正宗越南春卷內有粉絲，紅蘿蔔絲，肉絲等及用米紙卷住用慢火炸。想問一句，點解連老趙都冇越南咖啡（滴滴咖啡），咁點算係？

上次食完山林道間老趙, 諗住總店會好味d 所以專程行過去試吓 ! 等了大約十五分鍾先有位! d 住好迫又唔好坐! 只係冇椅背之圓椅! d staff 又唔衞生, 一頭幫客用紙墊完枱腳(隻手見佢掂到地下! ) 唔抺吓隻手(己冇要求佢洗手!) 一頭就攞野(春卷d生菜!)比客食!!!同老公叫了:-生牛河$26- 好味! 湯底有牛同蘿白d甜味! d粉索咗d汁好味!春卷$32 - 比山林道間差! o個間d春卷好脆好好味! 呢到妳唔可以話佢唔足料! 只係個皮唔夠脆! 淋淋到, 咬起上來"un" "un" 地! 春卷唔脆又點好味呀!香芧雞翼凍檬$36.- 雞翼ok ! 但食凍檬都係想食魚露撈米之嗎! 但個魚露始終好似唔同山林道間d味, 冇咁好食又咸! 失惜不少!越式粉包$32- 足料好味! 下次都係去番山林道間好d ! 始終多收了妳加一服務費都有番d服務同舒適o既椅子同環境比番妳! 總店d staff 見妳冇水都唔加比妳, 要叫先做! 但山林道間唔叫都不停加水比妳!

好味既沙嗲牛肉河粉係我每一次去必食既, 仲有好味推介咖哩牛腩煲~~~~~~~~~~~~好味呀

早上十一時三十五分來買外賣~原打算吃雞絲湯粉，但店舖未預備好雞湯(可能剛開舖不久)，於是叫了生牛肉河~湯和粉分開，吃時把湯倒進粉內，味道和質感仍算不錯~有很多洋葱，我愛吃，所以覺得不錯~不過我覺得湯底是鹹了點，吃完有種口渴的感覺~

剛和朋友食完第一餐，完全沒有飽的感覺，決定再來這裡食多餐；剛到，看見都幾多人在等位，等了差不多半小時才有位。因唔算太餓，所以只叫了越南啤酒、甘蔗蝦兩支、越南春卷和蒜茸炸大蝦兩隻。越南啤酒- 非常冰凍，入口清涼，在這悶熱的天氣，已經值回票價了。甘蔗蝦兩支- 蝦味幾夠，但蔗味就唔夠出，肉質偏實，但總括來說，都算幾好食。越南春卷- 外皮炸得好脆，內餡也好入味，加上適當的香草，增加了不少香氣和口感，食得過。蒜茸炸大蝦- 大蝦相信應該是先煮熟後，再上蒜茸、粉醬等再拿去炸，可惜可能廚師大忙，沒有好好看好火，令蝦肉炸得太過火，蝦肉變得好韌好，完全失去這味菜的，實在非常可惜。雖然失望，但假期人客多，也可以明白；看來還是等平日來食，相信會好一點。

星期日下午八時, 附近的餐廳都只有三兩隻小貓, 老趙還是人頭湧湧, 獨行俠的我, 找個坐位當然沒有問題.點了扎肉凍檬. 扎肉的份量少了些. 米粉就非常非常多. 首先加入大量的魚露, 雖然有好多辣椒, 但是其實不太辣. 酸酸甜甜非常開胃. 不錯.