老趙越南餐廳

營業中

休息中

去了電影中心看完戲，走約十分鐘到這裡晚飯。看了地圖，也不難找。因為不能吃辣的東西，所以揀了不辣的生牛肉河、香茅雞翼檬粉、蟹肉蛋金磚、沙爹串燒半打生牛肉河的牛肉切得薄薄的，好多，一浸湯還軟滑的，剛剛好！湯好好味！香茅雞翼檬粉，一碗有四隻雞翼，分開上的，非常入味！！！蟹肉蛋金磚有特色，食到有粉絲，但不太見蟹肉，味稍嫌鹹。沙爹串燒，豬肉比牛肉更好吃呢！豬肉較軟，而牛肉太靭了。可以半打全要豬肉。見旁邊有很多一家大小來吃，選了咖哩點蒜蓉包；又有很大隻的蝦、粉包、撈檬等等，希望遲點胃病好了可以再來吃吧！

對渡船街老趙的認識始於廿多年前.當時筆者有個姨公住在文乜樓,每次探他,他總會帶我們去吃越南嘢,每次都會去老趙...隔離嗰間鋪仔.眼看老趙越做越大,自己幫襯開嗰間就做做下摺埋,心中總會想到它是被老趙頂死!敵愾同仇的思想下,老趙在不知情間被鄙人杯葛了一段日子.姨公早已移民去了澳洲,還愛吃越南粉的話,應該會到勇記.老趙的座位總是很擠迫,尤其是張枱,二人幫襯,叫一個二人餐的話,枱面已經難以放下所有食物.座位當然也不會很舒適,枱於枱之間有時只有一隻手掌大小的空隙,冒求令你快啲食完快啲走.服務員也總是匆匆忙忙的,點餐上菜效率非常之高,由入座到吃畢整頓飯,大慨只用了半小時.食物方面,不能不說一句,味精真係很重手.吃完這頓飯以後,整晚都口渴.難道是那窩咖喱牛腩?還是那兩條蔗蝦?到最後,筆者相信,所有食物都有下味精.蔗蝦蝦膠算彈牙.咖喱牛腩無甚特別,茶餐廳水平.招牌飯的馳名蟹肉蛋餅沒有蟹味.該惹味的食物,老趙一定將它們弄得非常惹味.只是惹味過後,要換來整晚口渴的代價.是晚兩人埋單HKD220,無下次了.

山林道的老趙很多年前已經去開食. 以前唔係食嗰邊就係搬過幾次的金牛苑. .椰青 -不算很有椰味, 神奇地是淡淡的. 真懷念在馬拉喝的那些. ,.豬肉蝦片 -這個其實係老趙好多年前的 Signature Dish 之一, 是很野味的一碟頭盆. 用來送啤酒最好! 近年好像很少人叫的, 時至今日, 老趙也還做這個做得有水準!. Pho 的配套, 不叫也不自動拿來. 有青檸同辣椒但香草倒只有一種九層塔. 比較起 越旺 的三種, 輸了頭陣不少..特別牛肉河粉 -這個記憶中已經食過幾次, 但以前無乜留意它的小節. 今次一喝了口湯, 就知道不是喜歡的那種. 牛骨味這晚不算強, 但香料味就超級強勁把靜碗 Pho 的 balance 變到食鹵水一樣. 但應該有的新鮮香草味又沒有, 換來的只有葱. 老是覺得同平時越南人做的, 味道完全唔一樣了.... 比較起 火車頭 同 Pho 26, 這邊是港色化味道了些許. 不是說不好食, 但這不是一碗正宗好食的 Pho 嘅味道. 放輕一點香料多番點新鮮越南香草, 走回正路會比

自從上一次在包包傾吃過不大正宗的越南菜後, 一直想看看究竟其他分店是否也是差不多水準, 於是決定去它的文苑街總店試試. 這間老趙的位置比較"吊腳", 門面不顯眼, 行過了也不知道! 踏入店內的感覺跟在包包傾很不同, 這裡的裝潢很平實, 就像一般的街坊飯店, 牆上佈滿了報紙的剪報, 枱與枱之間的位置也比較擠迫, 但仍然全場滿坐. 今次, 我們點了香茅雞翼飯, 香茅豬扒飯和生牛肉河粉. 生牛肉河粉上枱時, 牛肉還是鮮粉紅色的, 不過浸在熱湯中一會後, 已經變成熟牛肉了. 牛肉切成薄片, 肉質嫩滑沒有渣, 牛肉味十足; 至於河粉較幼身, 入口香滑且不會變腍; 牛肉河的湯並不是一般的味精湯, 而是真真正正的牛骨湯, 喝得出濃烈的牛味, 十分美味. 加上洋蔥, 蔥花, 香葉等等, 拌著牛肉河同吃, 雖然香草的味道不及在越南吃的那裡濃烈, 但已經是在香港吃到的最美味和正宗的越式生牛肉河.香茅豬扒飯和香茅雞翼飯, 賣相比包包傾的好一點. 雖然豬扒仍然比較薄身, 但看起來沒有那麼乾, 吃起來充滿香茅味, 有肉汁; 飯粒雖然卻不是用越南米煮成, 但口感OK, 起碼不算硬. 鋪在上面的炸蒜片, 既香口

某晚同朋友做完運動想吃個豐富的越式晚餐,想到來佐敦文苑街這街角的老店,由尖咀行過嚟都差不多半粒鍾先到, 其實頗遠的位置,現在這附近幾條街的餐廳都湪滿是日式,麻辣燒烤餐廳, 不似得70,s巷頭巷尾都是越式餐廳,隨着越南船民潮的退郤, 這裡的越式餐廳都紛紛搬走或者消失,留低的都變成今日的代表餐廳, 回說今天的菜式:蝦牙車快- 蝦很多落足本, 可惜椰菜絲切得太粗, 同時沒有其他蔬菜了,除咗面頭的醃菜, 可能原來的這個沙律就係咁樣,但菜式不是應該跟隨時代作出調節的嗎?生熟牛肉河- 湯頭夠牛肉味, 生同熟牛肉兩樣皆恰到好處,沙爹串燒豬, 雞- 個人對這些燒物一般要求唔高, 所以OK吧黃金蛋釀蟹肉- 食這個菜還是頭一趟, 名稱同個樣完全估佢唔到, 估計是先蒸熟後再次煎或者炸出來, 賣相比較古老屬上一代的產物, 感覺很家庭料理,但真的不是我杯茶,首先蟹肉味不突出, 中間的啡色饀料其實是魚膠?豬肉?麵粉?完全食唔出辨別不了,底面的蛋漿亦煎不香, 吃一次見識過,真的夠了這晚客人頗多但我們也食到差不多收舖才走, 服務態度優良沒有出現趕客場面,

I ate wif my bf at around 2 today. Order左七彩撈檬 生牛河 粉包 揶青 只有生牛河比較好食 但粉包可以話唔掂law 好厚又唔熱..失望~~~其他都ok既~~

因為個日帶隻狗去做facial,來到呢間食鋪原來灣仔都開左間新, 之前係jordan 護協對面都食過, 味道一流一定飽, 原來就係呢 間 入到去比較迫, 等左一陣, 安排個好d 既位, 但都係迫, 算~~~講食野啦,

兩個人食左一個撈檬 一個牛河 半打串燒呢個牛河係有埋牛筋果個不過我麻麻地牛筋 下次都係食返剩牛肉好好味 個湯底好鮮甜 唔肥膩河粉好滑 唔碎 ~串燒叫雞同牛 佢好似比左牛同豬我 @@普通 唔試都ok d豬好鞋無影到撈檬 叫左豬扒 << 都係鞋 >~<不過鐘意食酸酸甜甜既野 所以都係覺得好味可能下次試第2隻配料~~

多虧2011米其林有介紹,讓不愛吃東南亞料理的有胖吉,繼昨天欽點的泰潮今天又說要吃老趙!今日菜單:大家都說正,當然要點來吃吃看,兩人一致認同十分好吃,但其實我心裡是有個介意的點,"椒塩"口味不是越南菜吧?為什麼不純炸軟殼蟹就好了呢?!還有太鹹了要少塩~真是一口接一口,好好味。粉皮是什麼?怎麼會如此好吃!!三樣我都不喜歡。春巻炸的是不錯可是內餡我不喜歡,我喜歡有包芋頭的。粉蒸巻:吃起來像客家菜包的餡,讓我突然很想吃艾草糯米團。札肉:我不喜歡札肉這個食物,但老趙的札肉算我可以接受的。一瓶西貢啤酒,一瓶藍妹,今天消費262HK,量不多,我是覺得太貴了!

行過見老字號, 就走入去試下, 越南嘢佢都算好貴吓....好彩我地小試牛刀, 叫兩樣嘢食下係咪好味先, d咖喱好似好出名咁, 就叫咗個$90牛腩煲, 份法包都成$20...再加個咩招牌飯,食落真係無咩特別, 咖哩又唔夠香, 一d都唔值$90唯一好處係唔係咁口渴啫

8月20日, 今晚又去the grand睇戲啦~ 睇戲前又同呀比先漫步到渡船街呢頭醫肚先! 最終揀咗呢間越南野中頗有名氣的老趙老店試試. 做得總店, 門口果然都幾多人, 好彩我地兩個人, 都唔係等咗好耐就可以入座!::: 香茅牛肉凍檬 ::: $40好大兜檬粉! 牛肉份量亦不少… 其他惹味配料D蘿蔔絲、炸蒜、蔥粒、洋蔥絲都好足料! 凍檬都幾爽不過亦有少少黐住一舊舊嘅情況出現… d牛肉都算有香茅味不過我就嫌佢乾咗d同埋有d碎… overall係唔錯~ 但又覺得唔係好值咁貴囉!::: 咖哩牛腩飯 ::: $40個咖哩汁算係做得唔錯, 好香濃咖哩味, 而且又好thick, 撈飯食好好味~ 牛腩同薯仔都係好入味嘅, 不過真係要彈佢嘅牛腩實在太韌, 要用好勁牙力先撕得開, 應該就係炆唔夠時間啦… 同埋佢d肉都好黐牙囉, 差勁牛腩… ::: 綠豆冰 ::: $18椰汁同綠豆糖水比例一半半~ d綠豆係細細粒嗰d開邊綠豆, 煲得夠淋幾好咬! 而且綠豆加椰汁味道都幾夾~ 除咗綠豆之外仲有d一條條好似芋條咁嘅野, 煙煙韌韌幾得意! 成杯野幾好飲, 不過椰汁綠豆都幾飽肚.真係好多人慕名嚟食! 不過我同呀比都

一直都很喜歡食越南河粉，可惜除太古城的味佳居之外，之後試過很多間都未達到我心想的味道。難得今日經過佐敦，又見大家對這間老店好評甚多，於是決定一試。由佐敦地鐵站走過來已身水身汗（好遠！），先點了支冰凍的西貢啤酒和椰汁石榴子冰。西貢啤極易入口，雖然都有5%的酒精，卻只是略帶啤酒的澀味，飲落比較像梳打水，飲完透心涼，確是消暑佳品。椰汁石榴子冰都不錯，不算太甜，石榴子亦夠煙靭。輪到試我最期待的生熟牛肉河粉啦！唔…整體我覺得一般，湯底可以，但不算很香濃，牛肉去到筋腱位置有點靭，而且不夠入味，始終不及味佳居。另外也點了個老趙招牌飯，有很多不同的配菜！我覺得較特別的蟹蛋，即相片中在最後被夾起啡啡地濛濛地那一塊，咬下去時軟綿綿，還有蛋汁滲出來；扎肉都不錯，不過香茅雞翼和豬扒都不夠入味，作為一個招牌飯似乎還欠缺一點水準。

聽左我同事講好耐呢間野, 佢讚到天上有地下無咁。格左成年幾, 終於的起心肝去TRY下! 果然冇錯~ 好岩佢呢D鐘意食濃味道既野既人~ 燒牛肉金邊粉, 湯底濃郁, 味重, 但略嫌有D口乾, D金邊粉好彈牙, 好好味 !! 扎肉金邊粉, 呢個係FD叫既, 我偷食左件扎肉, 都不錯! 蝦餅 及 炸春卷 , 我覺得春卷比較好味D, 而 蝦餅就冇" 小巴X " 做得咁有彈牙口感。

此行同男朋友2人嚟呢度食午菜~我地點左2個生牛肉粉, 唔知咩蟹肉金磚, 金庶蝦&椰青~生牛肉粉個汁好香~~所以d湯好好味~~而牛肉的的確確落碗的時候是生的~~因為我見到碗邊仲有血水~不過真係好好味~牛肉就算浸得耐左都唔會覺得老~~d河粉超滑~~如果嚟呢度食~我會勁力推介生牛肉粉~唔知咩蟹肉金磚~~其實完全食唔到有蟹味~~不過就食到好香胡淑味~~入口軟軟地~有d蛋味~我仲點左d越式酸汁一齊食~~其實唔知係咪應該點呢個汁ga~~~不過點汁一齊食都唔錯~金庶蝦~~係一支支散計~我地order左2枝~每枝個size好大~好厚肉~~不過味道冇咩特別~一般般ja~都係點越式酸汁食~~ok la~椰青~~佢好遲島嚟~~所以我差唔多食完哂d野先開始飲~唔知係咪因為咁~所以我覺得個椰青極度甜呢..個甜的程序直頭好似加左糖水咁..我飲左幾啖已經頂唔順...冇飲到lu~

風水師也是凡人, 也要食飯, 遊完水行入老趙, 一坐底竟然發現鄰枱是蘇文峰,她和一名靚女, 點了很多餸, 相信是 FANS。我們點了 咖哩鴨、蒜蓉包、豬扒湯河。 咖哩鴨 - D 咖哩幾好, 但D鴨真係無乜味。 蒜蓉包 - 正, 夠香、夠脆、夠蒜蓉味, 用來送咖哩非常好! 豬扒湯河 - 麻麻。返到屋企好口喝, 唔知係間野太多味精, 定係 D 蒜蓉包太熱氣。