老百姓火鍋刺身 (已結業)

今年時間過得特別快, 話咁快就到秋天。天氣一涼就梗係去打邊爐啦!今日同老公同埋朋友仔去咗位於太子同深水埗之間叫做"老百姓火鍋刺身" O既餐廳。成條街都係整車舖頭, 如果唔係朋友帶我去, 我都唔知呢條街有呢間餐廳呀! 一入到去, 坐位都好寬敞, 唔會坐到好迫! 店內以香港特色: 霓虹燈裝飾, 好得意坐低後, 職員話送每人送一隻大閘蟹, 今年都未食過大閘蟹! 開心!對於我嚟講, 打邊爐O既湯底係好重要O既! 一打開個MENU, 嘩! 好多個湯底都好想試, 諗咗一陣, 好! 就嚟個特色雙拼湯底, 姬松茸竹絲雞湯及蕃茄薯仔鍋啦! 大閘蟹即叫即蒸, 都幾大隻, 而且都好多膏! 我哋食得好滿足呀! 餐廳仲俾埋薑茶我哋飲, 貼心! 食完蟹就上湯底啦! 特色雙拼湯底 - 姬松茸竹絲雞湯及蕃茄薯仔鍋姬松茸竹絲雞湯好香好足料呀! 我本身好鍾意松茸味, 加上竹絲雞, 個湯勁甜, 似既老火湯! 煲到最後, 竹絲雞都仲係好滑, 一D 都唔鞋口!蕃茄薯仔鍋, 湯底好濃郁! 都不錯呀! 極品本地手切肥牛 - 好淋身, 無論配松茸湯底定蕃茄薯仔湯底, 都冇問題 另外我哋仲叫咗個滑牛肉 (唔記得影相) , 我本身好鍾意

老百姓 15/10/2020【食評】老百姓 22/6/2020踏入秋天天氣開始轉涼，又係打邊爐嘅好時機🙈所以就約咗朋友今日去深水埗嘅老百姓到打邊爐😋.一入到餐廳就比牆上面嘅霓虹燈吸引，真係好靚好有特色🙈而且枱面上嘅火鍋工具好齊全，超級貼心🤭.店員服務態度好好👍🏼一開始就拎定啲配料俾我哋混醬，仲教我哋點樣點個湯底同埋提醒我哋打邊爐前要先飲咗個精心炮製嘅湯先🤤.姫松茸竹絲雞湯 $238好足料嘅湯底，有竹絲雞、雞腳、豬骨、姫松等等嘅材料熬成。店員好好仲主動幫我哋筆湯，個湯底太好飲我同朋友都忍唔住每人飲咗2碗🙈.招牌四寶丸 $98有手打鮮蝦丸、鮮墨魚丸、牛丸、豬肉丸每款各兩粒。全部都係自家製，食落去勁新鮮🤤.自家製四拼餃 $98有招牌水餃王、鮮蝦雲吞、黑松露搞同埋韭菜餃，每款各兩粒。全部都係自己包，餡料十足，一啖咬落去啲汁都流晒出嚟🤤🤤.即炸響鈴 $48脆炸魚皮 $48兩樣打邊爐唔少得嘅好夥伴，仲要係即炸嘅，從來未試過打邊爐食即炸嘅響鈴同魚皮，就咁食熱熱地又好鬆脆，浸落個湯度食又吸收到湯底嘅味道同樣好味。.粟米 $28金菇菜 $36唐山菜 $38稻庭烏冬 $38美國頂級肥牛 $138全部都係打

天氣開始轉涼，又係火鍋嘅季節。今晚一家人嚟到新開嘅老百姓火鍋打邊爐，服務好，食物新鮮，值得推介👍👍而家仲做緊promotion，每位送一隻大閘蟹，好驚喜❤️❤️呢度除咗打邊爐，仲有刺身食😋我哋叫咗一碟雜錦刺身，好新鮮啦👏揀咗蕃茄薯仔鍋 ($138) ，蕃茄足料，湯底好濃郁。 極品本地手切肥牛$328 牛肉味超濃，肉質上乘。脆鯇魚腩$88超鍾意食魚，魚腩好脆，超鮮味，好開心。白鱔片$118片片爽脆鮮甜，必點 。 竹蔗茅根$68清新解渴, 健康有益嘅飲品。

{食物和服務一樣高質的打邊爐😍}今日同best friend去激光脫毛，之後就去咗深水埗呢間新開嘅餐廳打邊爐！喺OpenRice見到佢啲嘢好靚，而且晚市全場八折有大閘蟹送添！.❣️姫松茸竹絲雞湯$238呢個就係我哋嘅湯底，佢有好多雞腳同埋半隻烏雞！佢係冇味精，所以員工都叫我地飲咗一兩碗先開始打邊爐會比較好😋飲落去好舒服，唔會話落味精好鹹嗰種！真材實料！.❣️即炸響鈴$48❣️脆炸魚皮$48呢兩樣都係即叫即炸，上菜嘅時候仲係熱辣辣！最特別嘅係響鈴佢會配甜酸醬，好似平時飲茶嗰啲炸春卷！佢嘅皮係超級薄但係唔會散晒！超級推介！.❣️自家製招牌四寶丸$98有鮮蝦丸，墨丸，豬肉丸，牛丸！呢四款都係自家製，自己打！超級爽口！好味！.❣️自家製四拼餃$98有招牌水餃，鮮蝦雲吞，黑松露蝦餃，韭菜餃！全部都超級足料！其實淨係食餃子同埋丸已經好飽🤣🤣.❣️美國頂級肥牛$138份量都幾多，有20塊左右！味道唔錯！.❣️生菜$38❣️金針菇$36❣️粟米$28蔬菜非常新鮮！.❣️竹蔗茅根水$68一渣嘅竹蔗茅根夠我地兩個全餐飯！味道清甜，新鮮！.📝總結呢度嘅服務態度非常周到，食物質素都中上！約一班朋友嚟傾吓計呢到

我地終於可以2人世界， 梗係慢慢嘆。揀左打邊爐，唔使洗咁多野！嚟左老百姓火鍋店，叫左依d: 1. 甘旬粟米豬骨鍋：粟米甜、豬骨的肉都淋，有口感。湯底有胡椒味，正！👍2. 薯粉：唔係度度都有，今次就叫依個，好飽3. 4寶丸：彈牙彈牙，必要！4. 響鈴：依個唔食就走寶，即炸，當小食食又得，好脆，再配甜酸醬；1秒響鈴都得。5. 牛脷花：將牛脷做成2朵花，好精緻。6. 美國肥牛：唔係死死實實無融雪個隻，而係肥瘦平均，大概10秒就熟7. 送：大閳蟹（每人一隻）多膏！yummy8. 再送：刺身一客：好正！絕不欺場！因為有牛肉刺身！。9. 環境：光猛、正、衛生。

難得今天朋友請客吃火鍋就特意去到深水埗一間火鍋店享用晚餐知道這間火鍋店是新開張的環境很舒服很乾淨就算現時肺炎疫情都不用太擔心進餐餐廳有一些特色霓虹燈是打卡位I love ❤️ Da Bin Lo 非常搶眼特別店員先給一大盤醬料給我們自行混醬總共有六款醬料選擇當然不少得有我最鍾意嘅蔥粒同辣椒粒湯底夠晒特色養生唔使怕食完火鍋之後會熱氣特色湯底「 #姫松茸竹絲雞湯」咁足料配料又多 又養生仲有成半隻竹絲雞食落去好入味仲好嫩滑添打邊爐不得不食牛肉我一向都愛食牛頸脊兩人叫了細份量但係驟眼睇都已經有廿塊夠晒抵食呀灼一灼就食得牛肉很新鮮而且味道濃郁#自家製四拼餃 令我一次過可以滿足四種食慾放在月亮🌙型碟上很吸引的賣相當中的特色黑松露餃很香滿滿的內餡很足料#脆脘魚腩 每一件都多肉少骨食落去確實很脆口而且味道非常新鮮娃娃菜是我吃火鍋必叫的蔬菜之一喜歡它食落去帶點鮮甜竹蔗水是自家製的飲落去唔會太甜很生津潤肺呢🥰#老百姓火鍋刺身 #深水埗火鍋 #深水埗老百姓 #Foodiehk #Hotpot

朋友帶我去吃火鍋， 地點位於旺中帶靜的深水埗及長沙灣中間， 環境闊落乾淨，裝修雅緻，坐得舒服。防疫措施亦都做得非常足夠，食得安心。每款火鍋配料份量都頗多， 而且有一些不常見的特色配料，例如黃喉、田雞。 黃喉爽脆，田雞嫩滑， 兩款都很新鮮。😋還有我最喜歡的炸魚 🐟 皮，即叫即炸，新鮮熱辣辣。 😍另外，吃火鍋我都一定會點選桂花蚌，這個份量多之餘，亦都非常新鮮爽口。👏🏻 唯一美中不足的是飲品選擇比較少。 價格中等，值得支持的本地小店。能夠喺逆市開店，實在不容易喔。 如果你鍾意食田雞，呢一個絕對係推介。呢個魚皮真係好好食，夠晒薄脆，而且沒有油膩感。 蔬菜類價錢便宜，但係份量非常之多。

秋風起，係時候撈起！呢個時候打邊爐就最啱啦！同fd子黎左呢間老百姓火鍋刺身打邊爐！好正呀！每人有一隻大閘蟹送，當造，超正！ 摵開有蟹膏蟹肉～yummy yummy! 餐廳好貼心，配一碗薑汁！ 大閘蟹屬性寒涼，食用後最岩有碗薑汁暖暖胃！香茜皮蛋鍋好多芫荽鋪面，皮蛋馬蹄沉底～ 滾後一煲芫茜香，皮蛋滑溜溜～美國頂級肥牛，打邊爐點少得肥牛，淥一淥點點醬～即入口😋脆鯇魚片朋友仔鍾意食鯇魚片～清左一碟，應該唔錯！台灣空運鮮鴨血又係打邊爐必點之一，無失望！ 大塊滑溜～皇帝菜～大魚大肉後，必有青菜伴送，清淡口味～

深水埗有好多隱世餐廳今次就搵到呢間比較新潮啲嘅火鍋店~❤️一入到去就即刻比餐廳嘅霓虹燈吸引住既復古又新潮😚 除左火鍋之外仲有刺身同唔同小食😋🍴滋潤老百姓湯($388)湯底揀左呢款好滋潤又足料嘅湯分別落左花膠、螺頭、雞同哈蜜瓜等等😋開頭見到哈蜜瓜仲驚會奇怪點知飲落幾清甜❤️大家記住飲多幾碗先開始打邊爐😚花膠份量都幾多應該都有十幾塊食極都仲有😋🍴陳年花雕肥牛($158)平時嘅肥牛食得多見到menu有花雕肥牛好奇心驅使我要叫黎trytry🤣上枱嘅時候都係用花雕浸住嘅越浸得耐就會越重花雕味😋肥牛油脂分佈好平均食落都幾重花雕味愛酒人士可以一試🤤🍴日本黑豚肉($108)黑豚肉肉質彈牙唔會太薄之餘仲幾大塊😋襯埋個湯底更突出肉味~🍴自家製四拼餃($98)四拼餃包括有招牌水餃皇、鮮蝦雲吞、特色黑松就露餃同韮菜餃每款各兩粒😋個人推薦水餃皇同黑松露餃~水餃皇足料包滿😋另一款有淡淡嘅黑松露味之餘又唔會搶過左本來嘅鮮味~🍴手打鮮墨魚丸($88)手打墨魚丸食落彈牙有鮮味之餘仲有粒粒墨魚肉😋🍴即炸響鈴($48)即炸響鈴冇得輸~餐廳仲配左酸甜汁食落點左再食有種食梗炸雲吞嘅感覺🤣😋🍴野生竹笙($108)竹笙份量好多仲要條條

已經很久沒有吃火鍋了，今晚經過太子，記得朋友介紹的火鍋店，就來試試。有火鍋豉油和黑醋可以選看到滋潤百姓湯(6人份) 覺得很特別，就選了。雖然是6人份，但是我覺得2-3人也適合，因為我們喝了很多的湯，用料十足，奶白色的湯底，最特別是用上哈蜜瓜，令湯底清甜滋潤，我一個人都喝了4碗！店員會幫忙裝湯和把雞拆肉，很貼心！滿滿的花膠!!!美國頂級肥牛半肥瘦，簡單燙一下就很好吃陳年花雕肥牛充滿花雕酒香，有種風雅的感覺，肉質不會太肥。鮮蝦滑鯉魚造型，別有新意，吃起來很Q彈，蝦味濃郁。竹蔗茅根吃火鍋必備！甜甜的很降火。

是日在深水埗外勤完，一行三人來到了老百姓打邊爐，因為懒得回家煮，也因為剛好見佢新開無耐，正好可以試新野~可能因為新開，未有太多人知，所以晚市唔算多人，坐得好舒服。湯底有好幾款，思前想後，點了杏汁白肺。想不到一來便有驚喜，這個杏汁白肺湯大大煲，入面十分足料，大大件豬肺，奶白色的湯，食物未到我哋已經一人飲了一大碗。湯頭清甜又濃郁，豬肺清得好乾淨，好稔~完全是出色的湯底!牛頸脊肥美，脂肪紋分明，擺盆擺得好靚上台，大概淥十秒就已經食得，入口陣陣牛油脂香，魚鰾大大個，而且份量也多，店員温馨再三提醒我哋要吉爆佢先放入鍋。。墨魚脆是小食，就是我地平時食開的鬼馬油炸鬼，這裏也炸得香口，入湯浸浸變軟，吸盡了湯的精華。鴛鴦滑造型是可愛的小錦鯉，鴛鴦色是蝦滑和墨魚滑！上面有蟹子和魚子。桂花蚌是必點項目，新鮮香脆，也是很有造型，盤下有盞燈閃閃發光。牛骨髓不是度度食到，呢度有真好，黃喉爽脆彈牙！自家製四拼餃有水餃、松露、雲吞和韭菜味，粒粒都飽滿結實。放在月亮的盛，器，有造型~雲吞內的鮮蝦大大隻！韭菜餃味道濃郁，必食之選。                                             

天氣開始涼，打邊爐鋪癮又黎啦啦啦啦。約埋朋友打餐飽！！！安格斯牛頸脊（大）$298😋抵食嘅享受！油脂均勻香濃牛味軟滑無比！自家製蝦丸$88🤩必點呀！俾佢個自家製吸引左，決定一試。試過番尋味就係尼啲 ，一口咬落去又爽又彈牙，大大粒口感豐富。自家製四拼餃$98👍波菜餃、雲吞、水餃、黑松露雲吞比拼：波菜餃十分出色！皮薄餡靚，包住新鮮韮菜同蝦，勁讚！黑牛栢葉$78🐂打邊爐唔少啲嘅栢葉。黑栢葉無漂過比較健康，而且烚耐左又唔會un💯座位寬敞舒適，服務態度又超好，店員不斷主動幫我地整理收拾檯面，又主動添湯。環境乾淨，醬料會用保鮮紙好好包住架！話說我地湯都添左3次，唔係因為蒸發得多，而係我地飲左好多碗湯！足料嘅粟米紅蘿蔔豬骨湯，配上胡椒粒，香得黎又唔會搶左牛嘅味道！真係值得一試嘅湯底！但最最最驚喜都係坐低後，店員即時同我地講而家期間限定，火鍋送大閘蟹！係大閘蟹！仲要爆晒膏！！💯💯💯好滿意！好滿足！

我同老公好耐冇打邊爐，定係搵到呢間開張無耐嘅火鍋店，仲要有得食大閘蟹，真係好驚喜！店長話係期間限定送大閘蟹，一人一隻，每日數量有限，送完即止!即叫即蒸，好新鮮甘筍粟米豬骨湯$158好足料的鍋底，好多大大舊豬骨，所以湯底好濃郁！食得健康啲，梗係先食菜，揀左皇帝菜和菜苗，好新鮮，索晒啲豬骨湯，特別好味，又唔油膩！各款菜$38排到火山型的頂級安格斯牛肩脊頂級安格斯牛肩脊(大)$298雪花紋好靚，大大片，唔會好肥，但好有牛肉味！醉雞(半隻)$88烚完都好香酒味，一定醃得夠耐先咁入味。雞又嫩又滑，半隻雞都係$88，抵食推介即炸響鈴$48超級無敵鬆脆，一定要叫，食得出廚師的工價老百姓福袋$78外面用腐皮包住，扎到成個袋咁，裡面包住豬肉和蝦滑，超爽口彈牙！鮮淮山$28👍好爽，夠新鮮服務員不時過來幫你調下個爐，又主動加下湯，服務周到有效率又細心！冷氣夠，地方寛敞，仲有兩間私人房，有圓桌

同朋友去開深水埗睇電腦睇到肚餓,見天氣又開始轉涼決定搵邊爐鋪打邊爐。跟住睇openrice見到鋪面幾靚就決定行過黎食,間鋪大約係太子同深水埗中間,都近地鐵站(5分鐘路程)。鋪面設計幾有心思,有唔同燈飾,覺得個I love Bin Lo幾得意,可以打埋卡。食物方面,店鋪主打係滋潤百姓湯(6人份),但因為我地得兩個人所以就叫返普通麻辣拼豬骨湯底,入面有埋粟米,可以當叫少樣,但味道方面就真係比較普通。食物方面,牛肉同牛筋,招牌水餃皇係整得特別出色。我地叫左最平果個美國頂級肥牛,都覺得整得幾好,整到一卷卷仲要砌成個金字塔咁,完全係想行高檔路線,加上食物質素同酒樓冇得比。水餃係人手包出黎,因為人手包又好少可會雪好耐,所以食材都比較新鮮。飲品我地就叫左竹庶矛根,初初每人飲左一杯見已經冇左差唔多4成嚇親,但飲飲竟然每人飲到4 5杯,發現個樽形狀問題,嚇得我,打邊爐冇野飲好慘架嘛。另外,因為個地點雖然近地鐵站,但冇乜人行,所以都唔洗排隊,大家想唔洗排隊又有得打卡,可以去試下老百姓邊爐。今日仲要好好彩食到季節限定既大閘蟹,值回票價,D蟹膏好好味。