老百姓火鍋刺身 (已結業)

唔知大家知唔知深水埗好多印尼舖頭，好多平衫平袋平嘢買呢⁉️今日去深水埗尋寶再買埋印尼嘅小食，行完之後同男朋友莫名其妙地想打邊爐( ･᷄ὢ･᷅ )發現咗依間好抵食嘅火鍋刺身-🦀入咗去發現仲每人送一隻大閘蟹(送完即止)仲好貼心配埋有薑茶雖然話就話係送嘅，但係都幾多膏，一啲都唔馬虎我話左想食大閘蟹勁耐，估唔到呢度竟然有送-🍲我哋要咗個豬骨拼麻辣湯底~💰150好多豬骨，乳白色好濃郁✨一開始仲不左碗湯黎飲好鮮甜重豬骨味淨係食骨都飽一半，豬骨煲到啲咁都好淋食埋骨髓都正.麻辣湯底一嚟到已經聞到好香麻辣味-🥬蔬菜雜菌拼盤｜💰88｜雞蛋｜💰8.🐮頂級安格斯牛頸脊(大)｜💰298薄切油脂分布得好好，而且超超超重牛味.🦐🦑招牌鴛鴦滑｜💰108🌟蝦滑｜墨魚滑蝦滑熟咗已經見到佢入邊真係有好多蝦墨魚滑咬落就好爽口，食到一粒粒嘅墨魚.🐦鮮鵝腸｜💰98超新鮮超爽口.🦆台灣空運單鴨血｜💰58好滑緻，厚厚一塊夠咬口，重鴨血味！-🍻百威｜💰32-👍🏻價錢合理得黎，好多花款👍🏻舖頭乾淨闊落，仲有唔少霓虹燈打卡位-

呢間餐廳好似係主打火鍋，不過我今次係黎食lunch，所以就叫左幾個午市套餐同埋點心，可能因為餐廳位處一條相對少人嘅街，所以價錢都比較平。乾炒叉燒烏冬（連湯）$45份量都多，唔太鹹，有配埋豆瓣醬，鍾意嘅可以落埋。叉燒有好多塊，不過唔係啲好好食嘅叉燒。呢個價錢黎講算抵食，不過唔係真係話好好食。每一個午市套餐都會附送中湯。今次係番茄薯仔豬骨湯。甜甜地，同埋每碗都會有齊番茄、薯仔同豬骨可以食，唔太油，算唔錯。尖椒炒脆肉片（連湯+白飯）$58呢到嘅脆肉片姐係豬頸肉。大大碟，不過油左啲，味道正常。韭王牛肉炒蛋（連湯+白飯）$58呢個反而有驚喜。個蛋炒得好滑，有蛋香。牛肉雖然唔係好有牛味，不過勝在有好多塊同埋好滑。呢個價錢大大碟，$58有飯有湯幾抵食。下次可以再食。老百姓蝦餃 $28有四隻蝦餃，蝦都算多，唔係好覺有好多肥豬肉咁。不過個皮厚左少少，如果個皮再薄少少會好啲。蜜汁叉燒包 $18有三個包，叉燒唔太肥，味道ok，唔錯。不過個人對叉燒包興趣不大。小心流沙包 $18呢個好食！個樣幾cute。有三個流沙包，不過黎到嘅時候有一個穿左，有啲可惜，不過唔緊要，因為主要都係我食。流沙包唔會過甜，個流心好勁，

因為疫情關係，有一段時間唔敢出街打邊爐。朋友介紹下就膽粗粗試一試老百姓火鍋刺身。老百姓火鍋刺身，地方大同乾淨，我地唔係等左好耐就有位。果度既侍應招呼殷勤同熱情，一坐低就介紹左我地揀佢地個豬骨湯底鍋。湯底黎啦！侍應幫我地不湯，叫我地試左個湯底先。湯底足料，豬骨味香濃，絕對唔係任食火鍋果啲一滴鮮。上菜啦！肥牛唔係劣質嘅冰鮮牛，唔多肥膏而且肉味香濃。田雞係即叫即劏，上枱果陣仲跳跳紮，田雞鮮甜好味，絕對唔係劣質貨。韭菜餃足料之餘仲皮薄，韭菜香濃。果度既丸全部都係新鮮手打丸，啲丸好味彈牙。總括嚟講，老百姓火鍋刺身用料新鮮物超所值，而且價錢仲一啲都唔貴，下次可以再encore。

識我既人都知我係binlo怪😆天氣開始轉涼 今次就黎左深水埗打邊爐🥰裝修係以霓虹燈為主 環境乾淨寬敞🍲滋潤百姓湯 ($388)我地幾個都勁中意飲湯😛 所以見到呢款即叫!入面有花膠, 螺頭, 哈密瓜, 雞, 雞腳 真材實料🤩雖然係寫6人份 但係我地3個人照嗌都冇問題一開始飲左個湯先, 店員會將隻雞拆肉, 又剪開哈密瓜 令個湯越煲越甜👍🏻 雞湯濃郁鮮甜 好滋潤🥰 花膠同雞腳既份量都頗多 而且花膠同雞肉又滑又軟腍😍🥢陳年花雕肥牛 ($138)用花雕酒浸泡住肥牛 無論食定係聞都好香酒味肥牛既油脂分佈均勻 肉質鮮嫩 即使浸過花雕亦不乏牛味😋不過建議唔好浸太耐 要趁早食 以免花雕味過重🥢日本黑豚肉 ($108)肉質鮮嫩 唔會過肥或者鞋口 配雞湯底令豚肉味出晒黎🥢自家製四拼餃 ($98)有水餃, 鮮蝦雲吞, 黑松露餃, 韭菜餃各2粒自己比較中意雲吞同黑松露餃😋 雲吞爽口彈牙 大大粒好足料🥰 黑松露餃就彈牙之餘有陣陣松露香☺️🥢手打鮮墨魚丸 ($88)食到好重墨魚味 新鮮彈牙 入面有啲墨魚粒 幾好咬口😋🥢野生竹笙 ($108)竹笙份量多 大條且爽彈 配雞湯一流🥢蜂巢凍豆腐 ($38)凍豆腐空隙均勻綿密

最近睇雜誌見到有一間幾吸引嘅火鍋店，入面有啲霓虹燈打卡位，主題係老百姓，就訂位去試一試。餐牌選擇好多，我第一時間就會睇湯底，上面嗰兩款湯底好吸引但係價錢比較高而且唔可以常平，所以我就揀左 藥膳醉雞鍋拼四川麻辣鍋 （$188加$38）佢個藥膳醉雞嗰啲雞肉比較香滑，加上有啲酒嘅香味，令到成個湯底健康又美味，四川麻辣我哋叫咗少少辣，啲辣味都好香辣！椒鹽粟米$48非常特別，椒鹽味道夠香，而且粟米切成一條條方便容易進食。 即炸響鈴$48非常鬆脆，入湯後索哂味，特別係麻辣湯，辣香十足 ！日本黑豚肉$108見到佢個花紋分布不錯，食落都係爽口，質素偏高。台灣空運鮮鴨血$58 這個鴨血非常彈牙，而且沒有奇怪的味道，質感十分滑！ 紅薯粉$28配合麻辣湯底一流枝竹$28放任何一個湯都非常適合呢！而家時令仲送一人一隻大閘蟹添 （好似話送完即止㗎

又到左打邊邊既季節啦，約埋朋友試下呢間" 老百姓火鍋刺身" 。餐廳近太子站，行7分鐘左右就到，都幾方便。餐廳闊落，餐廳裝飾特別，用霓虹燈整既掛牆字，" 鍋藏人間美食"等等，幾摩登。好驚喜，店員同我地講火鍋店新張期內，贈送一人一隻大閘蟹，大閘蟹都幾多蟹膏，好應節。先揀火鍋湯底， 在慢慢揀火鍋材料。 我哋揀咗杏汁白肺湯，因為呢個湯性質溫和，有補肺止咳的功效，最啱呢個時候補一補。我地點埋啲配料，湯底就到啦。店員就叫我地飲下啲湯再打邊爐，啲湯足料鮮甜，真材實料，絕無味精，飲到停唔到口，飲左幾碗湯。美國頂級肥牛，朋友一路食一路叫好味。蔬菜雜菌拼盤，幾好裏面菜同茹各有3款菜，油麥菜、西洋菜、生菜、金菇、雞髀菇、秀珍菇。竹輪，炸芋頭，芋頭炸過，好快就食得，唔好煮甘耐呀。而飲品我地叫左洛神花茶，酸酸甜甜，清甜解渴。

今日去左一間唔起眼既火鍋店打邊爐，雖然唔起眼，但入面既食身相當起眼😂我地叫左個姫松茸竹絲雞湯底，一上到枱，店員會先同你講湯滾左之後飲淡湯先之後會再加湯，湯底料都好夠，用左半隻竹絲雞，6隻雞腳，仲有一些豬骨同姫松茸，湯都好飲，飲左幾碗添😂😂火鍋料我地揀左極品本地手切肥牛，珊瑚蚌，萵筍，黑牛柏葉，娃娃菜，仲叫左一渣竹蔗茅根，肥牛食落好有牛肉味，同埋唔會太肥，有口感，珊瑚蚌好爽口，萵筍翠綠爽口，牛柏葉無經過漂白處理，食得安心又放心😂，娃娃菜都夠嫩，但份量較少，竹蔗茅根清熱下火又唔會太甜。

今日同朋友仔去深水埗行街買嘢，諗住喺深水埗解決埋晚餐，我哋久違冇食火鍋，最後揀咗呢間呢間深水埗嘅港式火鍋店—「老百姓火鍋刺身」😄一行入去好有驚喜，空間闊落，位與位之間距離都好夠，唔會太有壓迫感，同埋店主仲好有心思擺咗啲霓虹燈燈飾”I Love Da Bin Lo”，令成個火鍋店嘅氣氛生色不少👍🏻火鍋湯底方面揀咗「四川麻辣鍋」，湯底麻香味重，麻辣味撲面而來，望到都食慾大增。湯底唔會太鹹，辣度都適中😄配料都好豐富，選擇都超級多頂級安格斯牛頸脊 ($238)- 牛頸脊嘅雪花均勻，牛頸脊嘅厚度切到啱啱，唔會太薄，而且牛味都好重，好好味！- 食落好鮮，肉味都幾濃- 牛頸脊份量都唔錯牛脷花 ($88)- 牛脷擺成花上碟，好靚，勁有心思- 牛脷口感爽脆豐富，咬落去好脆口招牌鴛鴦滑 ($108)- 有鮮蝦滑同鮮墨魚滑- 鮮蝦滑好有驚喜，食得出好足料，仲有好多蟹籽，口感十足- 鮮墨魚滑食落Q彈，爽口彈牙，好好食蜂巢凍豆腐 ($38)- 好有驚喜，好特別，同平時食開嘅好唔同- 內部嘅蜂巢鎖住咗啲火鍋湯汁喺入面，每一啖咬落去都會好滿足紅薯粉 ($28)- 份量好足，兩個人啱啱好- 紅薯粉食落煙煙韌韌，煮一陣

餐廳坐得好舒服，我被安排坐喺卡位，枱嘅位置都幾闊落，叫多幾樣食物都放得哂！ 🍴 甘筍粟米豬骨鍋 ($158) ⭐️⭐️⭐️⭐️⭐️ 好足料嘅湯底，豬骨同粟米一d都唔少，仲有濃濃胡椒味。一上枱嘅時候，店員都示意我地要先飲一碗湯，品嚐下好香濃嘅湯底！ 🍴 頂級安格斯牛頸脊 (大) ($298) ⭐️⭐️⭐️⭐️💫 好靚嘅牛頸脊堆到雪山咁，油脂分布都幾靚，滾一滾即刻食得。食落牛味好濃，有咬口，唔錯！ 🍴 招牌四寶丸 ($98) + 自家製四拼餃 ($98) ⭐️⭐️⭐️⭐️💫 一次過試到幾款丸同埋餃，全部都幾好味！四拼餃有原味、鮮蝦雲呑、黑松露餃同埋韭菜餃，而印象最深嘅係黑松露餃，唔係好多地方食到，味道超濃郁，而且仲會清楚見到一點點嘅黑松露碎！ 🍴 椒鹽粟米 ($48) ⭐️⭐️⭐️⭐️ 未有野食嘅時候，最好當然有d熟食食下，新鮮炸出嚟熱辣辣好香，愈食愈過癮！佢切開嘅厚度真係啱啱好，唔會太大舊整污糟個咀！ 🍴 脆炸魚皮 ($48) ⭐️⭐️⭐️⭐️ 又係好新鮮，就咁食又得，煲一煲吸下湯食又得。 🍴蔬菜雜菌拼盤 ($88) + 稻庭烏冬 ($38) ⭐️⭐️⭐️⭐️ 個拼盤幾好，一次過食哂幾款蔬菜，唔洗分開逐樣叫！烏冬有兩餅，都叫彈牙，驚齋叫

打邊爐送大閘蟹🦀每日有50隻，每位一隻～手快有手慢冇🏃🏻‍♀️店內既霓虹燈好別緻打卡一流🤟🏻可惜冇化妝都係唔好出樣了😩豬骨湯打邊爐前可以飲返兩碗冇咩精仲好重胡椒味💕醉雞好有份量🐔鮮魷🦑一隻咁上，好有睇頭推介四寶餃子🥟雲吞同水餃都有大大隻蝦響裡面隻隻都真材真料個人覺得最吸引就係黑松露餃黑松露味超濃郁的係必點iten!醬料盤～～～其實仲有跟黑醋不過唔記得左影🙈仲有店員超nice的推介！!

前幾日，因為我的好朋友最近搬左屋，就去佢的新屋到搞搞震，玩下咁，因為佢住太子個頭，佢話有一間平時有得食點心，夜晚就可以食打邊爐的餐廳，就襯機會去食吓，因為佢都未食過，想係附近搵下有咩正嘢食。原來餐廳的邊爐係單碟叫的，佢都有好多唔同款的湯底揀，我地最後決定要蕃茄湯底，之後就揀左鴛鴦墨魚蝦滑、醉雞半隻、蜂巢凍豆腐、響鈴同淮山麵，再叫左一渣洛神花茶。湯底好快就到，見到都嚇親，因為成個面盤咁大，個湯底味道好濃，而且酸甜道啱啱好，唔知係咪因為用的係靚蕃茄，因為食蕃茄時真係好甜，可能就係咁令到個湯咁正。至於洛神花茶都好大樽，大約有一公升左右，酸酸微微，有少少似酸梅湯，入面有山渣味，洛神花味都好出，飲得出係自家製，加上唔係太甜，所以都好啱我呢啲唔多食甜的人飲。鴛鴦滑方面佢外觀又好精緻，係鯉魚型，賣相已經好靚，我比較鍾意蝦滑多啲，食到有蝦粒至於又彈牙。醉雞就係用花雕醃制過，好香濃的酒味，即使淥完之後都仲食至表面有花雕味。蜂巢豆腐配埋個蕃茄濃湯底簡直一絕，因為豆腐入面可以索晒啲蕃茄湯，超級好味，又飽又抵食。淮山麵本身都已經唔錯，一來淮山麵都比較健康，二來佢又係勁索湯，令到條條麵都好入味，好好食，不知不覺

今晚同屋企人行經深水埗，想喺附近搵啲好嘢食，獎勵吓自己，同埋自己勁耐冇食火鍋，於是就嚟試吓「老百姓火鍋刺身」👍🏻講到火鍋湯底，老百姓嘅湯底款式都幾五花八門，有幾多選擇，但鍾意食辣嘅人一定會叫麻辣鍋底，所以叫咗個「四川麻辣鍋」($158)，麻辣味好重，唔會愈煮愈鹹，食到超上癮！火鍋配料方面選擇都係超級多☺️樣樣都好吸引，最後叫咗幾多嘢😆 食得超滿足！😋😋😋😋😋頂級安格斯牛頸脊 ($238)• 安格斯牛嘅雪花分布均勻，牛頸脊嘅擺盤都好吸引，望落去都令人食指大動• 牛頸脊入口軟腍，好重牛味，超正！滑牛肉 ($88)• 牛肉滑嫩多汁，肉味豐腴，好好味• 勁有咬口，啱晒食肉獸鮮鵝腸 ($98)• 鵝腸好新鮮，用冰冰鎮保持新鮮度• 內部都清洗乾淨，食落唔會有苦/腥味• 口感爽脆十足，食落去鮮滑美味😋😋😋唐生菜 ($38)• 打邊爐唐生菜永遠都係我首選，咬落新鮮爽脆，夾住食，唔會咁易食厭可樂 ($18)• 食火鍋一定要飲可樂，簡直係畫龍點睛大閘蟹（以人頭計) - 晚市優惠 🤩🤩🤩• 好驚喜，撞正優惠推廣嘅第一日• 大閘蟹有好多蟹膏，超級鮮甜，好正• 蟹肉都幾結實咬口• 職員都好貼心，比咗工具我哋，食落

深水埗真係好多好野食, 呢間新開既老百姓火鍋都幾高質佢既環境都好舒服, 地方都好乾淨老百姓主打火鍋, 但原來佢地除左火鍋之外都有點心同小菜, 價錢都幾親民但係我今日一心係食火鍋, 佢既湯底有好多選擇最後我就比滋潤百姓鍋吸引左, 店員都好推介呢個湯底架佢個湯底裡面有花膠, 螺頭, 哈密瓜, 雞同豬骨個湯好夠火侯, 味道好濃, 帶有哈密瓜既清甜味道我地飲左好多碗先開始打邊爐配料方面我地叫左一個細既安格斯牛頸脊份量都幾多, 牛味好香跟住就係招牌鴛鴦滑, 係墨魚滑拼蝦滑個蝦滑彈牙勁香蝦味, 墨魚滑就食到墨魚粒個鍋底真係好足料, 所以對於唔係太大食既我地黎講食完個鍋已經飽左大半下次要黎再試下小菜同點心先

疫情關係，好耐都冇打邊爐，係朋友介紹下，去了呢間火鍋店，學下人寫食評分享一下*店舖不算太大 但算坐得舒服，都算乾淨～傾計ok😀配料：一盆6格醬料可以揀，還有好像黑樽是豉油，白樽是黑醋，幾特別喔～自己覺得麻醬都幾香餐牌我地揀左蕃茄薯仔湯，很好吃很喜歡💕有少少甜，基本上湯底好吃 其他野菜菇浸哂都不會差飲品：竹蓆茅根，不會太甜又清熱。友人揀洛神花茶，沒有試過。食物：陳年花雕肥牛超重花雕酒味 愛酒的人不能錯過牛肉鮮嫩味道很夾！注意唔飲得酒既人要淺嘗因為超入味！而賣相幾精緻～細細片和加了杞子明目。*即炸響鈴，火鍋必吃！還有甜酸醬可以揀浸湯或者點醬，脆卜卜的*友人喜歡食菜，點了娃娃菜和靈芝菇，正常食物🙂浸了湯底更入味。*特色黑松露餃擺設月亮🌙形很美觀 就像加了黑松露的蝦餃，黑松露味有而不會太重。*淮山面：懶健康地試^^不覺淮山味但浸了蕃茄湯超好吃還有鐵兜碌面很方便。

搵到間就腳又坐得舒適,食物質素又好既邊爐都真係唔係咁易, 今晚就俾我黎到呢間老百姓試試佢~ 佢係太子同深水埗中間, 食夜左行番旺角都有車番到屋企~ 我地叫左個杏汁豬肺湯底~ 真係好少試呢個湯底, 所以見到有得揀就嗌左! 個湯底好鮮! 入面仲有好多隻雞腳! 勁正!!! D 豬肺我覺得都洗得幾乾淨, 口感都幾得意! 成個湯都好想, 我地梗係飲左湯先開始打邊爐! 叫左打邊爐必備既炸魚皮同響鈴! 響鈴仲要係自己即炸! 店員話可以放湯再食或者就咁點汁食! 我就覺得放完湯再點汁食好正! 響鈴勁酥! 炸魚皮超脆口! 好怕食到唔新鮮既炸魚皮! 但呢度一D 都唔會! 夠哂脆口!!! 我地仲叫左鴨血, 萵荀, 脆肉鯇, 極品本地手切肥牛同埋翡翠苗! 極品本地手切肥牛真係極品! 每塊個厚薄度岩岩好! 仲好重牛味! 夠哂正! 翡翠苗就好少見打邊爐有得叫, 叫左黎試試, 索哂湯汁又唔錯!!!!! 鴨血, 萵荀, 脆肉鯇 水準之作! 冇野挑剔! 正!