老百姓火鍋刺身 (已結業)

一去到門口已經有侍應招呼，因為疫情關係，所以主打火鍋外賣，但我都係堂食。因為有訂枱，所以侍應好快就帶我去旁邊的卡位，然後簡單介紹菜單。由於時間尚早，餐廳客人不算多，我第一時間走把握機會影低餐廳的環境。餐廳新開張不久，所以傢私環境都非常乾燥，冷氣亦好猛，這對火鍋店是十分重要。而且裝修亦很細心擺放燈飾，讓客人可以打卡。個人就認為卡位座椅的高度有點兒過高，所以有少許彎腰，有機會因為梳化新淨，所以坐落堅挺，希望其他朋友仔試完可以講講感受。點菜後，侍應便將整盤調味料放上枱前，讓客人慢慢調混醬，雖然醬料選擇暫時不算太多，但看上去都精美。湯底方面，我選了姫松茸竹絲雞湯，價錢不便宜，但就真材實料，成隻竹絲雞沉在湯內，而且非常多肉，所以份量對得住價錢。當然如果三至四人一枱食，除番開就十分合理。食物方面點了只有三樣，分別是美國頂級肥牛、蔬菜雜菌拼盤、鴨血。食材簡單，但擺盤都好精美，例如個雜菌拼盤會用個竹籃盛載，牛肉亦切得一捲捲，鴨血又擺放得好整齊。如果影相打卡真係可以加不少分數。

就快轉秋天，又係打邊爐季節，好耐無出深水埗啦，今日跟朋友去食番餐。湯底選擇有9款，其中有幾款係滋補型，我咁鍾意飲湯，當然揀滋補型，今次得2個人，人少少就點個妙計錦囊湯，原來份量好多，仲有原隻豬肚包住嫩雞，豬肚爽口，雞件好嫩，少少胡椒仲好暖胃，我飲左4碗添。招牌四寶丸 係手打丸，大大粒，食落好爽口，食得出唔係機打，蝦丸、牛肉丸、豬肉丸同墨魚丸，粒粒飽滿爽口。即炸響鈴 新鮮炸起，無油益味，可以沾醬汁，酸甜醒胃，即食非要香脆，點湯3秒就好，外面軟，個心仲脆。萵筍片 厚切特別正，好翠綠，爽脆鮮甜。白豬仔午餐肉 拼成心形有心思，吸收到湯精華，更鮮味。打邊爐點可以無可樂同王老吉呢，絕配。職員友善，服務貼心，環境乾淨企理，下次約多啲朋友再黎先。

難忘安格斯牛第一次幫襯老百姓火鍋限聚令要兩人一枱見到好多人都兩口子嚟撐枱腳裝修幾前衛，有好多霓虹燈管店員好有耐性解釋同埋推介唔同嘅食材Order左杏汁白肺湯底一撈起好多豬骨牛肺大家如果叫呢個湯底一定要留肚食埋啲肉同埋肺肥牛我地叫咗個細份嘅安格斯牛本來以為得好少，但係份量比想像大份可以不停回味白鱔片就少啲得幾塊如果有多啲就好啦個人鍾意佢既豬腸肉味濃香，口感好好再叫咗份蔬菜拼盤，有肉有菜兩個人打邊爐fit晒

今日落雨有點涼，好想食熱食，發現好久未有打邊爐了，朋友帶我去一間他工作附近的火鍋店，內裡裝潢新穎，座位多，還有貴賓室，乾淨企理。湯底揀了特別的老百姓湯底- 妙計錦囊湯原隻豬肚包雞湯，湯滾起後，先品嘗湯，湯有胡椒香味，又有豬肚和雞清甜味，職員幫忙剪開豬肚和雞肉，豬肚乾淨爽口，雞肉嫩滑，份量多。滑牛肉牛肉有牛肉味，肉味濃，香滑有咬口，無根，啖啖肉滋味。蜂巢凍豆腐蜂巢豆腐特別吸收湯汁，啖啖湯精華，唔需要沾醬都好夠味。自家製四拼餃綠色是韮菜餃鮮味，附有細蝦提鮮；招牌水餃皇有鮮蝦，木耳等大粒又爽口；鮮蝦雲吞有原隻蝦，大大粒好足料；魚皮餃都好大粒，爽口鮮味。竹庶茅根味道好清甜，冰涼解渴，一渣夠晒飲

湯底冇得輸深水埗內街原來都有間新開嘅火鍋店6:00入去晚飯，餐廳唔算多人似乎一時間未有咁多人知道有間隱世火鍋店侍應好好招呼裝修比較新潮，環境都好企李舒服首先選湯底，杏汁白肺湯底真係唔係度度都有湯底黎到我已經不停飲湯差唔多飲咗三四碗飽飽地但係佢係好真材實料，好甜美個湯底貴啲都值配料嚟咗牛肉，白鱔片，四寶丸，雜菜拼盤加埋個湯底真係冇得輸其實蕃茄薯仔湯底都好好，不過有比較冇辦法成晚都冷落咗佢買單九百幾蚊如果多啲朋友嚟一齊打邊爐當然最好啦！

咁岩經過深水埗想打邊爐就試試呢間火鍋店又難得的幾好wor~d 料好足好大份用料新鮮員工服務周到湯底好夠辣不過就爭左d 麻味啤酒好抵飲好大枝希望限聚令快d 完可以同多d 朋友一齊再嚟食

由於限聚令既關係，真係好耐都冇打邊爐，等左個幾月，終於開返晚市堂食，雖然都係限最多兩人，於是有機會就同朋決黎到位於深水埗既『老百姓火鍋刺身』，重新感受返打邊爐既滋味！招牌大大隻字寫住『老百姓』，我估就係個價格相對上比較親民啲，所以就比佢吸引左入去～限聚令既關係，每個座位上都有張紙板隔住，而且環境企理，空間感亦都好大，食起上黎完全冇壓抑！ 可以開懷大吃～- 醬料方面；未打邊爐之前已經有員工為你送上各種配料，可以令你自己依照自己既口味去調配最適合你既醬料。好處係唔洗你自己周圍行周圍去整，尚算貼心之舉。- 餐單同我地平時打邊爐既無異，都係十分大路～- 湯底既選擇 -->  滋潤百姓湯 $388呢個湯底令我覺得非常驚喜， 除左係佢裡面好足料之外，而且佢係可以當湯飲，飲完先至做真湯底去打邊爐～個湯底含有好多種材料，分別有花膠丶螺頭丶雞，同時亦有大大個哈蜜瓜去調味非常滋潤～- 成個湯煲出黎既精華就係晒碗湯道，飲落去十分滋潤，鮮甜，佢入面既雞肉煲到好鬆軟好滑，花膠亦都因為個湯再變到好甜，好爽！一流～- 陳年花雕肥牛 138平時食既花雕雞呀，都好少花雕酒味但呢個牛真係令我好驚訝佢既花雕酒味真係

哇！！！終於開放番晚市堂食，第一件事最想食既就係打邊爐！！雖則依家係夏天，但都好掛住邊爐呢樣野，所以點都要去食番餐好，有fd就介紹左黎呢間新開既火鍋去嘗鮮~~新開張冇幾耐，聽FD講佢地有d湯底係可以直接當湯咁飲，令我興趣大增，想黎試試～環境乾淨企理，有隔板隔住，平日唔算多人，所以我地有得坐卡位。醬料區，有黑醋同豉油揀～因為呢排屋企好少飲湯水，所以二話不說就嗌左滋潤百姓湯湯底用左花膠、螺頭、哈密瓜、雞湯淆製而成，每啖都又補又滋補。滾起左就可以飲喇，店員會幫我地夾起D 雞，以免太油，飲過２—３碗我地就打邊爐喇！個湯好滋潤，飲落去滋補又舒服，仲有花膠、螺頭食，估唔到打邊爐都可以咁補～桂花蚌，爽口彈牙，食出淡淡既鮮香味~分必嗌左鮮蝦雲吞同特色黑松露餃，皮薄餡靚之餘，蝦肉大大舊好彈牙!日本黑豚肉，好少食過咁好食既豚肉，脂肪同肉比例均勻，好正～打邊爐就緊係唔少得嗌一渣竹蔗茅根，清甜解渴！

因為疫情關係，一段時間唔敢打邊爐，但對個病開始有一定認識之後，知道有足夠既社交距離同埋注重個人既衛生，亦唔需要過份投鼠忌器，放棄美食。近期知道深水埗附近開左一間新既火鍋鋪，就同女朋友一齊過左黎一探究竟。呢間鋪頭既食物選料食得出相當有誠意，環境亦相當舒服同衛生，最令我印象深刻係店員係會隨時留意客人既要求、需要而予以協助。雖然近期仲仍然經歷疫情階段，但係呢間鋪係間隔、枱同枱之間既距離都相當足夠，如果想打邊爐又想食d有質素既，呢間鋪頭絕對值得一試！

好想食火鍋，又怕好迫又多人。朋友搵咗呢間【老百姓火鍋刺身】，坐位好寛敞，座位之間間距好大。 新餐廳，咩都好新淨又乾淨，good！ 原來茶市時段仲有點心食添！先點咗個「杏汁白肺湯」，嚟到好大鍋，入面好足料，亦有好多舊豬肺。飲返啖湯先，好濃郁，食吓啲湯料先再點火鍋料。 手打墨魚丸新鮮彈牙，月亮型嘅碟又幾靚喎。頂級安格斯牛頸脊排到一座山咁，滿滿雪花紋，牛肉味香濃。桂花蚌用隻閃燈嘅兜裝住，又用冰冰鎮，保持新鮮！推介脆炸魚皮，係即炸架，即食又得，蘸湯食又得，同樣咁好食。要讚一下店員服務好好，加湯時仲係加返杏汁，夠HEART~

疫情持續咁耐，終於忍唔住兩個人去左打邊爐，做野辛苦，都要食啲好野獎勵下自己，今次黎到深水埗福華街新開嘅「老百姓火鍋刺身」，打個靚邊爐。一坐低就揀左雙拼湯底，藥饍碎雞鍋加四川麻辣鍋。藥饍碎雞鍋，酒同藥材味都好濃郁，連埋半隻雞，雞肉好滑而且吸哂碎雞汁。麻辣湯底都係幾正，少少麻又唔會辣到入唔到口，喜歡辣可試試。餐廳裝修都有特式，有打卡位呃下like都唔錯。整體環境有空間感，卡位都闊落，同朋友傾計都傾得自在。兩個人叫左7樣餸：頂級安格斯牛頸脊（大）、日本黑豚肉、手打鮮墨魚丸、脆炸魚皮、鮮魷、蜂巢凍豆腐、珊瑚蚌，另點左一渣竹庶矛根。重點推介！大的頂級安格斯牛頸脊，牛味濃，肉質嫩，易入口，推介必食。手打鮮墨魚丸，墨魚味鮮甜，彈牙有口感，唔會好似街邊啲丸咁成啖粉，無得輸。重點，服務員招呼都好周到，周不時幫我地調節火大小，又會主動幫手夾油同埋清理碗碟，仲會定時問我地冷氣會唔會獨凍，好貼心呢～

限聚令終於放寬咗，鍾意食火鍋嘅我忍咗咁耐，而家可以大解放啦。今晚就去咗深水埗新開嘅火鍋店【老百姓火鍋刺身】慢慢烚吓烚吓。醬料放置乾凈整齊，亦有豉油、醋選擇。【杏汁白肺湯】肺炎肆虐梗係要補吓肺啦，杏汁豬肺湯就可以以形補形啦。杏汁味都幾突出，但唔會搶咗食材味道，仲有豬肺同嫩滑豬骨肉食，啱晒我呢啲唔鍾意太重口味嘅。【頂級安格斯牛頸脊(大)】每片都切到好工整，肉色紅潤油花滿佈，放入滾湯10秒左右就食得，肉香味油香味兼備，好好食。【手打鮮墨魚丸】有八粒墨魚丸，粒粒都幾大。入口勁彈牙，墨魚味幾濃郁。【桂花蚌】用個玻璃器皿冰鎮住，保持新鮮，好靚。桂花蚌口感爽脆軟滑，味道鮮甜。【粟米】粟米嘅甜同杏汁都幾夾。【皇帝菜】食火鍋一定要食新鮮蔬菜。皇帝菜清香甘味，食得肉多食吓皇帝菜清吓腸胃兼減淡口中味道，仲可以保持均衡營養。好耐冇食火鍋啦，仲要全部新鮮靚料，好滿足～

本身係因為個哈密瓜雞湯底留意到呢間餐廳，去開楓樹街球場個邊諗住望下，等中秋叫外賣火鍋，點知原來下午4點前有點心，有驚喜！炸野叫左咸水角同芝麻波波，好脆又唔油，有d酒樓整得有油溢味，呢到完全無，推介！蝦餃同鮮蝦腸粉d皮係薄同滑架😍唔會係硬個d，無雪味幾新鮮燒賣我無食但眼見幾大粒，個fd話新鮮既應該係即包個蒸飯就正常喇，送埋個菜棉花雞魚肚都幾多舊，索左d湯幾正流沙包係好食既，唔太甜，但無想像中咁「流」係好食既估唔到😋價錢都平👍🏻平時會去開添xx，下次會同屋企人黎呢間最想試個火鍋有機會再報告🍲

今次去試呢間新開既火鍋店，一入到去個環境同普通傳統既火鍋店唔同，好多霓虹燈嘅裝飾，非常配合現時潮流。店主既服務好友善殷勤，會主動詢問客人既需要，例如需唔需要加湯，需唔需要較火既大細，主動換新既碟，冷氣需唔需要較大細等等，非常細心。另外食物方面，擺盤設計好有心思，絕對睇得出唔係普通火鍋店既質素。今次就叫左雙拼湯底，藥膳醉雞同四川麻辣。佢既醉雞原本以為係已經係湯底入面，點知係另上一盤雞，雞既份量好多而且好入味。另外仲叫左安格斯牛頸脊，佢既牛一放上枱，好有日本既風味，望落去都流晒口水。

原來深水埗開咗一間好新式嘅火鍋店，裏面裝修都係深色同埋有啲霓虹燈館為主，入面餐牌選擇都好多，價錢就正正常常啦。四川麻辣鍋雙拼蕃茄薯仔鍋$158加$28 通常食火鍋都一定揀麻辣，呢度個麻辣火鍋其實好香，入面有好多辣椒，但係其實我哋叫小辣，所以其實個辣味都唔算話好重，蕃茄薯仔湯比較值得一讚嘅就係個蕃茄味都幾濃郁。湯底都的確係唔錯！鮮墨魚滑$98墨魚滑整到好似兩條魚咁，好得意，而且口感係爽口彈牙的。 脆炸魚皮$48呢個都好吸引！佢有少少鹹香但係味道唔會泰龍，無論係加入麻辣湯底還是蕃茄湯底都好夾。 日本黑豚肉$108因為咁啱我同朋友都唔食牛肉，咁就試吓佢呢個日本黑豚肉，口感都唔錯，爽口而且有少少厚身！枝竹$28台灣空運鮮鴨血$58呢個都唔錯，非常之彈牙，而且份量都好多，鍾意食嘅我覺得都係叫一份就已經夠啦！