老厝邊 (已結業)

第三次回頭✨好少食到咁好食又地道既台灣菜，價錢又一啲都唔貴😋 佢又咁岩係我男朋友番工附近。店員好多台灣人(⊙ω⊙)，裝修路牌都好台風-👍🏻超濃芋泥蛋餅(💰35)👍🏻大推‼️蛋皮好香✨好多芝士好多芋泥仲有少少甜甜又好香既芋頭粒配埋肉鬆好有台灣嘅風味✨而且好難得地有台灣嘅蛋餅醬😭.🐣鹽酥雞（💰38）醃得好入味又夠哂好脆 配埋九層塔好香✨炸脆左既九層塔都好好食(˶‾᷄ ⁻̫ ‾᷅˵).🍜眷村紅燒牛三寶麵（💰78）可以揀湯麵/拌麵三寶係🐮牛腱🐮牛筋🐮牛肚牛筋好淋身好入味😚牛鍵好厚身💕個人覺得拌麵黎講太多水啦，但湯汁好香牛味湯麵可能會好食啲🤨.🍱滷排骨便當（💰62）排骨超大塊✨索滿汁所以唔好期望好脆肉質彈牙好咬口都好入味想食脆嘅可以食炸排骨😋側邊仲有豆干、杏鮑菇、滷蛋-店鋪仲有青蛙下蛋之類既台灣經典飲品，多多綠、冬瓜茶都有✨鹵味有台灣夜市食到既酸菜🤤又平又抵食，仲播住百聽不厭既台灣歌手既歌曲✨啊😭好掛住台灣

眷村紅燒半肋半肉牛肉麵＄70：牛肉湯味濃郁，賣相吸引，牛筋牛肉不少，軟綿綿吸收湯汁入口口感好正。麵條屬於幼身，連湯一齊食不錯。而且配合甜甜嘅蘿蔔和蔬菜平衡一下。鹵肉便當＄55：便當好多汁，配菜好味！似係豆豉肉碎九菜花粒，同滷肉飯好夾。麻辣牛肚＄32：麻辣味道適中不會太辣，牛肚分量十足，容易咬。兩人分享感覺經濟抵食！椰果蜂蜜檸檬＄22：椰果配合蜂蜜檸檬汁原來很好喝，甜甜酸酸令人更加開胃。百香紅茶＄22：紅茶有濃郁茶味，凍飲感覺更加消滯。

本身六月份book好晒機票酒店去台灣旅行，但冇計啦因為疫情關係取消晒，唯有搵吓台灣嘢食頂住癮先啦🤧🤧嘉義雞肉便當($55) 🍗看似平凡簡單但好有驚喜，唔知佢啲雞肉點整，好嫩滑，d雞汁撈飯一流，而份量超級多，配菜都好有台灣便當嘅風味🍱台南擔仔麵($42) 🍲擔仔麵係將肉燥加入上湯，配料簡單卻鮮味十足🦐同之前食過嘅擔仔麵比會較清淡啲起司肉鬆蛋餅($35) 蛋餅超足料🍳入面啲肉鬆係爆曬出嚟，芝士熱辣辣都做到拉絲嘅感覺，配埋甜酸醬一齊食好正🧀香炸魷魚鬚($35) 🦑講到台灣又點少得雜物呢，魷魚鬚都有十幾條，炸得好似台灣夜市咁，再灑一啲椒鹽粉，真係好掛住台灣啊～～🤧🤧🤧

台灣人主理既餐廳，餐廳裝飾別出心栽，而且好有台灣feel，侍應講台語添。menu清晰，而且勁多款台灣小食，比起同類餐廳，價錢親民，仲要食物好好食。晚市7點半左右，walkin好彩即刻有枱，餐廳已經full哂。叫左薯餅蛋餅($30)，大腸麵線(小$28)，滷肉肉乾拌麵($38)，青蛀下蛋($24)，古早味冬瓜茶($18)。蛋餅必叫，因為味道同係台灣食既幾乎一樣。蛋餅皮口感少少煙韌，唔會過厚。而且熱辣辣即整，份量仲要好足添。每件蛋餅入面斬夾住香脆薯餅，仲有拉絲芝士。加埋旁邊既醬汁，就冇咁膩。食2件已經有飽肚感。小份既大腸麵線其實都幾大碗，一個正常食量既女仔都未必食得哂。大腸滷得入味，而麵線量多，味道唔會過鹹。點選既食物入面，拌麵就有少少遜色，味道淡dd，肉乾量唔算多，拌完可能唔覺有肉乾。有d掛住台灣既青蛙下蛋，所以叫左一杯飲下。粉圓煙韌，份量多。而冬瓜茶清爽，消暑一流。整體，有好多小食可以叫，食小食都飽，因為太多選擇。而且價錢仲要唔貴添呀。

近排想食台式野，見op評價唔錯就決定去而間。朋友去食，一共叫左4餸，1杯野飲。飲品係蜂密綠茶，味道係幾好既，但係甜左d，如果可淡返少少會更好。今次叫左秘製麻牛肉麵，$78，.抵食好味👍👍，湯好濃，料都好多，有3樣牛既餸，牛肉、牛筋、牛肚，仲有蘿蔔、青菜，好足料，係麵少左d，對男士黎講可能唔夠！蛋餅可能期望太高，食落係幾好姐，未到好好食。飯同涼拌豬耳一般！特別係個飯！😖

因為媽媽嘅生日👩🏻所以帶咗佢去大角咀千色買禮物🎁然後睇OpenRice見到「老厝邊」近近地而且食物又好似幾吸引就決定到訪一下🤭見到佢嘅裝修都幾有70-80年代風格🕰大玩復古風🎞好有特色不過由於係心機小店形式所以座位不多😆需要排隊等位PS：餐廳嘅排隊飛仔係用雪條棍❤️好可愛菜式方面就係平時台式餐廳見到嘅湯麵,飯類,小食,仲有台式飲品💁🏻‍♀️而且飲品選擇都幾多👀好似去咗一間台飲店咁🎉眷村紅燒牛肉三寶麵 $78以台式湯麵來講🍜配料份量呢度真係可以叫做滿滿的有兩大件非常肉厚嘅牛展🐮係等同平時食到薄切嗰啲嘅一倍而且牛筋,肚各自都有五六件😱當然最緊要嘅味道方面佢都非常之入味同時都好軟淋👏🏻好似用醬汁浸咗好耐般古早味滷排骨便當 $62豬扒嘅尺寸好似塊面咁大🐷且軟嫩多汁然而炸漿唔會好厚 油香嫩驕欲滴相信如果我唔係叫滷排骨🤭應該真正可以做到皮脆肉嫩既質感另外💁🏻‍♂️呢個嘅醬汁味道較淡 但係因為旁邊有有醬汁既茄子🍆就可以加埋用作餸飯🍚鹹味剛剛好塔香鹽酥雞 $38同樣炸皮只係薄薄一層🐥一咬開就已經係可口既雞粒嫩滑無渣🤤鎖住肉汁最重要係明明咁Juice💦但竟然唔係用肥嘅雞肉💕而係胸肉般瘦的其實呢度有好多台式飲品

下午兩個人點左大腸麵線、培根芝士蛋餅同紅燒牛肉麵，蛋餅蛋皮酥脆入口熱辣辣，餡料飽滿有台灣早餐店嘅味道可以一試。大腸麵線一般，味道較淡，芡亦做得較水口感欠奉，普遍香港做台灣麵線嘅水準，蚵仔蕃薯粉比例通常控制不好。紅燒牛肉麵比較差，紅燒通常湯頭濃郁帶牛脂香，可惜湯頭較淡亦不夠香，牛展亦唔入味，比較唔推薦試食。香港嘅牛肉麵即使六兩三或者玖五牛肉麵係湯頭同牛肉嘅控制始終未有超越劉山東林東芳，麵就更加唔洗講喇。當然呢個價錢都冇咩可以要求。

兩個人行行下街肚餓就入左呢間台灣野！見佢都幾新，個waiter姨姨都係講普通話架～～ 台灣人～～～叫左一個眷村紅燒牛三寶麵，一個生菜，一個海陸炸物拼盤！眷村紅燒牛三寶麵有牛腱，牛肚，牛筋！平時我都唔係好食牛筋但係呢個好入味好香好軟，好食啊！！！加埋佢既新牛油，更加香，同埋佢吾會好辣～～～個生菜係有佢自己既醬～～同平時既都不一樣！最最最讚既係佢個海陸炸物拼盤！！！！！本人一向最愛食炸物，所以本身對佢期望都有啲高！但係佢meet到我個standard仲要over我既期望！！！！好好食～鹽酥雞，甜不辣，魷魚鬚，花枝丸，四季豆，玉米筍！！！！樣樣野都係正既！呢個拼盤真心推！！！！

放工女朋友來接收工，感覺很幸福，咁當然接下來的晚餐就去食女朋友喜歡的台灣野！這間在大角咀的台灣食店我是第一次來的，去到店外已有很多人等候，不過還好等候時間不長，大約15分鐘左右就有枱了，入到去地方空間不算很大，但佈置就很具特色，感覺係花了點心思去營造台灣的感覺，好了接下來討論食物，我們各自點了一個主食，飲品及兩款小食，先討論我的雞腿便當，男人當然很喜歡吃肉，但對我來說變動另外有青瓜及草菇感覺很好，不是一面倒吃肉，雞腿方面也很入味，咸香適中，唯獨是滷肉味道有點淡，配合白飯感覺還是差了一點點。至於女朋友的擔仔麵的麵質算彈牙，但配料就有點少，小食方面芋泥蛋餅味道不錯，如真的去要比意見感覺芋泥份量可以再多啲!最後飲品方面，個人感覺比食物更出色，檸檬愛玉甜酸度適中，女朋友的奶綠不會一面倒只飲奶味，每啖都飲到抹茶味的清新，值得一讚！下次有機會的話會回來試吓他們的牛肉麵👍🏻

這間店舖位於大角咀嘅店舖！店舖人流相當之唔錯！店舖係在舊區地方！附近有唔同特式店舖！所以人流十分之多！尢其是這間店舖售賣特色食物！真係相當之唔錯！。至於食物方面:超濃芋泥蛋餅！賣相相當之唔錯！好香芋泥味道！食入口好軟滑！外層蛋餅好又口感！味道又唔錯！。起司肉鬆蛋餅:第一啖食入口好香芝士味！咬入去好有口感煙靱的感覺！再溝埋D肉鬆一齊食味道恰恰好！莫侦好正！再加埋D蛋餅食真係冇得輸！正呀！👍👍👍😋😋😋。塔香鹹酥雞:食入口味道好特別！又唔會過鹹恰恰好！食入口又有口感十分之鬆脆！雞肉又唔會靱恰恰好！都算唔錯！。香炸魷魚酥:十分之酥脆！又有咬口味道恰恰好！咬入口好易咬又夠腍身！賣相又唔錯！睇得又食得！都算幾好！。價錢方面一般！食咗咁多嘢！只係百幾蚊！十分之抵食！👍👍👍😋😋😋

看到這家like數上百，特地來試試。首先排隊就老半天，吃完更是大失所望。食物上來說，奶茶過甜，牛肉太硬等等吧，都讓人感覺到食物製作的不用心。環境的話一般般，這個地理位置屬於可以接受。價格來說，在大角咀這樣的環境，也算是高了，飲品也無跟餐價格，個人感覺不划算。服務上，也就一個台妹比較熱情，其餘的一般般。端菜的時候也是隨意擺放，清潔戴的手套都幾乎要插到飯裡面了。總結一下，不推薦各位來嘗試，服務可以接受。

難得有個空閒既Leisure Wednesday🤣黎大角咀行陣街同隻豬食下至愛既台菜亦最好不過☺️眷村紅燒半筋半肉拌麵此乃小肥至愛😆🍜所採用既牛展部位甚為爽口🤤牛展及牛筋同樣地煮得嫩淋且夠哂入味😋吸盡牛拌汁精華之餘☺️拌以撈粗麵條亦夠哂爽口彈牙十分滋味🍜😋起司肉鬆蛋餅超強既芝士拉絲🤤🧀蛋香濃郁既薄脆蛋皮🍳配合芝香嫩滑及增添口感同肉香既肉鬆🤤煮出外脆內軟又富口感既絕佳口感🤩😋塔香鹽酥雞鹽酥雞沾上份量剛好既炸粉炸香🐔🔥帶出陣陣塔香食落唔會太厚粉之餘😋食落肉質都夠哂滑嫩Juicy的😋🐔涼拌小黃瓜口感爽脆既小黄瓜🥒😋配合微微酸香既醬汁食落亦更加開胃的😋

疫情關係冇得去台灣，唯有留喺香港食台灣菜揀呢間老厝邊係因為店主喺台灣跟過婆婆學廚，感覺會有濃濃嘅家鄉味～眷村紅燒牛三寶麵 $78湯底濃郁，食得出加左藥材同香料，味道好有層次，而且質地偏杰身，好適合掛麵～材料方面除左有牛三寶（牛筋、牛腩、牛肚），仲有小棠菜、白蘿蔔，每樣食材都最少有2份，好足料。其中牛筋煮得好腍好入味，就算厚切都完全唔韌～超濃芋泥蛋餅 $35喺芋泥蛋餅同芝士肉鬆蛋餅之間掙扎左好耐，芋泥控嘅我最終都係揀左前者一拎上手D芋泥已經爆曬出黎，睇到我流曬口水～然後發現原來個餡包埋芝士同肉鬆！個芋泥好濃郁好正，不過味道有少少俾芝士同肉鬆蓋過左，感覺上有點喧賓奪主，如果分返開應該會再好食D ❤花雕醉雞 $32同平時食開嘅好唔同，唔係雞件咁上，而係將雞肉捲成圓柱型紥實再切成片，所以食落口感會比較彈牙涼拌小黃瓜 $25醬汁感覺偏甜，可能係台式古早味嘅關係？

【超濃芋泥蛋餅】好多芝士好多芋頭甜甜地配埋肉鬆，好有台灣嘅風味，而且仲有台灣嘅蛋餅醬，令我想起台灣了😋⊰⊹═════════════⊹⊱【鹽酥雞】醃得好入味好脆，口感軟脆又有咬勁，鐘意食鹽酥雞既你又點可以錯過呀😄⊰⊹═════════════⊹⊱【魯肉飯（大）】好多肉好多汁仲有半隻滷蛋飯林左少少🤏lmao 但都好食😋⊰⊹═════════════⊹⊱【經典鹵味味大拼盤】有豬耳豬大腸豆乾海帶鹵蛋，味道非常之好食😋⊰⊹═════════════⊹⊱【愛民芒果綠茶】好香唔甜清新珍珠仙草紅豆椰果愛玉都係加$3 值得推比大家試下😋

其實本身係想食都係大角咀ge另一間舖頭ge，但係去到門口先至發現果間舖因為疫情ge關係5做堂食只做外賣，之後行下行下就發現左呢一間舖頭，係門口睇到個Menu都覺得幾okay，又即時有位，咁就入左去食la，不過到而家我連佢個名中間個字點讀其實都5知🤫舖頭ge員工係講普通話ge，感覺上似係台灣人。🍜眷村紅燒牛筋牛肉湯麵 $70呢度ge麵食類有湯麵又乾拌麵兩種選擇，當日食ge時候我就揀左湯麵走蔥。其實平時我唔多食牛筋ge，因為唔係間間都整得夠淋，呢間ge牛肉又厚又大塊，牛筋又夠淋，不過個湯底我就略嫌覺得5似紅燒ge味道，係好食ge，不過如果個湯底再好d咁就更加好la。🍚滷肉飯 (大) $38本身唔太鍾意食滷肉飯，因為唔鍾意食肥豬肉，不過呢間又okay喎，佢個滷肉汁都整得幾好味，配飯食一流。🐣塔香鹹酥雞 $38炸雞入邊5乾都5會鞋口，份量多，以呢個價錢黎計ge話真係抵食。🦑香炸花枝丸 $30花枝丸ge份量亦都唔算少，不過5係話特別好食，普普通通，中規中矩，夠彈牙ge。😋炸甜不辣 $30自己本身就好鍾意食甜不辣，係香港好似5係間間台式餐廳都有甜不辣ge，所以見到有一定會叫黎食，同樣份量都幾多，外