翡翠拉麵小籠包 (已結業)

星期六不設訂座服務，8人，7:00 拎飛，等到7:45有位，都算合理。之前看評語說侍應生服務一般，但今天我覺得OK啊。門口派飛的小姐也有禮貌，我問了她許多問題她都一一耐心解答。我們亦很幸運，餐廳規矩人齊才可入座的，我們剛好7:45人齊！食物方面，來得很快，落單無幾耐就有得食。最好食是小籠包，皮薄餡靚，$22一籠有四粒，不貴啦。

其實行過都會黎食，次次都係食番之前食過的。好似擔擔麵，上海炒年糕。今次試下上海湯水餃：好食，脹卜卜，好多料。之於擔擔麵就唔知做乜好辣，炒年糕就一如以往都好食。飲左杯竹蔗水，唔太甜，都好。以晚餐消費，我覺得都幾抵。

今日第一次去食呢間o既小籠包, 唔掂! 個皮好厚, 個餡好咸. 另外叫左個菜肉雲吞湯, 味道一般, 唔值幾乎三十蚊六隻. 個蘿蔔絲酥, 好少蘿蔔, 中環正陽樓和花滿樓好過佢多多聲!

『沒有銀包的一天』星期四，連銀包都冇帶就番工，都算第一次，似乎呢排真係唔係好夠訓，冇偈啦.....正當諗緊點樣解決午餐之際，老友打黎話食Lunch，呢次有救喇！老友話去呢度，是但啦，即刻應承，唔通仲諗咩！之前黎過，感覺一般，今次我叫左個五香牛肉拉麵，另外叫左個北京水餃同個朋友一齊食，朋友叫左個擔擔麵。我的五香牛肉頗腍，但味道稍鹹，如果帶多一點辣味會好d，麵就一般，算不上出色。反而個水餃整得唔錯，餡料幾足，鮮味尚可。整體上，都可以，不太差。另外甜品我叫了個酒釀丸子，淡淡的，丸子不夠煙韌，只屬一般吧！出街靠朋友，真係講得冇錯，這餐就由老友「接濟」住先了，真慘！

同舊同事約左響尖沙咀食個晏晏地o既下午茶，由於佢剛做完運動好肚餓，結果係同佢黎呢度食個早早地o既晚餐。由於舊同事o係附近番工，所以當左呢度係飯堂一樣，同D侍應都好熟咁。五點鬆D黎到，個場都幾吉下，唔似正餐時間排晒長龍，靜靜地，加埋個無敵海景，實在係幾好坐。兩個女仔叫左小籠飽、素菜飽、乾蔥撈麵同豆酥醬桂花魚。小籠飽係一貫水準，湯汁好多，亦夠鮮甜，不過個皮其實係略嫌太薄─雖不至於夾起即穿，但我覺得層皮厚番少少會更有質感，同個肉餡的比例亦會平衡D。素菜飽一籠三隻，味道都唔錯，皮同餡比例剛好。乾蔥撈麵o既乾蔥好香，微脆的口感配麵條係一流，不過份量就少左D，有唔夠撈D麵的感覺。個麵就普通水準，全靠個香蔥加分。個豆酥醬桂花魚就好麻麻，醬汁唔夠香，魚亦煎得唔夠脆，不過亦不至於難食啦！整體黎講，呢度o既飽點同麵都食得過，小菜就真係麻麻﹝以前都食過幾次，未試過有小菜係覺得好正的﹞。個笑面係俾個香蔥o既！

上星期六同朋友嚟食dinner,七點幾到只係等咗陣就有枱叫咗水餃面,羅白絲酥,小籠包,豆漿水餃面--清清地,水餃夠滑, good羅白絲酥--熱,香,鬆,正!but小心燙咀小籠包--不俗但皮再薄D就好豆漿--good,冇怪味overall,水準保持到.如果個肚仲夠位可以試豆沙鍋餅同杏仁豆腐(但要本身鍾意杏仁味,becoz杏仁味好濃)

今日有機會12 點在尖咀食晏，試左客小籠包、擔擔面、雪菜咸肉炒年糕同什麼什麼蘿蔔絲卷。可能比較早的關係，上菜上得好快，d侍應服務又好。小籠包d皮好薄，要好小心先唔整穿塊皮，包入面又多湯，非常好食。至於個擔擔面就普通，d面易斷，比較腍。個什麼什麼蘿蔔絲卷又幾好食，外皮脆入面d蘿蔔又「林」又多汁。最後個炒年糕就無乜特別。四個人夾埋要150蚊，都幾貴。p.s.有兩張向海的卡位，景觀都唔錯。

我20號晚同朋友到這裏吃飯,點了小籠包,脆蟮,四川擔擔麵,唔知點解個擔擔麵的湯底有d酸味,我知道唔係變酸咗,但係d湯底好"杰",又無咩花生醬料,d麵質okay喎!小籠包唔使講就一定無得頂啦!我諗除咗大陸d地方之外都唔知邊到先至食到luu,and脆蟮好鬼油膩呀,呢樣係最遜色ga,食飽飽後我哋order咗個dessert,什果杏仁豆腐,d味道勁似杏仁霜,但係好好味~service方面,waiter好勤力又唔會無禮貌,好好!

兩個女仔黎食lunch淨係叫左個小籠包同埋上海粗炒小籠包真係唔錯wor~個汁好好味，加埋入面舊肉個味道好夾上海粗炒就1般啦太多油啦service都唔錯worwaiter成日走黎斟茶我2點半黎係無人ga~

之前晚上和同事到裏食晚飯,d小籠包勁好食呀,但係一粒就好貴囉,但都值得ga,仲有d湯麵都好正啊!<br />遲d一定要再食過,但每日都好多人排隊!

大家對這裡的食物都已作過不少評語, 所以今次不會多說, 只想讚讚他們的小黃魚. 雖說是小黃魚, size也不太小. 賣相精緻, 外皮煎得金黃香口, 內裡的肉卻很嫩滑, 味道不錯. 家人都喜歡吃煎魚仔, 所以每次來, 都會每人叫一條^_^

sunday 6點零鍾,路經見呢度唔洗等位,而又有好多朋友推介呢度,o甘咪入去試下lor!我們二人點了以下菜:-小龍包-担担麵-雞絲粉皮-叉子燒餅-葱爆牛肉-高力豆沙小龍包係o甘多样中最好味,皮薄肉汁豐富,但$22好似貴咗少少;担担麵就好一般,以前鑽石山詠黎園掂好多好多,個麵d口感好淋:雞絲粉皮就勁少,少到一人一啖都冇,也不見突出;叉子燒餅配葱爆牛肉,貴得黎唔值($30+$58),牛肉好油,但灣仔美利堅好味兼抵食;高力豆沙就更加唔得,好細個,入面d豆沙好少,仿膳好味d!再講d service就真係麻麻地la,呢頭葱爆牛肉仲喺個口入面趙,就以最快最急口吻問d野黎齊味,要唔要甜品,我地見有時間咪叫埋高力豆沙,點知到食最後一粒高力豆沙時都未食完,就聲都唔聲就收碟,我即刻講未食完,因為我要用高力豆沙點糖,佢先放低!做乜o甘急?原來出面等左好大棚人,要趕客lor!

昨晚同男友在此處慶祝佢生日, 員工的服務態度幾好, 成晚都keep住幫我地添茶, 我地走的時候又同我地say goodbye。我地叫左以下食物:1. 小籠包: 我又睇唔到好薄皮wor, 但係就真係好多肉汁。2. 花雕醉雞: 好香酒味, d雞肉又爽, 肥瘦適中。3. 紅油炒手: 男友嫌過辣, 話除左辣味就冇其他味。可能我吃得辣, 除了辣味外, 我仲食到有肉味。4. 糖醋魚柳: 酸酸甜甜咁, 最o岩餸飯!叫左兩個白飯餸餸。因為果度d甜品唔太吸引, 所以去左Strawberry forever 食dessert。順帶一提, 有好多鬼佬去食小籠包。

D 野食幾好味~但係D 人O既服務就差~差~差~~~前兩人我諗住試O下去O個食~因D 人都話幾好味~ 但係出邊個知客既態度好差呀

晚上9點，有吉，唔洗等．2個人食少少野：小籠包($20+/4粒): 皮薄，多汁，真係從個小籠包外面見到ｄ湯的影，好好味．燉雞湯麵($40+): 一盅燉雞湯，加一個淨麵上．雞湯好味，麵都ok．炒津白($40+): 份量只夠2-3人食，味道一般．酒釀丸子($20): below average，好多酒釀，太酸．我地坐個位見到拉麵師傅不停拉麵，新鮮即造，有誠意．全場搭，一定要齊人先可以入，有海景卡位．服務都好好（個部長主動幫我地追未o黎的菜，但可能因為夜無咩人）．但我想同門口個帶位小姐講：人地又無得你，你唔好黑面ｄ客啦唔該．