翡翠拉麵小籠包 (已結業)

尋日我地一行6人去左翡翠拉麵小籠包食dinner, 等位都等左好耐, 佢俾左卡位我地坐, but比較迫d囉, 因為好明顯係for 4個人。唉, 咁都算啦, d 員工0既服務態度非常唔掂, 我地食完酸辣湯麪之後諗住換左d碗, 舉左好耐手都無人理, 而且個個都無乜笑容, 同埋好似趕住唔知做咩, 換完碗之後咁我地諗住再叫d野食, 但佢轉個頭就走左!

我最中意就係呢d菜!呢間野d食物都好好食同埋整得好靚好精美仲好的色

早兩日同個朋友行過海港城...行到咁上下想搵野食...就去左呢間野到食....(果時都差唔多3點..)入到去見到有卡位...有個4眼..打太既男人(我估佢都係d經理咁上下啦...)佢叫我地坐左張要同人一齊坐既(木台)..咁我地就問佢我地可唔可以坐卡位...佢話唔可以...咁我地都好唔高興啦...果時都冇乜人喇...點解唔可以俾我地坐先...根住仲見佢同個黑衫既女人唔知講d乜...我地食家黎食野要俾錢架...咁都得...根住我朋友話算啦..食完咪就囉...我地就叫野食啦...有個短頭髮既女待應同我地落order喇..我朋友話想食個涼伴日本青瓜...咁我就唔係好中意食...個女仔叫我食涼伴玉豆...咁我地就叫左黎食啦...點知又幾好食..同埋個女仔都幾細心同埋幾好禮貌...真係唔知點解呢間野咁得意...d待應仲好過d經理咁既...我睇佢地既老闆都要好好訓練下佢地d人喇...唔係咪會成間公司既員工都係咁囉>.<....d野係就係幾好食既...不過d人咁..我估我都係唔會再去囉>.<

我對這間公司的服務很失望,覺得佢地有些看吾起國內同胞.事原我今日下午一個人去這間本來印象都吾差的上海拉麵店食野,下午人吾係太多我可以一個人坐張細卡位,(侍應叫我坐的位子為21號桌)我叫左碗菜肉雲吞拉麵,都幾好食,我見麵是師傅自己拉的.原本都無什麼事,不過食食下就見到對面桌那邊,好像有些事發生.那桌坐了一家三口的內地同胞,他們向一位短頭髮的女侍應落單,那位女侍應好像不是那麼懂普通話,我見佢越落單個樣就越吾耐煩;語氣也越來越差;很無禮貌,落完單后轉個身居然同自己同事講"大陸人,吾洗這麼好招呼"我聽完真係好吾開心,難道大陸人就不是客人;不是來你間舖銷費的客人嗎???點解對大陸人就可以吾洗有招呼,她是否其時大陸人,吾通那位女侍應本身不是流著中國人的血?經過今日這件事之後,我對這間餐廳的印象變得很差,希望這間餐廳的主管或老闆看到我這篇信后,會好好教育自己得員工,不要令她影響到餐廳的服務水準~~~如果吾係下次可能會有人上旅遊發展局投訴,而我本人也吾會再叫朋友來這間餐廳食野.

近排食左兩次, 兩次都有叫小籠包, 但係一夾就穿既! 攪到次次我都係特別小心, 驚死佢會爛咁...有次叫左上海粗炒,幾得wor,因為甜甜地,同一位上海朋友既媽咪煮既味一樣,同埋唔係好油,我食左好多見叉子燒餅都幾平,叫左一客,陷料方面我地又唔想食太多肉,個waitress好好人介紹左干扁四季豆,原來呢個配搭都唔錯,四季豆都炒得好乾身,同埋塞得好多都仲有剩如果小籠包可以再整得好d就好喇

友人提議黎翡翠食lunch, 見唔駛等位, 無所謂啦.我揀左個清清地既涼拌西芹做前菜, 朋友就點雞絲粉皮, 兩樣都不過不失.再黎例牌小籠包, 依然係皮薄得黎唔會穿, 肉汁多得黎唔係"水還水肉還肉"果種, 係必點既菜式. 朋友唔夠喉, 要點多一客食個夠.加多個紅油抄手, 個汁都幾好味, 雲吞本身就過得去啦.唔知點解我幫趁親翡翠都係兩、三個人去, 食唔到幾多野, 所以好多菜式都未試過呢.

我記得我第一次食d間野係係太古..果時佢d小籠包真係整得好好..但之後越黎越多分店..水準越黎越差..尖咀d間我都食過一次..水準同出面既一樣..冇咩特別..但環境都ok...

今晚同友人２丁友去食呢間印象幾好既上海店，之前食過好多次，發現食物每況愈下，對上一次已經係８月食，諗住唔再比機會佢，點知今日友人想食上海野，突然靈光一閃諗到呢間店，決定比多次機會佢～９點幾去到只係需要等５張台，不過要同人搭台，都幾唔自在～傾計又要細細聲＞＜講番食物方面，我地叫左擔擔麵、小籠包同雞絲粉皮，擔擔麵和小籠包都比我上次黎好食左，雞絲粉皮就ｋｅｅｐ到一貫水準～因為我食過呢度既蟹粉，唔太掂，所以冇叫到蟹粉小籠包，不過諗諗下，今次好似有ｄ進步，不如比埋呢個機會佢啦～後加左個蟹粉賽螃蟹，點知ｄ蟹粉仍然叫人失望．．．蟹黃同ｄ汁係分開既，唔似得ｄ靚蟹粉咁均勻～８８＄食左個普通過唔普通既賽螃蟹．．

昨夜9:30二人去食, 沒有預訂,坐不到海景.由於Terry之前食左飯, 只叫了Sandy份.四川擔擔面+茶香乳鴿.擔擔面唔掂, 個湯好似酸酸縮縮咁, 硬骾...個乳鴿非常普通, 收$68只得一隻鴿仔, 仲要鋪幾塊鴨定鵝肉在底下, 充場面...頂---包呀!食過3次, 今次最差勁, 完全不值.

我都唔知呢間野o既老細有冇同d 員工上下training~個個都好冇禮貌~~~~~笑容又冇乜~~我都係想搵一間可以坐得舒服d o者~d野係幾好食~d 環境都幾好呀，不過就d 服務麻麻啦~~~~上次同個朋友黎食~都食得幾開心呀，咁我地都會傾下計咁樣~o個d 員工就成日問我地，呢d 野仲要唔要呀，唔要幫你地收左去，我地都冇覺得係咩野，點知~~~~突然間比張單我地~~~~咁我地未同佢講~我地都冇話埋單~~~之後佢攞左張單走左咁我地仲一路咁傾計~~~~不過~~~~~d 員工就好似比壓力我地咁樣~~~個個都望住我地~~~~~~我下次都會再去~~~因為我要睇清楚佢地係叫咩野名~~~如果可以~我都要影埋佢地對客人o既服務態度~~~~~~~

本來滿懷歡喜去食飯,起初都好好,點知食到咁上,覺得面有D 怪味見到有個好似幾高級的女仕便向她詢問面怎樣做法,點知佢唔啋我行去,我好嬲,我要投訴佢!

前幾日同屋企人去試吓,去到等咗大約三十分鐘,被安排坐了一張卡位,都ok舒服,d嘢都好好食.但係有個着西裝短頭髮好矮嘅部長阿姐,幫我哋order 嘢嘅時候,問有d咩好食,唔知佢唔識定唔想答我,黑口黑面四周圍望,又粒聲唔出,都唔知佢想點,到最後都係自己叫.食緊嘢嘅時候.又聽一把好嘈嘅聲音.當我哋望過去,又係呢一個好矮嘅部長阿姐,對住d員工呼呼喝喝,十分之煩~好嘈.反而其他侍應招呼ok,笑容又好.都唔知個經理有冇train d下屬.果日我真係好嬲,一蚊tips我都無比,d嘢幾好食都無用啦,招呼咁差重話要收加一,下次一定唔會再去食.

一泥到，可以坐房兼有海境位，以為會有開開心心ge一餐．．．點知．．．其實呢度ｄ野食，樣樣都好平均，真係唔錯．但係賽螃蟹就麻麻地．．．佢個炒年糕絕對值得讚！無得頂！係我食過最好食ge炒年糕．．．本來高高興興同朋友gathering，食完野當然係吹下水啦！如果我食完即走，我唔洗俾咁多錢係呢ｄ高檔食肆度食野啦！點知，果ｄ咁ge侍應姐姐，係咁收你ｄ碟，仲不停問你要唔要糖水。果時１０點都未夠，咁早打佯？我見佢成鬼日咁多人排隊，就以為佢出面又勁多人等位啦。見佢咁趕，我好心，轉場食糖水，點知出到去鬼影都無隻！我即時火起啦！姐姐！咁急趕我出泥你都係未收得工ga la，都唔知果ｄ侍應係乜野心態．我坐係度傾計又唔駛你服侍我，最多都係「針」幾杯茶咁大把姐．．．我下次都會幫趁ge．．．但如果佢再趕我走，我一定叫佢經理出泥小佢一鑊．．．我係度係咁打字，佢都睇唔到ga la，咁不如下次，一次過同佢算帳！．\\\"/．

之前響新加坡都食過，當時感覺都唔錯。今次一心諗著帶老豆同家姐來試一試。食落D味道同新加坡既一模一樣，真係好。尤其是要試一試「火腿雙方」。擔擔麵都唔錯，不過都係覺得黃大仙「詠藜園」好味D。小籠包都幾好，不過皮都唔算薄。四個人埋單300元，每人70幾，都算係咁。最後，覺得近窗口既卡位好似好好坐，又有海景椅背又高。

本人極度不滿意呢間酒樓o既服務態度，果位著住紫色西裝、短頭髮、好似經理o既女人o既態度簡直過份，落單時十分之不耐煩，擔天望地，對其他同事又呼呼喝喝，簡直當客人完全冇到，什麼事都是「經過而不理」，極度可惡！o的o野食又不行，小籠包一夾起就穿晒、漏晒o的汁，一夾起舊菜肉雲吞就皮同肉就分開晒……，我和我的朋友唔會再去幫襯呢間o野。