翡翠拉麵小籠包 (已結業)

今日同阿Ray去依度食lunch, 因為已經2pm, 可以直入。因為我要戒口, order o野o個陣都幾傷腦筋, 最後叫o左兩客小籠包, 一個雞絲粉皮, 一個烤夫, 同一杯凍豆漿。小籠包($20x2) - 阿Ray話好食過以前, d肉味出好多。我就好慚愧, 已經唔記得對上一次食係咩味~ hahah!雞絲粉皮($40) - ok啦, 粉皮唔夠滑。烤夫($40) - menu上無o架, 阿Ray記得有, 所以問waiter, 果然仲有。佢係麵筋同竹筍用醬料炆煮, 味道唔錯, 好濃味, 但好鬼甜, 送藥幾好! hahaha! (有竹筍一齊煮, 但無食到, 唔知有無問題呢, heheh....)凍豆漿($8) - ok咁囉, no comment。依餐多謝阿Ray!!!!!!!題外話1: 雖然阿Ray已經同朋友食o左d o野, 但都好拆得, 同我一人一半~~~~ 我好飽, 佢竟然面不改容.....題外話2: 某d事發生之後, 越o黎越覺得朋友o既可貴, 亦都發覺身邊原來好多朋友, 個個都對我好好!!!! ^____^

非常欣賞yan yan 介紹香港以外的吃喝好地方

台灣朋友請食飯，介紹呢間酒家。間酒家開o係新天地廣場二樓，環境都幾好，夜晚爆多人！呢間香港店其實我未食過，上海店就有both上海同廣東菜食。我估小籠包會好食，另外因為好耐冇食廣東菜，叫左富貴黃金蝦、燒味拼盤、蒜茸西蘭花等廣東菜；後來飯局又多左兩個人，於是又點多五個菜，名我都唔記得啦...整體感覺ｄ野都幾好食，我最欣賞紅油抄手（雲吞）！連埋啤酒，四個人埋單六百幾，中菜中都算貴，不過食得幾開心，哈哈！

每次去都要等一輪, 但又唔係特別好食, 又唔係特別平, 上海抄年糕完全唔掂! 食完就收左d野, 有d趕人走既感覺!!

尋晚第一次黎尖咀分店幫趁. 我地三個人, 七點攞飛, 行左一個鐘街, 再返黎等左一陣就有位啦.叫左1)糖醋魚柳2)油菜3)擔擔麵4)清炒津白5)高力豆沙1), 2) & 3)好快就上檯. 1)個魚柳應該係用左龍脷柳, 啖啖魚肉, 而且個汁酸甜適中. 不過要趁熱食, 因為相信佢落左大量粟粉埋獻, o係檯上不出15分鐘, 個汁已經變成啫喱.2) 係菜心, 無乜特別,唔駛多講3) 擔擔麵保持水準,都幾辣4) 問題就黎啦. 我地食完1),2),3),等左15分鐘都未見津白黎, 就催個manager. 個manager話幫我地跟,過多5分鐘,都係未見津白蹤影,我地再催,個manager又再話跟. 再過多5分鐘, 津白依然無影, 我地再同個manager講. 佢就好有耐性咁同我地解釋, 話唔係漏單, 只係好生意得滯, 又只係得三個廚, 所以排單有時會排耐左. 雖然我地不滿要等咁耐, 不過我欣賞佢o既態度, 唔會敷衍我地就算. 終於再等多五分鐘後我地o既津白到左.5) 食完津白就食飯後甜品. 上次食過金滿庭o既高力豆沙, 今次試呢間o既. 我鍾意呢度o既多d! 佢比金滿庭o既細粒, 咬落去, 裡面o

好耐之前去銅鑼灣試過，都OK！18/5夜晚7點到，去到呢間，覺得環境都ok，但我地兩個人去就被安排坐張六人台，我當時仲未叫野，當我見到有2人台o既人走時，我就要求想轉台，當個低級waiter問完返o黎之後，就話唔得，有人訂左(我就唔信喇，費事同你轉o黎轉去就真)，咁都算啦，之後好快就有人搭台，唉…連想有個位放下袋都無，試問O係咁O既環境下食飯又點會開心丫！(去食魚旦粉都有個位放下袋丫)食物方面仲衰，叫左酸辣湯、素黃雀、糖醋魚、銀絲卷，前兩個都叫OK，但個魚就真係超難食，D魚一D都唔脆，勁淋，D菠蘿仲有勁大"陣"大蒜味添，銅鑼灣個間都唔係咁O既，應該脆架嘛！！個銀絲卷就勁細條，食個時就好似食緊"難飯"咁，勁差！真係一間不如一間，試問咁O既餐廳又邊有人會再去丫！無論服務、食物品質、環境都一樣咁差！！！

出街食野當然要好味但service同坐得爽唔爽都好緊要昨天我同個朋友去食飯想chat一chat,因為佢唔係hk 住, 本身一心食好野, 傾下啦...點知去到翡翠食得好好地食到尾聲d waitress 就係咁問"要唔要desert 呀?"係15 mins 有成5-6 位waiter 問...煩到死唉!!攪到唔走唔得...見到佢地4萬咁既口..唉!!但咩叫做比d 空間d customer 呀? 唔知有無d manager train 下佢地呢?我見到一位mr.pong & ms ann 係manager grade 我想佢地要同番d staff 講, 原果唔係, d 野幾"惦" 都有無鍾意再番轉頭...如果d 客仔唔番轉頭only walk in 客咩????

噚日放左工7點幾去到,門口姐姐話張檯要打橫坐,問我地有無問題(2個人),我地話ok!唔駛等位,即時入得!其實係張4人檯+張2人檯拍埋左,2人檯已經有人坐左,咁我地要坐4人檯打橫坐.2個人叫左小籠包+膳糊炒麵+醉雞!味道ok!最好食係小籠包,樣樣都好快上檯!加茶又快!又唔駛叫!埋單都係118,抵食!食食下見有對情侶入黎,門口姐姐又問返佢問我地既問題,不過佢地就話唔好,情願等下,點知佢地最後都係坐係我隔離張2人檯(貼住我果張),基本上同搭檯無分別!因為都無拉開到!

十分乾身既粒粒炒飯，蝦仁又甜又爽，加上蛋炒飯同雪菜既顏色，賣相好！真係色、香、味俱全！蘿蔔絲so餅- 好味唔油膩，咬落有口感！餃子皮薄餡靚！高力豆沙- 甜得黎唔漏，正！Service唔錯(waiter/waitress不斷供應熱茶！)只求醫肚既話，此店係一非常好既選擇(因為唔留得耐)。

今晚同男友0係度食,佢俾0左個好搞笑0既位我地,係0係入面的,近廚房同拉麵玻璃位.個位係45度角坐,2個人但坐一張3角形都几有趣~不過唔係几好坐,要郁都有d難...我地叫0左几個菜,有花雕醉雞($40),炸醬拉麵($30),糖醋魚柳(48)同紅油抄手($28).個花雕醉雞好好食呀~好香花雕味,聞到都醉~而且隻雞唔係好肥,都好嫩口,正!個炸醬拉麵好多蔥同青瓜,我男友就最鐘意喇~最值得提0既係佢個湯,好香金華火腿味,錯過冇飲就waste0左喇.而麵都几彈牙,d料都好香口,食完唔口渴,唔錯~個糖醋魚都几好食,食得出條魚唔係雪藏魚柳,係新鮮魚柳~食0左好開胃~到個紅油抄手喇,呢個都几好食,好大粒,總共六粒,食到最尾先食,差d食唔哂..因為真係好大粒,而且几辣,不過好食0既0野最終都食得哂0既~由於都好飽,所以就冇0係佢0個度食甜品.今日食,人唔算多,可能時間早啦,服務都好好,會幫我地換碟同成日加茶,唔錯~

上個禮拜同朋友去食,大約係2,3點,我地又係坐0係卡位,我見個海景咁靚,就問個侍應可唔可以開窗簾,佢話唔得,驚曬親其他人,同埋話有時間規定,咁我地就由得佢,不過其實果陣都冇乜陽光~~

致貴公司: 本人乃貴店的常客,經常於午膳時間與同事結伴到貴店午膳.於午膳的時間,貴店的座位雖然非常擠逼,又雖要等位,但貴店的員工都很快可以安排我們入座,招呼都幾好,所以我對貴店的印象都不錯,但上星期二在黃昏的時候,我和我女友來到貴店後,我便對貴公司的印象徹底改觀,當我和我女友入貴店後,知客帶我們到內堂的卡位,我們好開心咁坐下,但坐下後發覺個窗外既陽光射進來,非常刺眼,我便請了一位侍應過來問他可否替我拉下窗簾,但眼見他一面猶疑地望了一望,跟著對我說"請等一等,我幫你問一問"一陣之後就有一位著住恤衫打呔,名牌寫著好似叫"PONG XX"既男部長來到我面前說"這時候我們應該是拉起窗簾的,一陣就唔會太曬,再者在我們後面有客人坐,如果再放下窗簾就會影響後面既客人"由於當時既陽光真係好刺眼,在咁曬既情況下食野都食得唔開心,我們都忍受唔住,所以又氣憤又無奈地離開,我相信我除了想曬太陽之外都不會再到貴店了.

上星期六下午同同事去食,等左一陣,入到去仲有卡位坐,真係幾好彩,我地叫左酸辣湯拉麵,正~小籠包都ok,鍋貼同雲吞都幾好味,雲吞個湯好好味呀,清清地咁~

上星期我滿載歡喜地和女朋友去此店食晚飯,很開心因為我不用等太久便可入座,當我一坐低就立刻點菜,有個穿黑色西裝的部長幫我落order,但我覺得她很古怪,因為她說話時好有禮貌,不過從她面上的表情可見其實很不奈煩,跟住我問她有什麼好食,她便立刻介紹蒸鱔,xx菠菜,...,我覺得好奇怪原來翡翠拉麵小籠包係唔會介紹你食最出名既拉麵同小籠包架....haha!不過我最後都係有點到黎食,一食之下,我便開始明白點解可以咁快座低啦,原來小籠包d汁係喺出面ga,仲有d蒸鱔係好似食緊金枕頭榴槤咁ga,咁就$90喎!同埋佢地d侍應好得意既,我明明個榴槤鱔都未食完,但係喺短短5分鐘內就問咗我3次仲要唔要ga,我和我女朋友係裹面坐咗大約35分鐘,我見到我叫了但又無法入口既餸,我又望見本來好開心又變為黑瞼的女朋友,我再見到一班極無禮貌的侍應,令我即時聯想到近期有一套非常非常好看的電影,這電影的主角是耶穌(受難曲),我相信主會寬恕佢地,但係我以後都唔會黎!!!!!!!

其他o野食都幾好o既, 都幾好食, 不過尋日去食, 叫o左個油菜(菜芯), 食o左幾條先見到有d菜蟲囉, 係唔只一條, 見到o既有三條, 之後即時叫佢cancel o左佢.....不過已經食o左幾條菜落肚...菜有菜蟲唔奇, 但係洗乾淨d都得o瓜.....