翡翠拉麵小籠包 (已結業)

星期日貪就腳就揀左呢度食個lunch，由於佢出job時經常黎呢度食lunch，佢話唔錯，而我又未試過，咁就入左黎啦！唔駛點等位，但都幾full，可能係因為十一黃金週。我地叫左以下三款兩個人食。涼拌雞絲粉皮：粉皮質感唔錯，個醬好重花生醬味，但好油，食完成口都係油，雞絲唔多，覺得唔係幾抵食。上海粗炒：呢個幾好味，唔係好油，又唔係好咸，甜甜地，好似用甜豉油煮咁，幾好味，食完唔口乾。北京水餃：個賣相唔得，仲話要等二十至三十分鐘，個皮唔係咁好食，皮內的肉湯好油，豬肉都好肥。價錢唔平，但都唔係想像中咁好，可能叫其他菜式會好d啦！

可能我比較鍾意食王家沙既小籠包,加上呢度既小籠包抽起已經穿左皮...所以黎食都唔係好志在食小籠包反而咸腿白玉卷比到驚喜我,冬瓜卷住左金華火腿加上薄獻,一濃一淡既組合,正!

星期二同老公兩個人去食，擔擔麵同小籠包係必叫之選，因為我鐘意食前者，而老公就勁鐘意食小籠包。記憶中今次呢碗擔擔麵好過之前係cwb個間，要了加大辣，湯底濃、麵彈牙。而小籠包多汁，而且好有肉汁味。本來想食素鵝，但唔想食炸，所以部長就介紹食素黃雀，同素鵝差不多，不過係蒸後再淋一個薄芡，不過我覺得似食緊條山竹卷。咸腿白玉卷又係部長介紹，買相幾精緻。薄薄冬瓜片卷住金華火腿，又係打了薄薄的芡汁上面，清淡的冬瓜配上濃味的火腿味道好夾。咕嚕雞球-其實炸得夠熱又夠脆，但始終雞肉不及豬肉，雞肉咬落去比較腍身，感覺亦沒有豬肉的"o趙" 口，而甜酸味道較酸，不過我好鐘意。

8月24日一行9人, 得出以下總結:小籠包--水準一般,肉味不太濃炸銀絲卷--底部很多油上海炒年糕--稍為咸了少許,但都幾好食木須肉炒面--一般雞絲粉皮-- 麻醬不太杰,幾好酸辣湯--唔好味,好似有d咖啡味,應該醋放多了高力豆沙--好味,但豆沙少了豆沙窩餅--幾好蘿蔔絲酥餅--幾好津白--正常叉子燒餅&炸菜肉末--不太咸,好食服務不是太差,但要等齊人先入座,就不太好, 如果有一個人未到都唔比人入,唔通叫人成棚人係咁企??

男友未食過，所以要同佢食一次~叫左油爆蝦、擔擔麵、炒年糕同小籠包，蝦同炒年糕都麻麻，蝦太細隻啦，炒年糕則不夠味，至於擔擔麵就幾正，好香!小籠包就真係好好味，皮夠薄湯又多，下次一定會再黎食!

Never order Jelly Fish here... The texture is very odd...too soft...The noodles are quite good, esp that 'darm darm min''Siu lung bao' is also not bad... with soup inside...recommendedShanghai fried 'lin go'is so-so...better order other dishes

哩間野都係同一般既食店一樣初初就好好食,多左人幫襯就愈來愈細size~鍋貼- 仍然好食, 不過真係細舊左豆腐蝦仁- 清清地不過蝦仁超少同好細, 唔抵擔擔麵- 辣到食唔倒其他味

之前聽人講過話呢間野ok，今次終於可以去試下!我同朋友3個人叫左雞絲粉皮，小籠包，酸辣湯鍋巴同鱔糊炒拉麵，小籠包好正，好多湯，鱔糊炒拉麵都好好味，雞絲粉皮就麻麻啦，如果下次再去就唔會叫，酸辣湯鍋巴係最貴的一個餸，但我會prefer就咁酸辣湯好過!服務幾好，又坐得舒服!會再去!

一大班人尼食,好處系可以食多D野.都係叫左D普通野咁,小籠飽,生煎飽,豆沙酥餅,菜肉雲吞湯,涼拌雞絲粉皮,蘿蔔絲酥餅......水準中上啦!其實去喱D地方食,好食已經係基本要求,唔需要特別形容,除非有咩神來之筆.相反如果唔好食就應該提出,等大家注意一下!

上兩個星期六晚(16/7)與男友去港威睇10點10分龍咁威2, 睇之前前搵個地方醫肚, 當時是8點9, 男友一直好想試下翡翠既小籠包係咪真係咁正, 但係成日上網睇食評都話SERVICE好差, 男友同事話小籠包真係唔錯....都即管順佢意去一次啦, 去到都有一群人等緊位, 我問登記小姐佢話2人唔駛等好耐, 都等了大概10分鐘, 我地坐近門口的房, 有海景睇, 不過後面果家人非常嘈吵, 佢地有個細路成日跳來跳去超煩! 我地叫左小籠包, 炒年糕, 紅油牛肉湯拉麵, 蘿蔔絲酥餅, 落單果位黑色衫小姐應該係高級D既都OK有禮!唔知係咪食物係即製既關係, 等左成15分鐘先有野食黎, 炒年糕就麻麻地喎, 似食緊一舊舊既緊麵粉團, 小籠包終於都有得食喇, 要好小心翼翼夾起放落隻羹, 再由個頂部啜D湯出來, Hmmmm, 好JUICY, 再食埋D皮同餡, 都算係做到皮薄餡靚, 紅油牛肉拉麵就OK啦, 蘿蔔絲酥餅夠熱辣辣,真係好多蘿蔔絲, 不過外形唔好咁白, 有番D金黃色會更好! 食飽飽黑色衫小姐問我地要唔要叫埋甜品, 不過我地話佢地上菜慢, 而我地又趕住睇戲叫唔到, 不過佢都幾親切話唔好意思, 叫我地

本人於29/JUNE晚在海運看完電影再到上址用晚餐。被安排在門囗旁邊的１個大房搭大檯，同檯有３個日本遊客。負責招呼這間房的是１個戴眼鏡的男部長，表現態度之差令人慨嘆、點解會有如此的服務業從業員在如此多遊客的遊客區食肆服務大眾。見他以一個迅雷不及掩耳的步法閃至女遊客身旁將ORDER 的紙條攝入檯面張紙下面、人家還以為他想做甚麼但他是全程動作在一聲不響情況下完成。本人認為是否應該講聲SORRY or 一個表情先知會客人才做以上動作會合理呀？到他來問我太太拿order第１句同客人溝通竟然是（食咩野呀？）好茶餐廳FEEL,實在令人吃驚。食至途中他又再次入來攝到女客人後面個窗邊視察雨落得有多大但也是依然固我地一聲不響。到日本遊客叫埋單他入來以純正廣東語同遊客溝通。一句THANK YOU VERY MUCH都無難道他不知道人家是日本人？抑或是他連簡V英語會話都不懂？請問有否各位網友遇過以上情形？本人就決定不會再到上址用餐了。還是希望旅發局多播放劉德華的廣告提醒香港的服務業還是要加把勁努力努力。

本人昨晚到上址晚餐,6個人安排坐落8人枱但原先有的兩位普通話客人變成搭枱.相當異相,因為已經要人齊才肯俾位理應不會安排至這樣,安排上有欠妥當已經扣分.待應態度好壞參半,有一個男仔待應相當SMART其餘的都很一般食物方面味道偏濃,砂鍋云舌味精味濃可能用菜少的關係,脆鱔真的很脆但已變成脆卜卜沒有水份,小孩子一定喜歡但大人就不一定喜歡茄汁蝦仁鍋巴- 蝦少汁多而且無蕃茄味, 鍋巴一人只有一塊, 多汁都無用京爆羊肉- 醬油味太濃蓋過羊味,比較失真的一度菜甜酸豬里肉- 粉厚肉少做得比較有水準的炆百頁扣肉算味道適中,小籠包同蔥油餅都可以但蔥油餅$45.00會否太貴就見仁見智.經此一役下次还是食番小籠包, 云吞, 拉麵比較有信心

前晚0係度食晚餐,叫0左個雞絲粉皮,一個紅油炒手同上海炒年糕.原本想食白切肉粉皮,但賣哂...好失望...雞絲粉皮好食,青瓜新鮮,雞絲有雞味.紅油炒手好辣...6粒睇落唔多但食落都几飽...上海炒件糕就一般,料唔多,味道都唔算特別香口.今餐唔洗等位,食客唔少但又未至於人頭湧湧,食得都算舒服.

原來上次給此餐廳食評都只不過係兩個月前的事。。。- 擔擔麵- 紅油炒手- 鎮江骨- 上海炒年糕- 豆漿+ 竹蔗水其實我次次黎都係叫差不多的食物，今次叫鎮江骨係一大突破。酸酸甜甜，都幾好味既。不過我唔食肥，所以撩起晒d 肥膏。其他的，都一樣好味~

有說shopping可解千愁，太座就用了這個方法。拿著大包小包，也不好周圍走，就在商場內搵食。佢想試試呢度的小籠包，就兩個人來幫襯。呢度裝修得唔錯，坐位也算寬敞，如果可以坐到有海景的卡位更好。雖然只是六時許，人客不多，但店員卻說全部已預訂了，係唔係呀？都知這裡沒什麼好吃，就隨便叫，要了小籠包、賽螃蟹、椒鹽骨、咸肉津白、蘭州拉麵及雪菜蝦仁炒飯，看似幾多，但每樣份量偏少，所以兩個人吃是差不多。這裡的上菜次序有點奇怪，看來是遷就廚房煮方便起什麼便捧出來。最先上檯的是蘭州麵，是一大碗素麵，湯底及麵都是淡淡的，沒有菜實在只有看著它浸湯發漲。麵條鋒度不一，應是手拉的，幾爽口，當然是說其未發漲前；再來便是炒飯，又是比任何菜還早。炒飯水準很不錯，不太油膩夠乾身，粒粒分明，雪菜幾多，加埋爽口的蝦仁，是全晚最好吃的一味；再來是小籠包，仍舊是一籠四只，熱辣辣的。皮過薄，用筷子一夾就穿，湯汁當然一洩如注，四隻無一倖免。肉餡不錯，如果可以在皮上下多點功夫，就好了，就此而評，這個小籠包不太及格；賽螃蟹份量不多，略油，蛋白亦過老，硬了一點，是做不出「賽」螃蟹的效果，這個要求在這裡，有點高吧！咸肉津白真係幾鹹，津白又