翡翠拉麵小籠包 (已結業)

咁又捱完一個星期, 一家人齊齊出街食飯. 攞籌時要等五十張檯, 但係等左15分鐘就得入座, 又幾快手播. 食慣食熟, 唔駛睇餐牌就拍板. 小籠包同蘿蔔絲酥餅依然好味, 但係酥餅無隔油就上檯, 張紙油淋淋, 要扣分. 擔擔麵叫左佢剪都無剪, "那西"左d! 糖醋魚柳個汁好味, 但係魚柳用龍脷柳, 差左d. 叫左咸肉津白但係漏左單, 追單叫佢加快, 佢都好快上檯, 算係補左鑊.快快手手坐低到埋單唔夠一個鐘, 仲快過去食大快活.

上呢個網知道海運有呢間好野，所以七個人去食晚飯，6點左右就定7點鐘位，去到唔洗等位。點左1.上海抄年糕2.小籠飽x23.上海雲吞4.叉燒包子5.炒牛肉6.雞絲粉皮x27.炒飯8.高力豆沙9.豆沙煱餅味道ok，上菜快，但係d待應就麻麻，一係就唔斟水，一係就斟瀉，仲唔會幫你抺返張枱......食到8:30走時，出面已有20多人了。

前幾日同好友到來食晚飯,到係照舊,雞絲粉皮,小籠包,四川担担麵同埋一人一杯豆漿呀!仲係咁好食呀!不枉我都係咁鐘情呢間上海店啦!太好啦!我都鐘意去尖沙咀呢間分店食,因為試過其他分店都係麻麻地咋!所以永遠都係呢間我最鐘意去呀!

尋日朝早打去訂位點知full booking, 唯有同女友早d 去訂位啦,六點幾去到留個名同電話訂八點, 行左一陣八點返去等左5 分鐘就有位.我地叫左5 樣野頭盤就叫左糖醋排骨.. 甜酸o岩o岩好, 肉質又鬆軟...仲係軟骨tim 咸肉津白既津白好薄片好諗小籠飽皮薄肉汁係勁多我地一人叫左一碗拉麵每碟份量都ok, 同埋上菜既時間都唔會等好耐一大班人去食就好d, 因為可以叫多d 野share ! 今次同女友都食得好開心, 下次一定會再試其他野

下午茶時間到這裡必吃的小籠包和老媽最喜歡的蘿蔔絲酥餅一貫水平初嘗這裡的紅油抄手皮薄,味道唔錯(雖然對本人來說不是太夠辣)值得推介老媽的意見不是太滿座的時候,為什麼是迫2名客人與另外2名客人share一張四人桌

今晚個friend話介紹我食呢間食, 今次我第一次食, 次次在沙田見到排晒長龍,咪不坊一試啦~去到, 一睇餐牌,就覺得無咩選擇,唔洗兩分鐘就睇完,得拉麵同小籠包係想食,咪叫個柞菜肉絲拉麵,同小籠包,先講碗拉麵,湯底唔覺得有咩咁特別囉~d拉麵又痴埋一舊舊,最衰就係d柞菜肉絲喇, d柞菜"淋"既, 好怪...個小籠包咪最好食囉~真正既皮簿包餡靚~!最攪笑個女waiter話:"不如試下我地既圓肉雪梨茶呀",我話:"好呀!",佢唔夠兩秒即改口話:"哎呀..雪梨茶賣晒呀,豆漿好無呀?"明玩啦~!叫佢留底個menu又唔肯, 話驚阻住我地囉~~所以服務唔ok,雖然佢笑容好nice, 但做野cheap囉~!

同屋企人黎食過好多次,次次必食小籠包!肉鮮又多汁, 好食過d\"x滿庭\"之類仲有, 紅油牛肉麵都係好好味, 呀爸連d湯都想飲埋~如果一早去仲可以坐側邊, 有海境睇~差唔多樣樣都食過, 真係唔錯囉~價錢都唔算貴呀, 始終有咁既環境同質素, 我覺得值!

尖咀真係人流勁,17:15入黎都滿座.1.上海排骨拉麵$38--排骨唔同平時食開的全塊上碟,而係切件上,細過一塊積及橙餅,只得四件.碗麵亦不是好多.2.五香牛肉拉麵$32--牛肉顏色唔同平時食開果d,佢係棗紅色的,有五塊,味道OK.3.芝麻豆沙酥2件$20--好似平時在麵包店買的豆沙酥咁,不過佢有好多白芝麻在面.

I ordered noodles in soup, 小籠包, 鍋貼....all the food is very very good taste, speciality the noodles in chicken soup (with something but I forgot.. ) and the price is not expensive.

睇concert前食個early dinner6:20pm已經9成入座率都係食番那幾款擔擔麵-好食,不過一個人成2/3碗,原來好”漏”小籠包-一貫的好味蘿蔔絲酥餅-暫時食過而最好食的雖然知道侍應好忙,但真係好難叫到佢地還有埋單實在太耐!

前幾日~我同埋我朋友就黎呢間野度食~本來我都唔想再黎呢間野度食~因為之前已經試過呢間野d 服務態度~我朋友o係法國返黎，死都要黎呢間~咁咪去囉~去度都係要等位~不過今次快d，等左一陣就入左去，我地叫左個小籠包，因為我都係上海人，覺得呢度d 小籠包幾似我想要o既味道，所以我地食完一籠~再叫多一籠~~~~我叫左一個排骨麵，朋友就叫左擔擔麵，差唔多食完o個陣，我地就諗住叫蘿蔔絲酥餅，但係d 侍應就好次好趕時間咁，問左我地兩次要唔要甜品，我地就話等等先.....就係呢個時間，我地就見到一個好似經理咁o既女人o係度話d 侍應，雖然唔係好大聲，我地亦聽唔到，不過我地見到個女經理好似好惱咁，咁個侍應就唔出聲咁...而我記得個女經理，我上次黎食o既時候，係佢比左d 無型壓力我，攪到我上次都唔係咁開心，但係今次梗加唔開心，因為我朋友係法國人，第一次黎香港就係想食呢間野，因為佢話有人講過呢間野好好味...咁我朋友就問我，香港d餐廳d 經理係唔係成日都會o係d客面前鬧d員工，點解唔可以單對單鬧，咁樣會好影響生意。我聽完之後都覺得個經理好唔岩~~~之後我地都冇mood再叫甜品........o係我地走o個陣時

想去食呢間o野.. 不過都知道冇得book 位又要排隊o架喇.. 有2個朋友仔好好咁去早d 拿位.. 佢地去到打比我話原來要人齊先可以入.. 唉.. 我地4個去食.. 有其中一個要ot 一陣唔可以早o黎.. 我匆匆忙忙咁去到..於是我地由4位改做3位就比位我地入喇... 到最後o既朋友仔o黎係拿多張圓chair 冇pan 咁坐係度...其實我對呢個守則真係比較反感.. 好多餐廳都係半數或以上已經比入.. 點解依間一定要齊人呢?! 如果有朋友係唔可以咁早o黎咁點呀?! 到食物喇, 4個人order 左:1) 醉雞: 賣相ok 呀.. 好整齊咁掛成一個山咁.. 但係一打開.. d 雞好肥呀.. 有好多肥膏.. 唔喜!2) 鎮江骨: 呢個好食呀.. 酸酸咪咪.. 好開胃.. d 骨都好林.. 入唒味.. 好食!3) 小籠包: 真係皮夠薄.. 餡夠靚喎... 4) 鍋貼: 又係好食.. 煎到o岩o岩好.. 唔太膿.. 小小油就預左o架喇5) 風沙茄子: o黎到先知原來係蒜片炸茄子.. 好熱氣呀.. 不過又係幾好食o既..6) 清炒津白: 普通啦7) 雪菜咸肉炒年糕: 呢個真係幾好食bor..

對翡翠真係又愛又恨, 恨就係次次都好多人等位, 愛就梗係小籠包啦! 次次同男友都要一人一籠呢!service我又唔覺太衰喎, 有一次我地成8個人去食, 叫阿Ann既部長仲送左2客甜品俾我地, 點菜時都好熱心推介食物俾我地, 有d佢覺得唔好食既都細細聲話俾我地聽!響翡翠我食過太多食物, 我較鍾意既有鎮江餚肉, 烤雙方(唔知係咪咁寫??), 雞湯麵, 蘿蔔絲酥餅, 雞火炒飯, 紅油抄手, 豆沙燒餅(個人認為好食過豆沙鍋餅好多架)!

星期六(3月4日)同亞媽及家姐去此店食lunch. 佢地習慣要d客齊人先可以入座, 奇怪既係是日我同亞媽到先, 我家姐都未到, 個企堂小姐又肯比位我地wor...! 一時一樣既? 有次我同我男友+家姐去食, 又係欠1位, 佢又吾比我入wor?! 點解禁吾consistant既?? ok la, 反正有位^_^一入到去, 我亞媽已急不及待睇menu, 我地先叫小籠包(必選), 蝦球炒拉麵(吾係例牌item), 北京水餃及炸銀絲卷; 後食差吾多又再叫左煎鍋貼, 蘿蔔絲酥餅; 最後仲叫埋個推介甜品栗子南瓜酥. 都幾大食...3個女人食7碟野??!! 以下為對有關食品之評語: -1) 蝦球炒拉麵- 因叫左小油, 所以炒得比較干身, 吾錯. 而且味道淡了小許. 我要加豆板醬吊味. 不過我mum就好鍾意佢d蝦球, 好爽口. 但我就覺得比多左粉la. overall味道上好過沙田分店.2) 小籠包- 此是我必選item. 因佢做到d皮好薄, 而且不易夾爛. 個包包內仲可以保留許多肉汁, 好鮮甜...yummy!3) 北京水餃- 賣樣方面就肉酸左d, 將6粒白sap左既水餃就敢放入一個大碟內, 白la

7點幾見這間餐廳吾使點等位,個知客姐姐又幾好禮貌,就決定入去食野.我們坐最後面一排的梳發位,本來都ok.但當我要求侍應幫我們加茶的時候,佢地好像借左咡耳陳只耳,個個都聽吾到,之後又好冇禮貌問都吾問就一手收左我們隻碟.最過份係我叫個穿黑色西裝的女仕過來,佢居然正係掛住同個女侍應傾談,重有講有笑,當我們在叫佢的時候,佢好像我們打搞左佢噉,個樣極之吾開心,同佢講野又擔天望地,語氣又重又冇笑容,好像吾想做你生意<<<做大的是這樣招呼客人,吾怪得做細的也是一樣>>>我們係花錢來享受的客人,吾係來受氣,難怪間餐廳生意好像越來越差.我同班朋友下次一定吾會再來.