118
34
9
![](https://static6.orstatic.com/images/v5/desktop/sr1/promo_foodwise_tc.png?90)
![](https://static6.orstatic.com/images/v5/desktop/sr1/promo_foodwise_tc.png?90)
餐廳: | 翠玉軒 |
---|---|
資訊: |
為鼓勵食肆透過提供食物份量選擇和採取減少廚餘措施,與顧客共同從源頭減少廚餘,環境保護署推出了「咪嘥嘢食店」計劃,參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼,以供張貼於店舖內和宣傳,供顧客識別。此計劃全年均接受申請,申請費用全免。
詳情可瀏覽:https://www.wastereduction.gov.hk/zh-hk/waste-reduction-programme/food-wise-hong-kong-campaign
港鐵中環站 A 出口, 港鐵香港站 A1 出口
繼續閱讀
電話號碼
25251163
開飯介紹
翠玉軒位處中環交易廣場,環境寬敞舒適,適合舉辦各類型宴會。由獲獎名廚主理的粵菜,深受城中老饕愛戴。
繼續閱讀
獎項殊榮
米芝蓮一星餐廳 (2015)
營業時間
今日營業
11:00 - 15:00
17:30 - 23:00
星期一至日
11:00 - 15:00
17:30 - 23:00
公眾假期
11:00 - 15:00
17:30 - 23:00
以上資料只供參考, 請與餐廳確認詳情
相關文章
在中環工作的朋友們,好多時都會到「翠玉軒」,是區內商務宴客的首選,主要是價錢都合理,最近就試了新推出的手工精製粵菜,口感都不錯。胡麻醬鮮淮山 鮮淮山有益又好味,加埋胡麻醬超夾,鮮淮山入口好爽,個人好愛。柚子漬車厘茄 同樣是我的至愛,車厘茄本身已很甜,入口有柚子香,開胃又解膩。蔥油菠蘿海蜇球 海蜇皮及海蜇頭都知,但「海蜇球」是什麼呢?原來是廚師用心雕出來,將海蜇球化身成菠蘿的模樣,口感爽脆拌以蔥油同吃,好滋味呀!清心潤肺素湯以笑佛做裝飾的陶器盛載着,保持熱度,入口時湯品真是熱辣辣。清心潤肺、除痰化濕、健脾益腎於一身,清心潤肺素湯材料有無花果、海底椰、雪耳、黃耳……等,湯頭清甜順喉。椰青清湯牛坑腩 入口油脂豐盈、牛味濃郁,應該是新鮮的本地新鮮牛坑腩,並以椰青熬製湯底,肉質嫩滑配上清甜湯汁,堪稱絕配。櫻花蝦香芋蒸黑豚肉餅 這道「蒸肉餅」絕對是家常飯的升級版,食得出是新鮮手剁黑豚肉,並加入櫻花蝦及芋頭粒同蒸,底部鋪滿芋頭片,芋頭吸引晒肉餅鮮味精華,又夠粉,好滋味,而肉餅在櫻花蝦的伴襯下,味道同樣升到更高層次,必試。招牌濃湯海皇泡脆米飯脆米飯內裏有帶子、鮮蝦、魚肉……臨上枱前侍應才倒入海鮮湯及脆米,在海鮮濃湯內浸泡過的米飯,粒粒也是很鮮甜,加埋脆米的口感,好味指數爆晒燈。魚湯竹笙煮星斑 平時食東星斑總是覺得清蒸至能食到東星斑的鮮味,但今次這道東星魚湯煮熟,配以爽滑竹笙,吸滿魚湯精華,越吃越鮮,最正是廚師細心到連骨都起埋,真是啖啖鮮味全送進口內,鮮味攞滿分。
繼續閱讀
最近去咗中環交易廣場內食中菜,餐廳曾連續多年榮獲米芝蓮一星,主打特色粵菜✨ 環境雅致舒適,最近亦推出唔少新菜式,好啱約埋一大班朋友聚會☺️❀ 蔥油海蜇球 | 椒鹽豆腐粒 🥢海蜇球外型似菠蘿,口感好爽脆,伴上蔥油增添鹹香風味~豆腐粒炸到外脆內嫩,灑上椒鹽更加蔥味😝❀ 安格斯牛肉叉燒 🐮第一次食用安格斯牛整既叉燒😍 肉質軟嫩多汁,牛味濃厚,醬汁濃郁帶微甜味,並用鐵板呈上保持熱度,鍾意食牛不妨試下☺️❀ 清心潤肺素湯 🥣平時成日熬夜食熱氣野,最啱就係飲返碗滋潤湯水✨ 素湯好足料,入面有齊黃耳、海底椰、無花果、杞子及龍眼肉等食材,味道清甜潤喉,有養陰潤肺之效🥰❀ 腿茸醬炒鮑魚伴牛蒡 🥠鮑魚爽口彈牙,以腿茸醬炒香更惹味✨ 旁邊既菇及黃椒等配料吸滿醬汁精華,加埋炸牛蒡食香脆可口👍🏻❀ 生燒原條火煎魷魚 🦑原條魷魚賣相吸引😝 入口質感柔軟煙韌,燒完帶微微炭香味~❀ 陳皮豉汁蒸海鰻 🥢海鰻肉厚爽脆,鮮嫩又帶油脂香,配以豉汁味道香濃入味☺️❀ 玫瑰岩鹽蒸嘉美雞 🐥嘉美雞肉質嫩滑多汁,以玫瑰岩鹽蒸煮帶出鹹鮮味❀ 昆布海蝦豆腐鍋 🍲豆腐香滑軟嫩,配以昆布及海蝦更顯鮮味,湯頭濃香鮮甜❀ 翠玉軒炒飯 🍚瑤柱蛋白炒飯炒得乾身,而且粒粒分明好香口❀ 雲呢拿雪糕伴嫲嫲餅 🍪❀ 原個椰皇紫米露 🥥甜品有好多選擇😍 其中最特別係雲呢拿雪糕伴嫲嫲餅,朱古力曲奇香脆可口,配雪糕食好夾!椰皇紫米露清甜滋潤,加入西米及椰子肉足料又好味👍🏻
繼續閱讀
Happy Friday食好啲😬約咗成班朋友去中環翠玉軒✨嘆全新MENU💁🏻♀️環境寬敞舒適,無論情侶撐枱腳,定係同家人朋友聚餐都咁適合💖今次新MENU既菜式款款都好出色,一定要推介比大家😋😋🔹柚子漬車厘茄🔹胡麻醬鮮淮山🔹蔥油菠蘿海蜇球坐底先試幾款前菜小碟,柚子漬車厘茄鮮甜度爆燈,香甜多汁配柚子漬,消暑又解膩;胡麻醬鮮淮山黏滑爽口,清甜健康又能補中益氣,加入胡麻醬做冷盤,令鮮淮山質感更細滑;蔥油菠雞海蜇球賣相好可愛,海蜇球外型似足菠蘿,口感爽脆厚身,拌以蔥油食,味道更為鹹香。幾款開胃小菜消暑又解膩,必點之選!🔹清心潤肺素湯素湯材料豐富滋補,有齊海底椰、黃耳、雪耳、杞子、蜜棗等,令湯底清甜無比,清熱生津、潤肺一流,岩哂最近成日熬夜既我,可以滋陰下火!🔹魚湯竹笙煮星斑星斑色香味俱全,集甜嫩、爽口、彈滑於一身,搭配竹笙、魚湯,簡單材料煮出層次豐富既味道,魚肉雪白、彈滑又鮮美!🔹椰青清湯牛坑腩第一次試椰青搭配牛坑腩,估唔到味道係咁出色!坑腩牛味濃厚,肥瘦相間,肉質腍中帶爽,加入椰青清湯煮製,令湯頭更香更有層次,牛坑腩仲散發陣陣椰香~🔹櫻花蝦香芋蒸黑豚肉餅甘香可口既黑豚肉餅厚實軟彈,肉香四溢~厚切香芋口感軟糯,入口即化夠哂綿密,加入香脆美味櫻花蝦,風味獨特!🔹招牌濃湯海皇泡脆米飯脆米飯由職員即席煮製,將海皇米飯加入熱辣辣濃湯,最後放入剛炸好既金黃脆米,濃湯香氣撲鼻,脆米香脆有咬口,仲有好足料既海皇,令人回味無窮🔹原個椰皇紫米露椰香味十足既紫米露,精選糯米夾雜紫米,香甜軟糯帶點嚼勁、加上營養豐富,咬落煙煙韌韌,配以原隻椰皇,椰肉香甜,真材實料超出色!翠玉軒✨📍中環干諾道中8號交易廣場第二座4樓401號舖
繼續閱讀
太太有事過嚟中環。話想過嚟翠玉軒食午飯,因為上次食過OK。中午到,人都多。兩個人點咗3個點心,一個叉燒,一個炒飯。蝦餃燒賣正常美心集團水準,中環價就收$88一籠,都ok。芋頭酥($70)好食,反正老婆鍾意。叉燒($160)偏瘦柴口,講唔上叫叉燒王。有點失望。翠玉軒炒飯($170),炒飯炒得幾香,有水準。(唔記得所以食咗一半先影)整體環境服務ok,食物水準比以前差咗。埋單近$800兩個人。一般般啦。不過中環區中菜選擇唔多,無辦法。
繼續閱讀
翠玉軒裝潢一向簡約優雅 同客或者屋企人都會嚟幫襯✨ 由而家到9月13號有限定「時令直送 匠心世嚐」菜單 係廚師特地搜羅世界各地優質嘅當造食材炮製👏🏽 薑葱炒美國珍寶肉蟹 食落啖啖肉🦀 選用阿拉斯加水域嘅美國珍寶肉蟹 肉質飽滿😍 用傳統粵菜薑蔥炒法 味道鮮甜 鴛鴦筍炒澳洲M4和牛肩胛肉眼 🐮都十分讚👍🏽 牛肉脂肪分佈均勻 肉味濃 肉質軟腍🥰 仲有經典粵菜口味嘅 豉椒炒澳洲藍青口 🇦🇺 香口惹味 而雞油花雕蒸澳洲虎蝦 呢個配搭好邪惡 色香味俱全 適合撈飯😏 📸 ▫️薑葱炒美國珍寶肉蟹 ▫️鴛鴦筍炒澳洲M4和牛肩胛肉眼 ▫️雞油花雕蒸澳洲虎蝦 ▫️豉椒炒澳洲藍青口 ▫️梅菜蒸芥蘭 ▫️紫米露
繼續閱讀