翠林辣蟹舫

平時都好鍾意食海鮮啊朋友引誘之下係尖沙咀搵吓食蟹專門店結果俾我哋搵到一間叫做翠林辣蟹舫上到去招牌底下有燈光襯托着頓時變得非常耀眼矚目首先店員給了一碟前菜-話梅涼瓜食落去酸酸甜甜 好開胃繼而唔少得叫我地最鍾意飲嘅啤酒🍻一人一杯乾個杯先點少得叫呢度嘅招牌菜-蟹我同朋友都鍾意食辣所以最後揀選左避風塘炒蟹嘩嘩嘩 !!!果然好有份量 隻蟹好大隻呀仲有好多炸蒜鋪喺面隨即就揀咗隻蟹鉗食食落去鮮甜美味而且啲殼都比較容易剝整體來說唔錯唔錯除此之外仲叫咗水煮魚、蒸雞同埋日本金瓜等呢一餐魚、肉、海鮮同埋菜乜都齊晒最後仲叫咗一碟蟹油銀芽炒麵賣相好吸引 而且好香見到炒麵有好多配料包括洋蔥條、蔥花同埋芽菜等炒麵乾身一啲都唔油膩食完非常滿足。

▫避風塘炒辣蟹(HKD 588)🦀黎到翠林辣蟹舫緊係要叫避風塘炒辣蟹啦😻 蟹比想像中大隻，賣相都比其他店好睇💛 避風塘最重要係炸蒜，而翠林嘅炸蒜好香脆一啲都唔硬🤤 蟹肉結實又彈牙，食落好鮮甜，配埋炸蒜一齊食勁香勁好食😋好滿足啊✨⠀▫黃金豆腐(HKD 68)睇落平平無奇，但食落比起出面食到既炸豆腐好食好多😳外面炸粉超薄但炸到好脆，而入面仲係好滑好滑😚 真正嘅外脆內軟💛⠀▫話梅涼瓜(HKD 38)涼瓜浸左話梅汁酸酸甜甜唔會苦，食完蒜同熱氣野食返舊，感覺上減少左口氣同清熱解毒。⠀▫潮式酸菜水煮魚(HKD 128)🐟湯底用雞湯煮好清甜，唔油可以飲得放心，魚肉好大件而且結實彈牙⠀▫蟹油銀芽炒麵(HKD 88)蟹油好香🦀 鐘意炒麵夠多銀芽，不過本身夠咸，再落蟹油就會咸咗少少⠀

老媽子生日，要同佢慶祝，今次同佢去咗尖沙咀交通又放便响亞士厘道一間好出名嘅翠林辣蟹舫。上到去海鮮舫有私房菜feel，地方好大，有好多食客同我地一樣，都慕名而來品嚐鎮店之寶避風塘炒辣蟹嘩！😳真係好大隻蟹鋼，肉質厚實肥美，我哋揀咗小辣，所以老媽子都接受，食到嘴舔舔 黃金流沙蝦球，與別不同，入口感覺唔會肥膩，炸到香口鬆化，入面隻蝦好大隻，鮮味夠彈牙。潮式酸菜水煮魚,湯底濃郁，微辣酸酸甜甜好醒胃，有多塊魚肉巳起曬骨，入口啖啖肉。藥膳蒸雞用咗豐富食材配合，有金針雲耳仲有好多補血嘅紅棗，雞肉好嫩滑,配料又索咗雞汁好入味香芒櫻花蝦炒飯，香氣四溢，飯粒粒煙煙靱靱，質感柔軟。 啲餐真係風味獨特，老媽子話下次要再帶佢嚟食過。

一年一度加人工既日子終於比打工仔等到拉，雖然唔多，但都好值得食返餐慶祝同同事一致決定食蟹，就搵到呢間食蟹幾出名，又近我地既餐廳其實呢到既招牌蟹係避風塘炒蟹，之但係鹹蛋黃既熱潮太熱烈，大家都想試下黃金流沙蟹黃金流沙蟹畫面是很震撼的，一大片的黃金流沙但都埋藏唔到呢隻咁厚肉既蟹先講流沙，味道唔係期望中既鹹香而係炸得好香既蛋黃，帶微鹹，好香口蟹真係大到，厚到覺得超值係啖啖肉既肉蟹，而且膏都超多蟹肉新鮮彈牙，肉質一絲絲，食到蟹肉既甜味蟹鉗已經有條大裂紋，輕輕鬆鬆都拎到成個鉗肉出黎，夠細心仲叫左個飛天芥蘭 轉韭菜花 侍應將差唔多熟既韭菜花，再放係燒熱既鑊上同肉粒炒香味一下子就釋出，有爆香左既效果肉粒同韭菜花都爆得好香，醬汁都好惹味潮式酸菜水煮魚 呢個都好食到不得了，魚係龍躉，十級滑，近皮位骨膠原十足，夠彈牙，超正潮式酸菜個湯味道其實有少少似譚仔，但味道係實在好太多，酸菜唔係走重酸系列，反而強調返個香味，真係超正，真心仲好食過係內地食既酸菜魚香芒櫻花蝦炒飯最後黎個飽肚之選，是很足料的香芒比較生，所以不太甜由於有好多櫻花蝦撈飯，所以香氣是充足的大蝦都有好多，亦是彈牙貨色，超出期望

終於等到母親大人放假一家人又可以出去食好東西，今次揀咗尖沙咀嘅炒辣蟹嚟食，餐廳個位置都比較偏僻係亞士厘道，花園餐廳嘅對面聽聞呢間餐廳老細識好多娛樂圈嘅人好多名人都嚟呢度食飯，一上到去就見到簽滿哂名既牌，有蔡瀾等一嚟到就梗係叫番個避風塘炒辣蟹想到枱面香噴噴，蒜蓉炸到脆卜卜，啖啖肉，將蟹肉沾上炸蒜，口感好特別連隻蟹鉗都好多肉藥膳蒸雞雞配上大量藥膳食材特別香濃，而且雞件蒸得好滑潮式酸菜水煮魚喺度食酸菜魚又點止普通嘅鱸魚咁簡單，餐廳用嘅係龍躉，大大嚿魚肉，好爽😝😝😝

外國朋友嚟香港玩，講明話想要港式避風塘炒蟹，所以今次專登帶佢過嚟呢到食蟹的位置係尖沙咀，地方唔難搵，食完仲可以同佢行海旁，睇香港夜景入面多數係圓枱或者卡位，都叫好坐！由於場地唔算好大，如果想食嘅，訂枱穩陣食物種類都幾多，不過都係以海鮮做主打小食我叫咗呢個話梅涼瓜$38，咁大個女都係第一次食！食落酸酸甜甜，但係又帶啲苦瓜嘅甘甜味如有你平時有食開苦瓜的，你一定會鍾意！！之後係黃金流沙蝦球$58/隻，蝦大大隻，爽口彈牙，配埋邪悪得嚟，但係勁香口嘅咸蛋黃一齊食，好味跟住就係今晚嘅主角-避風塘炒蟹$588啦一上枱已經超級吸晴！蟹炒到金黃色，配埋大量炸蒜同辣椒，睇見都已經流口水蟹肉札實鮮甜，食落惹味之餘，仲帶少少香辣，外國朋友都話好食最後我地叫多個酸菜水煮魚$128，魚肉嫩滑，味道酸酸地、辣辣地咁，好醒胃！不過如果入面再加啲粉絲，索晒啲湯汁咁食，應該仲正嚟到香港，點少得叫杯港式凍檸茶！無飲過凍檸茶，點叫嚟過香港成餐飯朋友食得好滿足，叫做盡咗地主之誼

識我嘅人都知我超級鐘意食海鮮，尤其係蟹！今次朋友仔特登話陪我食好西，食我最愛嘅炒蟹！黃金流沙蝦球頭盤雖然唔係蟹，但依舊冇令我失望，蝦球對得住佢個名，炸到金黃色，卜卜脆，配埋酸酸甜甜嘅沙律，食落就冇咁熱氣。香芒櫻花蝦炒飯主菜就叫咗一個夏天限定嘅芒果炒飯，芒果唔係好熟透個種，所以唔會好甜膩，反而清清爽爽，幾開胃；另外，又有大大粒嘅蝦仁做配菜，都幾足料！日本金瓜伴野菌日本蔬菜一直都好出名，今次用嘅日本南瓜亦係保證之選，都幾甜，用少少鹽調味就好夠；而菇菌類嘅種類都幾多，本菇、雞髀菇、草菇，係健康之選。避風塘炒蟹重頭戲梗係我深心念念嘅炒蟹啦。炒蟹砌返原型上碟，鋪滿大量乾蒜，未食都感受到佢好入味！輕輕一拆，就可以原隻蟹金箝拆出泥，完全冇痴住蟹殼，一睇就知係新鮮蟹，啲肉好結實，值得一食再食！涼粉西米露由於，今餐都幾多炒炸嘅食品，所以就叫咗杯涼粉飲下，下下火，唔會太甜。

居然尖沙咀有海鮮食喎，就響尖沙咀既亞士厘道翠林辣蟹坊。依樹固名思義就係出名食蟹啦! 蟹既煮法都有好多款，例如：避風塘、黃金流沙、馬來咖哩、黑松露焗、薑蔥乾焗、韓式泡菜....  薑蔥或避風塘炒蟹就食得多，今次就試下黃金流沙蟹。隻蟹送上檯我地個個都嘩咗一聲，隻蟹好大隻，用一個有柄既木盤盛放著出場，原來黃金流沙係一尐脆卜卜既蛋黃脆脆以為炸過尐肉可能會乾爭爭，但大廚既火喉又拿捏得剛好，肉質鮮甜而結實。潮式酸菜水煮魚身為潮州人既我梗係要試下依樹既潮式酸菜，我平時唔鍾意食米線店既酸菜，因為多數都酸得濟，我唔鍾意咁酸，小時候媽媽買回來的酸菜也會先用水浸一陣減低酸度。依樹既酸菜正正是我喜歡既酸度，淡淡的酸唔會令人抗拒 !魚肉啖啖肉而且份量頗多，以$128這個價錢實在超值 !  邊食魚邊喝酸辣湯呢 !飛天韮菜花即係將鐵窩燒熱，再將已炒熟既蔬菜倒入，就會"喳"一聲兼出晒白煙，令蔬菜更添熱辣辣 !韮菜花夠爽又嫰，另有蝦米提味 !香芒櫻花蝦炒飯除咗有櫻花蝦外，還有蝦仁芒果蔥花，飯粒粒粒鮮明，唔會過乾，喜歡櫻花蝦既鮮咸香味令整個炒飯加分不少 !

聽聞有間食蟹既餐廳有款黃金流沙蟹勁正，係真係假一於衝黎試一試佢！配菜 - 飛天韭菜花 & 豉椒炒蜆韭菜花以熱鐵鑊上菜，鑊氣夠勁，香氣撲鼻。炒蜆鮮甜，但可以再辣一點，會更惹味可口！主菜 -  黃金流沙蟹 & 潮式酸菜水煮魚 & 藥膳蒸雞半隻黃金流沙蟹一上菜就知不得了。炸到勁金黃，完全零油膩，蟹肉激多又鮮味，真係無敵，食到停唔到手！水煮魚係龍躉腩，配潮洲酸菜，當中有兩款，一款鹹一款甜，食落好驚喜！藥膳雞直頭好似大長金煮出黎咁，雞肉嫩滑，非常補身！

媽咪想食蟹，所以一家人今晚決定嚟尖沙咀呢間翠林辣蟹試一試。我哋都幾鍾意食川菜，所以叫咗個酸菜魚。酸度適中，魚肉嫩滑，份量都唔細!叫咗主打菜，避風塘炒蟹！隻蟹都好巨型下，仲幾多肉添!用避風塘炒好香口，好惹味，肉質都食得出好新鮮！不過四個人分莊唔均，下次都係要叫兩隻好啲！睇吓個蟹鉗就知幾多肉幾大隻！😋😋芒果海鮮炒飯，幾有鑊氣同幾大碟。但係芒果有啲生同酸。養生雲耳紅棗蒸雞，雞肉嫩滑，雲耳香爽，味道配搭不俗。最後一人叫咗一隻黃金蝦，好香脆好大隻啖啖肉，正！

星期六約下朋友食下好野是常識吧中菜一向都係我地好鐘意既菜式, 蟹更加係我地既其中一樣至愛所以翠林真係滿足晒我地既要求我地行錯左係後門入哈哈! 但其實都一樣, 因為後門入都係一樣咁乾淨我地被安排坐卡位, 坐得舒服, 而環境都幾闊落, 傾計唔錯避風塘炒蜆-$138食小炒最鐘意就係食炒蜆, D個避風塘真係超級惹味, D蒜超香, 用黎炒蜆真係超正, 而D蜆都隻隻飽滿多肉, 無沙, 食得舒服!黃金流沙蟹-$588避風塘蟹就食得多, 而黃金流沙蟹就第一次食, 因為翠林係整蟹既專家, 所以信得過佢。上枱之後食落, 真係冇叫錯, D個黃金流沙, 有蛋黃既香味, 但就冇出面食黃金流沙既heavy感, D黃金流沙係滲入蟹肉度, 而且D蟹好新鮮, 一D都唔梅, 啖啖肉超級滿足呀!秘製麻辣雞煲(半隻)-$188估唔到半隻雞都幾多肉, 而且雞肉都幾嫩滑入味, 而個醬唔算好辣, 麻味就岩岩好, 就返香港人既口味, 岩我地, 想食辣D既朋友記住話要加辣啦!蟹油炒麵-$88個炒麵既麵係比平時食開既麵幼身, D個口感好正, 麵炒得乾濕度岩岩好, 可見師傅既功力, 而D蟹油超香口, 加埋佢地既辣椒油, 實在係好好味總結黎

朋友介紹有間食蟹的好地方在尖沙嘴, 星期日和家人出街行, 隨便去試一試~ 地點在亞士厘道, 即是海坊道一行樓梯上去就見到, 十分方便!!一行3人, 部長安排卡庭很舒服, 我看到餐廳有包房, 啱晒約一班朋友傾下計~部長推介黃金流沙蟹, 說是師傅的秘方, 跟平時外面見的不同, 可以一試~ 一上枱就覺得很有氣勢, "黃金流沙"跟我想像中完全不同!! 是一粒粒有咸香味的碎碎! 真心好正!蟹肉超新鮮, 啖啖肉, 黃金碎碎配白飯食一流~ 食多一點也不會感覺很油膩~另一道酸菜水煮魚, 魚肉厚厚一大片的, 而且很像是龍躉肉, 魚肉很厚很嫩~ 算抵食雞煲我要小辣先過癮~ 少少麻的感覺, 但不會太辣, 啱晒香港人的口味!本身想點飛天芥蘭, 剛好那天沒有, 職員幫我們轉了炒韭菜花, 韭菜花連熱鍋上, 一直冒煙, 夠晒鑊氣!!內裡有大大隻的蝦乾, 味道較咸, 又是配飯的好餸~蟹油銀芽炒麵又香又乾身! 麵上掛了蟹油 可以再encore~ 還有很多海鮮可以一試!!

其實我真係好鍾意食蟹ga～最好就係兩個人share剛剛好,如果唔係真係唔夠喉🙈🙈今日放假專程黎左呢度食辣蟹，果然冇令我失望，而且個擺盤勁有氣勢唔好以為係得d蒜冇咩用呀，$588真係真材實料😊蟹蓋勁多膏，隻蟹都好大隻下，肉質結實又有鮮味，應該平時有做開運動🧐避風塘都做得好好味，做到好乾身又夠辣黃金流沙蝦球，逐隻計的，真係做到流沙既效果，因為唔似坊間外層一層醬，幾特別，個炸粉唔會厚芫香粒粒炒粉絲，呢味超有驚喜，因為坊間炒粉絲一失手就會好稔一舊舊咁，呢度唔算好油之餘仲可以條條分明，炒蛋芫茜配肉碎都同個粉絲好夾，仲有我最愛既美極味日本金瓜伴野菌，個南瓜好清甜，食到咁上下清清喉嚨一流

今晚跟男友拍拖, 打算先吃個飽然後再去 i-square睇戲, 要給他一個讚, 找來了一間專食蟹的餐廳, 十分享受 餐廳的坐椅很舒適, 都有cushion 及沙發, 落地玻璃, 一邊享受晚餐, 一邊見到路人街景, clubbing 的外國人, 亞士厘道就是會自成一閣, 獨有風格門口睇得出好多名人過來幫襯! 黃金流沙蟹 根據店長所介紹, 這個黃金流沙蟹是鎮店之寶! 因為廣為人知的避風塘炒蟹,是香港的名菜, 只是本地人不會常吃, 因為覺得很熱氣又很油, 當然餐廳也有提供, 但叫黃金蟹的比較多啦  先說這個黃金蟹, 有一個日式的紅色拱門做 show plate, 跟黃金色的蟹做成強烈對比, 很有賣相! 店長叫我們先吃一口黃金流沙, 真的很有驚喜, 是脆口的而不油, 味道不太濃太咸, 也不太溜, 不會蓋過蟹的解味, 香口新鮮! 這隻蟹是一斤半的越南肉蟹, 因為越南位置是河川的總匯, 土地肥沃, 海鮮都特別肥美實肉, 有蟹肉解味, 比澳洲同樣大小的蟹, $588 一隻斤半的蟹, 性價比高很多! 就見蟹箝已經十分巨型, 好比我的拳頭了! 真的很誇張!!! 潮式酸菜水煮魚 水煮魚是原本沿自西北的雲貴

我就好鍾意食蟹嘅，為咗食蟹不惜捐窿捐啦搵好野，今次就比我搵到呢間，喺尖沙咀，非常易搵，一於帶埋兩老嚟試下！避風塘炒蟹就食得多啦，見到呢度有黃金流沙蟹，簡直開正我個範，我超鍾意食鹹蛋！緊係要試新野啦！呢隻黃金蟹真係不得了，佢同平時嘅醬汁唔一樣，唔會食到好漏，成隻蟹都被脆卜卜嘅黃金包住，好香鹹蛋味，好鬆脆，同平時食黃金蝦好唔同，絕對唔會比醬汁蓋過咗蟹嘅鮮味，亦食得出呢隻蟹係非常之鮮味，用料好新鮮！而且好大隻啖啖肉！另外呢個水煮魚都有驚喜！佢係用咗龍躉腩去整嘅，又係我嘅至愛，食得出條魚好新鮮！酸味同辣味配合得啱啱好，越食越開胃！兩老就鍾意食呢個藥膳雞，話好入味而且隻雞好嫩滑！睇嚟呢度嘅食材用料全部都唔馬虎，抵讚！飛天韭菜花，用熱鐵鑊上，勁夠鑊氣！豉椒炒蜆，一啲沙都冇好鮮甜！我呢個超級海鮮控食完呢餐都非常滿意，下次一定會再嚟！