翠林辣蟹舫

營業中

休息中

我就好鍾意食蟹嘅，為咗食蟹不惜捐窿捐啦搵好野，今次就比我搵到呢間，喺尖沙咀，非常易搵，一於帶埋兩老嚟試下！避風塘炒蟹就食得多啦，見到呢度有黃金流沙蟹，簡直開正我個範，我超鍾意食鹹蛋！緊係要試新野啦！呢隻黃金蟹真係不得了，佢同平時嘅醬汁唔一樣，唔會食到好漏，成隻蟹都被脆卜卜嘅黃金包住，好香鹹蛋味，好鬆脆，同平時食黃金蝦好唔同，絕對唔會比醬汁蓋過咗蟹嘅鮮味，亦食得出呢隻蟹係非常之鮮味，用料好新鮮！而且好大隻啖啖肉！另外呢個水煮魚都有驚喜！佢係用咗龍躉腩去整嘅，又係我嘅至愛，食得出條魚好新鮮！酸味同辣味配合得啱啱好，越食越開胃！兩老就鍾意食呢個藥膳雞，話好入味而且隻雞好嫩滑！睇嚟呢度嘅食材用料全部都唔馬虎，抵讚！飛天韭菜花，用熱鐵鑊上，勁夠鑊氣！豉椒炒蜆，一啲沙都冇好鮮甜！我呢個超級海鮮控食完呢餐都非常滿意，下次一定會再嚟！