翠林辣蟹舫

我是蟹痴，但平時很少食蟹，除了蟹比較毒之外，也因為蟹宴都比較貴，例如銅鑼灣鵝頸橋底的多家避風塘炒蟹餐廳，動輒500大元才一隻，實在不捨得吃呢！➡️ 相信翠林辣蟹坊本來都做不少遊客生意，疫情底下生意淡薄，故推出超值優惠！➡️ 幾十款菜色半價🤑，鎮店之 — 蟹都是半價 $294➡️ 避風塘式炒法有夠地道，上枱時是容鼎盛，把蟹的原相重組起來。蟹鉗極大，實在是性價比高。➡️ 泡椒鳳爪 半價$34，爪肉爽厚，很是開胃➡️ 潮式酸菜魚 半價$84，很喜歡這個酸口菜湯的味道，令不吃魚的我都吃了幾塊➡️ 避風塘一字骨 半價$69，其實應該不要重複點避風塘，不過此味道有保證

最近翠林辣蟹舫做緊啲半價菜式，我同朋友今日就黎食番餐中菜。黎到就當然要試埋呢度嘅辣蟹啦。翡翠炒帶子（原價$188）帶子切薄片，炒硬身嘅菜，落油比較多。黃金豆腐（原價$68）好脆身，而且份量都幾多，外面鹹鹹地，入面又好軟身。薑蔥魚雲煲（原價$148）魚雲即係魚頭，油份重，炸起之後啲骨都好脆，可以食埋。避風塘香辣蟹（原價$588)焦點食物，用個紅架上，夠架勢。蟹好大隻，外面嘅調味好惹味，帶辣。個蟹鉗不得了！最後有吉仔冰，酸酸地幫助消化呢餐大餐。

得知有優惠，所以來的。星期1的夜晚，都有不少捧場客了，可見都十分受歡迎。半價小菜，連招牌蟹都一樣有優惠呢。 手拍青瓜，作為今日的開胃菜。陳醋，香蒜，為今日打開序幕。而且都好入味，令人食到好香醋味，青瓜亦好爽脆。 我一行二人，今日除左食蟹，亦被佢既風味小炒所吸引。椰汁芋頭臘味煲冇想過係芋頭加椰汁。臘味本身咸，芋頭係香，椰汁甜，但走埋一齊相當夾，椰汁中和左臘味咸，但不會阻佢既咸香味。芋頭本身就好香，而且係煲裡面煮，部分溶在椰汁上，好香好滑的感覺。送飯正! 而且椰汁味好香，成個煲都好特別。 薑蔥魚雲煲薑蔥魚雲煲，薑蔥爆香落魚雲，成個菜都充滿鑊氣香口，魚雲爆到好脆，好香口，每一口都有薑蔥香。而且都好新鮮。 主角蟹!!更妙不可言，每粒蒜都香口，熱辣辣的香氣傳來，令人愛不釋手。而且隻蟹好大隻，絕對唔係細蟹，可以做到啖啖肉。大肉蟹先做到的味道。

其實好多人都食過避風塘炒蟹，由大排檔到中式餐館，要食避風塘炒蟹，都唔難找到。但又食到風味，香口加蟹既鮮味，就唔係到到都有了。今次的避風塘炒蟹，色香味都有。 首先由蒜開始講起，避風塘的香味就是來自粒粒的蒜香，香口而不油，不會整口都係油，帶比蟹層層的鮮味。 到蟹，大肉蟹本身就係啖啖肉。由蟹鉗到腳，都食到鮮味的啖啖肉。由蒜香帶出裡面的鮮味。蟹彈牙，肉滑。而且而家有優惠，真有衝動再叫一隻。充滿住風味，是其他地區的煮蟹方法無比上的。 另叫了幾款小菜，椰汁芋頭獵味煲，薑蔥魚雲煲。冬日最岩就係食煲仔菜，哈哈。因為暖笠笠，食完有種溫暖感。 薑蔥魚雲煲，香口，因為我唔係好識食骨，但爆過之後，魚變得脆身，連少食魚既我都覺得好香口，被佢吸引。 椰汁芋頭臘味煲，秋風起，食臘味，又係時侯食臘味，加上用煲上，好暖。 仲叫了個開胃小食，手拍青瓜，作為今日的開胃菜。

秋風起，食得多大閘蟹，都想食返啖啖肉嘅肉蟹，於是就嚟咗呢間專食蟹嘅餐廳！《黑白胡椒蟹 》$588未上枱嗰陣黑白胡椒味已經攻緊過嚟，大大隻蟹上枱，仲要有個架，梗係要相機食先！黑白胡椒夠晒香辣，成隻蟹就啖啖肉，非常鮮甜，辣味同鮮味又唔會互搶，令我諗翻起新加坡嘅胡椒蟹，超正！《黃金豆腐 》$68即炸即上碟，外脆內軟，豆腐滑到好似入口即溶咁，點泰式辣椒醬更加食唔停口。《蜜桃咕嚕肉 》$98咕嚕肉唔係太多餐廳整得好食，但次次都忍唔住見。呢間餐廳整得唔錯，夠鬆脆，炸粉好薄，肉質嫩，配上超甜蜜桃，正！《金絲酒糟骨 》$128賣相好靚，啜骨同時啜埋酒味同梅味，好香！

近期周街都見到蟹，所以忍唔住約個朋友去食蟹。翠林辣蟹舫就第一次去食，食完覺得唔錯！因為廢事諗，所以叫左個二人餐。前菜就係話梅涼瓜，甜甜酸酸好開胃，雖然個人唔多鐘意話梅味，不過都食左成三條！至於黃金炒蟹呢個主角，當然係好正，不但至多肉，食落去仲要充滿蛋香，而呢個時侯食返條涼瓜其實唔錯！而咕嚕肉就肉質軟，少脆，味道唔錯。乳鴿有驚喜，不但皮脆肉嫩，而且上菜方式又特別，唔剪，就咁用雙手食就更加特別滋味！整體而言，成個餐平衡感十足，而且由頭到尾用雙手食，充滿風味！

好耐冇食過避風塘炒蟹，見呢間餐廳咁多人讚，又有半價優惠，緊係要黎朝聖。門口有咁大隻蟹嘅公仔，離遠都見到，約咗朋友實唔會蕩失路。避風塘香辣蟹一嚟到已經聞到濃濃嘅避風塘香料味，炸蒜食落好香口，重有好大隻肉蟹，見到都滿足。食落重啖啖肉，肉質實，果然新鮮，係食蟹嘅好地方！😍水煮牛肉嘩！見到成盆都係辣椒，心都離一離，以為有機會食唔到，點知又辣得幾滋味，食開小辣嘅人都冇問題。幾足料，牛肉又嫩滑， 煮得啱啱好，而且重有豆卜、金針菇、青瓜，吸收晒啲精華。🥰酸菜魚呢個酸菜魚性價比幾高，竟然有龍躉食，充滿骨膠原。另外煮魚嘅時間控制得幾好，食到係滑嘅魚肉，唔會過熟，重食到魚嘅鮮味，配埋酸菜食，好開胃。👍🏻乳鴿呢個擺法不得了，隻乳鴿好似想飛走咁。🤣🤣🤣店員比我地影完相之後，幫我地剪開隻乳鴿，方便食好多。要讚下外層燒得好香脆，食落有油脂，好香口。😋

坐低睇餐牌好多嘢都好想食，不過侍應好好，會講下最近有咩推介，簡單講下菜式大概用咩食材同煮法，有禮貌。咁嚟到當然唔少得要食黃金流沙蟹啦，賣相睇到就已經令人好想食，隻蟹又大大隻，個蟹好多肉，肉質係新鮮嘅，啲黃金流沙好香蛋黃味，都引唔住食咗啲，哈哈。食完個蟹就食啲有汁嘅嘢，個酸菜龍躉魚啲魚肉好入味，酸度啱啱好，魚肉嘅質感鮮嫩，用龍躉魚除咗肉質好鮮味夠仲要冇咩骨。估唔到呢道竟然有蜂蜜醬燒黑毛豬排，即刻試吓先，果然不失望，黑毛豬嘅肉質唔會硬，食落去嘅感覺唔會令人覺得膩，個蜂蜜醬同黑毛豬排好夾，最後因為食果日有啲涼涼地，我哋叫咗份豬腳薑，但又真係幾好食，啲豬蹄同薑都好入味，啲薑又唔會老得濟，豬蹄位多，所以好多骨膠原位，好補，再凍啲食仲正😂

翠林辣蟹坊唔係淨係日本先有蟹料理香港都有㗎唔同煮法，一樣好吃！蟹醬翡翠炒鱔柳 由不同的蔬菜與鱔炒起鱔軟軟帶微韌性咬下去時魚味跟蟹醬混合的汁液都同時可食到桂花鮑魚炒魚翅看似平凡，其實是送飯佳餚大人細路仔都開胃避風塘香辣蟹完全是這天的重點菜式原隻蟹呈上避風塘蟹相信很多人都喜歡吃兩個人吃剛剛好羽鴿我最鍾意食羽鴿仔因為獨特嘅味道咸咸甜甜咁呢度嘅羽鴿賣相非凡先會原隻上枱，再即場切件而且大大隻 啖啖肉食到好滋味總括嚟講，抵食，上菜速度快，環境寬敞👍🏼👍🏼👍🏼

難得同屋企人食野 就嚟試下最近好多人介紹既尖沙咀半價炒蟹小菜服務態度：侍應有禮貌 上菜快 沖茶落單都快手環境：有量體溫 卡位多 之間有隔板 6點去左都有兩三枱客 去到7半就滿哂要等位 每枱卡位既窗邊都放左隻蟹公仔 可愛又吸睛食物（全部有半價‼️）：招牌避風塘炒蟹 原價：298上枱有個好顯眼既宮庭風紅色托盤 大大隻肉蟹上面有滿滿既炸蒜蟹肉係新鮮彈牙而且好飽滿隻蟹炸得夠透 基本上蟹腳蟹身可以連殼食原本以為蟹殼無野食點知蟹殼都有少量蟹膏😍最欣賞係佢既避風塘炸蒜首先辣度適中 夠香口惹味得黎 完全無燶味！好食到想打包返去撈粉麵😆潮式酸菜魚 原價：168同經常食到既酸菜魚唔同湯底酸味唔算明顯 辣係辣口唔辣喉魚肉厚實又足料 魚皮位爽滑可以當一個魚湯飲😋蜜桃咕嚕肉 原價：98份量食落比想像中多特別鍾意佢細細舊 炸過既外皮沾滿左酸甜醬肉又唔會柴 一啖一舊啱啱好特別食法係用沾滿醬既咕嚕肉撈炸蒜食👍🏻🤤話梅涼瓜 原價：68餐廳見到覺得好新奇 從來無試過入口先係話梅同檸檬既酸 然後有微微涼瓜的苦同一股莫名的清甜越食越好食 而且juicy既醃涼瓜啱啱好可以解辣解渴🤤

近排成日見人食蟹，搞到我日日都好想食蟹。多得朋友陪我一齊去食呢間餐廳，令到我可以好開心食蟹。呢間餐廳個名都有得你叫，翠林辣蟹舫，招牌菜當然就係蟹啦。不過除咗蟹之外，我哋仲叫咗一個小食同埋兩個小菜，仲有嘢飲添。🐓泡椒鳳爪 $68因為我好鍾意食辣，呢個泡椒鳳爪都好辣，辣得黎又唔會掩蓋左啲香味，所以我覺得好好食。有六隻鳳爪，份量都OK。啲雞皮好爽脆，好食。🦀避風塘香辣蟹 $588個炒蟹一上枱嘅時候真係嚇咗一跳，因為擺得好靚。味道唔係真係好辣，但啲炸蒜就好香好香，香到我哋都忍唔住就咁食咗幾啖。隻蟹好大隻，兩個人分都好夠食。蟹肉唔會煮得過老，食嗰陣仲係好滑，同埋雖然係避風塘炒嘅，但都仲會食到蟹肉嘅鮮甜味，好正。避風塘炒蟹當天要用手食先最有風味啦。雖然餐廳有洗手間可以洗手，但餐廳都好貼心咁提供左濕紙巾俾我哋，咁就方便好多啦。而店員亦都好好態度，喺我哋食蟹嗰陣會主動過黎幫我哋換碟，咁啲蟹殼就唔洗堆到周圍都係啦。🥚3.6牛奶炒蛋白 $155呢個清清地，炒蛋白上面有蝦仁同蟹子，賣相好靚。旁邊都有啲小棠菜同埋蕃茄，感覺就更加清新啦。炒蛋白仔細咁品嚐嗰陣，會有淡淡的奶香，幾好食。🐟香辣海參小棠菜 $168呢

呢間係尖沙咀既翠林辣蟹舫CP值幾高，仲幾有人氣添，除左search results有唔少coverage之外，餐廳門口仲有個feature wall擺放左唔少名人來過既相片，所以，雖然未來過，但感覺都幾踏實。黎呢度主要係因為見到餐廳既半價promotion，適用於幾款口味既蟹，以及幾十款指定小菜，折後真係好抵食。蟹醬焗香辣蟹: 有五款蟹可以揀，避風塘，胡椒蟹，黃金蟹呢啲都比較common，反而呢款蟹醬焗香辣蟹好似比較特別少少，而且餐廳都有推介呢 款，所以就試一試。首先，個蟹醬整既汁非常濃郁，甜辣兼備，仲加左大量蒜，好香口。另外，隻肉蟹幾新鮮，味道幾鮮甜，雖然個醬汁好濃，但又唔會搶左蟹既鮮味，幾好食。口水豬手: 個醬汁好濃郁，麻辣惹味，辣辣地又帶啲甜味，味道幾特別幾好食，豬手夠腍，味道好match黑椒峰蜜牛仔粒: 份量都唔少，骰仔牛柳粒配焗薯，配料有青紅椒及紅洋蔥粒，牛柳粒夠軟腍，黑椒味幾濃，加左唔少峰蜜，所以無論係牛柳粒定係焗薯都幾香甜，半價後好抵食。

豬腳薑🐷佢會比個gas 爐一直保持豬腳薑，薑一啲都唔老，因為一咬就咬到，淋得黎仲有咬口，豬腳好入味，一食就知靚豬腳，肉位好淋，骨膠質感軟而煙銀，豬皮一啲都唔硬，成個煲好考火喉，佢地控制得岩岩好，好食到唔停都口。黃金流沙蟹🦀用蛋黃脆脆包滿一隻大大嘅蟹，睇到已經都要好食，隻蟹啖啖肉，加埋啲脆脆有脆口有口感，仲同隻蟹好夾，未食前覺得會好濟，因為見到甘多蛋黃，點知食落一啲都唔會，我仲用匙羹不啲脆脆係甘食添，呢種黃金蟹煮法得呢到先有，出面通常都係濕炒，真係非常好食。蜜糖燒黑毛豬排🐽賣相似西餐果啲ribs ，佢用黑毛豬，啲肉一啲都唔硬，佢最犀利係望落一啲都唔濃，但可以外脆內軟，而且仲有好多肉汁，食到骨頭位好香肉味，超級好食，控制得個火喉好好，仲係即叫即整，好彩一落枱就嗌，因為都要等7個字燒。酸菜魚🐟酸菜魚用左龍躉，好大塊，啖啖肉，無骨，而且唔夾埋酸菜一塊食已經好入味，再有啲啲辣味，真係好惹味，好食到唔停得口，下次叫埋碗飯撈埋啲酸菜湯唔好晒。價錢💰宜家做緊半價，親民價，好食又抵食，點點係物超所值。

是日食惹味開心野~所以朋友一起去食蟹先🥢泡椒鳳爪作為前菜真的好岩~爽口又滋味，脆脆的又好咬口，調味做得好，辣得黎又開胃🥢避風塘炒蟹 很惹味的蒜頭~炒到乾身！好香又不油膩~蟹擺盤就已經有style! 😆😆 炒蟹前應該走過油，但一啲都唔油，裡面的蟹肉是岩岩好熟，所以又鮮又嫩~啖啖肉~除左避風塘，仲可以叫胡椒同埋其他味😋🥢大爺乳鴿 出場個款好大爺的乳鴿！好似坐住張凳~大爺就好好juicy，唔好睇佢好似細細隻，其實都好好肉，同埋難得地係會食到有乳鴿的鮮~肉真係甜！已有好耐未食過~👍👍兩個人食一隻係爽嘅😆 🥢山渣骨甜甜酸酸的山渣骨！份量都幾多，大大一碟~又有啲山渣粒粒，幾似啫喱☺️總的來說，是滿足的一餐P.S. 餐廳的叔叔好好人，服務態度一流又親切！😆

#尖沙咀美食 #小蓮星呑食尖沙咀🔻 翠林辣蟹舫尖沙咀亞士厘道24-38號天星大廈1樓A號舖/////行過附近見到間主打食蟹嘅餐廳，雖然唔係大閘蟹但係見字都想食！😛/🧃黑白胡椒蟹 $588成個架搬上枱面，真架勢，啱啱煮起嘅黑白胡椒蟹，香辣撲鼻，蟹鉗超厚肉，肉質鮮甜，好惹味！/🧃黃金豆腐 $68新鮮炸起，外皮又熱又脆，最令小妹驚嘆嘅係舊豆腐好水嫩好凍動L😳有種入口即溶嘅感覺，好正！/🧃蜜桃咕嚕肉 $98炸到好鬆脆，炸粉唔會過厚，糖漿博博一層，唔會膩，肉質肥瘦得宜，唔錯。/🧃金絲酒糟骨 $128唔好意思，又係炸嘢😂實在太欲罷不能！賣相已經好靚，排骨肉嫩，最鍾意啜骨！入口淡淡酒味同梅味，好香！/////味道:⭐️⭐️⭐️⭐️賣相:⭐️⭐️⭐️⭐️⭐️價錢:⭐️⭐️⭐️⭐️環境:⭐️⭐️⭐️⭐️/#food #foodie #hkfood #hkfoodie #foodporn #foodstagram #hkfoodblogger #foodblogger #foodlover #foodphotography #hkig