翠林辣蟹舫

#翠林辣蟹舫 一聽個名就知係主打食蟹啦🦀🦀 炒蟹聞名的中菜館，深得名人喜愛😊 平日晚餐時段都有9成入座率，非常多人幫襯🤗店舖有中式大圓枱和卡位，好熱鬧。🔹話梅涼瓜 $68 餐前小食點了個涼拌開胃小吃，經醃製的涼瓜非常爽口，入口時已經有好出既話梅味，再接著就是回甘的味道，沒有涼瓜的苦澀味😃😃🔹新加坡辣椒蟹 $688 有8折優惠，勁大隻新鮮海蟹配新加坡風味煮法，估不到又好好味！首先蟹大隻，自然蟹肉勁多，肉質剛熟，玩這個新加坡辣汁係好味到要加個白飯撈汁，番茄🍅加上秘制香新汁，帶炒辣但又唔會辣到跳舞，主要因為加入了蕃茄可以中和一下，果然不錯👍👍👍🔹黃金鱔球 $128，另一推薦。炸鱔片，厚肉又有彈性，配搭上陣陣的咸蛋黃味，味道非常配合，令人忍不住食完一件接一件😋😋😋🔹沙爆魚肚浸勝瓜 $138，好大碟兼有好多魚肚，魚湯浸勝瓜非常好吃😘😘😘翠林辣蟹舫 (尖沙咀)地址：尖沙咀亞士厘道24-38號天星大廈1樓A號舖

鍾意食蟹嘅你唔好錯過‼️六款口味包你滿意喺香港可以食到咁正嘅蟹真係好難得😭❤️依家食蟹食小菜仲有八折今次試咗佢哋嘅黑白胡椒蟹 $680勁飽肉 又鮮甜！調味做得好好 真係食到舔舔脷🤤蟹殼絕對唔係扮嘢 滿滿嘅蟹黃 雖然黑白胡椒調味好惹味 但絕對唔會蓋過蟹肉嘅鮮味😍下次勁想食黃金流沙 一定超滿足🤩小食點左蒜泥白肉 $58 同店員話我唔食辣 蒜泥白肉無辣都可以好好食😝蒜味濃郁 豬腩肉唔會太肥 入口彈牙有鮮味🥳小辣椒炒雞球 $108見到有小辣椒以為好辣，不過唔食辣嘅我都無問題😁小炒超有鑊氣！雞肉好嫩滑！係我鍾意嘅口感，外面微微焦脆，內裡口感超嫩😍飛天啫啫通菜 $128最後要款蔬菜😆通菜好新鮮！食落無渣👍🏻入邊仲有好多肉碎 超足料 以為白色嗰啲係肥豬肉 點知係蝦肉🤩呢間嘅菜式都好好食 下次可以叫多幾個朋友一齊嚟食！點多幾款share❤️

今日去尖沙咀接家姐收工，問佢附近有啲咩好食，佢就話同事介紹過佢翠林辣蟹坊嘅酸菜魚☺️見到有好多明星嘅合照，水準都有保證☺️由於我同家姐兩個人，決定下次先試佢個蟹☺️一入去佢就問你飲咩茶同埋比低啲花生你☺️椒鹽黃金豆腐-呢個好好食😋一咬落去就已經融化咗喺口，而佢個外皮脆卜卜☺️然後老闆推介得獎菜-黃金流沙蝦球。呢個好值得食，個蝦好大隻，而且配埋啲麵包糠，再加埋佢個特色醬汁，真係好正。但最估唔到係連個炒通菜都好出色☺️佢個醬汁真係好好味☺️最期待就係佢個酸菜魚☺️好好食😋佢唔係用返普通出面食到既鱸魚☺️係用石斑魚☺️勁開胃☺️呢間嘢下次會再嚟☺️

呢晚黎到翠林辣蟹舫食小菜，無點到蟹～部分小菜仲有8折優惠！另外訂座優惠點招牌炒蟹送每人一個黃金流沙蝦，每月亦會更新不同優惠菜式！ 酸菜龍躉 龍躉皮Q厚肉，魚肉紮實唔多骨用黎做酸菜魚當然好味酥脆蠔仔餅 $118 呢個講酥脆真係世一，近乎芋角嘅面層，中意食香口嘅必定喜歡，雖然唔係傳統蠔餅口感，亦唔算好多蠔仔話梅涼瓜 $68感受到甜甜甘甘滋味，領悟人生道理沙爆魚肚浸勝瓜 $138魚湯清淡得黎有鮮味，魚肚勝瓜吸晒魚湯都幾好味

最近同屋企人去咗尖沙咀呢間食蟹專門店度食佢哋嘅辣蟹，就算落大雨嘅閒日都full house，我屋企人話佢似以前富有人情味嘅酒樓～避風塘炒蟹原隻大肉蟹，面頭有好多炸蒜、香脆惹味，食落都有一定辣度，我自己就覺得有啲辣，但屋企人就食得好滋味，蟹有預先敲開，所以食起身都算容易，蟹肉結實鮮甜～黃金流沙蝦球見到每枱都叫呢樣，我同屋企人都每人叫咗一隻試下，點知原來一件都好大隻，金黃色脆身，加埋流沙嘅鹹蛋黃碎同脆脆，呢樣係必點!山楂汁鱔球食得出應該係功夫菜，師傅手勢好好，鱔去骨，薄薄一層炸漿好脆口，配埋山楂汁同埋紫洋蔥係底，酸甜清新蜂蜜燒汁牛柳粒牛柳嫩滑多汁，醃得好入味，配埋炸到軟綿薯仔粒餐廳入座時會好似酒樓咁送上熱茶同埋餐前小食花生俾食客，食住慢慢叫餸～#翠林辣蟹舫#辣蟹#香港酒家#香港中菜@翠林辣蟹舫

友人曾經推介此網紅蟹店，謂除了鎮店招牌蟹外，亦有不少八折菜式。是夜與好友慶祝生日，想吃豪氣一點多叫海鮮菜式，就想起此店訂坐。來到蟹店叫招牌蟹是少不了的，好友亦十分喜愛酸菜魚，再加一兩個小菜已經非常飽足。話梅涼瓜好友十分喜愛酸酸甜甜的菜式，話梅涼瓜作為開胃菜十分合適。話梅涼瓜冰鎮過後，冰脆清涼，微酸甘甜，苦盡甘來。椒麻酸菜魚此酸菜魚湯色很清，麻辣味道十足。魚肉用上貴價龍躉，比其他魚其魚肉更雪白厚身，並無細骨，鮮甜嫩滑。酸菜清酸爽脆，其他配菜尚有萵筍、蓮藕、雲耳等，十分健康。黑白胡椒蟹鎮店蟹上枱用上紅色木架，氣勢十足。黑白胡椒非常入味，辛辣香氣十足，蟹鉗十分厚肉，肉質鮮甜彈牙。山楂汁鱔球加入山楂的糖醋汁比一般的多一份果香味，鱔球十分新鮮，鱔皮炸過後依然煙韌彈牙，膠質豐富。

夜晚嚟哩間網紅食蟹專門店，當然要一試佢嘅招牌蟹🥰新加坡辣椒蟹原汁嘅蟹，份量都幾大。🌶小小辣味，平時唔係太食得辣嘅我，都可以接受到，貼近自己嘅口味，❤更加開胃。因為佢嘅蟹有輕輕拆開，所以食起身都容易上手，🦀而且原隻肉質結實，都好鮮甜，加上惹味嘅新加坡醬汁，好餸飯！黃金流沙蝦球炸得好靚！😋金黃色脆身，更加有流沙嘅鹹蛋黃~食起身鹹香，🔥而且底下嘅脆米都好香口。魚肚浸青瓜夏天最鍾意食嘅蔬菜，🥒都係瓜類。勝瓜喺魚湯之中熬煮過之後，🥢味道特別清甜。仲有另外一個小食，🧊話梅涼瓜都好唔錯，酸酸甜甜嘅話梅，配合清熱嘅苦瓜，☀好適合夏天！每月更新優惠嘅菜式，充滿期待！

我在翠林辣蟹舫見到了"曉明哥”？唔係，發夢來㗎，佢做緊“中餐廳”吖。我只係喺度見到佢張相片，就係食緊蟹鉗，好，我都鍾意食蟹，就來一個例牌蟹先。聽講呢度“蒜泥白肉”唔同出邊嗰D，咁就嗌一個試吓先，沒有紅色的辣油，因此冇咁辣，但依然有小小麻的味覺，幾好，啱我。呢排食得菜少，一於叫個通菜，“飛天啫啫通菜”上枱時的喳喳聲好治愈，估唔到都好大碟，有些少椒絲，有免治豬肉，有些少蝦醬，成個餸超惹味。孜然羊肉，羊肉串食得多，今日點咗“孜然雞球”都非常之唔錯。“黑白胡椒蟹”係今日重點，但見身邊爆滿的枱，枱枱有一份，做法有多種，可以係避風塘炒蟹，新加坡辣椒餐，黑白胡椒蟹，黃金流沙蟹，椒麻香辣蟹，香辣蟹醬焗蟹，選擇多多真係好，除此之外，上枱時勁有儀式感，有自己餐廳名嘅"翠林辣蟹舫"5個大字紅色架盛住成隻蟹，當然淨係儀式感亦都唔够吖，最緊要隻蟹够新鮮，啲肉够鮮甜弹牙，呢個"黑白胡椒蟹”完全做到，唔係點吸引咁多食客呢👍

偶然發現竟然有尖沙嘴的賴尿蝦外賣，馬上試試！金銀蒜蒸蟶子王蒸得不錯、調味好，而且入味。蜜桃咕嚕肉汁跟咕嚕肉是分開上的，所以原以為咕嚕肉會脆，可惜並不，汁也一般，不過豬肉肉質不錯，肉本身的調味亦挺好。蜜桃在高溫翻炒下已變得不甜。避風塘拆肉賴尿蝦（一隻）、黃金流沙拆肉賴尿蝦（一隻）、椒麻拆肉賴尿蝦（一隻）賴尿蝦炸得香脆，外賣到府仍然是脆的，調味非常好，而且肉也拆得不錯，吃起來十分方便，可惜沒有膏。蒜茸炒時蔬蒜蓉炒時蔬的蒜蓉極少、味道淡，而且蔬菜亦十分「鞋口」。

高質高性價比蟹舫，一食難忘～～～收工好友話帶我去食好西，呢間係尖嘴地鐵站附近嘅蟹舫，一直想食好耐，朋友話今日落大雨先可以即日book到，搞到我鬼咁期待。🥢～～～餐廳俾我哋安排咗一張好大嘅二人枱，喺窗邊附近位置，環境幾好坐。香片非常濃郁清甜，暖暖胃之後就開始叫野食。～～～佢哋真係做緊好多八折優惠小菜，價錢好抵食，叫咗四樣嘢，人均都唔使500蚊，難怪見到就算大雨天都人流源源不絕。～～～#孜然雞球：🐥雞肉外脆內軟，孜然香氣濃郁，薄切🥔薯仔片亦係非常高質，索咗雞油同孜然味，令人欲罷不能，碟底乾爽，無過多油。～～～#蒜泥白肉 ：58蚊嘅呢一個前菜實在係抵食之選，用上花椒調味，片片白肉香香辣辣，加上條條細膩青瓜絲，份量多且味道佳，聽到好多檯都有叫。～～～#黑白胡椒蟹：嚟到呢度梗係要叫返隻🦀蟹嚟食吓，呢味黑白胡椒蟹，大大隻，打卡一流，蟹肉扎實，食得出非常新鮮，黑白胡椒味道調配恰到好處，啜手指之作，招牌果然有招牌嘅風範。～～～#飛天啫啫通菜：一上枱就聞到濃濃鑊氣，翠綠通菜，加上肉粒、蝦肉、蝦乾、椒絲芹菜等等，啖啖香口，非常下飯，配搭啤酒🍺，亦係一絕。～～～翠林辣蟹舫 尖沙咀亞士厘道24-38號天星大廈

喺海港城shopping完行過兩條街去呢間網紅店食番隻靚蟹依家好多小菜都做緊8折 連龍蝦同蟹都有優惠 真係好抵呀醋香手拍青瓜蒜味香濃醋汁酸酸甜甜 做開胃前菜一流蜂蜜燒汁牛柳粒牛柳嫩滑多汁 醃得好入味薯仔粒走過油 外層煙韌入面軟綿 甜甜地好好食山楂汁鱔球炸漿薄薄地好脆口 山楂汁酸甜清新 同海鮮好夾鎮店招牌避風塘炒蟹呢間食蟹專門店係用菲律賓海蟹 勁鮮甜又多肉 辣度可以自己揀 對我嚟講少辣就啱啱好炸蒜用韓國大蒜 超級香脆又惹味好食到我忍唔住打包埋番屋企撈麵添老闆見我咁欣賞 仲走嚟吹下水話下次人多可以打去留定隻巨蟹俾左隻有客人訂嘅三斤巨蟹我睇 勁生猛下次再去試埋其他煮法嘅蟹先

好耐冇食過蟹，搵到呢間網紅食蟹店，不時有做唔同優惠，招牌蟹同小菜都有八折，好吸引，即刻約朋友嚟食。黑白胡椒蟹一上枱見到個紅色架即刻相機食先😍，香噴噴，每件蟹都沾滿嘢味醬汁再加上洋蔥，淨係啜醬汁都超級惹味👍🏻。呢隻蟹好多肉，蟹肉超級鮮嫩😋，滑溜溜，唔會好似有啲酒樓咁走油走到啲肉乾咗，食得好滋味😋蒜泥白肉呢個蒜泥白肉唔係好似平時嗰啲咁樣見到紅油，白肉肥瘦適中👍🏻，甘香甘香😋，蒜泥惹味，仲有啲麻辣香味。孜然雞球雞球用孜然醃過，有種獨特嘅香氣，而且爆炒得好有鑊氣，雞肉鮮嫩😋，配菜嘅薯仔片都係不容錯過，好香👍🏻飛天啫啫通菜呢個通菜店員用一個燒到紅嘅窩上枱再炒幾下，蝦醬真係香到冇得頂😍，加上好多肉碎、蝦乾肉，配上椒絲，好惹味😋，重口味人士一定鍾意。

嚟到呢度 真係必食佢哋嘅招牌避風塘炒辣蟹🥳賣相已經非常之吸引✨原隻大肉蟹 放喺大量嘅香蒜面頭🦀蟹肉勁香口 係用油炸過 再撈埋大量嘅秘製香料同香蒜一齊炒 真係超級惹味🧄

上次同亞E生日飯食過翠林辣蟹坊，今次再去唔係食蟹，主要想食特色小菜！店員介紹有得奬黃金流心蝦球同埋推介新菜式～酸菜魚，一於試下先！🐟椒麻酸菜魚 $288一來到咁大個鍋真係超驚喜！跟住就聞倒超香嘅酸菜味！先飲一啖湯，酸酸辣辣清爽而唔油膩！酸度同辣度都剛好刺激味蕾唔會太over！主角竟然用左深海大龍躉🐟切片嘅魚肉 – 唔怪得啖啖魚肉肥美嫩滑仲冇骨，滑到可以唔駛咬咁濟，而且索哂湯嘅香濃酸辣味，超入味！推介！👍🏻👍🏻🍤黃金流沙蝦球 $48/隻黎到梗係要試得獎菜式，巨型嘅蝦球炸至金黃色，外脆內軟！香脆無比，蝦肉新鮮肥美，肉質扎實！加埋自家製醬汁一齊食更滋味！🦆沙薑鹽水鵝 $188 味道清爽嘅沙薑汁，浸住全隻鵝脾！鵝肉質煙韌帶點咬勁，醃得好入味，香口之餘又唔會太油膩，個汁用黎送飯簡直一流！🍗泡椒鳳爪 $58泡椒味香濃而不咸，十分出色！啱哂我地一邊傾計一邊食！翠林辣蟹坊 地址 ：尖沙咀亞士厘道24-38號天星大廈1樓A號舖

呢間餐廳屬於網紅必到嘅蟹店之一，名氣爆棚！加上每月嘅優惠菜式都會更改，踏入八月，即刻試試！話梅涼瓜＄68作為前菜酸酸甜甜，兩者嘅口感都幾夾，而且好開胃，令到我都好想喺屋企試吓用話梅檸檬冰浸涼瓜🤭🤭星加坡辣椒蟹$688星加坡辣蟹話就話辣蟹，實質味道唔會好嗆喉，蟹肉厚身鮮甜，醬汁非常惹味濃郁，蟹殼亦都唔會話好難處理，果然嚟到呢間餐廳，蟹的確係必點嘅菜式！黃金蟮球$128第一次食黃金蟮魚球，感覺非常特別，蟮俾人嘅感覺會好多幼骨，但炸起左，外皮酥脆香口，而且蛋黃碎沙沙粉粉的，滋味無窮。沙暴魚肚浸勝瓜$138食咗兩個濃味菜式之後，即刻點返個清淡時菜。湯底清香，勝瓜索哂湯底嘅精華更加鮮甜，用嚟中和一下的確係不錯嘅選擇。