翠亨邨 (美麗華廣場1期)

營業中

休息中

翠亨邨酒樓，一個字差，兩個字很差，三個字好很差。冬至吃飯預咗貴，有家人皮膚敏感，要戒海鮮，決定散叫，此酒樓亦有提供散餐，意想不到咁差，茶水唔滾，D餸嘅份量少到吓一跳，仲要唔干淨，吃完餐飯一個鐘唔够，即刻攪肚…想再幫襯都難

食品質素 唔錯 尤其烤鴨做得 出色 ， 皮脆 多肉汁， 我兩個孩子吃到舐舐脷。 侍應們服務態度一般 每次去 都要sell做會員 以及什麼糕點什麼月餅禮券 若果 唔買他們的態度180度轉變 黑起塊面。

放工約左班frd去美麗華果邊搵野食本身想食同商場既另一間上海菜但因為有限時交枱所以最後揀左呢間冇限時既餐廳一開始服務都ok侍應會行埋黎幫你斟茶我哋落完order啲嘢食都黎得幾快杏汁白肺湯我哋都認為係全餐最好味嘅菜但其實唔係飲過最好飲既杏汁白肺湯豉椒炒蜆份量少左d囉成個Menu得呢個係蔬菜類得三四棵菜唔知夠邊個食櫻花蝦炒飯飯炒得幾靚炸子雞半隻不過不失啦最令人失望嘅咕嚕肉似係將啲炒其他菜用剩嘅肉拎黎炒咕嚕肉都未見過啲咕嚕肉可以咁細舊食物質素平平都唔再講服務質素都好一般侍應們不停幫你換碟幫你收碟差唔多每隔3分鐘就黎你張枱到一次實在係擾人

星期六唔使返工就做下孝順女陪爸媽飲茶，又唔想只係去樓下街坊酒樓，就一早帶爸媽出尖沙咀翠亨村飲茶啦！翠亨村在商場5樓，佔左一層，地方寬敞，檯與檯之間都有一定距離。侍應好有禮貌甘帶我地入座，坐低之後叫左一壺菊花，之後就睇下點心紙有咩叫，點心不太多，我地叫左五個點心、一個湯、一個炒粉，都是一般茶樓有的普通點心，但這裡水準就比較高，味道好，當然價錢都比一般酒樓貴。1）原個蕃茄海鮮湯，有蝦、帶子、蟹肉，湯就是鮮魚湯，鮮甜好味。2）另外叫左蝦餃、粉果、排骨、金粟百花球，味道都唔錯3）最好味是這個菠蘿叉燒包，真係好好味，好想再食4）但呢個乾炒牛河就貴左少少，份量都少左少少總體來講翠亨村點心味道唔錯、環境舒適，但價錢就貴左少少，久唔久請阿爸阿媽來一次等佢地試下貴價野！

昨天与朋友中午飲茶，價錢大致上反映食物質素，但職員服務整體卻低於水平，我在查看手機訊息時，職員不停向我hard sell 月餠，感覺十分打擾disturbing & annoying ;高級職員神眼及態度表現勢利，可能只做貴賓或熟客生意。我們不會再來這位於尖沙咀的翠亨邨，免得再遭受白眼對待和貼錢買氣受！上周四剛在中環的翠亨邨晚飯，食物和服務均達職業水準。以今時今日的飲食業競爭，食物質素尚然重要，但職員服務態度不佳亦會影響生意。

細細個已經聽過翠亨邨呢個品牌，最近見有廣告，決定同屋企人一齊回味一下。一段時間無來光顧，發覺原來都好多選擇，仲有好多耐無見嘅舊粵菜！點左婆婆最愛嘅焗釀響螺，不過爸爸喜歡蟹，他就點了釀蟹蓋，我兩個試晒，雖然都有用葡汁調味，但係兩個嘅味道又好唔同！釀響螺多料，有雞肝香，較惹味，釀蟹蓋好足，蟹肉係一疏疏嘅，同響螺比蟹蓋就較鮮甜，可謂各有千秋！仲有另一道我好鐘意嘅，就係呢個嘅葱油脆皮雞，肉嫩皮脆，個汁又好味，最緊要好多葱，夠晒香！價錢方面係中上，但係食物出品有水準，菜式選擇特別，絕非一般酒樓貨色。個人認為慶祝或者請客都好得體，已經決定下次家人壽晨會再來試其他菜式。

自它由地庫搬上5樓，已發現除咗價錢同樓層一讓向上升了，所有嘢都差了， 所以已好多年沒有再嚟食。 但最近有朋友話食過晚飯，啲食物唔錯，所以我再畀多一次機會佢，今早選擇嚟飲茶。但好可惜，依然令人覺得"不用再回頭"。 食物質素真的不是太差，但又真的沒有好到令人覺得好回味咁囉。 相信香港哋大把酒樓做得出呢一個水平嘅食物，就美x集團旗下嘅八moon系列就全部都做得出呢個水平啦。 但佢嘅價錢 一啲都唔平。既然收得咁嘅價錢，食物只是普普通通，咁就梗係追求服務啦。 但一講到服務， 就真的令人一肚氣， 只能說比屋邨酒樓好一點點咁多囉。 叫個侍應攞嗰兜嚟倒水， 叫咗三次， 答案都係"等陣"(仲要用一個頗差嘅語氣，眼都唔望住你嘅態度嚟回答)，跟住望住佢走去咗做其他嘢，招呼其他抬。好明顯，根本由頭到尾都冇打算幫我攞個兜。 如果你有其他嘢跟緊而唔得閒攞個兜住，我接受。 但佢好明顯係唔打算理我，而去睇下有冇其他客叫人做其他嘢， 咁令人好難接受囉。倒個水都要叫4次，咁嘅價錢，咁嘅服務， 就算幾好食都冇下次啦。何況食物咁普通，價錢咁一流。由於服務之差已令我一開始就有點倒胃口， 所有食物都冇興趣影相，所以今次嘅評論冇相

尖沙咀要飲茶的地方多的是，星期六要食好野，於是一早訂枱飲茶。這天走到美麗華的翠亨邨，一嚐點心、燒味。切到四四方方的燒腩仔，一睇賣相再食落口，你會明白為何價值128蚊皮脆加上肉質鬆軟，又不太多肥膏，點一點黃芥末，一流菠蘿叉燒餐包XO醬炒腸粉xo醬夠香口，令人大增食慾！金粟百花球濃濃粟米湯配以大大舊蝦肉，夠彈牙！菜苗餃瑤柱蒸蘿拔糕很久沒在酒樓食到蒸蘿拔糕，份外驚喜！真心足料的例牌燒賣、牛肉球黑松露醬雞絲翡翠炆伊麵賣相不太好，但條條麵都充滿黑松露味！一流

星期六和家人來到翠亨邨飲茶，整體食物質素一般，服務不錯，至少店員看到桌上有一個空碟便會主動過來拿走。菠蘿叉燒餐包，暖暖的，菠蘿皮做得香脆，內裏的叉燒餡味道不會太濃，是美味的。XO醬炒腸粉，少許辣，腸粉皮不會太黏不厚，恰到好處。脆皮燒腩仔是整餐之中最美味的。外皮夠香脆，中間夾着少許肥肉，肉質鮮美；另外還有懷舊的蠔油豆，美味非常。上湯煎粉果，煎粉果內有蝦肉，外皮煎得香脆，蘸上上湯另有一番風味。蟹子瑤柱燒賣、鮮竹牛肉球、金粟百花球，皆彈牙可口。尤其是鮮竹牛肉球，帶有香濃的果皮香。瑤柱蒸蘿蔔糕，沒有其他的配料，只是純粹蘿蔔糕和江瑤柱配上豉油，真材實料已經夠美味。黑松露醬雞絲翡翠炆伊麵，端過來的時候已經有非常香濃的黑松露味，吃下去每條伊面也帶著黑松露的香，令人不停想吃。菲林芝麻卷，就好像是芝麻糊的固體版，仲有強烈的黑芝麻香味。

星期日 family day，好多人晏晝都會一家大細去飲茶，我都唔例外，同老婆同佢屋企人差唔多個個星期日都會去飲茶。我哋成日都會去呢一條村翠亨邨飲茶。翠亨邨嘅裝修都有採用舊式茶樓嘅元素，可以見到邊有三隻雀，出面有張poster，poster上邊可以見到有個雀籠同埋幾隻雀仔。有舊式茶樓撚雀嘅意思。另外，天花板都有吊住一啲荷葉，俾到人一啲係河邊食飯嘅感覺。樓面都幾大，但係佢哋絕對唔會請得唔夠人，人手非常充裕，淨係知客都有三個，侍應、部長就更加多不勝數。侍應、部長嘅態度亦都非常之好。食物方面，翠亨邨會做一啲比較細緻啲嘅點心。每次黎我哋都會叫一啲差唔多嘅嘢，一般嘅點心包括蝦餃、燒賣、叉燒包、菜苗餃、馬拉糕、糯米雞、燒味拼盤等。另外我哋都會叫一啲其他酒樓比較唔係咁常見嘅點心，例如煎粉果、鯪魚球、小籠包、冬菇包、斑片腸粉、炸雲吞、同埋俗稱「菲林」嘅芝麻卷。佢哋點心嘅種類都好多。煎粉果有上湯俾你點一點冇咁熱氣，而佢都做得好脆，點完個湯都仍然係保留到脆嘅感覺，唔會完全林晒。鯪魚球外邊加左啲米粉去炸，所以咬落特別脆，亦都完全冇腥味，可能有啲人會覺得冇咗錂魚嘅魚味，不過冇腥味就啱我。冬菇包外形似冬菇，個餡

本人早前看了報紙的推介, 到了位於尖沙咀美麗華廣場的翠亨邨試吃了此店的得奬菜式.   這店不是很旺場, 人客不是很多.   論用餐環境, 裝修不錯,  很有大氣, 但是冷氣嚴重不足, 有一點悶熱的感覺, 好像在低價的茶室吃飯一樣,  但此店的價格偏貴.  服務還不錯.   我點了八珍扒大鴨, 江南酥腿.  八珍扒大鴨是半隻的($388), 其實份量比想像中小很多.  這個菜式的材料主要有鮑魚二隻, 大虾二隻, 帶子二隻, 花菇二隻, 少許海參, 肉片, 和一些陳皮鴨.  鴨肉的味道不錯, 肉質很鮮嫩, 鴨汁也做得不錯.  大虾很彈牙.  不過鮑魚實在太細隻了,  應該是罐頭鮑魚的,  好像跟報紙推介的不一樣, 因為根據報紙上的圖片, 鮑魚的個頭是大很多的,  但本人吃的鮑魚應該是最細小的罐頭湯鮑.  是不是廚師因人而做出不同的菜色???  可能是記者要拍照, 要做出宣傳推廣的效果, 所以給一些大個頭的鮑魚???   帶子好像是冰鮮的, 如果用上乾貝會更好.  花菇海參的味道不錯,  鴨的份量太小, 如果是全鴨會更好.  總體來說, 這菜做得還是不錯, 但價格偏貴, 選料和食材方面還有可

雖然已放完農曆新年的假期，不過賀年飯繼續!今晚去了位於尖沙咀美麗華廣場的翠亨邨。這裡環境很舒服，裝修很新淨，光絲充足，招呼朋友絕不會失禮!今晚訂了這個套餐 (HKD5,000 / 10位用)：鮑魚發財好巿：第一道菜通常都吃得最快 (因大家都很肚餓)!蠔豉很香很稔，髮菜亦很多。窩貼牛奶拼香煎魚餅：這尾菜大家都很奇待，因為想知道窩貼牛奶是怎樣的。燈燈燈燈!!!原來是帶有微甜的牛奶放在鬆脆的多士上，牛奶面還放了一少片金華火腿，所有帶點鹹香很惹味。香煎魚餅很足料，裡面除了有主角魚肉外，還有芫荽及切碎的臘腸，口感很彈牙! 配魚餅的蜆芥，因我不太吃蜆，所以沒有試，不過親友們都讚很好味! 這個下次來必定會再點!西蘭花百合帶子：帶子很大隻，很鮮味，而且配上清甜爽口的百合及西蘭花，一絕! 雖然這味餸沒有什麼特別，不過這裡做得很好吃，不會太油膩。蟹肉蛋白扒豆苗：這是我其中一樣最期待的菜! 蟹肉很多很鮮，配上豆苗，無得輸!清蒸沙巴龍躉：魚來了! 龍躉有2斤重吧! 可惜蒸得過了火，肉質有點點鞋... 不過整體來說還算不錯了。宮廷富貴雞：這亦是另一焦點! 外層不是用泥包，而是用麵包! 宮廷富貴雞：切開一半的樣子

We had a simple dinner, w bbq pork & chicken combo, pea shoots sauteed in garlic, fried noodles and tea  which cost HK$900.00 for 2 people. OUTRAGEOUS and a RIP OFF.  It is the most expensive pea shoots that I have ever had at HK$228, which normally costs around HK$80-100in a similar standard restaurant.  DO NOT  go here....any of the Maxim's Group of Restaurants have similar or better quality food and better standard of service, linen, ambience and decoration at a much more reasonable prices.IT

我倆，女兒和女婿齊齊放假，初二一早外出拜年。預早訂了位，到酒樓都要等了二十分鐘才安排入座。叫了幾款點心：川味口水雞 - 不太辣雞肉嫩滑，不錯；叉燒拼燒腩仔 - 叉燒必食之選，雖然瘦但夠稔 入味，美中不足燒腩仔太肥；蠔皇叉燒包 - 叉燒夠瘦，上枱時夠熱包皮亦夠 薄，不俗；海皇菜苗餃 - 沒甚特別；芝麻煎堆仔 - 應該剛炸好，夠熱夠味；沙爹金錢肚 - 夠入味，但嫌不夠稔。整體上不錯，但覺得搬了新地方後，可能地方大了，坐的客人多了，有點兒嘈雜。

I am not sure why the staff at the door are unresponsive and blind. I was there just to redeem a cake and their faces were as dark as dark soy sauce. One of the staff just used her finger to point at her colleague. I assumed this individual can't speak in addition to being blind and deaf. It was only 1pm and they were already so angry and 串. I can't imagine what the rest of the day will be like for them and the guests that will be subject to this kind of 串 behaviour. This explains why they will