羲和雅苑

營業中

休息中

從末食過咁難食嘅片皮鴨，又肥又無鴨味。仲叫咗條干燒桂花魚，原本想影相但個男侍應生一放底就用刀切開哂，無得影。金沙海皇扒白玉，D豆腐唔滑嘅。窩燒鮑魚雞粒燜飯，呢個正常，巳經係成餐飯最好食嘅一味。服務差，好似喺茶餐廳食飯咁，無下次。

個景就無得輸，望住維港叫左碗類似佛跳牆的湯，但味道同碗仔翅冇分別，鍾意食碗仔翅可以食下！黎呢間梗係食佢片皮鴨，餐廳的最出名菜，賣相睇相就知唔吸引，碗碟用類似快餐店，失敗！三款鴨唔同部位，配合不同醬料，包括爆炸糖，冇錯！係爆炸糖，食完隻鴨真係俾佢激到爆炸！如果想食傳統片皮鴨就唔好試，性價比底！想試吓另類都可以一試！我就比較傳統！最後仲叫左個上海名菜獅子頭，點知真係得一個獅子頭，配一啖飯，真係唔知好嬲定好笑！

3/5整體水準不錯，小菜比主角片皮鴨好The overall standard is nice, the side dish is better than the main duck.(中英雙語，Chinese and English review)冰菜沙律，冰菜有點軟了，酸甜醬汁開胃，配蝦乾是新穎的選擇，味道上是合襯討好的，但口感有點偏硬難咬。湯羹還好，味清。獅子頭非常鬆軟，味道不錯，八角味重。片皮鴨皮脆但非常油膩，稍欠鴨肉香，但肉質是好的。配搭的大部份醬汁也應該是用作解膩之用。松露蠔仔蛋，蠔仔雖小但新鮮最重要，黑松露的作用不大，未有錦上添花的效果。金銀蛋萵筍有驚喜，這樣的配搭也不錯。海味籠仔飯也是水準出品，香氣四溢。(Google translate)Iced vegetable salad, iced vegetable is a little soft, sweet and sour sauce appetizer, with dried shrimp is a novel choice, the taste is pleasing, but the taste is a bi

係尖沙咀搵中菜食一點都唔難，但要環境靚、食物質素高同價錢大眾化就真係要花點心思時間去尋覓，尋尋覓覓，終於搵到這間合乎哂我以上要求的餐廳，睇到個名:羲和，感覺有一種傳統的韻味於其中，一於放工約朋友去品嚐一下先，餐廳內佈置帶有古典味道，地方寬敞舒適，每張枱之間都好有空間感，坐得非常輕鬆舒服，店員安排我們在卡位座下後，便預備茶及兩本餐牌給我們看，餐牌上的特色菜選擇很多，很多都是比較少品嚐到的，幸好圖文並茂，見到都是小巧精緻的菜餚，加上價錢唔太貴，所以我同朋友決定各自點些自己想食的食物。我點了一份張氏獅子頭、松露海皇羹及半邊烤鴨，朋友就叫了個前菜，麻辣海哲頭、花膠燉湯、櫻花蝦海皇炒飯。獅子頭放在燉中內配一口小白飯送上，獅子頭咬落肉質軟滑，有埋白飯配送真的好夾又唔仔。松露海皇羹，羹面巳見到一堆黑松露，當中仲食到帶子及魚塊，滑溜溜，美味。麻辣海哲頭，我品嚐了一塊，味道都幾辣同濃，朋友很喜歡，至於他的燉湯，湯渣都很多，有花膠、雞腳、瘦肉等等。片皮鴨來了，店員在旁邊開定張獨立高枱，廚子就拿著刀和鴨走出來，在我們旁邊即席片出鴨片給我們享用，店員將鴨片放在暖泡的盒上，然後逐一建議三種鴨的分層食法給我們了解

在這幾個月，一直都在減少外出，今天難得以慶生之名來個飯聚。由於本人超愛片皮鴨，所以被羲和雅苑的片皮鴨吸引了。餐廳位於海港城2樓較邊端的地方，有些難找，可是為了美食，當然要有所付出。餐廳坐落在海傍，有室內和室外的位置，我們被安排在室內的卡位，非常寬敞舒適，擺設也屬高雅。由於是慶生的關係，我們自帶了生日蛋糕，餐廳職員也很溫馨的幫忙雪藏起來。接下來當然是點美食了。我們叫了2個點心，一個燜飯。最後主角出場……買飛佛最後再享受我們帶來的蛋糕，這餐真的相當滿足。

行完山後，畀個籍口去刷餐好😆...朋友介紹呢間，不受疫情影響其中之一餐廳👍🏻甜甜地及啖啖肉，好好味流沙金黃配嫩滑豆腐，感覺好fresh，味道一流，有小蠟燭陪住，不怕凍，唔錯。蝦🦐球爽配伊麵，睇落份量好似少，但還是要打包🤪肉絲浸津白，好大窩，味道係唔錯，但我對個湯底較為偏鹽左一點，不過朋友說ok，整體係可以㗎。

有d菜色就係一餐飯的重點，係「一件事」，食片皮鴨就係「一件事」。呢件事係一個人做唔黎的，一定要約班朋友（個人覺得最少都四個人）,而且好食的片皮鴨餐廳一般都要訂位，好似呢間羲和雅館咁，一直想食但又冇咁神心去訂台，所以遲遲都冇試過，直到呢次疫情，終於唔洗book台可以walk in食啦。講開呢間餐廳,環境就真係一流，裝修現代而且間隔合適，每枱都有自己一個合適的空間，岩晒鍾意唔會同人迫的人。另外就係中餐一般俾人印象就係好嘈，因為除左人聲好大之外，杯碟碰撞聲都真係會令人心煩意亂，但呢d都冇係呢間餐廳出現，值得一讚。片皮鴨相信好多人都食過，所謂的一鴨四食近乎都係千篇一律，不外乎就係鴨湯，片皮，抄鴨肉絲，整埋個抄飯，唔係話唔好，物盡其用又食得飽你，但其實除片皮外果三食都係沒有特色平平無奇咁。但呢間的一鴨四食就真係估佢唔到，因為佢竟然片皮都佔左三食（拿，你可以話佢取巧，但事實人地又真係整到出黎俾你三種完全唔同的體驗）例牌鴨就係你面前切，佢切得唔算快，但唔係因為刀功唔好亦唔係俾時間你打卡，而係剛才講的要片皮都有三種食法所以個切法又同其他片皮鴨唔同，唔講咁多又睇下張成品圖先啦！由左至右有三種唔同的片皮，

滿肚氣的一餐！本人一向不會共開寫食評，就為此呢間店不得不開賬戶大吐一番！今天陪家人共進午膳，誤打誤撞去咗呢間中菜廳食，間店環境係唔錯既！食物質素一般，但價錢與食物的質素並不相符，只可以講呢口價只可食環境！本人唔係強調食物質素！而是強調呢間服務態度，尢其女侍應！問佢有咩出名小菜？女侍應見我睇邊頁就話果個好食，根本求其講就算！呢樣唔係重點，重點係埋咗張單先醒起黎少咗隻乳鴿，於是問果位女侍應，黑口黑面同我講話你已經埋咗單喎，態度衰到冇朋友，講唔掂就卸經理出黎講，今時今日呢位侍應的態度出到其他店已經比公司永不錄用！經理出黎講番話廚房已一早講左隻乳鴿唔新鮮唔會供應，既然一早講咗點解唔講番比客人聽？唔講都算！仲要張單已計在內冇取消到！點可以不誠實對待客人？經和經理議論之下佢既態度都係差，只可說是有咁既經理，自然會有咁既員工！雖然佢私下已比番現金我，道歉咗！但呢個係誠信既問題！即是我唔理或者忘記咗隻乳鴿冇上到是否可以瞞天過海？諗住側側博，單車都變摩扥！唔確保下次又一受害者受害！雖說香港海底撈火鍋店食材一般，但起碼每一位侍應的態度好好，顧客至上！有漏單或者食材供應完會通知客人，客人先會食得開心！要經營