羲和雅苑

營業中

休息中

尖沙咀餐廳種類繁多，和好朋友去食好食的，係海港城嘅羲和雅宛一邊嘆好野又有靚海境。先黎返個酸辣湯開下胃先，過道菜是我食上海菜必點，這道菜工夫很多，豆腐都是切絲的，能做好這道菜其他菜式一定不錯的，他們是酥皮酸辣湯，湯頭清爽酸辣剛剛好，適合飯前喝。每次黎必食北京填鴨，即叫即整現場片鴨，食法有三種，最特別係爆炸糖加黃芥末醬，口感超特別，我個人比較鐘諗傳統食法，唔油膩又食到鴨香。今次試下經典菜獅子頭，肉嫩滑多汁，配飯一流。黑松露和牛粒好香好夠牛味，入口嫩滑，而且加入少中式原素微辣帶點蒜香好醒胃，冇油膩感。炒菜花夠惹味，爽口清甜帶點辣。熱辣辣咸蛋黃炸鮮魷一上台嚇親，比想像中多，因為得我同朋友兩個人食，咸蛋黃好好味而且炸粉岩岩好，而且鮮魷每條分量都好足好大條，而且非常有口感，好味之作！重點係我地食吾曬，帶返公司下午茶食，過左幾個鐘，同事們一齊食，一致表示凍左都好正！最後黎返個楊枝金露做甜品，簡直完美！

小女子喺剛剛星期六去左呢間試京菜，之前睇倒其他食評都講得呢間唔錯，決定一試，兩小口子食呢個京菜做團年飯啦，已經早一日訂位，好失望，去到竟然安排我坐喺類似冷巷位置，咁我訂位嚟做乜，我訂6點，我5:45已經入去諗住早啲食，點知要坐咁既位置，已經唔係好開心，不過都入到去喇，就照食囉。知道呢度嘅片皮鴨要等50分鐘，我一坐低已經同waitress 講，我訂左半隻片皮鴨，你幫我做左先，點知佢話要我點其他菜先會做，吓!咁我需要多啲時間考慮其他野食嘛，點解唔可以幫我做左片皮鴨先呢，難度你覺得我淨係食片皮鴨唔會叫其他野食?好啦，我預左等一個鐘嘅呢隻鴨，算!我忍! 後來我點左前菜唔知乜鬼馬蹄，真心，呢個好食，值得推介，蜜汁芋絲，好甜好痴牙，如果你都係兩個人去食的話，勸你唔好叫，食左呢個已經滯住唔係好食得落其他，燉湯都叫做足料嘅，金沙魷魚，係最好食嘅，到主角片皮鴨喇，比想像中差，太肥，食左幾件，已經比啲油漲住個肚食唔晒，最後來個蛋白杏仁露，好一般，杏仁味唔夠，成餐晚飯整體來講，只屬一般。

去左海港城食羲和雅苑，首要目標就梗係佢個烤鴨！即係由細到大去親食北京菜嘅餐廳必食嘅北京填鴨～ 知道呢度嘅食法同平時唔同，所以想試好耐😎😎「羲和雅苑」呢個餐廳名已經好靚，果然佢個環境都係好靚、好舒適，卡位夠晒大，仲有鴨仔公仔cushion添～除左烤鴨，羲和仲有好多菜式選擇，由湯品到甜品，所以每類都叫左啲食👏🏻🦆 羲和馳名烤鴨 (半隻)烤鴨ready後師傅會喺你面前切比你睇☺️ 師傅片緊嗰時就已經聞到好香🤤🤤 烤鴨會分3個部份上，staff亦都會講解返每款佢地recommend嘅食法。 <右> 鴨皮 +藍莓醬 或 爆炸糖因為打斜片，所以都算幾厚，但完全無肥嘅脂肪連住。 鴨皮味超香，點藍莓醬同爆炸糖食真係第一次，估唔到真係幾match! 藍莓醬會將佢油膩感減到最低，爆炸糖喺口個感覺，配合埋鴨皮好得意、新鮮、特別🙆🏻‍♀️<中> 鴨胸肉 +芥末醬小妹最鍾意呢部份💓 鴨味超香濃！ 另外十分推薦個芥末醬🆙 係加左蜜糖嘅，配合鴨胸肉一齊食好夾😋<左> 鴨腿肉 +青瓜/蔥/北京填鴨醬/皮 (傳統食法) 或 山楂條/洋蔥/藍莓醬/皮呢一part鴨皮同肉中

難得做成一單幾滿意既生意 當然要去食餐好既慶祝下 獎勵下自己 於是上openrice 搵到依間位於海港城入面食北京烤鴨既餐廳一來到已經比佢門口古色古香既裝修吸引住店內牆上亦掛滿舊時香港的生活寫照先一人叫一碗黃金魚肚暖下個胃先 酸酸地既南瓜汁配上有咬口既魚肚 簡直令本身肚餓既我食完更加開胃依個獅子頭配上一碗迷你飯 簡直絕配主菜當然唔少得北京烤鴨 店員好細心咁為我地介紹3種唔同既食法我地因為兩個人既關係所以叫左半隻 但都已經好夠食圖中最左邊係鴨肶肉 中間係鴨胸 最右邊就係鴨皮依個張氏汁鮑魚好入味 成餐飯最貴就係依個和牛粒 好好食 入口即融 食到停唔到口最後緊係唔少得黎個中式甜品為今晚依餐飯畫上一個完美既句號 我地叫左個紫薯燕窩蒸蛋白 不會太甜 紫薯同蛋白既味道出奇地配合 食完差啲忍唔住要叫多份兩個人食左$1200左右 以依間餐廳既質素黎講算係抵食 真心推介👍🏼👍🏼👍🏼

羲和雅苑位於海運大廈的盡頭，平時行街都唔會行到咁入😅今晚20:20左右黎到，門口都有啲人，不過等左15分鐘已經安排入座👍🏻樓底好高，每枱之間都好闊落，唔會有迫夾的感覺，出面仲有露天海景位，不過今日涼涼地，如果坐出去都會幾舒服😊老上海熏魚$108望落去好似好少，但食極都仲換有，味都真係非常好，只會越食越想食酸辣油燜大蝦🍤$188真係好鬼大隻，少酸微辣，如果有白飯撈埋食可以食到兩碗添呀主角黎喇👏🏻👏🏻👏🏻師傅係你面前即時片皮🔪🦆一鴨三食 + 八寶盒最左邊係皮+肉，正常包住黎食中間皮+少少肉，點黃色的秘製芥茉醬最右邊鴨胸皮，點紫色的莓醬+爆炸糖三種食法各有特色，我都咁好鍾意❤️右上嗰條啡色野係山楂條，夾埋一齊又好鬼夾喎和牛粒乾煸口蘑$268和牛好冧，好有牛味，蘑菇我本身都鍾意食，所以呢道菜食到停唔到口擔擔麵$98比想像中細碗，肉醬得好少，無咩味呢碗野幾啖食晒😅孜然羊架$198好好味呀又夠冧，又無乜so味好耐無試過咁好食的羊架喇得好少肥肉，所以全隻食哂😋又好貼心有錫紙包住方便用手食👍🏻👍🏻食左咁多好野都只係千三蚊，我個人覺得好抵食，除左擔擔麵外，其他食物分量唔算少好值得推薦的餐廳

公司周年飯嚟咗呢一間餐廳食中菜坐嘅位置近海景係食下午嘅環境唔錯叫咗好多唔同嘅菜式，以為所有菜式都會偏細碟，點知其實每碟份量都幾多所有食物都唔錯嘅幾好食但係因為價錢比較貴嘅關係我覺得呢間餐廳驚喜唔算太大可以話係食材本身好 但係味道還好味道：4/5分服務：5/5分環境：5/5分抵食：3/5分

媽媽生日當然食餐好要搵間有體面又有靚景的食最後簡左呢間，因為佢的烤鴨好出名呢間餐廳有三寶，當然要试食第一寶:黃扒魚肚魚肚非常肥厚配上南瓜濃湯，鮮味濃沃第二寶:張氏獅子頭一位上，迷你版仲要配個細飯，岩曬我咩都想食下的人大大粒,但居然沒有 肥膩感覺最後一寶 亦都係重頭戲 :馳名烤鴨即叫即烤，烤完師傅仲會係客人面前片鴨 賞心悅目每一個部位都有唔同的食法侍應好細心咁每次上菜時都會解釋最好的進食配搭鴨胸皮香脆可口配上藍莓醬同獨有的爆炸糖，感覺特別鴨腿肉有2種食法，一隻就得平時傳統配蔥同青瓜,一種就是配上山楂條及洋蔥香脆外皮嫩滑鴨肉果然值得等待張氏汁鮑魚高湯燴制,入味而嫩滑整體嚟講,無論環境食物都很出色. 服務一流，侍應非常主動關注客人

羲和雅苑午餐 聖誕前夕的慶祝☺️☺️☺️早早已經約定今日嚟食片皮鴨喇😋😋😋主角當然係片皮鴨，不過除咗片皮鴨我哋都試咗唔同嘅菜式！驚喜嘅係每道菜式都好好食👍🏻👍🏻蝦球伊麵超好味😭伊面味道濃郁豐富，蝦球大隻又爽口真的非常正👍🏻👍🏻👍🏻蜜糖鋪滿雞翼都不得了雞翼鋪滿蜜糖，脆卜卜雞肉嫩滑 味道非常豐富蜜糖又唔會過甜🍯主角片皮鴨令人最驚喜嘅係佢嘅醬汁同配菜！八寶盒裡面嘅芥辣係餐廳自己調製唔會太過攻鼻，解油膩一流！最特別係藍莓醬 味道同鴨肉又幾夾！

海港城LCX近住海旁d餐廳都好靚今晚呢間屋企人話想試好耐，我哋一家四口一於就喺度做冬啦～餐廳嘅裝修甚有古時北京感覺地方雖然唔算大，但裝修設計用心「馳名烤鴨(隻) $598」廚師會喺食客面前即場將烤鴨分件前：鴨皮 - <建議食法: 藍莓醬+爆炸糖+不包麵粉皮>油份鎖住係表皮底層，一咬落去充滿油香配埋爆炸糖食好神奇有趣，估唔到幾夾中：鴨皮鴨胸 - <建議食法: 芥末醬+包麵粉皮>個人最鐘意食呢個部份，鴨皮同肉嘅比例啱啱好芥末醬好似用來點咩都咁好食咁～後：鴨胸 - <建議食法: 片皮鴨醬+青瓜+蔥+包麵粉皮>配上最傳統嘅食法，食完一舊又一舊！「松露蠔仔煎蛋 $108」加咗松露上去變咗一道中西合璧嘅菜式每口蛋都至少有2－3隻蠔仔本來黑松露炒蛋已經係好好味，配埋蠔仔一齊食又係另一個新世界～「宮保帶子球 $228」宮保雞丁就食得多，帶子又食過未？超大粒帶子份量大概有八粒～配上甜甜辣辣嘅醬汁，直情連旁邊嘅大蔥都食埋「韭香雞 $188」淡淡嘅韭菜香滲咗入d雞肉豉油亦唔會太濃而搶咗雞味雞肉嫩滑，非常鮮味總括而言，想搵環境舒適而食物質素又唔錯嘅中菜我會推薦呢

來自北京嘅羲和雅苑置於海運大廈新翼末端，雖然而家遊客減少，海港城都有受影響，但羲和雅苑都仲有唔少顧客幫襯，可見品牌都有佢吸引之處，唔少人特意到來。裝潢新都不在話，最重要係享有美景，餐廳室外雅座盡享維港海景及九龍半島景色，冬天如果霸到位坐就面都真係幾chill馳名烤鴨 ($328/半隻): 羲和雅苑最出名就係北京烤鴨，每檯客黎到都係必食，伴碟既八寶盒最特別就係有「爆炸糖」同「秘製蜜糖芥末醬」，一陣再講點食。烤鴨共提供三食，分別係鴨胸皮、鴨胸肉及鴨腿肉。首先，鴨胸皮配「爆炸糖」，鴨皮香脆帶肉汁，加上爆炸糖既甜美，以及係口中產生氣泡造成持續既「辟歷啪嘞」口感，非常獨特同有趣既口味，必須一試；鴨胸肉既肉味較香濃，可單食或配餐廳秘製蜜糖芥末醬一齊食，芥末醬香甜惹味，相當搭配；最後的鴨腿肉非常肥美，肉汁豐富之餘，肉質亦相當滑嫩，建議以薄餅皮搭配傳統北京烤鴨醬料享用，但亦有西式食法，以薄餅皮搭配芥末醬及紅菜頭等配料。酥皮酸辣湯 ($108): 中西fusion既酸辣湯加上西式牛油酥皮，呢個配搭都係第一次試。酥皮帶牛油香，香酥惹味；而酸辣湯用料非常充足，每食一口都有大量湯料，帶有好濃郁既酸辣味道，比坊

金沙鮮魷魚金沙做法就魷魚炸過之後炒咸蛋黃。建議朋友可以點一份炒飯一起吃，因為這道菜比其他菜咸地，不建議單獨吃。魷魚本身切到好厚身，吃的時候太彈牙可能需要咬久一點。黃扒魚肚魚肚超厚身而且又彈牙爽口。湯本身有南瓜味，個湯很濃稠，喝起來很順口。超推薦給朋友們，必定之一。張氏汁扣鮑魚鮑魚淋香又滑個汁就好好吃。這道菜配白飯，飯偏濕但是同地鮑魚汁一起超好吃。燕窩紫薯蒸蛋白甜品調味偏淡先可以待出食材的原味，。燕窩分量多上面還有放地金箔，非常奢華，幾乎每一口都可以吃到燕窩。蛋白本身沒異腥味，但是味道都淡地。羲和三寶鎮店之寶就是他們的鴨子。如果是情侶去就點半只就夠了，分量雖然不多但是吃到一半就會好膩。吃法就不多介紹啦，因為服務員會一一的同你講解要如何吃，分別有三個部位，脆皮，鴨胸同鴨腿肉。自制醬加爆炸糖的吃法非常特別，雖然同傳統醬料有地不同但是都值得一試。饅頭我們叫左饅頭是想同鴨子一起吃，想試下不同的風味。這間店的饅頭不是北方的做法，因為饅頭本身帶點甜味。甜饅頭同肉類是最搭的，鴨肉配饅頭可以增加多地甜味。自家吃法是扯饅頭一半之後就放鴨肉，蔥同青瓜條一起吃，不加醬汁。加左醬汁就會變到太咸同甜。

一入餐廳已經被華麗而又古典既裝修吸引，店員服務亦都好好，幫我地安排左個卡位可以舒服咁享受晚餐。成晚都有好多人光顧，証明只有食物有質素，即使價錢貴少少都值得食!相對地個人覺得整個晚餐無論環境、食物、服務都係好高級，真係物超所值。招牌烤鴨­+八寶盒呢個簡直就係招牌菜，成隻烤鴨會喺我地隔離開始切，由一開始既鴨胸皮食先，店員表示可以加藍莓醬同埋爆炸糖一齊食，老派既食物配以新派既食法我地都好期待。食落真係好有驚喜，加咗藍莓醬可以中和到鴨皮本身既油膩感，而有爆炸糖既口感更加特別，甜同埋咸既比例岩岩好。到咗之後就係鴨胸肉，建議食法係加店舖自家制既蜜糖芥末醬。食落好嫩滑而且鴨肉味濃，加埋微甜既芥末醬又出奇地夾而且更加帶出鴨肉既鮮味。到咗鴨腿肉就食法傳統既食法，而配料上亦都有洋蔥同埋山楂條，除咗青瓜同京蔥以外既新配搭。蜜汁脆芋絲一上台我地都嚇親，因為份量好多而且堆到一座山咁高。微暖既蜜糖加埋卜卜脆既芋絲好夾，少少甜而又好有咬口，芋頭味亦都好突出。不過唔可以擺太耐，如果唔係D蜜糖開始硬就冇咁易夾起。窩燒鮑魚雞粒燜飯呢個飯好高質，燜飯有好濃郁既鮑魚汁包住，加埋雞肉同埋鍋邊少少微焦，真係好出色同埋入味!羲和小

以往聽到片皮鴨二食三食四食，首先總會聯想到將鴨架鴨肉製成其他飽肚美食，結果飽到有🦆🦆恐懼症。羲和雅苑的創新食法令片皮鴨一掃刻板的「京醬+皮+青瓜+蔥」的既定印象，四條formula逐樣試，兩人都能輕鬆k.o.半隻鴨，又能留肚食其他non-鴨佳餚😋羲和位處海港城OTE的盡頭，即是要穿過Facesssss和所有你能想得出的店舖，再堅持直衝到尾才到達。不過偏僻有偏僻的好，餐廳的外圍全是戶外座位，看着夜景很chilled除了必點片皮鴨，筆者和男友選了兩項前菜、一個湯品、一個主菜、一個飯和一客甜品。乾隆白菜 (8/10): 乾隆原來喜歡這樣食白菜😂 冷盤來說份量頗多，芝蔴醬偏酸很開胃。張氏獅子頭 (8/10): 獅子頭很的骰，最搞笑是配上一碗超迷你白飯（兩啖食完），有效平衡濃郁的醬汁；獅子頭入口即溶，帶淡淡陳皮和酒香，是筆者吃過難得沒有油膩感的獅子頭；白飯相對較濕潤，如能做到粒粒分明相信口感更佳。黑松露海皇羹 (8/10): 眾多菜餚之中這個味道最淡，作為中場休息最適合不過。海鮮粒嫩滑爽口，黑松露用料上乘，與中式湯羹毫無違和感。片皮鴨 (9/10): 用餐期間經常見到師傅在不同顧客面前切鴨，是其

羲和雅苑源自北京🤩以填鴨為主打菜式🤤到底香港店的味道如何🤤位於海港城的香港店裝修新穎但價錢則比內地頗貴味道而言最為滿意的係佢嘅黃金魷魚🤤黃金魷魚嘅鹹蛋味濃但唔會過份地鹹🤤上菜時伴碟嘅彩虹碎亦令賣相加分重頭戲北京填鴨🤩肉質令人滿意👍🏻但作為令人驚喜的是其食法🙈除了一般伴甜麵醬的傳統食法外🤤店家亦發明左以藍莓醬加爆炸糖嘅食法🤤但係藍莓醬的酸味太突出蓋過鴨的鮮味加上爆炸糖的口感🧐進食時覺得有點奇怪🤦🏻‍♂️個人建議傳統較為好食至於其他菜式則擺盤精美👍🏻味道不過不失

今日同老公去裝修典雅、環境超靚既羲和雅苑食晚飯，我們被安排坐四人卡位，空間感十足。羲和有三寶，我們叫左其中兩寶 - 北京烤鴨 (半隻)  & 黃扒魚肚 。除了三寶外，另一必食推介︰宮保帶子球北京烤鴨 (半隻) $328師傅即席將烤鴨片出，分開烤鴨胸皮、烤鴨胸同埋鴨腿肉三小碟上。將鴨胸皮蘸上藍莓醬加爆炸糖，你無睇錯，係蘸爆炸糖鴨胸皮彷彿在你口內跳舞一樣，噼噼啪啪咁，口感有趣又特別﹔烤鴨胸蘸上秘制的芥末醬，秘制醬酸中帶甜，甜中帶點微辣，肉嫰多汁。鴨腿肉幼嫩，油脂十足， 配洋葱、山楂條和甜麵醬，味道豐富。黃扒魚肚 $148 魚肚厚身，配上南瓜羹香甜爽口。花膠足料原味燉湯 $128一人份量的足料無味精燉湯，有花膠、螺頭、雞腳，好滋潤。老上海燻魚 $108燻魚炸得鬆脆可口而不硬，醬汁入味，但有少量骨。宮保帶子球 $228一客有約10隻帶子，爽口帶子被咸辣略帶酸甜的宮保汁緊緊扣住，加上脆口的花生及腰果，辣好惹味。籠仔花膠櫻花蝦海味蒸飯 $148炒飯底吸盡櫻花蝦和蝦乾等海味精華，食落啖啖香甜，但太不覺有花膠.....