羲和雅苑

營業中

休息中

本已較少寫食評，能令我特意寫個食評，必然食物「極好」，否則就係「唔好」。可惜此店屬後者。深信此店主打菜色必然為「片皮鴨」，是次午餐亦應店員推介點了。因疫情關係，今天午市較少食客，用餐期間，眼見約4至5枱客人(後段再多了一兩枱)，每枱點了片皮鴨的客人，師傅均於客人面前或附近即席處理，唯獨我枱偏偏沒有。結果，上枱第3味的所謂「片皮鴨」，尤如一堆零碎鴨肉般。特意問一問店員「為何師傅不於我們只相隔兩個身位旁的木架上處理片皮鴨?」，店員說「因另一枱也是點了片皮鴨，故於後枱處理」。再問一問店員「為何我們的片皮鴨處理成這樣? 不是一片片?」店員無言以對。簡直無可奈何！！！幸好第2味尚算正常，皮脆肉軟。另如非配料/醬料及熱蒸皮搭夠，正體實在失色，枉為主打菜餚。另外點了蒸飯、小食卷、黑松露蠔仔煎蛋等等，蒸飯配料充足，飯份量不多，味道不俗。小食卷香脆可口，賣相/味道可以。黑松露蠔仔煎蛋，賣相一般，味道可以。*特別提一提：入座發覺餐具及碗碟均有塵埃及少污漬*整體而言，食店環境開揚，但未見得景色優良，如食物質素只屬一般，實難令客人有回頭之意。尤幸店員相對有禮(除一位戴眼鏡男士外)。

去開海港城想食中菜，見環境幾舒服就入左去。叫左個鮮蝦海皇泡飯，睇餐牌見佢應該係例牌size就叫左。點知拎到出黎個size兩啖食完。再double check多一次佢餐牌的確無寫明份糧係每位。叫左侍應黎反映意見，對方只係冷冷回應一句「我地既size係咁既啦」。睇餐牌圖片同一頁另一道菜size一樣，卻有註明份量為「一例」。所以「size係咁」絕對不成立。再三反映下，另一店員以一句「唔鐘意可以取消」跟住直接拎走個碗作結。講真，菜的份量的確任由餐廳決定，但只要在餐牌上標明清楚份量，而侍應下單時亦可溫馨提示一聲，這種無謂的誤會便可以輕易避免。出了誤會，卻一副你有你講愛理不理的態度，絕對不是大家對這個價位的餐廳所期望的服務水平。再加上食物水準只可用不過不失來形容，所以好肯定無下次！

就係之前黎過覺得好食，服務態度好先再黎。今次再黎同之前完全唔一樣，人又差無服務，一d禮貌都無，加個水叫4次一滴都加唔到。食嘢又難食左，咩事呢。唔會再有下次囉，有人生日仲要大聲問邊位生日丫，你地有個蛋糕。其實問之前有無用個腦呢

帶子控嘅我叫咗官保帶子。佢落咗好多大蔥，辣椒，蒜頭，同都幾大粒嘅帶仔。 帶子好有鮮味，好厚肉。個樣望落好辣，但 唔係太食得辣嘅我覺得可以接受，撈飯食一流。 呢度餸好味但唔飽肚😂😂😂😂 極鍾意帶子嘅我下次都係會再叫呢首送😜張氏獅子頭係呢間鋪頭嘅名菜之一。 佢嘅size好迷你，大概一份夠一個人食啦。佢有一口飯再加一口獅子頭。獅子頭嘅質地比較林，佢嘅醬汁好好味，餸飯好夾。麻辣海蜇頭同宮保帶子行同一條路線。兩者都係有少少辣辣地。海蜇頭好爽脆。呢一道菜令你越食越想食😋😋😋磯煮鮑魚 住得好冧好入味 ，用好多冰鎮住。海鮮控不妨一試。餐廳仲有賣好多種唔同嘅菜式。有好多我都想試。下次應該會試埋佢地。😎😎😎

幾個朋友相約食晚餐，揀咗呢間中菜館。今次我哋冇試佢個片皮鴨，我哋試咗好多佢唔同嘅小菜，例如有沙律醬大蝦，青瓜，拆肉燉菜，同埋籠仔海鮮蒸飯。全部餸菜都好惹味，好好味。等我每樣餸詳細講一講先。沙律醬大蝦：一碟有好多隻大蝦。每一隻大蝦都好大隻好爽彈。 上面加咗啲三文魚子同沙律醬，我覺得呢個餸用嚟撈飯係一流嫁。拍青瓜： 好惹味！😋😋😋 青瓜好爽脆，酸辣味好濃沃！拆肉燉白菜：好抵食嘅一道菜！用左拆碎嘅肉加木耳加銀川粉加娃娃菜。味道好濃郁！送飯一流！海鮮蒸籠仔飯： 極多嘅櫻花蝦加蔥令到個飯好香口。 飯底有用蛋炒香左嘅飯再加埋切碎咗嘅海鮮粒。總括嚟講，呢間餐廳每樣菜嘅水準都唔差，是但叫一樣都唔怕中伏！ 另外，餐廳環境舒適，大家不妨一試！😍😍

Dinner@羲和雅苑地址: 尖沙咀廣東道3-27號海港城海運大廈2樓OTE203號舖 黎呢到當然要食他們的出名烤鴨啦，記得要打定電話預留定。有專人係你面前切，他們的切法跟平常食的有點不同，不是一大碟上枱，而是十分精巧的分幾碟，分別鴨胸皮，鴨胸肉，鴨腿肉。分開了吃起來真的有分別。另外烤鴨的伴碟是八寶盒的樣子，最特別係有爆炸糖，用來夾埋一起吃😝另外值得一提的是紅燒獅子頭，本身我個人不太喜好這款菜，不過畀佢配果碗飯吸引到，超迷你，馬上打卡😂🤣#羲和雅苑#烤鴨

同屋企人慶祝生日，知道長輩都係鍾情於中式嘅美食，於是book咗呢一間有北京填鴨嘅羲和雅苑，一去到俾個環境震懾左，位於海港城嘅羲和雅苑有無敵大海景。入面嘅裝修陳設都好有北京風味，令人恍如置身係古城入面。1.馳名烤鴨半隻配八寶盒嚟到羲和雅苑,當然要叫佢嘅招牌菜馳名北京後鴨啦，師傅係我地面前表演片皮，有三個部位俾我哋食，分別係鴨胸皮、鴨胸肉同埋鴨腿肉。係唔同嘅部位又會配合八寶盒唔同嘅材料同醬汁。例如鴨胸皮會配最新潮嘅食法：爆炸糖加藍梅醬！食落爆炸糖會喺舌頭度跳舞，感覺非常之新奇。而鴨腿肉就會用最傳統嘅食法，配以特色嘅醬，最可以食到佢嘅鴨味2. 松露豪仔煎蛋豪仔煎蛋就食得多，加埋松露就真係未試過。估唔到松露嘅味都唔會搶咗蠔嘅味，兩隻重口味嘅食材互相爭艷，配搭完美。3. 馬蘇里拉拔絲丸子呢個拔絲食落有陣陣嘅芝士味，配埋沙律醬減輕左佢油膩嘅感覺，好好食！4. 窩燒鮑魚雞粒燜飯呢個燜飯絕對係呢餐飲最好食嘅一道菜！佢係以煲仔飯嘅方法上菜，所以仲好熱辣辣，食嘅時候更加要小心辣親咀。飯嘅醬汁味道好濃，雞粒好滑，絕對值得一試！5. 干鍋菜花食咗咁多肉，梗係要要返兩道菜啦，呢個干鍋菜花係用福花，比起傳統菜花更

好耐冇嚟 羲和雅苑食嘢啦。上星期約咗媽媽 同我去呢度食嘢。我哋叫咗 女士恩物羲和三寶其中一樣：黃扒魚肚。呢個係我地每次嚟都一定會叫嘅 一個湯。 佢嘅湯底係好濃郁嘅南瓜汁。好好味，好重 南瓜味 ， 足料唔係開粉。佢嘅魚肚好大塊好厚身。加埋啲南瓜汁真係好鬼正。由於媽媽想試下佢嘅鴨，我地叫左 片皮鴨加八寶盒， 百寶盒嘅配料有好多選擇，有傳統嘅配料：薑蔥，青瓜，芥辣， 甜醬。亦都有新色嘅配料：爆炸糖，藍莓醬… 唔同嘅配料襯返片皮鴨唔同嘅位置去食。我幾鐘意呢種咁新穎嘅食法。 片皮鴨幾好食，個皮好脆，肉質juicy。總括嚟講，呢道菜絕對值得試下。😋😋😋😋順便講講佢嘅環境，環境好寬敞。對住無敵大海景。可以坐室內或者室外。侍應態度良好，上菜速度快。

今日去咗尖沙咀海港城一間超級Grand嘅中式餐廳食飯，呢間餐廳出名食片皮鴨，我期待左超級耐。我哋叫咗半隻片皮鴨，侍應介紹原來佢有三隻食飯，每隻食法都點唔同嘅醬料。一隻鴨嘅唔同部份都可以用嚟食，好講究。首先可以食鴨頸皮，鴨頸皮可以點藍莓醬同埋爆炸糖嚟食，食落甜甜地而且爆炸糖係脷上面彈下彈下咁非常之有口感，呢一味比較適合小朋友食。第二咪係食鴨胸，可以就咁點芥茉漿嚟食，呢一個食法比較傳統，點芥茉漿比較香亦都有少少辣。配埋鴨肉食落去幾有醒神嘅感覺。最尾一度係食鴨腿肉，新式食飯係將鴨腿肉擺喺皮上面，包青瓜陳皮條洋蔥同埋藍莓醬，連埋皮一齊擺落口裏，食落酸酸味味亦都幾清新。之後我哋都點左啲菜嚟食，我點左宮保蝦球，係我最鍾意嘅一味菜。蝦球用油爆香超級大隻，加埋宮保啲料一齊炒，又香又甜又彈牙嘅蝦球回味無窮。蒜蓉粉絲娃娃菜上碟賣相非常之好睇，佢將娃娃菜排到好似一朵花咁樣散開出嚟，上面有一啲粉絲擺埋落口一齊食，粉絲陪娃娃菜呢個配搭幾新鮮，粉絲嘅彈牙加上娃娃菜嘅甜味，配合得唔錯。花膠原味原味燉湯，入邊真係好足料，花膠一大隻，入面仲有螺肉、雞腳，原隻瑤柱。呢一種燉湯真係值回票價。金沙鮮魷魚，魷魚點上濃濃嘅鹹蛋黃

今晚約埋屋企人一齊聚一聚, 同屋企人食中菜就走唔甩, 今次我地就揀左去海港城食皮鴨, 聽講依間餐廳非常唔錯, 早幾日就打電話黎book定枱。餐廳環境古色古香得黎好有氣派, 間隔成個半開放包廂咁, 私密度比起一般中菜廳高, 感覺舒適。手拍黃瓜酸得黎有辣勁, 黃瓜拍得散索既汁都多d, 好味。馳名烤鴨有專人係席前片鴨, 離遠都聞到鴨香, 望到佢片落去同時肉汁必出黎個下真係令人流哂口水。鴨分為三部分呈上, 店員亦建議左三個部分不同既食法: 鴨皮(藍莓醬+爆炸糖)新奇有趣既食法, 我地都係第一次食爆炸糖片皮鴨, 首先鴨皮酥脆, 皮下個層脂肪入口即化, 然後油香就會充斥口腔, 配上甜甜地既藍莓醬同係口中霹靂拍勒既爆炸糖, 反而將鴨皮既油膩感中和不少, 而且味道出奇地夾。鴨胸(芥末醬+紫洋蔥+山渣條)又一新式食法, 紫洋蔥我中意, 同京葱帶出既香氣不相伯仲,。芥末醬點牛扒就試得多, 點鴨原來都可以, 幾特別。山渣條甜甜地味道唔太重, 如果中意可以加多少少等味道再出D。鴨腿(烤鴨醬+京葱+青瓜+麵粉皮)不能取替既傳統食法, 肥美既鴨腿肉味香濃, 烤鴨醬同京葱既香氣將鴨香昇華, 麵粉皮都抵讚因為做得薄又

終於可以嚟試吓呢度好出名嘅爆炸糖北京填鴨。🤑我哋當然嗌咗最出名嘅馳名烤鴨，我哋仲叫咗其他嘅京菜，包括金銀蛋浸萵筍，乾炸馬蘇里拉拔絲丸子，煱燒鮑魚雞粒炆飯，仲叫咗幾個甜品，我最鍾意薑汁紅棗小桃膠。首先個北京填鴨，好特別嘅就係食上菜之前會有師傅表演片皮，新鮮片好嘅北京填鴨就會連買八寶盒一齊上菜。🤩上嘅同時，店員亦都會講解唔同鴨嘅部位，應該配合點樣嘅醬汁同埋食法：鴨胸皮就配藍莓醬同埋爆炸糖一齊食，鴨胸肉就配黃芥末醬，食落口就會又辣又酸又甜，鴨腿肉就用最傳統嘅食法就係包住薄皮，同山楂條、青瓜、洋葱黎食。😍😍我就最鍾意傳統嘅食法，又可以食到填鴨，又可以食埋其他配料啱晒貪心嘅我。😝至於個乾炸馬蘇里拉拔絲丸子，炸得夠晒乾脆，點埋沙律醬放入口仲有好濃嘅芝士香味。😋另外金銀蛋浸萵筍亦係另一個我鍾意嘅菜式，啲萵筍夠晒爽口，加上金銀蛋，夠晒調味，用嚟送飯一流。🤤食咗咁多熱氣嘅菜式，當然要食下啲中式嘅糖水滋潤返。呢一個薑汁紅棗小桃膠，有甜蜜蜜嘅紅棗，啱晒女士們，亦都有用桃膠整嘅糖水甜到入心，仲有薑汁幫手驅寒，成個甜品真係為女士而設，真係必嗌。😏

慕名而來食羲和三寶，聽聞呢度師傅師承全聚德創左烤鴨新食法，咁得意，所以同閨密們黎黎個提早團年。餐廳望到維港景色架，好正！🐟四川水煮魚（桂花魚） $398，上枱川椒麻味撲鼻，魚肉入口非常滑溜，仲有筍絲、番薯粉，爽口又彈牙。🦆烤鴨半隻$328，有靚仔師傅即席將鴨片皮。鴨頸沾上紅莓醬再沾d爆炸糖，喺口中同比較香脆鴨頸融合，又甜又油香又脆，口感好新奇。鴨胸嫩滑肉質配秘製黃芥辣醬味道酸甜又解膩。鴨脾肉傳統京蔥西芹六必居甜麵醬，新式洋蔥山楂配紅莓醬，我都係鍾意傳統食法多d😝。🦐酸辣油炆大蝦$188，蝦碌好大隻，酸酸辣辣，食得出大蝦爆過再炆，所以相當惹味香口。🐧山藥燕窩羹$118，湯羹味道雖然唔突出，但燕窩份量好多，加上山藥爽脆口感，提升左層次，所以我都幾推介。

大時大節，會想食餐特別少少豪少少嘅野食。起香港好多地方嘅菜都有得食，但我平時食黎食去都係日本野，泰國野，港式野，但啲偏門少少嘅中國地方菜又真係未食過。呢間係由同事介紹，覺得幾岩食吓節日大餐，又幾好坐嘅餐廳。知道佢北京填鴨最出名，我自己本身都好鍾意食，岩晒我了！一坐低就好似酒樓咁，問我地開咩茶，我地揀左普洱。佢唔似外面果啲黑掹掹，反而係幾清。飲落嘅味道都一樣係偏清新，唔會覺得太濃，消滯一流。果然係海港城嘅餐廳，成個海港起晒度，應該仲睇倒幻彩fing long long填鴨係主角，佢都係第一道上嘅菜！呢度嘅填鴨就住鴨嘅唔同部位，有三種食法。勁多配料！佢每塊皮中間都有塊牛油紙隔開，唔會痴埋一舊舊，好細心呀haha呢兩款都係油份比較多，而且燒得好脆口。好彩店員有介紹個食法同埋建議點啲咩配料，如果唔係真係花多眼亂唔知點食。呢兩款都係唔洗用皮包住黎食。佢嘅鴨油味係非常之香，但多餘嘅油都燒走咗，所以食落唔會覺得油膩！呢款就真係傳統嘅填鴨，肉係比較多。個皮一樣係咁脆。我發覺佢嘅鴨肉味係幾突出，即使包晒配料，都唔會蓋過左個鴨味，加上配料好refreshing, 整體味道好平衡。因為個皮又唔會太厚，所以仲

餐廳喺海港城LCX，用座環境一流，可以選擇坐室內或者室外，望住個無敵大海景食晚飯，正！今次就被安排坐室內卡位，卡位寬闊，兩個人坐勁舒服黎羲和雅苑就當然一定要試佢的招牌菜，片皮鴨啦。如果想食片皮鴨，最好喺訂位時同店員預訂埋，免得賣晒食唔到。我地預留咗半隻鴨，落單無耐師傅就拎咗完隻鴨出黎，佢會即場係你面前一切，夠晒新鮮熱辣師傅會將鴨切成3碟，第一碟主要係皮，第二碟係皮加簿片肉，第三碟就多鴨肉，大家可以按照自己喜好揀，好貼心的安排。片皮鴨的配料盒都好多元化，最特別嘅係有爆炸糖，爆炸糖加片皮鴨呢個配搭都幾搭，糖可以化咗啲油，食落幾有趣炸蝦球： 蝦球鮮甜彈牙，加上酸酸甜甜的醬，食落唔會咁滯，推薦榆耳碧綠核桃：榆耳爽甜，核桃炒得好香脆，配埋啲菜食，健康美味獅子頭：細細粒的獅子頭好有驚喜，佢的肉丸炆得好淋好入味，每一啖都好香，又唔會太咸，有肉的鮮甜，又有醬汁的香氣另一個必食的係呢個紫薯燕窩蒸蛋白， 蛋白滑溜，又唔會太甜，加上大啖燕窩，滋潤養顏，女仕必食

朋友係尖沙咀番工, 表示有間北京菜出名食片皮鴨, 仲耍對住海景, 於是搵日收工一齊去食好西原來所講既係位於海港城的義和雅苑, 之前已經略有所閒, 係國內已經開左好多間分店, 源自北京。餐廳近LCX 客運中心, 飽覽維港夜景, 餐廳更有室外座位用供客人用餐時享受海景。一去到門口, 已經被易拉架所講" 會跳舞的填鴨" 吸引, 另外再叫左幾碟小食試下。點完菜冇耐就有師傅到場，原來係會即席係客人面前片鴨， 包保原汁原味， 保持溫度。同時亦有店員附上配菜盤並在旁邊詳細介紹。配菜盤有熱石以保持鴨肉溫度，更有好多特別既配菜，原來內有玄機。師傅會將隻鴨分左做三步曲，第一步係鴨皮，店員推薦皮應該搭爆炸糖及藍莓醬食，不需要包皮。用爆炸糖搭配我係第一次聽，呢個咁有新意既配搭都係第一次聽，估唔到食出黎係咁match， 藍莓加上爆炸糖再加上鴨皮既油脂，令鴨皮香甜更加突出。食落去個刻爆炸糖不斷跳下跳下，果然係會跳舞的鴨。第二步曲為鴨胸肉配秘製黃芥苿醬，可配上包皮食用，包皮十分之薄，每塊更有層紙阻隔，非常衛生。當中黃芥苿醬值得一讚，味道溫和，冇出面既咁攻鼻，有搶走鴨肉鮮味。第三步為鴨背配上山楂條加藍莓醬，亦係我最中