羲和雅苑

營業中

休息中

之前同屋企人食到食過晚飯，今次就帶左朋友黎呢到一齊食LUNCH，，好耐都未食過片皮鴨喇~ 片皮鴨我地兩個人食，所以叫半隻鴨嘅分量就岩岩好，分為三個部份，分別係鴨皮、鴨腿肉同鴨胸肉，有三種唔同嘅口感，侍應叫我地先食鴨皮先，因為味道會比較香酥，而鴨腿肉同鴨胸肉就可以夾埋青瓜、洋蔥絲同醬汁一齊食，非常之好食，如果想有啲新意思，餐廳仲自創左個西式新派食法，就係加藍莓醬、山楂條同爆炸糖一齊食，又係另一番風味~巴蜀口水雞鍾意食辣嘅我地，一見到有巴蜀口水雞肉就已經好想叫，流哂口水，黎到就咁睇個樣都已經好正，辣椒味好香，食落肉質鮮嫩，麻辣味好香濃，雞肉好爽口又新鮮，好惹味，上面灑左好多白芝麻、蔥粒，更加香口，涼拌小菜岩哂而家夏天食~

北京烤鴨由來已久，要在傳統的基礎上創新素來困難，然而此店推出的烤鴨三吃創意十足，堪稱一絕。侍者把鴨分切成皮、胸、腿三份呈上。觀其表：色棗紅，皮酥脆，肉嫩白，上品也。先吃皮，蘸藍莓醬及爆炸糖入口，糖在口內跳動，鴨皮酥脆，鴨油溢出，甘香卻不膩，有趣。胸肉味重質粗，淨食最佳，蘸蜜糖芥末醬，入口皮脆肉膻而實，甜中帶辛，增添色彩。腿肉帶少許油脂，入餅食之最能發揮。五指張開，餅皮放上，肉放食指中指之間，瓜蔥放中指無名指之間，甜醬塗中指上，再以「左往右，下往上，右往左」的方法包成。入口皮脆脂香、肉嫩醬甜、瓜清蔥爽，令人拍案叫絕，欲罷不能；若是生厭，可轉配山楂條、洋蔥及藍莓醬，入口甜酸爽辣，又是另一番風味。

有啲食評話依間中上價位既餐廳係食景，我就半信半疑。。。同朋友試下，點知食落又ok喎，介紹比大家。依間出名係片皮鴨，叫左半隻，佢加埋個百寶閣，入面有藍莓醬同芥茉漿，食法幾特別，我就鍾意點芥茉醬辣，而朋友就鍾意藍莓醬，貪佢夠酸酸甜甜！其他野食都唔錯架，有巴蜀口水雞，又香又辣,配上上面既花生碎,雞肉夠冧，正！牛油芝士焗大蝦，芝士味濃，大蝦有鮮味，呢個價錢，比其他餐廳，算抵啦。燒鮑魚雞粒燜飯，以為鮑魚粒飯一定好少飽魚粒啦，點知又唔係喎！都幾多下架，加埋雞粒都好香，大家一定要叫呢個飯！

話說同朋友喺尖沙咀行完街，咁啱想食中式菜，即刻諗起呢間野。佢位於海港城最入嘅位置，今次都搵咗10幾分鐘😅太蠢了間餐廳係喺海旁邊 所以有個無敵大海景 不過唔好彩就係冇得坐窗口位 無辦法因為冇book位😣我哋點左佢哋招牌嘅片皮鴨，個人認為一般般（因為我鍾意食一啲比較脆身嘅片皮鴨😋）唔知係咪因為佢都擺得有啲耐，所以係林左，望落去冇咁新鮮但係整體都OK嘅，因為佢啲配菜都幾特別又有爆炸糖、梅醬汁！幾新穎嘅諗法😆⋯⋯但係是一次就夠了

星期三晚上同友人共四人飯聚此店, 訂枱要朋友親身去做,因為這店電話自兩三星期前已經沒人手接聽了, 可能同太多人訂枱, 生意做唔切有關, 環境係人氣關鍵之一, 這店有內同露台位可供選擇, 當然現在咁緊張嘅情況底下就梗無得揀啦, 落地玻璃基本上坐裡面或者外面都同樣感受到自然光線, 茶位每位$20 食物方面當然係有片皮鴨半只$328, 以3個部位分開上, 先來頸皮, 件数不多, 皮下脂肪令這片皮特別甘香, 建議沾一種近似洋式醬汁嘅赤色酸甜醬再沾上些爆炸糖碎同吃增加脆口效果, 第二部份是鴨胸片, 主要肉較多, 肉質沒有過頭, 建議沾黃芥末蜜糖醬同吃, 又一種近似西式嘅醬汁, 第三部份係鴨脾, 肉質較有咬口, 建議跟山渣糕及甜醬同吃, 比較近似平時嘅食法, 這樣吧作為新嘗試可以接受, 但同傳統的烤鴨很難作比較, 因為似係洋食多一點, 當然亦明白來這店嘅客人多半就係想試新玩法,其他點的菜式有芥末仙掌$108, 只是一個比泰式鳳爪再軟口感一點, 芥末味溫和一般人能接受,份量的骰!  但當日沒有仙掌只有鳳爪, 但當仙掌換成鳳爪之後價格跟舊, 這有點取巧吧, 因為兩種材料相差較大, 另一個乾炸馬蘇里拉拔

商場有優惠券，大部份的餐廳都有優惠，大家趁優惠券過期前快快使用，餐廳的食物都因此做得有點馬虎。羲和雅苑以前都有吃過，水準比較好。現在只見到廚房不斷狂出烤鴨。餸菜上枱的速度比較慢，往往等埋幾枱先至一齊出，商場的營銷手法很成功，真的很多人出來吃飯，都係果句，半價嘛⋯⋯希望餐廳不要將價就貨

之前打嚟訂枱已滿，職員叫我哋試試walkin 睇下有無機會， 嚟到都係無位 職員見我咁想食， 叫我留電話俾佢去行一陣，睇下有冇無人放飛機唔嚟畀我後補， 等咗一陣間職員就打畀我有得食喇 未入座服務都覺得100分呀先來個開胃小菜，芥末再加沙律醬酸酸地非常開胃 ，蝦的亦炸得爽口終於都等到烤鴨喇， 職員亦會向顧客說明不同的食法此店的烤鴨同一般嘅北京烤鴨食法有少少特別唔同，可謂一鴨三食~首先鴨皮配上藍莓醬及爆炸糖，食法非常新鮮，令鴨皮不覺得油膩。接着鴨胸配芥末醬，此食法散發出濃烈的鴨油味， 非常惹味。最後鴨腿肉用番傳統嘅食法， 除咗正常會有嘅北京烤鴨醬京蔥青瓜外，還提供山楂條藍莓醬。一開蒸籠已聞到濃濃的油香味捲狀的肉餅， 有啲飽肚，食一嚿已覺得很飽

見食評唔差而且有海港城coupon所以就去試吓，食物質素可以的，片皮鴨真係唔差，配料都特別，但服務質素就相當之差，叫左一個金沙扒豆腐，初初過左十分鐘左右話賣晒叫我轉其他，咁就揀左第二樣，之後另外一個又話有返，問幫我地加返好唔好？我話好，又過左15分鐘，再問係咪入左，佢話係，再等，又再過多15分鐘，再追，話整緊，之後再過多差不多半個鐘，我地決定取消，跟住個講廣東話唔正既侍應即刻print張單出黎同我理論，話只係入左十分鐘左右點解追同要取消，話入去睇，無耐即刻就拎左碟豆腐出黎，我堅持唔要同取消，佢話唔得。咁我話叫經理啦！原來之前話賣晒再幫我加返時就係呢個經理，經理知我地等左差不多成個鐘，不過已煮好唔好浪費，話送俾我地食，但我地話等到飽已食唔落，最後個經理話唔好意思送返楊枝甘露我地。今次呢個經驗真係好差，就算食物質素好都唔會再去食。中途叫加水都叫到口攰，叫四、五次先加一次，叫佢又話好忙，態度又差又敷衍。。。去食的話最好有心理準備，我絕對冇歧視，屋企樓下酒樓個啲姐姐都係廣東話唔正，但態度好好，又有禮貌，係估唔到一間尚算高級既中菜員工態度可以咁差姐。

等左5分鐘就有位，當時不用book位服務態度幾好，上菜夠快，服務員會講解食片皮鴨食法。但食物質素就麻麻，完全配不上這個價錢。只能夠講，隨左服務態度好、環境好，其他都麻麻地。食一次夠了，唔會再去。

疫情改善 又可以出街搵好嘢食了。 對飲食十分講究的朋友們選擇了羲和雅苑 ，它位於尖沙咀海港城最西臨海 ， 擁有無敵靚海景。 我到達時看見餐廳門口堆滿了人，幸好我們有訂座， 很快就能夠進入餐廳 。內部裝修優雅， 座位闊落舒適又高私隱度， 檯則有叉電設施， 服務員還借了電話線給朋友叉電叉了三個多小時， 真是很helpful。 我們三個人吃了九個菜， 價錢合理 ，邊吃邊講真是一個大滿足。片皮鴨又香又脆又熱 ， 配上不同配料真是人間極品 。酥炸魷魚有鹹蛋在裏面, 吃上去多一個層次 。宮保蝦球酸酸辣辣美味可口。薑茶小桃膠薑味濃郁 ， 桃膠粒很多 ， 真材實料， 是補身佳品。將來一定要帶家人來吃。 我們的餐單：蝦乾冰草動感豆腐馳名烤鴨【半隻】山藥燕窩羹 宮保大蝦球 👍🏻金沙鮮魷魚 👍🏻乾鍋菜花 鮑魚雞粒燜飯 薑茶小桃膠

前排母親節去咗試一呢間餐廳，訂咗枱可以坐到窗邊位， 一邊望住美麗夜景一邊享受美食。整體感覺好舒服地方又夠大，好適合一家人或一班朋友聚會北京片皮鴨咁出名食烤鴨當然點左一份片皮鴨，有皮同各款配料，的皮都算薄，但食落有點落差，可能我預期太高吧。黑松露鵝肝和牛粒呢味送我不太推介，雖然份量都算多但價錢亦偏貴至於味道方面沒有驚喜金沙鮮魷魚不錯，重重的咸蛋黃味。即叫即炒送到上枱玩熱辣辣干燒魚成餐飯最好味就係呢條魚。炸過之後，皮脆可口，魚肉夠滑加上個汁好開胃，自然飯都食多兩啖😂餐廳食物還好，重點係可以一大班人舒服既坐下，一路傾計，一路食野

地段、裝修、景觀等等，往往決定咗一間食店嘅定位同埋佢嘅食物價錢，呢一間都唔例外，不過真係佩服佢喺呢啲時間仲可以高調地做兩輪生意，晚餐時間喺平日都要限時，而且因為太多人打電話去訂位，令到好多人要親身去訂位，認真厲害，可能因為呢個商場提供食100送50嘅優惠券啦。今晚食咗佢嘅片皮鴨同埋獅子頭，係佢哋舖頭三寶之中嘅兩寶，另外就叫咗個秋葵、小肉餅同埋黑松露蠔仔煎蛋。片皮鴨就食得招積，佢會話俾你聽分開三部份食，第一部份油膩少少，所以配藍妹將同埋爆炸糖，感覺良好，大大減低左油膩嘅感覺，第二部份就用芥茉醬，出奇地夾，第三部份就係傳統嘅片皮鴨，除咗京蔥同埋青瓜之外，仲可以選第一部份油膩少少，所以配藍妹將同埋爆炸糖，感覺良好，大大減低左油膩嘅感覺，第二部份就用芥末醬，出奇地夾，第三部份就係傳統嘅片皮鴨，$328半隻，從價錢角度考慮唔算超級出色，但係都好食嘅。第二寶嘅獅子頭，配一啖飯，個賣相好搞笑，味道正常啦，好在佢個獅子頭相對少肥肉。碟秋葵就最失望，因為比想像中細碟好多好多好多，不過佢嘅汁幾好，用嚟點秋葵又幾好食嘅。小肉餅就真係完全唔啱我嘅口味，我自己就覺得佢太乾身，麻麻哋。最後就係個黑松露蠔仔煎蛋，正

和朋友在Ocean Centre 食dinner，很好吃的一頓中菜，片皮鴨肉汁鮮嫩！八寶盒奉上，更顯專貴！ 美食雖好，仍要有美景扶持，一邊吃宮廷菜式，一邊欣賞維港景色，實是賞心樂事！

因為有coupon去食午餐，已預早訂枱，打電話訂枱半小時先有人接，去到當然訂左都要等啦，大部分員工面黑，一腳踢，接待，聽電話，帶位，執枱都係同一個人做，明白做到忟，樓面唔夠，落但以落單既紋身後生最差，我未講食咩，已收餐牌同想擰轉身閃人，最慘係佢負責講解點食隻鴨，求其到不得了，我完全聽唔到佢講咩，我係香港人，佢唔係講野唔正，係又快又懶音到聽唔到，放餐具聲響好大，仲飛碟落枱，連筷子都飛左落地，但無主動比返一對筷子我地，感覺係去左茶檔或屋村茶樓，sorry,屋村茶樓或大排檔服務可能好過佢地，但佢係海港城囉。環境係好靚，好高級，可惜成個格調因員工降低晒，好啦，講返食物，我地2個人叫左半隻鴨，一個櫻花蝦蒸飯，好好食，夠晒飽，油香滿口，令人回味，最出色係醬料同爆炸糖，就算蒸飯都做得好好，埋單5百幾元，有coupon絕對抵食，呢間服務九流，但我係好回味會個味道，會再返去再食

屋企人鐘意食中菜特登book 左呢間靚海景餐廳食飯餐廳最出名應該就係北京馳名烤鴨我地4個人叫左半份就岩岩好了廚師會係你面前表演切烤鴨眼見師傅都幾好刀功然後侍應會介紹烤鴨的食法烤鴨不同的位置配上不同的醬料和配菜首先食左烤鴨皮先，配上爆炸糖同藍莓醬呢個食法相當新穎有趣食落口感都好特別，屋企人都接受到然後就係食烤鴨皮連肉配上黃芥茉醬最後就係比較傳統的食法配上京蔥、山楂條、青瓜以及傳統醬汁應該是最有層次和口感的食法了牛油芝士焗大蝦超級多芝士亦好入味蝦都算大隻，而且蝦肉爽囗鮮嫩師傅已經開邊，所以好容易就拆到蝦肉食紫薯燕窩蒸蛋白紫薯燕窩再配上金箔賣相睇落已經好高貴好吸引蛋白蒸得好滑好靚籠仔花膠櫻花蝦海味蒸飯冇諗過份量都幾大份而且好足料，櫻花蝦、魷魚等配料都好多但花膠就好像沒有食到的感覺老上海燻魚魚是先炸再燻的魚肉有點幼骨，要慢慢小心點吃整體來說，這家餐廳都幾值得食，而且環境優美。海景位要提早booking ，趁疫情去食，會比較容易坐到的。