群記牛肉圓豬手

營業中

休息中

走入粉嶺有咩好食，好多街坊都會推介 群記豬手門面同內籠都係比較懷舊，沒什麼花巧，但就好多人排隊等食黎碗細牛丸，牛丸彈牙爽口，清湯底好似無咩特別，但就滋味非常，牛味十足豬手麵，碗麵認真足料，豬手堆到滿一滿，骨同肉都有，豬骨吸收了湯底，令豬骨都好美味，豬手骨膠原多，肉都不少，但完全不覺膩口，肉嫩而不老，骨膠原爽口，清湯食出肉味濃郁，味道不俗，36蚊認真抵食呢間餐廳嘅辣椒醬也不得不試，係自家製，辣椒味重而香，絕對值得一試

為咗要食到呢碗豬手,真係要忍耐少少,下午2時半到達,店舖門口有個阿姐話豬手賣晒,要等到3點半先有,如果食其他嘢入面有位,隨便坐,唔怪之得咁少人,嗰一刻真係呆咗,無晒反應,唯有四周圍逛下,到接近3點15分去到,門口已經有條人龍排隊,好彩好快有位.外表平平無奇,賣相又唔多討好,又無色澤,可以話唔多吸引,但食過之後你會被呢碗豬手吸引住.豬手好似白烚,食落覺得有放調味,因為一口咬落去會感到有陣味道,不是羶味,好淡好淡,究竟原意係用來僻走豬本身嘅羶味,還是係一種入味方法,真不得而知.豬手外皮真係好清爽,肉好腍,骨架位,軟骨位置也很容易咬,整碗豬手米粉連湯底都很清爽,美味,絕不油膩,肥膩,豬手處理得很乾淨,肥膏及肥脂已清走,而每件斬得很適中,放進口內咬剛好,再配上店家獨門辣椒油,簡直令人胃口大開,將整碗豬手米粉進入另一個層次,辣椒油不覺得辣,反觀非常香,好惹味,有股鹹鹹香香味,但食落又唔會覺得鹹,好奇妙.

豬手麵小碗($29)住上水嗰便一定會食過或者聽過群記嘅豬手每日11點開門但係12點已經會排晒長龍😱入到去就要自己搵位坐好彩嘅就有位就唔好彩嘅都要等十幾分鐘一坐低佢唔係比餐牌你而係你俾碟辣油你(連我唔係好食得辣嘅都俾佢嘅香味吸引住)😍😚等左五分鐘就有得食佢個豬手真係名不虛傳充滿着骨膠原(女人至愛👩🏻)豬手嘅肉又煮得啱啱好嘅淋度唯一麻煩嘅就係要係啲骨度挑肉食👅豬骨在點上辣椒油更加惹味同上癮其實辣油都不太辣佢嘅辣香味較重#必食food 絕對值得由香港搭一個鐘頭去粉嶺食✌🏼️係平靚正‼️未食過就正係走寶另一個招牌菜就係家鄉炸卷岀面包住嘅腐皮而入面係免治牛肉從來都冇食過咁嘅combination好特別將腐肉炸到好脆好似春卷皮咁脆而入面嘅肉雖然唔係好食得出係咩肉身有小小乾但味道非常惹味愈食愈好味😍😍但由於比較乾身所以淨身個卷會dry啲配埋個麵就啱啱好🍜要食到個炸卷就最好一點前到因為真係好快賣曬即使有貨都要等30分鐘(佢會講等一個鐘😂😅)

路經粉嶺，巧遇有名的群記豬手與牛丸兩個選擇，任君選擇樓面阿姐先放下一人一小碟的辣椒油點了一大一小豬手米、細淨牛丸豬手與牛丸都好吃，吃後也不會感到口渴豬手清理得很乾淨，不會有毛和豬腥味牛丸爽口，但還是汕頭牛丸較好吃最出色的反而是辣椒油，不太辣但很惹味群記的營業時間是上午11時至下午5時45分但今日4時15分豬手已沽清4時30分牛丸也沽清有買趁早整體味道很不錯，價格相宜下次路經粉嶺也會再來幫襯

有時候舊區真的很可愛，能夠立足幾十年的，都是實力份子，粉嶺群記吃了超過十年，水準不單沒減，人流更加是與日俱增，店內名物的豬手更是越來越早沽清。就算是平日的下午，四時半已差不多到了關門的時間，店內依然有大半客人。看來今天交上了好運氣，竟然趕上了最後一碗淨豬手，店員先送上店方一年一次自家製的辣椒油，辛辣輕盈而帶少許甜香，所以個人每年都會外買自用。豬手羶香而富彈性，蘸點一下辣椒油更加惹味，三扒兩撥就連湯也喝了。實在不夠過癮，追加一碗牛丸米，牛丸一口一粒，超方便的，辣油蘸點得要追加。眼見舊區逐漸消失，連飲食文化都開始退走，心中不無感慨，大概多點光顧，讓回憶把味覺留住。

下午點零鐘行去等位，等唔夠十五分鐘，個侍應大叫“豬手賣晒！”，估唔到佢地好生意到咁，因為我唔食牛肉既關係，唯有離開，好就係好在，佢會大叫通知企係度等位既人，如果想食豬手就唔好再等位！之後去到三點幾左右，我地兩試下睇下係唔係咁岩果轉賣晒，定係全日賣晒。係等位期間，我同朋友已經好擔心又會等等下，侍應大叫賣晒豬手，因為等左幾分鐘之後，已經暫停外賣豬手，我地先有機會食豬手米粉（連河粉都已經賣晒）！我地一坐底，就立即叫左大既豬手米粉同大既牛丸米粉。朋友話牛丸十分彈牙，同出面食既有唔同，而豬手我覺得味道比較淡，唔係想像中之好味，不過值得一提，佢既辣椒醬好入味，亦可能湯底同豬手比較淡味，先帶出辣椒油既香味，呢個係值得一讚！

想去聯和墟好耐 今日有幸路過去行番個圈先路經 群記 即刻諗起 馳名豬手米去到黃大仙 冇理由唔求簽即刻入去一探究竟馳名既野一次叫晒豬手米 <- 豬手切得好好 竟切出幾舊淨肉 利害!牛丸 <- 細細粒但牛味濃郁家鄉炸卷 <- 內包牛肉 有特色但唔識欣賞玉泉忌廉 <- 全場只清一色只飲玉泉忌廉 特辣辣椒油 <- 豬手味偏淡 辣椒油又香又辣 有畫龍點睛之效群記搵位 好似舊式酒樓咁自己等位好彩個個食完就走 好快就有位 會再光顧

一有時間就會揸車過粉嶺食群記豬手米，真係好好味，食極都唔厭！今日特登十一點半就黎到，唔使等位，不過都差唔多坐滿，因為如果到左lunch Time就會好多人，呢度係唔會派飛仔等位，係自己企入去等位，所以一多人就會食得好大壓力，要食到好快，要快啲讓個位俾人咁。同埋係冇冷氣嘅，熱天食係會食到流晒汗！不過真係太好味，流晒汗咁食都值得嘅！啲粉麵係有分大細嘅，我地叫咗2個大豬手米，牛肉炸卷同埋細淨牛肉圓。豬手米個湯係青到不得了，好青香！好好飲！唔知係咪用啲豬手煲成，但係一啲都唔肥完全冇油膩嘅感覺。啲豬手好爽好香！豬皮好脆口好爽，食細碗嘅話真係唔夠喉呀！而最重要係個辣椒油，簡直係神來之筆，我本身唔係非常之食得辣，佢個辣椒油唔係好辣，係小辣再加蒜蓉香，加落去米粉同豬手度真係好夾好好食！正到我次次都可以成碟辣椒油食晒呀！肉丸都好好味，細細粒，非常彈牙！而炸卷我就覺得冇乜特別，不過係好新鮮即炸嘅，所以外面的腐皮係超脆，而入面的牛肉感覺好粗，點醋食，都幾好味。呢個成日都好快賣晒，應該係有限量供應。最後加支支裝忌廉，就Perfect 喇！

咁岩來呢便開工，知道呢間好出名食牛丸同埋豬手，三點鐘就來到，但係佢話半個鐘之後先有，所以半個鐘後再去，有位即刻坐低，叫咗碗大豬手同埋大牛丸，餐牌上面啲價錢完全唔識睇叫完門口已經排左勁多人，好彩我哋早入嚟。牛丸果然係名不虛傳，真係好彈牙好有咬口，同埋食得出佢係真係得牛味，唔會加左其他野落去，在點埋佢特製嘅辣椒油，錦上添花，好想買佢嗰啲辣椒油。

係粉嶺群記豬手非常出名，每次食都係人山人海就可見佢幾有名氣。今次專程黎食佢既豬手同牛肉丸，當然一定要配佢專門泡制既辣椒醬。因為豬手米粉或牛肉丸米粉點埋辣椒醬都真係好好食， 辣椒醬中嘅蒜蓉好香。豬手好腍，牛肉丸好彈牙，所以必食之一。

從小到大，我爸就常常帶我去這一間去吃，所以每一次吃下的滿滿的回憶。不過，好味緊係唔關回憶事啦 間野整出黎堅係正! 真心正的!! 所以先會一直Keep住係到食~每一次去吃都係固定叫大丸米加碗豬手，實在係我最中意的配答。彈牙的牛丸，夠林的豬手加上入哂味的清湯，真係一流!!!!不得不提的係加埋群記D辣椒醬加埋魚露(真心講: 一定要的加!!! 會更加香口的!!! )真係勁正! 我唔食辣都勁中意食，但對中意辣的人黎講就未必夠，可能要加多D。環境黎講，對某D人黎講可能會覺得有D亂，但係就比到人老舊的感覺(回憶!!!)，揾位話通常都係有位就直接坐，所以就睇下好唔好彩啦。不過我今次係外賣，所以要等耐D，大約半個中到, 不過都係值得的! 最後一句, 呢間野真係值得食!!

今早食完四眼仔腸粉就去粉嶺坪輋路見客，見完客就梗係返聯和墟食街知巷聞嘅群記啦！十幾年前已經開始食呢度嘅豬手同牛丸粉麵，今日再來懷緬一下個味道。食物選擇十年如一日，呢個係老店嘅特色，亦顯露出佢幾十年來嘅專心制作。店內亦係完全老式零裝修，用緊嘅吊扇分分鐘有幾十年歷史。最令我配服佢地係堅持唔裝冷，今時今日嘅香港人真係工作環境差啲都跳槽，留得住啲伙記真係要俾個叻佢！除左佩服佢地留得住伙記，仲更加配服佢地留得住批忠心食客，我幫趁個陣朝早十一点半，基本上都座無虛席； 試諗下大熱天時食完碗粉，可能連條底底都濕埋。然而，我其實幾鍾意食完麵成身汗嘅大排檔feel。咁耐冇來，梗係要食翻碗呢度嘅豬手牛丸，麵底就要左個生麵，以前我喺度食通常都係叫河或者米粉。叫左唔夠一分鐘，我再加左個牛肉卷，因為覺得叫一碗野食，好似冇乜野寫。先食豬手，同以前一樣，皮爽肉滑！造法唔簡單喎，估計係成隻烚焾，然後啤水致皮爽，然後切細塊，上菜前再用湯翻熱，豬手係餣過嘅，但咸味好輕，佢地唔係想整到隻豬手好似德國咸豬手咁咸，只係想提升豬手本身嘅香味。牛丸就一般般喇，焾身唔彈牙，感覺以前嘅爽口好多。好，到食麵飲湯，食第一啖麵，大鑊！好似𡁻緊

住在北區的朋友們應該知道這間店除了出名豬手，還有牛丸...最近的星期天都會與男友及其友人到處吃喝玩樂..今天他們突然懷念舊時 - 中學時光，便到這間吃過痛快...店內人多的是，冷氣不足但夠風味...*豬手先上，一碗淨豬手大概有5大件；豬皮爽口而入味。軟骨骨膠原10足，多吃有益*大丸米，一碗有12粒小牛丸，10分划算，牛丸彈牙。牛丸好吃不在話下，重點是每人附上一小碟辣椒油，這辣椒油惹味無窮。微辣但充滿蒜及紅蔥頭的香，加在清湯上，滋味10足

笔者搬入粉领第二次食群记，还是不能留下一个好印象，估计不会有第三次了。这次叫了猪手米、牛肉炸卷。猪手米变了猪手面，负责人抛下一句是你自己叫错。算。笔者还是比较喜欢吃南乳猪手(这里卖的是清汤)，比较惹味。牛肉卷没特别。辣椒油也不辣。总括，街坊不用排队吃吃无妨，专登入粉领还要排队的话，有很多更好的选择。

我已經唔記得自己去咗幾多次食群記了，雖然每次等位都超過30分鐘，但係我都覺得好值得，難得係佢哋生意做得咁好，都冇開分店以保持一貫水準，店鋪充滿懷舊色彩，全部用吊扇，每次我同朋友去都會食細豬手米，重點其實係佢個個充滿蒜香味嘅辣椒醬，一坐低職員就會俾碟辣椒醬你，佢地豬手食落口充滿骨膠原，好滑溜，感覺好好，而本身豬手好淡，但加左辣椒醬後成個感覺不同了，好夾，提升晒個味道，仲有牛丸同炸卷都好受歡迎，不過我都係比較鍾意食細手米，建議星期六日早少少排隊否則四五點後就會賣晒