群記牛肉圓豬手

營業中

休息中

Lunch 來吃，咁啱唔駛等。裡面雖然無冷氣，但係天花板嘅風扇令我覺得都ok涼。來到當然要試豬手，想試多樣就叫埋牛丸。豬手牛丸河粉（小）$34- 豬手一半有骨，一半無骨，肉夠淋，又唔算肥，好味！牛丸很普通。細碗河粉唔多，不過女仕食份量算係夠。呢碗粉最好味嘅重點係辣椒醬，加落河粉超級好味，愈食愈熱，下次都係冇咁熱先黎

同家人一行三人由上水踩單車到粉嶺聯和一心去食出名的豬手米黎到好彩開左門! 因為這間店好有性格架, 開門係唔定時,但聽附近的食店的嬸嬸講通常星期三唔開, 想去的朋友要注意啦! 群記環境懷舊沒有冷氣, 雖然小妹身水身汗, 但為左一嚐豬手! 忍下啦! 小妹飲多啖茶, E! 茶幾好味道啵!叫左一碟菜, 細牛圓米同兩碗豬手米同麵, 細的真的好細! 所以建議大家要食飽就要點大的啦牛圓好有咬口, 咬落去D汗湧緊出黎豬手肉好多呀, 骨膠原令到豬手好脆口, juicy, 因為骨膠原關係, 令到米粉都滲出左肉汁!yummy yummy !! 特別推介單車友黎啦!不過係哩間小店, 服務態度就一般般啦....

星期日兔女要返工, 多謝兔仔陪左一個早上, 完成工作後就去左群記, 因為兔仔鍾意食豬手嘛~去到門口諗住要等好耐, 點知一眼關七既兔女見到尾處有半張吉檯, 點解無人埋去既?! 唔理咁多, 食野至緊要!阿姐話豬手要等半個鐘先有, 唔緊要, 叫住其他野食住等~炸卷 - 上檯時個樣有D恐怖, 咬一啖, 裡面好似係免治牛肉咁樣, 但比較乾, 外層腐皮炸過火, 有D硬~淨牛丸(大) - 四個字, 爽口彈牙, 好食!牛腩河(小) - 牛腩係半肥瘦, 好淋好入味, 加埋辣椒醬好好食, 但如果辣椒醬再辣一D會更好~最後係豬手米(小) - 又唔記得影相! 以前兔女係唔食豬手既, 跟得兔仔多, 宜家開始接受左! 兔女試左一件, 好好彩係完全無骨既, 豬手好淋, 入口膠住既感覺好得意! 

搬咗去粉嶺幾個月了終於有時間試吓呢間老字號試咗佢啲招牌菜,果然好好味真係值得一試試咗豬手牛丸河同家鄉炸卷豬手夠林,牛丸彈牙炸卷外脆內軟食食吓見到對面枱有人點牛腩發現牛腩都好靚有機會一定要試!

由於我係一個獨來獨往,唔需要朋友的人,所以成日都可行到邊試到邊,都唔知算是好事定壞事來...本來呢間食想寫好耐,但等了又等都帶唔到人來食,應該都唔知要等到幾時,所以自己寫左佢...話說呢到日日爆滿,買晒就收檔,今日來到,都係爆滿,好在一個人易攝位,呢到好簡單,冇咩裝飾,姐姐見我坐下,就問係唔係食豬手,應該個個都呢味,要了個豬手河加個可樂,豬手不似我們平時叫開的南乳豬手或花生豬手,而是白色的炆豬手,份量好多,好多肉,口感不是淋,是爽口彈牙的,同我估計的有出入,但幾好味,也不肥膩,配埋佢地的辣汁一流,總結服務就無咩,要好努力找位,味道就唔錯,相信喜愛爽口豬手必定會鐘意,其實還有其他特色食物想試,如牛似卷,希望有機會帶到人先再來試..

今日收工同朋友去左聯和墟，試咗間很出名的群記豬手麵！環境很一般，入去要自己搵位坐，叫咗豬手麵同牛丸！平時很少吃豬手，但呢間係超唸超好食，而且勁大碗，牛丸爽口彈牙也很好吃，不過豬手同牛丸都是用清湯煮，如果想有味的可以加秘製辣椒油，也是值得一試！

下午近五時, 見有一半位便入內, 而且友人們很有興趣試, 當中一人來過, 令一人是慕名. 外面天晴炎熱, 裡面沒冷氣的環境, 不敢相信會是這價錢, 心想可能食物超正吧? 無論單併或雙併也是$34/碗, 小的~$28, 照片中的已屬大碗價! 它不是鹵水豬手, 所以不太咸. 特別在多肉, 還以為不是豬手. 不過還是那些夠軟的肉分值最高, 味道調得適中, 可是近蹄的部份就失手了, 雖然皮亦算軟, 但它與骨之間的骨膜及軟骨部份則未夠軟, 或許牙力好的人不覺吧?辣醬雖不差, 但不算極好, 友人還覺略咸, 我則仍接受. 喜歡它的牛丸沒筋, 令口感夠滑. 米粉一般, 不是特別軟那種, 用它吸汁合適.湯底味精不多, 又有肉味, 我有喝掉. 茶夠濃, 因口渴, 索性清掉兩杯, 反正是自助.牛肉春卷已售罄.裝修是保留著數十年前那種, 大概是只作清潔, 沒有換掉. 頭頂用吊扇, 怕熱的人在酷熱天氣去未必受得住, 或許這是今天只有一半人的原因吧? 不過我是首次來, 以往此時段是如何人多我不知道.

老店豬手米話說之前答應友人要帶佢黎食群記豬手米，當然唔可以失約，只好在酷熱天氣警告底下去聯和墟食啦！到店看到客人不多，同平時不一樣，馬上就知道原因，豬手剛賣完要等30分鐘～心諗⋯咁熱去邊等⋯咁唯有叫飲品坐底等，友人連午餐都還未吃，所以我們先點了一個牛丸米，牛丸沒什麼牛味，味道尚可，但沒有驚喜～米粉同湯加上特製的辣椒醬，當然還不錯！等了30分鐘，豬手米終於上場了！我們再點了一碗大的豬手米和小的豬手米～豬手很軟，咬得開，有咬勁～不過千萬不要想像是入口會溶化的那種！而是很有咬口、很入味、很有風味～再加上特製辣椒醬，超級美味！大概係一半帶骨、一半去骨的豬手～大碗同小碗感覺好像沒差很多～吃一碗小真係唔夠飽～後來到的客人排到出門口～果然招牌還是豬手～牆上舊式茶餐廳的價格牌，其實我真的看不懂吃完友人已經在期待下次再來吃⋯哈哈～不過群記真係食到流曬汗⋯好像無冷氣的店～

我住附近同想食炸卷,所以10:50落樓排隊,一去度果然已經有10個8個人等開門,一到11點開門時間就衝入去叫我至愛牛肉炸卷(好香冬菜味),同大丸(爽口)米(點解唔叫出名嘅豬手,因為我一個女仔又叫炸卷又豬手會食唔哂囉), 哈!果然不出所料,11:10已有人大叫,炸卷要等幾個字...好在我早叫姐.嚟呢度一定要試佢地自製辣椒油,唔辣但好香口,同牛丸簡直係絕配,好多人都尊登買走,辣油一碗$110蚊仲唔係成日有得買添.

於下午12點食，超多人的，不停有客等位。但這店應該時時刻刻都係超多人，賣哂豬手就關門。全店食物款式只有豬手，牛丸，牛肉炸物，牛腩，同菜賣。這店賣點只有豬手配辣醬（價錢十分抵食，大碗30元，以下相片是大碗淨豬手)。其他都係一般。牛肉炸物內餡好鞋，不好食。牛丸米十分普通，完全無特別。而湯底feel到似味精湯。豬手最正唔係食肉，係佢又Q,又彈口的豬皮。正到爆。比時食開係鹵水豬手味道會較重，但這店是白色豬手，鹹味剛好，不會太鹹。再配埋辣醬（好香，不是太辣)真一流。豬肉方面都算淋，當然有啲會鞋口（成舊肉果啲)。 這店只有風扇，無冷氣。因為免得客人食完仲坐係度。因為人流真係超旺。係會熱啲架啦。但為左食豬手，個個都會將就下。而且店內舊舊地，保持佢特色。 菜式只有咁多。

甚少踏足粉嶺，當天參加了「馬寶寶有機農莊」的導賞團，原來農莊與聯和墟只是兩條馬路之隔。中午是自由的用餐時間，老公跟我別無他選，因為三年前在給「群記」的食評裡，除留下了滋味，還埋下了伏筆！別來無恙的「群記」，依然是人山人海，舖外的人在等外賣，舖內的人在等吃、等位和專注於美食中。我們當然是等位，兵分兩路，老公率先等到一張三面的四人檯，由於這檯一面已靠牆，剩下三面讓四人分坐，雖有點劑迫，但總算是可以坐下來。剛坐下已聽到侍應在喊：「只剩牛丸和牛腩。」！有些剛進的食客聽到，立即回個頭便離開，我還是心靜如水地坐著不動，想想伏筆可能要逾期才能完成！落單後，男侍應隨即送上兩小碟辣椒油。「群記」的辣椒油是以香甜為主，辣度輕微，相信愛它的人就是為了那股如磨豉醬與秘方混和所溢出的香氣和甜甜的味兒，雖然刺激度不高，但則富有特色，相信非獨有的話，在香港也難找到類同的了！我要了細的牛丸米。「群記」湯底的韻調簡單，就是一點點的鮮味夾雜輕鹹，入口暢順，襯托爽口的米粉，感覺撲實。而著名的牛丸，則以爽口幼滑、透出自然牛香見稱，雖與我喜歡粗丸的質感、風格與口味完全不一樣，但各具優點，各有捧場客。老公要齊了當時僅有的牛丸和牛

來到粉嶺聯和墟覓食，總是會想起三家餐廳，群記牛肉圓豬手便是其中一家。小時候家父常帶我們來食，以前在周末下午總是摸門釘，假日不開市，而且豬手一賣光便收舖，這是從前的群記。現在第一輪豬手賣完，等兩小時便再有新鮮出爐。又多了一個到訪的理由。豬手麵當然是必選之列，豬手煮得軟硬適中，豬手皮很好彈性，食起來一點肥膩也沒有，而是啖啖肉的美味。我這天點的是豬手米粉，米粉剛好清爽，更突出豬手的原味。來這裡，其實第一個上菜的，不是油菜，而是一碟辣醬。這碟讓人愛不釋手的辣醬，輕輕的麻辣感覺，而且辣油相當香，用豬手點上，不但提升了豬手的鮮甜，更讓人不禁食多了。牛腩煮得很入味，牛筋彈牙，想多食一口又一口，甚至把湯喝了。

我個標題一啲都冇誇大! 食過嘅人都知佢地有幾咁出名，不過出名嘅同時你面皮薄啲都會食到一肚氣，因為環境麻麻不特止，態度都真係可以好衰下... 不過佢真係太好食!! 你試一次隨時就返唔到轉頭囉~我同老公每人叫咗一碗豬手麵，佢啲豬手一啲都唔肥，唔似出面食果啲咁油。每碗都有好多舊豬手，一骨同無骨各佔一半，真係好好食咖。唔可以唔介紹佢個辣油，我從來都唔食辣油嘅都不過黎到呢度都係咁 refill! 只可以堂食唔可以買咖!提提大家佢啲豬手一日出兩轉，十一點同三點半準時開賣，想食一定要準時，我地好多時三點九黎到都已經賣晒。三十幾蚊一碗唔算貴，想食就要碰下運氣啦~!

是日元旦，新一年相約一起去鶴藪走走，本想去上水食好味多料紅豆冰，但星期四廣成係定休日，唯有返返去粉嶺捃食，友人就建議到聯和墟­捃食。在OPENRICE找到位粉嶺聯和墟­人氣最高既 群記牛肉圓豬手，友人說這家小店勁多人，成日要等位，但反正諗唔到其他，試下2015首日的運氣吧！泊好車，一行3人入店捃位，大約下午1點45分店內有8成既檯後也有人等緊，超爆滿；店子簡樸本想試家鄉炸卷，但聽到賣晒等了唔使10分鐘有兩個位，食緊野位太太好好人，叫我地坐住先同提議我地叫定野食，一陣就讓個位比我地; 感恩運氣也不錯  .  一張貼牆的方檯，每邊都要坐兩個人其實都幾迫坐底店員即刻比咗三碟辣椒油我地，聽聞都幾辣，所以我無試；分別叫了一碗大手麵、一碗大手米、一碗細手米，另加一碗淨細牛丸同一碟菜SHARE牛丸有點似豬肉丸，無乜牛味又唔彈牙，好無特別大手麵 ~ 豬手的數量比細多兩三件左右 ，食得辣應該點D辣椒油味道會有所提升細手米 ~ 豬手算多肉、皮同肉爽腍，若多D筋就仲正離開時，店外已有一堆人在等候入內

香港很多傳統小店都因為租金問題而 一間一間的關閉，又或是因為客人的關係而改型，把獨有舊版的氣氛都刪去。例如香港人喜歡冷氣，喜歡乾淨，喜­歡服務好，就把店裡原本有的特色改變，變了一間又一間店名不同走進去卻每家都差不多的食店。這一間在聯和墟­的豬手店，有著藝術家的脾氣。突然有一天不開，你踢鐵閘也沒用。豬手賣光了就是賣光了，你多傷心店員還是不­改臉色的望著你。菜單只有兩三樣款式選擇，牛丸豬手麵，你想要吃什麼雲吞貢丸的話就不要進去。店面舊舊的，­要吃就走進去自己找座位，吃完就走。可是，它有的就是坐滿了客人的情境，你就知道它的東西有多好吃了！豬手的肉軟軟的，但不會太油膩，牛丸彈牙的程度真的讓你驚訝非常，總是看到客人一碗一碗的全部吃完。傳統的­店就是有這種情懷，在這些傳統店都要關門之前，好好珍惜這一份屬於香港舊店的脾氣吧。