群記牛肉圓豬手

營業中

休息中

朋友住喺粉嶺介紹我聯和墟呢間群記好出名，成日都爆曬好多人嚟食， 咁啱過開嚟新界區於是走咗個來群記試下去咁出名嘅豬手。 真係好唔好彩喇，佢哋實在 太多客人 太好生意， 我一點鐘去到 ，一入到門口夥記已經講話豬手要三點半先有 而家已經沽清啦。咁冇計啦唯有試下去其他美食啦， 點咗一份 家鄉 牛肉 炸卷， 外層都炸得幾信除不過就乾咗少少 ，有啲似牛丸嘅味道， 不過不失啦。另外點左個 牛腩牛丸河 雙拼， 牛丸都幾大呀牛肉未夠曬濃， 不過就稍為細粒咗少少勝在 份量夠多。 個牛腩就一般啦有點韌， 炆得唔係好夠腍。湯底都幾清 唔會好肥， 如果佢個辣椒油 再辣啲會好好多 ，同埋 有枝醋供應下會更加開心囉。

去到聯和墟 ，梗係要試下群記嘅豬手啦 ! 我哋星期六大約一點三去到 ，人山人海， 要自己等位 ，好彩等咗大概15分鐘已經有位。 三個人， 全部食豬手 ，一個大豬手河，一個大豬手粗麵 ，一個大豬手米， 另外仲叫左一個大淨牛丸， 一碟牛肉炸卷，另外 一支玉泉忌廉， 一罐可樂 。啱啱開始食就聽到伙記大叫豬手賣曬 ，要三點半先至再有 ，好彩嚟早少少。豬手真係冇得彈 ，肉嫩，啖啖骨膠原， 一啲都唔肥， 我連湯都飲埋 ，牛丸彈牙好味， 食豬手同埋牛丸最緊要配埋辣椒醬 ，食曬可以自己出去再加。至於牛肉炸卷 ，係幾有特色嘅， 不過唔夠豬手同牛丸咁驚喜。埋單$200有找，會再嚟呀!

尋日家姐SEND左啲群記豬手相比我媽咪睇，勾起佢條癮😂而自己又未試過，所以決定今日LUNCH陪佢去食😎去到正值係大家既LUNCH時間..十分多人..等枱都等左三個字😵一坐底就即刻叫左兩碗大豬手米($38)、一碗細牛丸米($33)、一個炸牛肉卷($38)同一碟蠔油生菜($10)大豬手米豬手好腍，味淡，佢既精華係個辣醬度，唔點辣醬真係好一般🙄細牛丸米本人覺得同普通街市買既牛肉無乜分別，唔覺話十分彈牙😔炸牛肉卷新鮮炸出，腐竹包住碎牛肉，煮完之後先拎去炸。外層腐竹炸得香脆，裡面既牛肉仍然保持有肉汁唔乾，而且牛味好濃😋再配埋辣醬，變成今餐最好食既食物😍如果唔係特別想食豬手既話，其實可以外賣走因為呢度最大問題係，要客人自己行入舖頭搵位😠舖位已經唔算大，路又迫又窄，每張枱都有人企係隔離等位，食客又有壓力，等既人又成日要讓職員行。點解唔派籌同叫食客係門口排隊呢? 🤔懷舊唔係咁懷囉，危險咁嘛..😢

今次是第二次拜訪這間馳名豬手牛肉丸麵店，記得上次是暑假時去的，店內沒有冷氣，人人都吃到身水身汗，背後還有一大堆人在等位，令你也不好意思久坐，一吃完便轉身埋單。今次專程二月去，天氣還冷，可以吃得舒服啲，入到去，要自己找位，巡了一圈，看看那一枱快吃完，便企在後面等，大概十分鐘，終於有枱，坐下來，啊姐便放下辣椒醬，如果要添醬，要用自己隻碟行出去添。大豬手米（$38）整碗米粉上放滿豬手，份量十足，豬手炆得剛好，不太稔也不靭，湯底清甜，最重要是辣椒醬，令豬手味道更上一層樓。小牛丸米（$26）牛丸小小但很彈牙，牛味很濃，後悔叫了小牛米，下次要吃大牛米！

粉嶺聯和墟，地方唔大，但就有好多小店，站時都仲未被連鎖店攻陷.由細到大都係聯和墟長大，到近幾年先搬離粉嶺第一次食群記都係8年前嘅事，今日見時間鬆動就揸車再黎食過.呢間麵食，長期都要等好耐位加上係正投注站隔離，賽馬日就會更加多人.第一次黎嘅人可能會唔慣，因為佢係自助等位，企係枱側跟等人食完補上位今次等左10分鐘左右.習慣2個人黎食就會叫 細手河2個 加碗大淨丸記住要食佢地個辣醬，點牛丸豬手不得了會上癮（通常我都會自己過去再加醬）牛丸好彈牙，好新鮮 豬手夠稔加埋枝忌廉就perfect啦！.埋單$110 雖然唔算平，但勝在夠地道夠街坊如果行過嘅，都一定要試下

周末家庭樂郊遊完畢，齊娃娃建議下午茶後才散隊，穿越大街小巷找吃，本人總有些點子，簡單吃碗粉麵是最佳選擇，於是提議群記豬手。當時已下午三時多，以經驗而言，已有充分心理準備，招牌主角豬手應該已售罄，來到果然只餘下次主角牛丸可點，粗面、幼麵、米粉... 依然悉隨尊便，點一檯五碗清一色牛丸粉麵。身處街坊馳名的老店，選擇一點也不多，但總想起一句說話：簡單的事重複做，重複的事用心做！才能保住招牌，簡單有簡單的好。對牛丸沒多大的要求，只知道牛丸繼續彈牙，便足夠 ... 配以該店自制的辣椒醬油，兩者互相融合，才算得上完整的味道一如貫徹，來此處光顧，也要有心理準備，別期望在此處，能感受到親切的招待服務

今次第二次食，上次平日五點來食，食唔到家鄉炸牛肉卷，今次星期六午餐時間來到聯和墟，依舊滿坐，但好快搵到位搭枱上次食個細豬手米粉唔夠喉，今次就叫咗大手米，仲有炸卷(牛肉)，同郊外油菜。一坐低亞姐就會每人派一份辣椒油，呢度自己調製的，好香又唔會太辣，加入豬手米粉係好正，唔夠要自己添加，我自己唔係食得好辣每次點小小，但我見到好多人都會添幾次。一碗大手米基本上豬手多個米粉，豬手咬落去已經feel到好骨膠原嘅感覺，味道剛剛好唔會太咸另外自家製炸卷，好正，份量都幾多食完之後勁飽

聯和墟群記豬手，食過好多次，發覺原來從未為它寫食評，原來是聯和墟食評之首位，就湊湊熱鬧，快快寫返個食評。因為住得近，近來多左想食群記豬手。但都唔係話，你想食就有得食，自己就試過好幾次無得食，住得近，屢敗屢戰，無所謂，慕名而來的開飯食友，想一擊即中有豬手食，不單要注意營業時間，還要特別留恴有豬手食的時間。營業時間--11:00AM-5:45PM我有好幾次，也試過碰叮，無豬手食:1)星期天的約下午1:15PM，到群記外賣豬手給家人吃，眼見有豬手，但店員說不可外賣，只限堂食，當時深感奇怪，是否星期天不設外賣? 但在之後的另一個星期天，約11:45PM，也是買外賣豬手，這次成功了，等了20分鐘便可取了。暫時也不知外賣時間，但猜想店員是視乎當天豬手量和人流決定可否外賣的情況吧。2)有2至3次，1:30-2:00多到，都係聽到:"豬手賣晒，只有牛丸、牛腩"，有時無豬手，我都會失望地掉頭走，等下次再去。3)有次接近4:00PM到，快快手叫碗大豬手米，當豬手到枱時，又聽到豬手賣晒，心裏暗爽，真係好彩。4)最近一次碰叮，就在年二十七辦年貨，又想食群記豬手，點知收爐了，要等到初十二先有得食。碰叮數次之後，

見到好多人話群記豬手同牛肉丸好味，今日一開鋪就去買，排隊都唔洗✌🏻️叫左一份豬手同一份炸卷。炸卷- 好味，而且炸得岩岩好，唔會太脆，仲可食到牛肉原來既質感，好香牛味👍🏻豬手- 係好諗，但係勁重豬騷味肉係好似咸豬肉，即係用鹽醃左一段時間既豬肉，食左一舊已經唔想再食至於備受熱捧既辣椒醬係超普通，單夾黎食仲有陣苦苦地既味🤔

讀書時期以後，都好少踏足新界，更何況係粉嶺上水等邊界地方。群記豬手，馳名港九，早排入到黎粉嶺踩單車，終於一試。平日中午時間都坐無虛席，好彩只係等左五分鐘。叫左一碗牛腩麵同豬手河。牛腩麵屬中上水平。大大舊牛腩，夠稔夠入味，麵質彈牙，腩汁唔會太濃，一味死咸。不過當我試完朋友既豬水河，就好後悔點解無聽話一齊食名物。估唔到豬手有呁多肉，而且肉嫩又有咬口。豬皮唔會好難咬開，食落彈牙又啖啖骨膠原。再加埋特製辣椒醬，十級惹味。群記實在令我從此對豬手改觀，可惜住得太遠。希望老店可以繼續維持落去，等我以後可以再食，哈哈。

群記豬手，粉嶺名物，區內無人不知。要食到呢款夢幻豬手，都要講啲緣份。大時大節，東主有喜，出門旅行一律唔開的。午飯時間等到喊，針插唔入一位難求。避開人潮晏啲嚟豬手好快賣晒，所以要專程揀個王道吉日，較啱時間先好嚟朝聖。 是日打電話嚟確認有開，午市剛過，入嚟碰運氣，行正好運，全院滿座之下，唔使等有張三人枱。老店自有人情味，熟客都會體諒老闆，自動自覺食完盡快騰空坐位比舖頭做生意，唔會吹水霸枱磨爛蓆。我哋都識做，坐低即嗌嘢。 懷舊味道，瀰漫整個空間，而家已幾乎絕跡，連酒樓街市都棄用嘅花碼字，竟然重現群記嘅價目表，老店守住嘅，除咗味道，仲有中國市井文化。舊舖自然有舊裝修，店內陳設可謂簡陋，而且燈光昏暗，得幾枝光管照明，但有好嘢食，客人又點會介意呢啲細節呢？ 自家製辣椒油(免費，無限添食)肯定係鎮店之寶，有傳統潮州辣椒油嘅香辣，入口剌激，嗆喉而不攻鼻，不少客人都為佢而嚟。所以店家每位客人都奉上一小碟，如果唔夠食，老闆亦大方任食。但引述成日亂噏嘢嘅成龍大哥一句金句。佢曾經同成家班語重深長咁講:「食嘢，更貴都唔緊要，最緊要食得晒，食唔晒，就係嘥，會折福嘅。

群記豬手米@粉嶺聯和墟😋😋😋個辣椒油係混合咗豆瓣醬的😏☝🏻大碗版$36個湯清清地但又幾好味，豬手爽口 (配辣辣油一絕)，米粉夠大碗，足夠飽肚😎👍🏻

黎粉嶺大家會想起群記豬手～ 其實QT都住粉嶺～群記嘛想幾時食都得～ 但食豬手我都係愛食中要玉葉嘅大鹵水Q軟皮肉軟軟嘅豬手～ 群記嘅豬手係做淡胡椒鹽水口味，口感為爽口。但QT的確覺得佢地嘅手打牛丸好食😊 而且一向佢地嘅麵質都好爽口唔會過軟過硬都唔會一大陣鹼水味，份量都大碗！今日經過來碗雙餅啦😊$36 地方依舊人依舊，就是味道有丁點唔同左。可能舊日嘅某種東西沒了逼著要變～ 但我覺得食群記係食份人情味同懷舊嘅味道

想買群記出品嘅豬手,可惜啱啱好賣晒,於是買咗碗牛肉丸,呢度係區內老店之一,人氣幾勁,當日店外就擠滿等候入座嘅人潮,不過外賣就唔洗等. 牛肉丸爽口彈牙有肉香,食得出唔係用麵粉之類填充物充數,湯底濃郁但冇重味精感.如果咁啱去開呢頭嘅話,買嚟食吓都可以,不過又未至於值得花時間去排隊.

又係食中午飯的時候，一個人在粉嶺突然想起朋友介紹的群記牛肉圓豬手，決定今日試一試。一去到嘩！真係好多人，好彩是一個人，所以等了十分鐘左右就有位了，坐下立刻叫了出名的豬手牛丸雙拼河。原來這裏的豬手河和一般食開的很不同，一般通常都是用南乳和其他香料來炆的所以顏色比較深和腍，但這裏的做法卻有所不同好似清湯腩那樣，是原色原味，湯有很濃的豬味，而且豬手比較硬身很有咬口，牛肉丸十分爽脆彈牙，還有佢地啲辣椒油都是一絶，簡直有畫龍點睛之效，絕對直得下次再來😋