群記牛肉圓豬手

營業中

休息中

今日來左群記🙌🙌食豬手🌈🌈食過咁多次都係咁好食😃👍🏻無變過！由細到大都係咁好食ah！今日叫左兩碗牛丸米，兩碗豬手，牛肉炸卷👍🏻牛丸彈牙多汁重牛味👍🏻👍🏻👍🏻豬手好多，好抵平👍🏻👍🏻👍🏻👍🏻牛肉炸卷，好重牛味好多牛肉超足料👍🏻👍🏻👍🏻真係超正👍🏻👍🏻👍🏻牛丸米個湯底超重豬骨味👍🏻👍🏻👍🏻👍🏻米粉好多，一個人都食唔哂👍🏻👍🏻👍🏻真係又平又好食，唔食對唔住自己呀媽🤤🤤

今日下午我們喺粉嶺附近做完嘢之後，諗著喺周圍附近搵吓有咩好食？行到去聯和墟嘅聯昌街見到有間食店係有好多人喺門口排隊等位食嘢，當時已經係下午3點幾差唔多4點，我們就心諗究竟係咩食店有咁多人都想食？行到去就見到呢間叫「群記牛肉圓豬手」，係食牛肉圓同豬手出名嘅，所以我們就決定入去食下午茶！不過原來企喺門口等嘅人客係買外賣，至於堂食嘅話，就要自己搵位同等位，等咗一陣終於有張超細嘅兩人檯，雖然我們當時係得三個人，但都要勉強「逼逼地」坐著先！原本我們諗著叫晒幾款招牌嘢食，但店員話原汁牛腩已賣晒，所以我們叫咗爽口牛丸米粉「大」嘅牛丸份量超多，有12粒咁多，雖然唔算係好大粒，但質感就相當爽口彈牙！美味豬手粗麵/幼麵「大」嘅豬手亦都係份量十足，因為係白灼嘅關係，所以唔會有好油膩嘅感覺，而且肉質好爽滑鬆軟，特別係豬皮嘅質感非常煙韌彈牙！不過最令我們覺得欣賞同讚賞嘅係他們自家調製嘅辣椒油，味道極之惹味醒胃，真係超正呀！

今天去粉嶺拜山，咁遠入到去當然要吃粉嶺出名的豬手和牛肉丸。未行到去，已見到門外站了很多人，一問才知他們是等緊外賣。堂食就要自己搵位，企在人家後面等枱，一見人哋起身，馬上坐下。環境其實真的幾惡劣，最慘就是冇冷氣，得幾把吊扇吹吓，食到大汗疊細汗。大豬手米粉$39-豬手有很多件，而且入口爽彈，食落唔覺肥膩，湯㡳很清甜，好食又扺食。大牛丸米粉$39-牛丸細細粒，但又很爽囗，而且都有十一粒，米粉亦很爽。辣椒油-坐下阿姐會派每人一碟，食完可以用翻自己隻碟添加。

如題，再加點樣留客！只是一間小店，實被淘汰。我要8位，冇喎，自己搵啦，好明入面有人出緊嚟，唔願做咪出聲，做衰香港人就是嚟啲態度。啲人入去食係附近冇，聯和墟出名，嚟間係出名差囉！

今日一做完gym就同表弟黎群記食野（第一次黎）但未夠十二點已勁多人，等位係以古老的方式企在食客後等，好耐無試過咁。等左差不多十五分鐘，兩個人點左出名的豬手米，我點了較少人叫的牛腩麵仲有牛丸加炸卷。表弟話一定要食豬手，我試了一些，味道不錯，佢仲強調一定要點辣椒醬，雖然我個人唔係好食得辣，但我個人認為一定要食辣椒醬，跟平常食的很不同，但唔知係咪太多人，我個人認為炸卷的樣，無想像中咁靚，但我平日的確很難食到。今次二人食到超飽食左$160左右，仲要係表弟俾錢，真係正宗的霸王餐

途經一家貌不驚人的老店，見到豬手牛丸的物體，又豈能抑制本丸怪的可能，出動是沒有錯的~~小人奇怪的是為何明明是牛丸，卻又要叫做牛圓？於是叫了一碗乾淨牛圓，吃下果然非同小可，粒粒大顆不特止，還要是超級爽滑彈口的，真的較一般粉麵店的牛丸好吃千萬倍！湯底不油，卻也太清，未喝到甚麼精華，至少無味精是的吧。辣椒油亦是一絕，少辣有油香，趁牛肉圓一流，吃罷如要再添可自行添加，方便之至，豪不吝嗇，是小人最欣賞的地方。因為要嚐到牛圓的真味，小人只輕取兩碟辣椒油而已！^_^

住係粉嶺既人都應該成日食，我都食過好多次，但食評就第一次寫，牛丸超正超彈牙，我自己食一碗牛丸面都要另外再叫多碗淨牛丸食先覺得夠，我個人就覺得店鋪另一招牌豬手就麻麻地，我覺得唔係好有味，所以食過一次就無食，次次都係口牛丸就算，另外推介食既時候一定要落辣油，味道陪加分，不過呢間鋪好早收，建議朋友早D到吧，不過長期都要等位，有時忙起上黎無人會招呼你，好似去麥記咁你要自己企係人地張枱隔離等位坐，除左呢點係最唔好。牛丸係好食既！

以前讀小學屋企人已經成日帶我去食，咁多年後味道依然不變，保持水準！群記大多數人會推介牛丸 豬手 同埋加佢既秘製辣醬食但我咁多年食群記既經驗黎講！佢既炸卷先係必食！炸卷佢會不定時咁出，賣哂一輪就要等多30分鐘左右先再出，有時佢會因為費事你係到霸住張台等野食而同你講冇哂，所以去群記食炸卷要睇彩數，但12點左右去食多數都有，1點後就難等d炸卷係腐皮包住免治牛肉既炸物，外脆內軟，非常香口！難得去到聯和墟既話可以試下！不過夏天就會熱左d，冇冷氣可能會食到出哂汗

問粉嶺人去粉嶺食野有咩好介紹？ 🤔 我相信 “群記豬手麵” 會係其中一個答案。 成日都會出現人山人海 🌊 因為得2段時間先有豬手， 有機要黎幾次先食到豬手，真係先到先得啦！2段時間分別為太約11:00am同3:30pm 豬手有2個份量 （大：38）（細：33）今次小胖子叫了大豬手米。豬手入口即溶，個皮好彈牙。豬手可以補充骨膠原對皮膚好也 一座低就會有一碟 “自家製辣椒油”，好香有點似⒳⒪醬。辣椒油同豬手好配合，更突顯豬手既鮮味*****可以辣既人士，一定要加 “辣椒油”🤤 小食辣既人士不防也試下😉*****

食完一餐飯，但係就唔係好飽，於是就去到聯和墟群記諗住食碗牛丸，仲係細就算數，群係一間老字號嘅粉面店，主打係豬手同牛丸仲有豬肉丸，而我就比較喜歡食牛丸。唔知係咪好耐冇黎。餐廳感覺上好似小人左。呢間餐廳保留着7.80年代風格。個餐牌嘅價錢其實到今時今日我都睇唔明， 同夥計要左一碗細牛丸。細都有成8粒咁多，例牌會附上辣椒油。牛丸店上辣椒油味道幾好。但牛丸個湯底呢幾年係唔係用得好多味精？感覺味道好唔自然。湯裏面仲有豬手嘅渣？一個好奇怪嘅味精湯。＄32。尚可接受。如果想懷念下7080年代風味，絕對可以去試吓

是日陪母親大人到北區醫院覆診得悉一直擔心嘅事暫冇急切危險，一直檢查觀察便可咁就直接搭巴士去聯和墟群記慶祝下由於群記不定期休息，為免摸門釘最好打一打個電話問下先經典辣油，一開始會比一碟，食曬可以出去自己添辣又唔係好辣，但係有蝦米香Lilo同釗哥叫咗大手米，豬手份量勁多，覆蓋全個碗，釗哥話豬手同豬腳嘅分別係豬手比豬腳多肉的而且確呢道用嘅豬手啖啖用我就叫咗細手米加剩牛丸，牛丸爽滑彈牙！正細手米份量都唔少㗎呢個炸卷真係日日期間限定，十二點半就會賣曬牛肉中間夾住佢最好嘅朋友冬菜外皮炸到好香口我哋仲買咗一個大手行街夜晚食不過夏天食就辛苦d,冇冷氣

最簡單既食物，要煮得好味，令人食過會記住，會回頭既，真係好難，但群記的牛丸米就成功令我再回來吃。群記門外擠滿了外賣和等候入座的人。地方不算大，典型的粉麵鋪裝潢。餐牌，花了好一陣子才看懂的外星文字。最後，點了一碗大牛丸米，外賣回家吃，這是我第二次吃群記了，39元雖不算便宜，但十分足料，成功令我記住的味道。於是，在眾多粉麵鋪中，還是選擇光顧群記。每碗麵都有12粒牛丸，剛好塞滿外賣碗，整齊的模樣，看著療癒。牛丸米嗅著有一股牛的味道，相信來自湯底，經過淆製的牛骨湯，牛味香濃，牛丸爽口彈牙，無筋不痴牙，米粉爽滑不會太腍，加上秘製辣椒油，食過番尋味！

每一次到群記豬手都好熱鬧，似Foodcourt等位，見人哋差唔多食晒就走埋去霸位，午飯時間真係要花十幾分鐘先坐得低，因為太熱鬧，位都比較擠擁，嘢食都等得比較耐，大要八到十分鐘。牛肉豬手雙併，$38，肉嘅比例好高但係粉麵就太少啦，肉丸好有牛肉味，而豬手就真係夠晒誠意，好多舊好淋，咸淡適中。但係粉麵唔夠可以加底，$11，有河、米粉、麵。唔想食粉麵都可以叫淨豬手，$38，一樣大大舊好多件，皮肉嘅份量都好大。另一個選擇就係炸卷，不過哩道菜要等耐啲。

難得星期日我同男朋友一齊day off，於是決定去睇返場戲。男朋友一早已經起身去左飲茶，而我就賴床賴到十一點幾XD由於我太遲起身嘅關係，只好自己一個去食野～當初我都係因男朋友強烈推介先試，因佢住呢區自細已經食開。雖然我住聯和墟，理應近水樓台先得月，經常食到群記。但其實以群記營業時間，星期一至五返工就肯定食唔到。星期六、日又會有好多墟外人專登入墟食，長期都逼滿人。再加上群記不定期失驚無神“休息一天”，我並唔係想食就一定食到佢。今日星期日，唔洗問一定係逼滿人。但好彩我一個人食，一入去就搵到角落有個位～提提大家，群記係自助搵位，要自己排喺就食完嘅枱後。因為我唔食豬手，所以我係叫開大牛丸米粉（$38）同罐裝可樂（$6）。“一碗大丸米，一罐可樂”叫完伙計都會放低一小碟自家招牌辣椒醬，我一定一定會拎出去自己再添，因為辣椒醬係群記嘅精髓XD群記完美表現“術業有專攻”，菜式不多，只有豬手、牛丸、牛腩、家鄉炸卷。因我唔食豬手所以不在此評論。大丸米一碗有十二粒牛丸夠足料！我鐘意佢嘅牛丸冇筋唔黐牙，點埋佢個自家招牌辣椒醬，正！！！如果佢個自家招牌辣椒醬有得賣就好喇，咁就可以帶佢返屋企隨時食到～

老舖豬手🐷-豬手米 ($33)入座後目測基本每位食客都會點一碗豬手米，司令當然都要一戰啦！豬手皮夠厚，食落口有滿滿既脂肪😂，同埋骨膠原☺。而且火喉掌握得岩岩好，份量亦都唔少，性價比好高👍🏻。記得要食埋佢地既辣椒油，正正子。-家鄉炸卷 ($33)炸卷需時較長，但同樣都係招牌菜之一。所以兩個人去食既話都好推薦大家要點黎試試！外皮為炸過既腐皮，入面包住滿滿既牛肉🐂，較乾身，但味道唔會過鹹，淡淡既牛肉香加上脆皮，送麵一流🍜。