群記牛肉圓豬手

營業中

休息中

群記牛肉圓豬手食評甚多，我來也只是加一份支持，好吃與否不需過於詳述了。這店是粉嶺食店的表表者，即使忘記店舖名字，「去粉嶺食豬手」就是到粉嶺的主要活動。相約朋友到聯和墟運動，有機會數十次拜訪粉嶺聯和墟的老店。供應有限，喜歡吃豬手的請於兩時前到。從外面看，店牌是暗紅的店舖就，店內是老香港的風格。沒有花巧裝橫，以實用耐用為主，只有風扇，沒有冷氣。夏天店內人多時，有點焗促，食客汗流浹背，是特色還是缺點，倒是視乎個人看法。菜單看起來沒什麼特別，甚至是有點單調—豬手、丸、家鄉炸物，搭配粉麵、菜或汽水，但質重於量。湯底是清湯，豬手(大: $38; 小: $33)非常軟滑，入口即溶，跟西式的德國燒豬手口感完全不一樣。但不是每一次都保持這樣的水準，有時豬手不夠稔。搭配滑河粉比米粉或麵好吃。老店如其它的粉麵店，有自家製的辣椒醬。這店的辣椒醬又香又辣，然而上個月的一批辣椒醬太鹹，蓋過了原來的香辣味，用於清湯粉麵也覺太鹹，有點失望。希望下一批回復以往的水準。辣椒醬突出豬手的鮮味，也為清淡的粉麵加添鮮味。雖然部份人來這店都是點豬手/豬手米/豬手河，不喜吃帶骨食物者或小朋友可點自家製爽口牛丸(大: $38; 小:

最出名嘅就係豬手麵豬手唔會太肥膩，去曬豬毛湯底唔濃郁，不過加辣油帶出面底嘅味道另外都叫左淨牛丸，粒粒爽口好味不過位置唔近地鐵站，唔係住係附近嘅街坊都未必知點去去到都仲要等位，認真多街上坊支持

以前細個日日食，而家佢紅到去火星，我都唔夠膽過嚟食！不過入開來聯和墟，鼓起勇氣即管過嚟睇下會唔會爆到漏！好彩有比我一條毒男等到位👏🏼👏🏼👏🏼唔使講嘢一碗豬手麵一個炸肉。其實真係好佩服佢，4、50年如一日，同一個裝修，煮同一樣野！味道亦都一樣👍🏼👍🏼豬手同炸肉固然有佢過人之處，但係其實毒男最鍾意係佢嘅辣椒油，可能我太鍾意食辣的關係！如果冇咗個辣椒油襯托個豬手，起碼冇左20分🤣🤣！

而家好多人食飯都會想搵間又坐得舒服又有冷氣既地方食飯但今日就去咗一間開咗好多年既舖頭冇冷氣 坐圓櫈 而家人客又唔少既群記好彩平日1點幾冇坐爆 等咗幾分鐘有位坐平時真係唔會專登入聯和墟 即使以前住咗咁耐粉嶺只係因為要帶貓貓去睇醫生 就即刻話想食豬手米同2個哥哥食😬每人一碗豬手米 2大1細碗豬手真係好多 又好食 好滑 又彈口 個湯清清地 諗起又想食多碗點埋個群記辣椒油 好正！好香 又唔會得個辣字仲有炸牛肉卷 但我覺得麻麻..個口感好奇怪 炸咗腐竹硬硬地 味道好淡 冇牛肉味細碗牛丸 牛丸好香 好彈牙 細細粒 食落唔會濟最後每人叫一支野飲 埋單16x講真而家出去食碗牛什都3-40蚊 又唔好味所以豬手米真係一流

其實住咗粉嶺都有10年喇，時不時都會去食，今日心血來潮又去食吓啦，一早出到去見11:00先開，咁行一陣先，開咗門就入去叫咗個大手河1支忌廉，熱就唔洗講，大手河到飲搭湯先👌🏼正常，不過湯少，食豬手點辣油出事喇！好辣完全唔同食開果種味道又唔香😤食咗幾嗒飲完支汽水走人

每次去親群記都一定叫豬手米食，每次食完都好滿足，因為佢豬手份量好多，豬手本身冇汁既，所以一點也不膩，口感好爽口又啖啖肉，再配上佢清湯米粉, 真係好鮮味好正！（佢個豬手嘅散貨速度真係好快，所以都keep到食品好新鮮）另外佢嘅招牌牛丸亦都好多人叫，我反而覺得一般，因為略為偏鹹，而且質感普通，我比較鐘意食大大粒的牛筋丸，佢個辣椒油也是一鑽的，都做得好好味好香，但都可以外賣走的，想日日食到記得買碗辣椒油返去！

上次食唔到，今日晏晝再去終於食到啦一入到去第一個感覺係勁懷舊，好似去左七、八十年代ge地方，好鍾意依種懷舊感👍🏼一坐到服務員就問食咩，其實唔多選擇得牛丸同豬手食，所以同友人都揀左豬手粗麵同河粉（大），一坐底時佢地已經俾出名ge辣椒油我地，碗麵黎到份量覺得岩岩好可能肚餓關係，覺得好好食，個湯底其實真係唔錯架🤗再叫左兩枝忌廉🥂豬手方面，唔算太肥，有肉有骨係唔錯ge，最重係人唔算多，基本上係唔洗等位就可以入去，聽聞都做左好耐🤗希望佢地可以維持住依種風味，唔好俾世界污染

假日又去揾好野食，一訓醒好有計劃打去問有冇開， 再問幾點出豬手，店員話三點正!我地大約二點四十五分到，入店剩餘位置已不多!我地坐定定先叫在碗牛丸米， 牛丸算濃，但質感一般，偏軟! 食到三點正，店外店內已排滿人，開始下單，有幾名食客拎住個保溫壺外賣，差不多十五分鍾就停售外賣，豬手到啦!期待已久!!真係聞名不如見面，好好味呀!!用豬骨湯你淆出嚟，好入味豬手，好夠味，湯底是清湯豬骨湯底，但清得黎好有豬味，豬手骨部位置，你都可以食得出淡淡清香嘅豬味浸係豬骨入面 ，清湯但味濃，豬手筋位蚊得夠淋，成碗湯都好有膠質，感覺落足料，價錢也非常親民，一碗豬手足料四十幾蚊，真係一試難忘!有機會入粉嶺一定要再食不得不提， 呢度嘅辣椒醬都非常之香口， 個人唔食辣都鍾意點少少嚟食

久唔久去一次聯和墟都會走去老字號食碗大手河（大碗既豬手河)，咁舊式既裝修真係買小見小，好多人都突登去食，所以好多時都好多人唔好睇d豬手好似白雪雪無物味咁，但其實已經有味，但配合埋個辣椒油真係好出色，而且豬手份量多，但河粉比較小，好似唔夠喉，所以每次都食大碗唔食得辣既我都覺得呢個辣椒油好出色，好香，好夾豬手食完，順便幫朋友打包個大丸米，d牛丸全部都係自家製，好彈牙好新鮮，而且足足有十一粒咁多，真係滿足呀

很早过去粉岭发现还没开门等到11点发现已经在外面排队了 建议10:50到猪手牛丸河粉一点味道都没有 必须加辣椒油 猪手没有泰国夜市的软糯牛腩米粉意外的好吃入味炸卷味道特别 比较类似于北方的香肠

上星期去粉嶺外出工作，中午約埋同事去聯和墟食出名既群記豬手麵。去到門口，唔使等位。入到舖內，裝修仍然保留住幾十年既食店風味，價目表仍然係中國數碼寫～入去坐底order左碗細既豬手粗麵（$33），麵好快上～豬手麵賣相一般，試一啖，豬手係腍，但味道唔夠濃、唔夠入味，好似白灼咁～實在有少少失望，可能因為佢太出名，所以我對碗麵係有些少期望。仲有，調味料欠奉，每人只派一少碟辣淑油，想要豉油、牙簽，枱面都冇～配合價錢～去第二次，no way～

粉嶺群記豬手同牛丸對於粉嶺人無人不曉，今日專程走去粉嶺聯和墟試菜，唔知係咪落雨天關係今日唔多人，我12點到即刻有位，正呀。豬手同牛丸都有分大細碗，自己選擇啦！家鄉炸卷都好脆好新鮮，但通常好快售罄食河粉記得要配辣椒油，自家製架，唔夠仲可以自己去潻架，不過記得拎返自己隻碟去

成日聽人講粉嶺聯和墟有間食豬手好好食又好岀名，今日就潮聖下先，店內有點懷舊 feel，唔錯門面唔難揾，向馬會條街有心潮聖 ge 朋友仔要留意，營業時間 11:00~17:45 ，食物賣完就無架喇我覺得呢度食嘢幾特別，首先自己揾左個位之後，店員就食自動呈上一小碟辣椒醬，唔夠可以自己去添望下個餐牌有乜食先，就叫碗豬手河先，仲可以揀大/細細豬手河 $33，呢碗叫做細？有咁多豬手？如果叫碗大，真的不得了！豬手有少少咸，喜歡食辣的朋友記得要加辣椒醬，又夠淋，好香豬手味，下次想再試埋爽口牛丸及家鄉炸卷

長假期前夕, 趁著天氣尚未轉熱, 心思思又去了一趟這老店。若問, 天氣熱又如何? 如果有爬文, 就知道這間老店有性格得很, 絕對不讓冷氣師傅做佢生意, 自問怕熱但又饞嘴, 加上住在港島西, 去或不去, 真的需要一番內心掙扎。去之前, 先打電話問吓有無開, 兩點三從堅尼地城出發, 趕及在三點半第二輪豬手出籠前到達, 一坐低二話不說就叫咗一碗大手米, 同一碗淨大手, 正當嘆緊之際, 已聽到店家話豬手賣哂, 我望吓手錶, 其時只係三點九。雖然一來一回花了兩個半小時, 但趕得及品嚐只在15分鐘內出現的美味豬手, 為食的我, 個人認為值得嘅。豬手: 清湯類, 豬皮彈牙煙韌, 肉帶咸香, 湯清味鮮, 宜配米粉, 配麵亦佳。

呢間群記豬手,住係北區既人無人不知,我自己大大話話都食左20次有多,每次都無令我失望,因為係堅正.!!!首先,如果你打算食群記,有幾件事你一定要克服,第1 ,佢係唔會有冷氣,如果你SUMMER黎佢只會有FANS... 出晒汗係必然第2,係唔會有人幫你攞位,因為係要自己攞位,要眼明手快先可以搵到位第3, 好迫,呢度可能一張枱會坐到8,9個人,手貼手咁食係基本常識第4,唔一定有得食豬手,因為賣晒就無以上幾件事如果都OK, 咁我介紹食佢最出名既豬手,, 首先佢唔係好軟那種,係好有咬口,充滿骨膠原, 如果加埋佢地既秘制辣椒醬,真係好好味另外,佢地仲有一個叫家鄉炸捲,入面係牛肉,要好有緣先食到.因為好快賣晒, 牛丸通常最遲先賣晒,都好好味既!