群記牛肉圓豬手

營業中

休息中

粉嶺豬手工作關係來到粉嶺, 多謝同事們幫手霸位，奇又奇在老闆又容許甘做。必叫豬手麵，可惜麵底梘水味重，麵糊，應該叫米粉會好d。但豬手炆煮入味，分量多。同場叫了牛丸及牛腩，正常質素. 個辣椒油令今餐生色不少.

我2點45分去買淨豬手話賣晒3點半先有3點40分再去又話冇晒一定係太好食 所以10分鐘就賣晒吾知要幾時先至可以買到呢下次我唯有企定定等到3點半喇🤷🏿‍♀️🤷🏿‍♀️🤷🏿‍♀️

九龍入来一試, 豬手15:30先有, 試另一推介牛丸, 另加牛腩, 68蚊感覺衰過自己煮, 牛丸细粒唔爽口弹牙, 完全冇口感, 味道亦一般, 牛腩更差, 完全吾入味, 口感食五香肉丁咁, 只有辣椒油係唯一亮點.....深水埗维记后另一伏店....

大家都話呢間係粉嶺必食今次特登慕名而來一入到去就覺得好似蔡潤記舊式粉面店嘅份量點解仲係少啲😆一場嚟到當然係嗌馳名嘅牛丸同埋豬手本身唔食豬手因為好多人都話呢間的豬手好出名聽講豬手好多時都係一出 轉個頭就好快賣曬而且朋友話豬手好淋好入味所以我都係點左牛丸米一碗米粉竟然有12粒牛丸不過每粒的大細都唔算特別大粒 所以都食得晒牛丸我反而覺得冇咩特別 唔明點解個個都話好食最出色反而係辣椒油 唔算好辣但係好香口生色不少👍🏻👍🏻👍🏻

如果中午時間一個人想食好嘢通常我都會去呢度食碗牛丸米，但其實佢豬手係最出名，因為我通常都係三四點去，10次有九次都賣晒，所以如果想食豬手嘅話一定要早啲去，但我本人其實最鍾意食佢個牛丸米，佢仲有一個獨門辣椒油，如果鍾意食辣一定要去試吓，因為佢個辣由不只好味還很香，懂得食辣嘅人一食就知好嘢，嗰度仲要係飲玻璃樽裝嘅汽水，感覺係比較懷舊，夏天去可能會熱啲，因為冇冷氣，秋涼去時候比較舒服，雖然佢啲面比較殘舊但人龍卻很可怕，所以大家要去試一定要預留啲時間排隊！

聯和墟必吃特色美食之一豬手同牛丸是群記最出名，豬手通常一出，就好快賣曬(記得入去前坐低食前問下仲有冇）牛丸好彈牙，暫時係其他地方都食吾到咁好食既牛丸本人吾食辣🌶️都必定食佢自家制既辣醬，加左好野味

經常聽朋友說，放假要抽時間去食豬手，好入味。聞名不如見面，果然夠上乘！豬手米是白烚上湯做法，也是其特色的地方。豬手炆得好冧，好入味。加上米粉吸收了上湯的味道，米粉變得入味，非常好吃。齋食米粉都覺得好味！淨牛丸，細細粒，入口幼嫩，牛味十足。

黎呢間鋪頭，一定要早，否則好多野都無曬，次次黎親想食果個炸卷都係賣曬🤦🏼‍♀️黎到都係叫1碗豬手米+1碗淨豬手，佢既豬手係好食，有時就會比好多骨，有時又會多肉。豬手通常都好林，又唔會硬，米粉就普通啦。不過佢既重點我覺得唔係喺豬手度，而係喺佢既辣椒油度！我平時係唔食辣椒油架，亦都唔太食辣，有好多人去食粉麵鋪都會落辣椒油，但我又唔會落，但係呢間既辣椒油真係好好食，佢拎黎果碟辣椒油好細碟，次次都要自己出去拎多d，佢有少少辣，但好香，好好食，食唔停口😊可一可再👍🏻

今日晏晝見冇嘢食到，度度都好多人排隊，我見呢間有好多好評，咁就走咗去呢一間度食啦。入到去見到好多老人家，仲有中年男性，全部都係食豬手麵或者豬手米。我都叫咗一個豬手米，再加個炸腸， 係唔錯嘅。

今日同細佬揸車去聯和墟食午餐，細佬就帶我地去食呢間好有風味既小店食麵。店內唔太大，但張張都坐滿人，自己要等位。而食物可以選擇其實只得幾款，除左油菜無叫，其他都叫齊。我本人對豬手一般，但見到阿女食左一啖就大叫「好味」，都試左一件，味道係好清，而豬手既軟硬係啱啱好，好值得一試。我好喜歡個牛丸河，河粉好滑，牛丸有牛肉味又彈牙，加埋佢地個辣油，真係好香好好味！細佬叫左牛腩米，有腩有筋，好爽口！而佢地個「家鄕炸卷」，外貌完全唔吸引，但一試係好有驚喜，外面一層炸腐皮，𥚃面係好香既牛肉碎，我好欣賞呢款小食。今日好彩有細佬帶我黎食呢間好有家鄉味既小店，下次會再黎！

朋友介紹一間喺粉嶺，食清湯豬手，話好好味，我一於搭車入去試下，除咗朋友介紹之外，聽聞佢只賣兩三款菜式，我對呢種食肆，特別期待，因為選擇少，如果吾好食，根本好難生存。我搭火車入粉嶺，轉一架去聯和墟嘅小巴， 落車行一個街口就到啦。鄰近馬會好易搵。人多都幾迫，記得要自己好似以前飲茶咁行埋枱邊等位。我們分別点了豬手麵、豬手河、豬手米，再加淨自打牛丸齊齊食。豬手好霖，湯底清甜，店主將啲豬手切到細細件上，好易食，好細心。我加多一份淨豬手和牛腩外賣，跟住就聽到柜枱叫豬手沽清，下午330後，才有豬手，未夠2点就冇啦🤣40蚊一碗，吾算平，如果喜歡清清哋，間中食吓都幾好呀。但要看時間，否則白行啦。最後不得不提必試辣椒油，好食到暈！！！！

粉嶺群記，是區內數十年的老字號，絕對是一間食質素而不是食環境的食店，吃過群記豬手的人，都知道店內長期滿座，人頭湧湧，「等位」是店內必做的指定動作。這小小的老鋪，沒有餐單，沒有華麗裝潢，熙來攘往，有的...只是人情味。群記十一時營業，這天十一時左右來到，店內已坐滿九成食客，好不容易才找到位置坐下，店內只賣牛丸、豬手和牛腩，而且隨時售罄，吃的話那要踫踫運氣。甫坐下，店員第一件事不是幫你落單，而是遞上一碟辣椒油。這裏的辣椒油，絕對是一種極品，本身不是太辣或太麻，反而具有其濃香，那種味道會令你一試上癮。牛丸豬手米群記的豬手是白烚的，有別於一般食店用南乳去炆煮，而且份量毫不吝嗇，每件豬手幾乎都是連肉帶皮，肉質軟腍入味，厚厚的豬手皮非常爽脆不肥膩，肉多骨少，保持了豬手的原有味道，而且膠質豐富，蘸上自家製辣椒油，味道一流，大愛也！這裏的牛丸亦同樣出色，與一般牛丸不同，群記牛丸的體積只有手指頭般細，牛筋去得乾淨，非常滑身，肉質爽而有彈性。加上米粉吸收了湯汁，特別能吃出豬骨湯頭的真味。群記沒有固定的營業時間，休息不會另作通知，所有食物售罄便關門，這性格老店，當然「寸」得起有餘！

粉嶺聯和墟這地方，除了工作或住喺嗰度，相信大部分都不會專程去，但為食的我，為了一碗牛丸米，真係可以山行水遠搭車去，有如此大魔力的食肆，正是群記。這粉麵鋪已有數十年的歷史，裝修雖陳舊，卻有時光倒流的感覺，招牌的食物當然是午丸、豬手和辣椒🌶️醬，作為一粒好牛丸，豐富濃濃的牛肉味相當重要，群記做得到這一點，而且，它加多一份像乒乓波的彈牙感，如果一百分是滿分，它有九十九分。來得群記，不論你能不能吃辣，都一定要吃它的辣椒🌶️醬，秘製的辣椒🌶️醬味道總令人回味無窮。

响附近長大嘅人總係突然心血來潮要嚟食，所以我地又嚟咗啦。牛丸我仍然係唔食，第一次食完爽脆嘅豬手後，我之後嚟都係叫碗細嘅淨米粉同菜，因為我比較鐘意軟淋嘅豬手。今日都係叫咗碗淨米，點知朋友叫多個淨骨手，一夾起就覺得有唔同，食落竟然係軟嫩淋肉嘅。早小小嘅時候聽到伙記話外賣豬手無哂，跟住就叫豬手要三點先有，我食嘅時候係一點九左右，實在太好賣了。辣椒油仲係好正，位位走出去添加咁滯。另一樣嘢係菜放嘅蠔油有點太多了吧，令到個菜太鹹。

秋天到，最適合郊遊一下，今日由流水響行去鶴藪，之後返返粉嶺港鐵站就即刻行咗去搵「群記」啦！今次係第二次嚟，1:30座無虛席，好好彩一去到就咁岩有兩個人離座，即刻可以埋位呢！叫咗一個大豬手河一個、大牛丸河、一碟菜同兩支忌廉（可樂只係見到有罐裝冇支裝），可以share一齊食我就係為咗豬手而來，依碗大豬手河$39，另有細size呢！豬手嘅數量都好多㗎，又可以補下骨膠原啦，豬手軟硬度適中又唔會太過林溶晒又唔會硬到咬唔入口，每件也會有肉食下呢大牛丸河同樣都係$39，係細粒裝嘅牛肉丸，丸數也不少，有點彈牙，但我都係支持豬手抵尐好味尐啱我口味本來想叫埋家鄉炸卷，可惜又係賣晒，店員補充一句⋯ 下次最好一點前來啊！