群記清湯腩 (已結業)

今日見到個食評, oh my god! 2.7分?! 唔係咁差hawa?!唔怪得…有人俾勁多1分1分…仲有, 俾親all 1 果d人都係知道老闆之前o係紅磡開店? 好似淨係您知咋喎…俾d良心啦我呢個熟客好知佢間舖出咩事, 唔夠人手, service差, 係…話佢環境好差, 臭, 都係…但係話佢個湯味精, d肉乸過, 一定唔係! 佢個湯濃到癲呀! 仲好熱好肥! 唔like佢肥都仲算, 話佢味精果個就真係俾羹味精佢食下至知! 唉, 話人都要睇point 來話!

2005年5月26日(星期四) 下午7時30分之前試過摸門釘，今次終於可以一試這裡的招牌清湯腩了。我們在主舖門外等了五分鐘便有位，主舖內只得兩張檯，我們坐在近門口的L型檯，因鄰近廚房的關係，這兒可近距離看著老闆切牛腩的情況，雖然不斷有食客落單，他總是從容不迫地為食客用心製作。不用五分鐘，我們的牛爽腩河和咸牛利麵也相繼上檯了，當我舉機影相之際，老闆對我們說：「影了相會好吃些嗎？」，我只回答他我們是第一次到來和想品嘗這裡出名的牛腩。其實老闆也很友善，他還跟我們閒談了一會呢！牛爽腩河($22)：先飲啖湯，牛骨湯底果然不錯，也沒有油淋淋的感覺；至於牛爽腩，好爽好入味，好正！河粉幼身，吃到尾也沒有發漲，絕對值得推介。咸牛利麵($19)：夠腍也入味，也不太咸，麵就有少少鹼水味，還是跟河粉好些。P.S. 這裡除主要食牛外，還有豬油渣麵及油菜供應。

去食過2 次，牛腩非常鮮香，軟稔，有口感。湯底亦佳。

以前同班朋友食過，D野簡直就無辦法同“陳漢記“比都無得比啦。。地方又污遭，極不衛生。。。清湯牛腩（原汁原味）係咩都唔知，盡話絕對靚過九記。。——————————————不知所謂。。

自細幫襯九記，由歌賦街九叔主理濕淋淋大排檔年代開始，到九仔上場，到九記入舖，有埋日文餐牌，成為國際名牌，都不離不棄；間中亦有幫襯大利、牛一、同埋所謂天下第一腩；恕我呢個老坑唔夠長情，呢Ｄ名牌清湯腩，都唔夠群記呢問幾十呎舖位仔街坊小店，不同之處只在一個「誠」字。群記無疑坐得唔舒服，成間舖最多坐得四個人，人一多就要坐門口，要食裝修就唔好黎！有人話呢度Ｄ牛腩肥，大佬呀！個餐牌寫明要肥要瘦請早揚聲，有Ｄ老街坊專登係要食肥腩，呢Ｄ係各有所好。小舖得一個人一腳踢，客一多自然未必照顧服務，要等亦都好正常，唔係不如去叫快餐。群記根本唔想做大舖，舖一大水準就會參差，九記就係一個明顯例子，痛心經歷唔想再講。有評論提到個湯，話淡而無味，老坑真係火都黎埋，群記既牛腩湯，如果唔係好過九記，至少都好過大利，更加肯定好過靠明星宣傳既天下第一腩。有Ｄ朋友竟然話呢度Ｄ牛腩有豬餿味，又話人污糟（仲係連續幾個內容差唔多既留言），真係豈有此理，想屈人都唔好咁無良，細細一間舖頭仔，仲係開到山卡啦，使唔使咁呀！我每次返香港，都一定會去群記，唔單止係為咗一碗麵，而係希望見到香港仲有人肯默默耕耘，用誠意做Ｄ好野出黎！

近排搬O左入Tai Po, 周圍發掘O下有無好O野食, 見到Lee 間O野好多人排隊, Wa!! 多人排隊, 一定好好食La, 所以排隊都要試O下Lor, 但是可能希望越大, 失望越大, 我本人就覺得麻麻地好食, 完全"R" 頭點解so many 人排隊????中O左計!!!!!

間店太細、Ｄ湯太油、湯底想扮九記、但需改進。

見到ｄ食評咁極端，就走去試下。見到個鋪面認真唔惦好似去左廚房咁，幾張檯用一筒筷子，ｄ檯櫈又泣，不過勝在冷氣夠。叫左碗爽腩河，唔洗一個字就到，第一口就試下ｄ湯，好濃牛肉味，雖然我唔知豬餿咩味，未食過～不過個湯底真係好香，再試下爽腩，麻麻地，可能我唔鍾意食果d 邊。個河粉都ok 呀，service 就普通啦，天氣熱，個阿姐熱到有d 不耐煩咁

我同班fdz 去大埔踩單車，聼講話呢間清湯牛腩仲靚過九記tim..幾爸閉，就想去試下拒幾掂，我地幾個坐係門口，之後叫左碗牛腩河，有d fd想叫碗咩絕世牛鞭，拒話無wor..後未是但就碗爽腩喇~一直睇見無咩人黎吃，就以爲好快有得吃喇~點知等左勁耐都未等到碗野出黎，無無聊聊就周圍望...見到佢周圍d衛生條件真係幾差下，好似黑店甘，大約過左35分鐘之後先黎左一碗甘大把...離譜lor..見到拒招牌話無味精tim...後尾試左一半，已經唔想再吃落去，果個味精味真係唔掂，後尾睇見有個凍肉佬....送左兩廂既急凍牛根過來，唔怪得成日有果陣味喇~明啦！後尾見到個老細好熟口面，似曾相識，想起以前係紅磡有間好大間既清湯腩...哦......原來縮返甘細間黎做...實係d野唔得先會甘慘啦！~係咪先....

6點半去到,好多野都沽清,唯有叫肥坑腩麵$19,等左15分鐘先有得食;份量適中,有6-7舊腩,坑腩十分入味腍身,食完又不覺太肥膩不錯!麵亦非常幼滑,唯欠缺點旦香!牛骨湯底味道頗濃!下次一定要試爽腩同肉眼筋!

今日送完女友返屋企，一支公落黎食左個爽腩伊，個湯味道依然濃郁，牛腩依然夠味同爽。可惜肉眼根賣晒，如果唔係黎過雙併仲好。原來最近佢地租埋隔離間吉舖，多左地方坐，d 食客可以舒服d!其他有目的既食評應該影響唔到呢度既水準掛!

經過這間店已經幾次了，每次到看到都有很多人在排隊等吃，昨天和朋友經過的時候剛好看到沒人就進去試了。誰知道真的令我徹底地“刮目相看”。首先看看他的環境，周圍都有很多蒼蠅蚊子在店裏飛來飛去，之後在看看在麵的師傅，的確真的很不衛生，他趁著沒有很多人的時候真的在裏頭挖鼻屎，然後繼續弄，我看到那些裝麵的盤子啊，也是很髒，的確很令人不安！等了半個小時才有一碗的牛腩，不知道味道如何呢？之後試了一下他的牛腩，怎麽那麽軟身，但是卻沒有什麽味道？吃下去根本就不像是牛腩。那些麵也是揉成一團似的，不怎麽吃得入口，再加上之前視察到的環境和衛生問題，真的令人“刮目相看”...原來，多人排隊的地方不一定好吃的！人云亦云是不會有好東西的！

其實之前係daddy 同mom 睇o左雜誌所以去try o下lor, 佢o地都話幾好食, 下次同我去食o甘tim~

講真其實群記d清湯腩比得上九記，去過幾次水準都keep到。連續見到幾個食評針對佢，寫嘅手法又近似好似同一人寫，真係好懷疑係行家惡意中傷打擊佢生意。

真係好奇怪，我４／４都想去食清湯腩，但落到去先記得佢星期一係休息，唔知呢位朋友果日點可以食倒，當日我仲見佢地貼住星期一二休息，真係幾奇怪講真佢地ｄ服務就真係麻麻，但係細細間就可以食倒禁有水準０既清湯腩，真係難得，我去過好多次都唔覺有果位朋友所講o既豬ｘ味，真係唔太明白，仲有個湯，簡直係正啦～真係唔明點解可以講到咁差