群記清湯腩 (已結業)

此段其間暫停營業

好耐未食過群記，掛住佢個啖湯。今日決定買個外賣返屋企，同姐姐講要爽腩伊行街，一聽價錢，哇，做乜貴到咁。返到屋企，啖湯依舊有水準，又濃又香。爽腩正係好正，唔會俾D假野你。仲要好多舊，無數過，但起碼十舊。雖然貴，但真係好好食。

住o係大埔... 竟然到上兩個星期先知有間咁既野上星期竟然關了門... 東主外遊...今天終於去了我一到達(1pm)就立刻找個位子搭枱坐下(一個人食是滿方便的), 隨即點了個爽腩河, 為了食, 要等也沒辦法了, 全店一個伙記, 裡裡外外滿是客人....看著裡面師傅已經不停地弄牛腩, 但人群依然越來越多...等了半小時, 我的爽腩河終於到了~第一個感覺是.... 細碗, 比蔡潤記未加底的還小先喝一口湯, 那看起來很清的牛骨湯其實也滿濃郁的, 別處真的喝不到, 和其他茶餐廳的清湯加腩汁很不同~再夾起一塊牛腩一看, 牛肉乾?? 牛腩很粗... 吃上去.... 蔡潤記貨式而已....爽的地方真的很爽, 很好吃, 但是牛腩真的不是太好...最後連湯也喝光~~ 埋單$22....其實$22 太貴了.... 蔡潤記的皮腩河加底才$16...但是, 各有各風味啦~ 間中食一次也是無妨的

星期五食完群記, 確是意猶未盡, 星期六做到成九點, 想帶女友去一試, 點知去到十點幾已全部售罄.想食一定要食到, 星期日再去已是下午六時, 諗住實有得食, 侍應姐姐話得番最後三碗, 若果唔要, 就讓比出邊排隊果位.當然打死都要, 今次學精左, 牛腩要伊麵. 本來話無爽, 好彩都拼左少少比我地兩碗. 女友一試過湯都話好味, 但佢對一些軟軟地都食物不太喜愛, 結果佢碗爽都係益左我, 連碗湯都比我飲埋.最後一位食客來到, 知道無乜牛腩都要, 結果舖頭併左D 牛脷比佢.侍應姐姐同果位熟客講, 群記要休息十日. 細問之下, 原來全舖一齊去旅行, 利害.睇報導佢地正想細舖換大舖, 生意咁好, 睇黎擴張之期不遠了.

味公主食完黯然銷魂飯後, 講左句"点解我食咗碗咁好食嘅叉燒飯？我第日食唔返點算呀? "今日提早收工, 沒有直接回家, 在大埔墟下火車, 行十分鐘就到大明里, 走訪備受好評的群記.群記是間小舖, 只能坐十多人, 下午六時多去到, 已有不少客人, 剛好有位, 侍應姐姐便安排我座下.沒有細想, 立刻叫了一碗爽腩麵. 等候期間, 不斷聽到隔離枱讚個湯靚, 我也很期待.很少試到爽腩, 通常主打清湯腩舖頭, 好早就無晒. 碗麵端來桌面時, 看到那麼多爽腩, 真係興奮.爽腩炆得夠晒腍, 好正, 好入味, 未必是我試過最好, 但肯定正斗貨色. 呷一口牛骨湯, "清甜濃郁"四個字足以形容. 過去無論那間麵舖, 都沒有想過好湯這回事, 群記卻可以, 原來單湯剩飲都要四蚊, 皆因杜絕食客加湯之故.麵較為幼身, 但帶點鹼水味, 不太喜愛. 忘了夏銘記的教訓, 早知加幾蚊要伊麵, 咁就完美了.最後整碗湯真係一滴無剩, 記憶以前除了在別府玩血地獄要飲晒碗湯外, 今次真係第一次, 回味無窮.雖是小舖, 但伙記很有禮貌. 若要比較, 群記質素我覺得在大利之上, 牛腩質素或許未必過到九記, 湯底絕不在九記之下, 但九記

哈! 寫得咁密時我食得仲密的群記出左新野! 牛面豬墩! 老細話過幾日為食書會寫喎。叫左面豬墩米少米。面豬墩好重膠質, 比肉眼筋仲膠! 牛味就唔多夠。相比下後者較討我歡喜(當然還是爽腩好)。之但係唔知係咪d膠質作怪, d湯又比平時好味得多! 碗米粉真係交足功課!

有生以來, 吃過最好吃的牛腩, 真的是群記。中環九記聞名已久, 然而真的名過其實。天后大利清湯腩也不過矣矣, 北角回味古法清湯腩更加每況愈下。唯筲箕灣安利的崩砂腩, 軟熟程度堪稱全港第二。但群記的清湯腩, 不但腍, 又充滿「牛油」, 湯都喝光還教人意猶未盡。有些朋友對群記有意見, 不足為怪, 天下本來就沒有一種美食, 可以教全世界所有人愛上。唯識飲識食之人, 才懂得欣賞。極力推介淨腩, 不需粉麵, 已經夠你回味一整天。

哈哈因為住響大埔, 所以我成日都有機會食雖然食左咁多次,但係都覺得好好味見議大家可以試下牛俐，都好正～係另一個好選擇

一間賣麵的店子確實要對辦, 如果佢係豪裝可能到我唔敢去, "羊毛出在羊身上", 到時去食裝修又可能吸引到另一種客, 一間麵店"企企理理"已好對辦了. "風味"是一大前提.佢濃郁的湯底和牛腩真的令人一試難忘, "肥""有油"始終係"牛"自己覺得完全冇問題, 係美食又唔係抄人專利, 各位要公平一些.有時候周圍去尋美食最重要係真的"美食", 服務裝修也是相對次要的, "企理"才是正路, 水準之高確食得過.

雖然我沒有吃過群記的牛腩但是很多食客吃過之後都大讚啊！而且我見到有很多食客一個人要幾碗面.....如果不是好吃的又怎麼會呢？真的錢多嘛....然後驀名而來的人還蠻多ㄟ真厲害耶!!

光顧過群記四五次，其濃郁湯底令人一試難忘。但發覺有幾位朋友，把群記踩到一文不值，而文風又出奇地統一(尤其是句子間重複出現的圈圈點點)。要勝過人家，一定要靠自己努力，不停造謠誹謗是沒有用的！手段這樣卑劣，徒顯其品格齷齪而已。

早幾日，同班friends 去食牛腩，食左之後，D麵好似一pa 甘。。。衛生極差，真係失望。。。

今日食左爽腩河。一如以往加多個湯。仍保持水準, 湯濃, 腩正!同埋呀洗碗呀姐仲係咁趕客…不過好似乾淨返dd~同大家多口一提, 試過咁多次, 4-5pm 的湯係至好味的~多人就一定要另加湯, 因為個粉會fing唔乾水。同埋我係湯精!點都好過九記, 去十次十次都冇爽腩! 食唔到佢有幾好食都係冇用!

專登入大埔試下傳說中的群記清湯腩。唔熟路之下…其實根本唔識路的…兜了兩轉先搵到。坐底本來就想叫個清湯腩，點知…清湯腩唔係咁簡單的。原來仲可以有肥瘦腍同唔腍分的。問你怕未？腩仲有分爽腩定牛腩，味道算幾好。好成點就好難講，試下用比較的方法可能具體D。以腩論腩，群記的腩雖然有肥，但就欠了一份騷味。湯好清，飲完都無口乾。我會將群記的排名放在九記之前，但就未能超越大利。

初頭聽朋友講話呢度既牛腩拍得住中環九記，咪上黎睇下大家有咩comment lor，點知睇完d post之後都懷疑我個friend有無誇大左。尋晚終於入開大埔，咁就走去試下了左件心事。論鋪位，呢間野既size絕對可以用蚊型黎形容，一家五口黎都唔夠位坐，但唔覺得佢好污穢，起碼開放式廚房設計，佢做乜都一清二楚，我就無見過亦唔信有人會當住個客面前挖鼻屎咁得意喇。但服務黎講，我都係覺得無希望就唔會失望。講返d 牛腩，叫左個肉眼根併爽腩河，個湯真係濃得無野好講，相信用左唔少牛骨落去餚，不過就油左少少。肉眼根有咬口，而爽腩亦肉味濃兼爽口，加埋d河粉索左湯既味道，簡直係一流，個人感覺絕對拍得住九記既質素。下次一定會再黎過，但希望佢唔會咁快比人玩殘啦!!