群記清湯腩 (已結業)

之前聽人講話好食，今日專登去試。嘩~ 去到門口未食已經聞到陣豬艘味，入到去食時，我地叫左肥腩河同牛根河。一食之下，原來d 湯都一樣係豬艘味，4 蚊碗清湯？真係送比我都唔要。d牛根得個腍時，完全唔爽口缺乏口感，(咁腍，都唔知係唔係用野"0拿"過)。肥腩都係好一般，冇咩特別。衛生麻麻(可能因為聞到豬艘味)。一句講曬：失望！

果日經過大埔，就入左呢間野試．．我買外賣．．企係入面等左一陣．．．順便睇下老細點整．．點知無意中見到老細係度撩鼻＊．．之後仲唔洗手．．即刻就去儸ｄ麵．．．嘩．．恐怖．．勁唔衛生ｌｏｒ．．我覺得如果真係做飲食呀就好心你注意ｄ呢ｄ細節喇．．衛生問題都唔搞返好．．ｄ野幾好吃都無用喇．．．類到我買返屋企都唔敢吃

個個都話拒ｄ湯水靚．．果日專登去試，點知叫左好多樣野拒都話買曬，之後就已經無ｍｏｏｄ想走ｌａ．．點知有幾個人問拒拒又話有ｗｏｒ．．都唔知點做生意既？唉．以爲專登入到來．算，試下拒ｄ手勢，就叫左碗牛腩河，點知等左勁耐，大概成半個鐘先吃到拒碗野，真巴閉！我以爲好吃就話姐．點知試完．．灰曬．．．ｄ牛腩得個淋字，咩味都無．．有幾塊仲好軔，之後我再試下ｄ湯水喇，又再失望．．ｄ湯水唔單只無味，飲落去仲難飲過清水．．好似有ｄ艘水味甘添．．飲左幾淡ｊａ．已經ｆｅｅｌ到ｄ味精係個口度．．．搞到我勁頸渴．逼於無奈叫左支忌廉，失望！之前仲睇ｄ雜誌話拒幾好幾好．．唉．．應該又係錢銀作祟喇．．點解ｄ人甘都話拒好食ｇａ．．？真係唔明．．．

同事極力推介...第一次年初二去...點知人地初七啟市...第二次...七點幾八點去到...所有牛既食品賣哂...得番豬油渣麵...琴日...終於食到啦....一個人唔洗等位...但係坐低左要等老板娘埋黎先可以落order....根住等...由我坐低到有得食前後廿分鐘....琴日凍到死...仲要坐街邊食風...心諗下次都係唔黎好過...我要左牛腩河...(其實想要牛腩牛肚河..佢話冇賣牛肚...但係居然有牛利)....D牛腩勁淋...最正係個湯底...係牛骨湯...好味到我成碗飲哂...D河粉索哂D湯...超正...唔怪之得D人明知要等咁耐都排哂隊幫襯啦.....我即刻收埋之前講過既說話...得閒再黎過....碗粉賣$19..但係絕對值回票價....我見坐隔離果個四眼肥仔另外要左碗湯($4)...我下次又要....

只係得四五張枱, 但係就一定會坐滿人的。第一次去到坐得想叫野, 個阿姐話要等老闆娘先可以order。叫左碗爽腩河, 同枱的兩位女士都係一樣。好明顯, 我個碗係多好多牛腩的, 終於明白點解要老闆娘落order喇一睇個湯底就知唔簡單, 好濃又唔係好油。好白有D似味千個隻色水, 但係就完全無味精, 飲完唔會喝。D爽腩真係好味, 我都係第一次食到真正的爽腩, 牛肉連住個舊膜真係爽口架, 其他舖頭食到的邊會爽口丫, 只會好似咬橡筋咁唔會食落肚。牛肉味極濃, 食完都好耐個口都仲有牛肉的香味, 真係要新鮮牛先至會有咁的效果兩位女士食完, 我都仲有幾舊爽腩, 老闆娘真係細心。

食咸雞粥前一人整返碗牛腩米。我要牛根腩，男友就要肥腩。先試啖湯底，果然好濃郁呀! 相信佢冇乜味精，因為我食到碗底朝天，但都唔係幾覺口渴。肥腩我冇試，不過見男友三兩下都食哂，相信都有返咁上下水準。我0既牛根腩都非常唔錯，好夠火侯。有少少入口即溶0既感覺。美中不足係其中有一兩舊牛腩偏韌。

大埔都可算多好野食, 住左咁耐呢度至正都係呢間舖面係細, 大部分時間都係要坐出街。凍果日都咪話唔甘~但係飲啖牛骨湯, 當堂暖返~本人本身唔好牛腩(但愛牛), 但係試過一次真係上癮!呀老闆個人唔聲唔聲, 但係十分體貼。for example, 同佢\講食腩河, 佢\會問你要肥d定瘦d~老虎都食肥腩啦(瘦腩好鞋架)爽腩係我次次唻嘅指定動作。今日佢\仲特登搵左舊爽得唻有層肉o係中間嘅至靚野俾我, 肥瘦均秤, 好食到只可用incredible形容!今日拚左個肉眼筋, 未聽過呢個term, 出唻個樣唔吸引, 都好食, 之不過唔夠牛腩。誠意之作仲有河粉。我不嬲唔食河粉, 因為一碗好河粉十分難求。但呢度果d十分好! 唔係平時街果d粗粗咁, 亦比平時果d薄, 咁就唔會食到吸漲曬d湯出現斷層喇。besides, 佢\仲有好多牛添!有人食牛舌, 仲有牛鞭賣~呢樣野留返d有需要嘅人嘆喇…除左牛, 佢\仲有豬油渣同豬骨粥食~豬油渣都ok嘅…係深水土步周記質素, 既然係咁我都係出返果度食喇。豬骨粥未試, 留返下次!不過相信一間有誠意嘅餐\廳出品都唔會點差~一提係佢\分大碗同細碗, 唔講就俾細嘅我……我仲以為係t

今日下午去食多一次，不過發覺d湯無上次晚上食既咁濃，應該係d 湯一路滾住的結果，但牛腩依然好味。

同女友拍拖咁耐都唔知佢樓下有間咁既好野，正至飲食介紹先知，都係怪早出晚歸之過。講返間鋪，係超迷你格局，全間鋪得四個位，如果想坐得好d，唯有坐出鋪外，不過今日咁凍就梗係唔制啦。叫左兩碗牛爽腩拼肉眼根加伊麵底，碗麵一黎就牛香撲鼻，飲一啖牛骨湯，嘩，"浸"牛味未食過有咁濃，雖然但伊麵不過爾爾，但肉眼根夠爽口，而牛爽腩比九記既更好，充滿牛肉香味。埋單只係52，比九記平得多。