群記清湯腩 (已結業)

行完山o係大埔搵野食,忽然搵到喱間野,聞名已久,今次真係有緣.要排長龍,不過點都要食!叫個肥牛腩麵,肥牛腩即係o係牛腩上面仲連住D肥肉o係度o個隻,牛腩超腍,加埋D肥肉,肉味超濃,好食得無話可說,完全係味覺o既享受,同九記同級.湯底亦係一絕,勁好飲,好多客都叫多一碗淨湯飲.至於麵就好幼同腍,唔係爽口o個隻,似好腍o既天使麵,配喱個濃湯就差D,湯太濃而麵太幼,D麵漿住漿住咁,口感一般.但整體仍然係一碗極出色o既牛腩麵.

其實去呢間野之前係因為聽到好多人都話呢間野好正!!但係我食落真係嘛嘛!!一入去既時候,覺得呢間野好似好污糟,沒有抱很大期望!!點知味道同我所諗一樣!! 就係差!!所以我以後都唔會去食!!

今日特登去大埔食好，去到呢間清湯腩，剛好下午一時，門口有十個八個人在等，我以為是因為太多人，所以要排到出街，但原來是未正式開門，呢間都好特別成一點先開。入到去，全坐滿，我叫左個清湯腩米，老闆娘問我要肥定瘦，原來呢間食牛腩是可以指定肥或瘦、腍定唔腍。碗米來到，食落真係唔錯，在清湯亦好正，所以成碗飲晒食晒，只收二十蚊，合理！

只係一般,都冇d飲食雜誌講到咁好食,真係被騙

今日放食飯時，無無聊聊行過見到呢間野，可能裝修完，個牌油左黃色先留意到，望下d報導好似幾好，咪叫左碗牛腩河外賣$21，舖面太細，無論外賣堂食都企晒係門口等，越等越多人...發現等左成二個字都未到我...真係寧願唔要...算啦無謂同人嘈，所以繼續等，足足係15分鐘後，咩mood都無晒，黑口黑面咁返到公司食，初初有所期待...的確湯底係好香，河粉浸左d湯更為好味道，牛腩就真係好一般...唔怕講ar...只係淋同帶d肥口感唔錯之外，其實無咩牛味。食左兩啖已經無咩感覺...太重味精，試下無坊既。

家住大埔的我決定力讚"群記清湯腩",自從它名氣大噪之後,我便對它不離不棄~原因在於它從沒令我失望過~我拜訪過它不下十次~我會首推爽腩和牛~爽腩- 名符其實地爽, 富口感~牛- 軟身而入味~很是討好~另外, 牛面珠的軟滑程度亦輕易令人難忘~它的湯底亦十分出眾~鮮甜濃郁的牛骨味實令人上晒癮~不過建議不要嚐試淨牛腩~份量太少不化算~

之前去過兩次但兩次都冇開..今次終於有得食丫.我聽好多人講都話好.so點都要試下丫..我叫左個爽腩河...佢個湯雖濃.但冇九記咁濃.個人覺得入口係好過九記.不錯.佢d爽腩都唔錯.而且平過九記..so 我對佢評價都不錯..

成日係網上讚自己，係無用ga/......D野得就乜都唔使講啦，D牛腩簡直就唔似清湯腩，都唔知咩腩。。。味精落得勁多，吹水都唔面紅。。講真，依家感ge..環境邊有20來蚊碗亞。簡直就不知所謂。。

而家佢既湯底落味精，同裝修前既味道大有不同，服務態度傲慢，大不如前，但是比以前衛生。每碗大概＄２０起。

今日又去一次(第三次喇)好掛住碗湯今日試左個牛面珠($20)聽大家講叫左個伊麵(+$3).個牛面珠我覺得好腍一夾就差不多散個人不太like咁腍不過好入味下次都係叫返爽腩先個湯真係好正,濃呀~~

今日同女朋友兩點幾去到.已經好多人喇~(好似開一點)間野就好細入面得3張大台,3張二人台.出面出見開左張大台叫左碗爽腩河女朋友就牛腩河本人覺得牛/爽腩冇咩話好特別但係好味的湯底就叫人喜愛了淺色既一個湯底清清地又帶點混濁看得出是用了牛骨等等去熬製的.味道十分不錯清得來又帶點牛的鮮甜好正好耐都未試過食河粉麵會飲哂d湯.碗野其實唔大碗,一個人食岩岩好.有d人可能會唔夠.$22爽腩我覺得唔貴.果到d人食完通常都會即刻走,所以應該好快會有位(in case要等既話)遲下再去先.

間野D 清湯腩,清湯腩一D都吾好食,又貴,又細碗,成$20一碗,我住大埔,最貴係佢囉！D湯膠得離甫,好似食羹今,又話清湯腩,附近有間$20清湯腩,送凍飲,好味得多,一句講曬,吾好食.

$20 一碗確實貴了一點，爽腩有咬口，最令人回味反而是那個牛骨湯底，一盡而飲，飲後不覺口渴!!色淡而味鮮濃

裝修左咁耐今日終於開返喇! 萬眾期待! 今日2點幾路過竟然都坐左5,6個客! 唉飲唔到頭啖湯添!地方就唔駛講, 梗係企理左好多! 2間打通變左一間, 光猛左, 亦冇之前咁迫。地方迫不嬲都係呢度死穴, 而家改埋真係好好多。講返野食, 水準一貫, 啖湯真係不得之了! 牛牛都唔錯咁好味!值得一提, 佢加左價。爽腩同牛鞭都係22冇變, 其他原本19 加到變20蚊, 一蚊坐得好d都幾唔錯~

群記最近裝修,所以上星期去到都吃唔到果d咁美味嘅牛腩麪,真係有d失落,自從第一次吃過群記之後,對其他店嘅牛腩麵都無乜興趣,佢那碗濃烈的牛骨湯加上非常有牛味嘅牛腩,的確完全俘虜了我和honey嘅心,吃得出這碗麵真是有誠意做出來,絕不能和那些是但加上大量味精,吃飽你果d的麫店去比較,唔去試吓,一定是你損失!