群記清湯腩 (已結業)

這間清湯腩，不只在大埔聞名，在香港也是數一數二。就算不住在大埔，很多人都會從各地方，每隔一段時間便會來。這裏的牛清湯是從牛骨清燉出來，也就是這店鋪吸引的地方。牛腩則是肥瘦爽腍任君選擇，只需先講清楚。除了牛腩好味外，這裏也有得吃牛的各種不同部位，如牛舌，牛展，牛面朱，牛根，牛鞭或其他部位等等，各適其適，是各位喜愛牛各部分的魔皇要到之處。來到大埔，醒起群記，便往大明里走。一點正，午飯時間，小小的店鋪，二十多個位，已經坐滿。等了好一會才有位，實在是心急及肚餓，未坐下已經叫了一碗爽腩麵。繁忙時間，又再等多十分鐘，麵才到。不過，這二十分鐘都是值得等的。麵是有別于一般雲吞麵，是很幼的麵條，沒有碱水味。湯雖然叫清湯，但其實不太清。吃完一大碗麵，應該飽但未够侯，於是再叫一碗牛舌伊麵。再嘗嘗牛骨湯，這個湯吸收了伊麵的油香，更加香口濃郁。牛舌是有大大件五塊，全部是牛舌中部位，質地最好吃。大熱天時，此店冷氣唔多夠，食完兩碗熱湯麵，滿頭大汗，但很飽很開心地離開。

第一次去食尋日勁行雷閃電落大雨o個陣入去叫$24 爽腩河D 爽腩係好食不過河粉就碎晒(真係可以用匙羹去"不"o黎食)食到差唔多o個陣叫個爽腩米(諗住無咁易碎)拎走就已經無晒爽腩鳥.....ps. 佢貼o左張紙話由13-May 開始休息時間由禮拜一改為禮拜日

有人話去群記食爽腩會「頸渴死」。唔知點解, 每次必定叫淨爽腩(份量至少比配粉麵多一倍)、連湯都飲埋的我, 目前仲未頸渴死。又或者, 有一日真係咁樣死, 我都覺得好值得。朋友說湯好像鹹了點, 我同意, 但畢竟群記不是一間罐頭工廠, 味道濃淡沒有可能次次一模一樣, 但選靚料卻是可以控制得到--------- 今次的淨爽腩依然是高水準, 湯依然係飲到一滴都冇淨, 我依然仲未「頸渴死」。四十八元你可以話「好唔抵食」, 咁去7-11買盒飯叮熱只係十幾蚊, 好抵食喎, 不過唔好預我。

近年來,除了車仔麵檔的碎腩可以引起我興趣之外,一般麵檔的柱候牛腩已日漸失寵,轉而欣賞清湯腩,大利,華姐,九記等容後再談,此刻先來一碗清湯牛鞭.小弟至今只品嚐過兩間店舖的牛鞭,一間是昔日仍在土瓜灣的鐘記,另一間便是此店.賣相與預期有點出入,以前鐘記只集中鞭本身,但群記卻連睪丸也一併奉上,雖然已切成一片片,但紋理清晰可見,確實有點嚇人,至於鞭本身亦切成一小舊一小舊,兩者整整舖滿碗面.睪丸咬落質感有點帶粉,並不如牛鞭的柔韌帶咬勁,兩者口感截然不同,至於麵底,主理人並非每次用一個麵團,而是預先弄散,讓鹼水味先行揮發,所以鹼水味並非太重.作為一位喜歡食野既人,呢味野膽固醇超晒表,但偶一為之唔怕掛.........^^!!

6點左右去到, 叫爽腩伊話賣晒, 得番剩食($43)先有爽腩, 算.叫了瘦腩伊($24), 唔知佢係聽唔到定係咩原因, 上枱時d腩唔係特別瘦. 但份量是一般"正常"的, 唔似九記咁細碗.湯: 不油膩, 覺得比九記的牛味更濃, 稍有過之而無不及伊: 不太稔, 幾好腩: 份量比九記多d, 味道就同九記差唔多.如果唔係岩岩睇到openrice有人留食評, 真係唔識主動走入去這間門面普通的小店. 對於佢既牛腩的水準真係幾驚喜, 想食靚牛腩又多個選擇. 佢仲有牛面珠及牛鞭等冷門選擇. 不過要小心天花冷氣機滴水, 我想就咁岩比佢滴中左隻手 (比個笑臉佢純粹因為佢d牛腩好食)

雖然呢間嘢好近我家，但唔幫趁嘅原因係冇得外賣，地方又細，堂食都唔enjoy.

由細食"九記"食到大既我, 從來唔相信有地方既牛腩麵會好食過佢, 特別係個湯底... 好難得有機會黎到大埔, 無理由唔試傳聞中"好過九記"既"群記"... 下午兩三點, 出面條龍大約有十幾人, 不過都係等左五分鐘左右, 一坐低就叫左一碗"爽腩伊", 叫完先睇Menu... 發覺呢度原來有好多選擇: 牛筋, 牛腳根, 牛展, 牛面珠, 仲要連牛鞭都有, 真係勁! (九記只有"腩" 同"咖喱腩" 兩個選擇)"爽腩伊" 黎到, 好大碗, 比九記三分一, 但牛腩就比九記多成倍(到後來我真係食唔晒)...我第一樣要試既, 梗係個湯底啦! 因為一心諗住點都唔會有九記果個咁無敵啦! 點知原來真係一山還有一山高, 群記比九記既湯底只係多左一樣野, 就係"清", 兩家既湯底都飲得出係用左大量既牛骨同時間去製作, 但係九記個湯底好味得黎較heavy, 群記個湯底就heavy 之中帶清...腩黎講, 其實九記只屬一般, 可能食到爽腩既機會實在太少, 仲要九成時間爽腩缺貨; 黎到群記, 你根本唔需要擔心呢個問題, 代價只係多$3... 其實兩者好難比較, 只可以用"爽腩" vs "普通腩" 黎比較, 等下次

26-12-2006 1541交回單車後，之前的食物差不多落曬格，又係要搵好野食的時候，地方一早鎖定在這裡，事前已熟讀地圖，不太難搵。去到都要等左一陣，我就要了爽腩伊麵，問了可不可以一半肥腩一半爽腩，答案當然係唔得啦。客人多自然要等，約10分鐘先來到，已聞有少少牛香，再飲湯，比一般粉麵舖的湯底濃及油得多，但仍不及九記，可取之處是油份比九記少，剛剛好。再吃爽腩，絕對有趙頭，雖是帶有少少肥，味道絕對交足貨。我未吃過九記的爽腩，唔會比較。不過這裡唔似九記要夾「時辰八字」先有得食。埋單22蚊，要食到這種級數的牛腩，除了九記及已執了的牛一外，這裡是不二之選。

因為睇雜誌至會去食,去到要排長龍"都算"可能真係好好味,但係一食落口"淋"的牛腩,並不是爽的,價錢更加不值,簡直隔黎茶餐廳仲好食過佢,一點都唔值得去!!!食完仲要飲好多水,"頸渴"死!!都唔明解咁多人去食!!!

12點10去到，見到佢話要1點先開門做生意，於是去咗行一陣，一點鬆啲翻到尼，見到成間舖已經坐滿人，連門口都開咗一張枱坐咗4個人．由於唔想等位，所以我同honey都坐門口將枱就算．都等咗好久先有嘢食，由於我之前己經食過個爽腩河，所以今次就叫咗個根腩河．honey要了一個招牌爽腩河試一試．個待應亞姐放底咗一碗爽腩河，對面的一對情侶話碗河粉係佢地．於是我就俾翻佢地，跟著尼咗一碗牛腩河，個待應亞姐好勞氣禁話這碗才是這對情侶的，好話我哋攪亂晒．唔駛禁勞氣呀！改翻將單個價錢就得喇！honey話個爽腩都幾好味幾夠淋，我就覺得個牛根幾好，唔太淋，幾有口感．不過個湯都係有啲’立立地’．呀～有個菜圃都幾好味．

食物無可否認係好, 不過服務態度就認真唔專業. 一入門口基本上大冇人理你, 想叫爽腩河就話冇爽河, 但係淨爽腩四十幾蚊碟就有... 咁叫普通腩河又冇河粉... 全程冇人識笑好似欠左佢.小弟都係市井之徒一名, 絕對唔要求好好service, 何況呢D街坊小店. 但係連最基本既"食得開心"都唔多覺, 今時今日真係唔得咯...

爽腩, 肥腩以外, 群記的牛脷也是超水準的。腍滑得來帶著濃濃的牛味, 非筆墨所能形容的驚喜。群記著名的湯, 在星期二至五的3,4時為最好喝, 夜晚的話有機會過濃, 亦有機會不夠濃。星期六日更加唔使諗, 因為太多人的關係, 湯粉的湯會因粉麵"瓊"唔乾水而變淡, 淨湯也會因人太多的關係變得淡, 這時老細會加入大量胡椒, 惜變不出牛味呢。

群記成日好快沽清o的腩﹐今次經過又係爽腩賣晒﹐就叫碗牛腩河算啦。未上檯已經聞到香噴噴湯味。牛腩好"捻"﹐唔駛點趙o甘滯﹐一舊接一舊﹐湯好濃好好味﹐河粉都算彈牙﹐不過最搶都係腩肉同湯底。唔夠十分鐘﹐成碗腩河影都唔見﹐嫌佢細碗呀﹗如果肚餓﹐一定要兩碗先夠頂肚。店舖面積細﹐得幾張檯﹐坐大圓檯就一定搭檯。服務就冇乜o架喇﹐唔憂做丫嘛﹐不過真係睇在腩河份上﹐會再幫襯o既~

行山行到大埔墟解散,自己雖然食左方包,但仲有d肚餓,就去搵食了...之後在openrice見到呢度d食評唔錯,就黎試下...一間小店,四點都幾多人食...自己要左碗牛腩河...牛腩唔"un",唔太淋,幾好食...河粉雖然都係淋,但係有咬口的,唔會好似九記的淋得滯...湯,牛骨味濃,鮮甜,飲完唔太覺口渴,應該冇落味精卦...同埋呢度d湯都冇九記的咁多油...埋單$20,比九記平,都比九記好...仲有呢度的爽腩河都只係$22,下次試下先...

最近好有興趣咁周圍搵野食﹗次前睇左maganize，見到介紹群記，再seach openrice食友們既comment，決定到群記一試﹗店舖不是很大，所以都要等一會才能入座﹗叫了個牛爽腩河﹗湯底很濃，爽腩腍度適中。個人覺得比九記好食﹗$22又唔算好貴﹗唔錯唔錯﹗