群記清湯腩 (已結業)

我聽得多，群記清湯腩很好味，吃會後悔，於事乎專程搭火車去試，唉！真失望，排隊不在話，價錢都不便宜，又不是人們所說真的好味，不過湯是很濃，都好味，我是說湯，我下次不會再去。

平時住開大埔既我,每日都只係行返工收工既路程,放假日終於可以休息一下,就同媽咪去大埔食野,平時去開飲茶,今次有d悶悶地唔想飲茶,媽咪就話大埔墟有一間食牛腩麵好好味,於是同佢去試下,原來由我屋企行去都只係10分鐘路程,去到門口竟然要排隊!!平時我跟本唔會排隊,因為我唔想等檯,但係媽咪又好想食,二黎由於人既好奇心,所以排隊試下夠竟有咩咁好食。入到去,同媽咪一人叫左一碗「肥腩米」同埋一支可樂,望落去同普通牛腩麵冇咩分別,但食落去就知道了,原來湯底真係好重牛肉既味道,平時食麵都加辣椒油既我,今次都選擇放棄我既最愛,淨食碗麵,品嚐佢既湯底,真係超正!!最後同媽咪連湯都飲埋。價錢雖然比普通牛腩麵可能貴小小,$22一碗,但個湯底好有味道其實都覺得值得。去大埔食麵都係首選之一。

以為有D咩咁好食,原來不外如事.....27蚊一碗爽腩面,咪又係一碗味精湯,飲碗湯飲番8杯水都覺得仲好口渴.爽腩OK,但係成日話淨係得淨食,doulbe錢架,屈人都用D高明D手法,當人傻仔呀.服務最好,老闆娘全日口黑面黑,服務員十問九唔應,唔想開鋪不如早D執佢啦..一句講哂,試過一定後悔,未試過千萬唔好去...

一間絕對適合向日本開舖既牛朒舖, 迎合有被虐嗜好既日本人. 伙計無禮貌黑口黑面唔再講, 連收錢果個都係咁, 叫客食完起身既, 香港可能都冇第二間.完全違背一般待客之道.可能老板都知道香港人都開始有被虐好, 越衰就越多人幫襯, 呢個係佢能夠生存既道理. 我每次經過都會望下班賤民, 趕都唔走, 仲要排隊. 犯賤的一定要幫襯啊! 但好多人話貴, 這個就沒道理. 明碼實價$27一碗, 冇錢可以唔去. 好唔好食就見仁見智.

見仍名氣咁大咪去試下lor點知一試就有種賓至如歸既感覺~除左o係屋企外再唔會有人黑曬口面又唔招呼你俾$佢賺,佢好似應份咁當d客係賤民,要進貢你咩!$27碗粉真係勁唔抵d湯的確係有骨味但係無其他野係特別爽腩完全唔爽只係得普通既肉味(就咁煮熟d肉,邊個唔識)大埔大把好野食而且又平今次真係水魚

是啊，味精很重，地方狹窄，店員沒禮貌，很貴，不能慢慢吃...D 食物好食是應該的，為何其他配套那麼差？小心一落千丈，不可挽回！

名人都去,唔出奇!你係老細都會比最好既佢食啦!仲同佢映下相,老板娘至樂意同佢地笑,又唔見佢同我笑!d食物唔錯,不過d湯好重味精,價格太貴,唔值,間中都會去下,但俾$時,佢連一句說話都無講,初時以為佢是啞巴,後來聽到佢同個客講:"食完俾個位人"

剛剛看到有人留評, 又覺得論點幾過癮, 本來想講上星期六見到香港壁球好手趙詠賢出現在群記, 証明這間是名人食店並非虛構(周潤發、譚詠麟之類, 不是電腦執相執出來吧) ....... 或者, 名人都貪靜(否則最好去茶樓食飯), 又不介意店員的態度(態度有幾好味?令壽堂都未必好聲好氣叫你食飯), 只在意食物質素, 否則, 為甚麼他們不到大家樂或大快活光顧?話得說回頭, 今次去吃的爽腩, 又是「私人醒」地片片精采, 兩層膠質夾著一層肉, 煙, 味濃, 而且湯也是一滴不漏地被我喝光(我從來沒有在那兒叫汽水飲), 或者我已經味精麻木, 又或者味精更多的食肆太多, 我又難以作出比較。不過我好相信群記少一兩個客真的沒有太大影響(我去到固然要排隊, 食完時還見人龍), 沒有人會拿刀逼你去吃, 不吃嘛, 是誰的損失, 便顯而易見了。

http://hk.myblog.yahoo.com/risam_hk/article?mid=1571我好鍾意食清湯腩，最近特登走到入大埔，期望佢會俾到D好野我，點知...唉！你地可以去我個Blog睇下我食過D乜野清湯腩店舖，如果有好介紹亦都可以留個言俾我，等我試下。

$27蚊碗爽腩河....不過真係食到爽腩...都算佢啦..o的河粉係個人鍾情粗身o既o個種...群記比九記最大分別在於佢比較少油...唔覺得服務有問題...正正常常咁啦..臨食完整多碗湯飲($5)....好清好濃...好滿足!!

老闆娘好高傲,唔應人,淨係識講收幾多錢,黑口黑面....又加價,成$24一碗,但係味道同料都差左,明明有爽腩又唔肯跟粉麵買,係都要你叫淨食,梗係要作你多D$,問親野都好似唔想答.......

點解叫把鬼牛腩? 因為食完之後忍唔住講左句"把鬼"突登揸車入去試, 期望好高, 所以非常失望。爽腩唔爽, 雖然煲得幾腍，但係就一d牛味都冇, 真係同九記同大利完全冇得比, 旺角樂園十蚊碗仲好過佢, 呢度細碗仲賣成廿七蚊, 雖然唔算好貴, 但絕對物非所值。值得讚係個面唔係普通梘水面,有蛋味, 幾幼身, 稱得上銀絲細面。

本人已幫襯群記好幾年，如果唔使等太耐我一定幫襯，重點係佢個牛骨湯底同爽腩真係其他地方食唔到(九記都唔及群記)，因此價錢，服務就變得不重要！

叫左清湯同腩河，女友就叫左筋河。碗清湯一上就覺唔對路，無以前咁白。一飲，以前滋潤的感覺蕩然無存腩河Ｄ腩又無左以前Ｏ既鮮味女友腕筋河Ｄ筋亦不再白滑唉．．．需則呢間鋪曾給我兩年的滿足，但自始之後無下次喇。

下午4時去食爽腩麵，話無，不過有淨爽腩，只好叫一個淨爽腩，要四十幾元，只得細細碗，另外叫兩碗淨麵，2個人共70元！即是一碗爽腩麵是35元，貴到離譜。