群記清湯腩 (已結業)

星期六放工特登黎呢度食爽腩,好多人排隊,結果要坐門口位,熱死人!!叫左爽腩米,等左我20分鐘先到...第一次食,真係好爽好好味,米粉又彈牙,唔錯!但我覺得咁好生意, 老闆應該擴大d個鋪位,咁就唔駛迫到坐門口咁慘...

接完老婆放工返到大埔已經8:30，唔想煮，就一於試下久違的群記。呢個鐘數已經冇咩人，之餘，河粉，麵，爽腩，肥腩，油菜都冇埋。我同老婆就一人叫左碗腩伊。一到左，試下個湯先。嘩，點解咁好味既? 再試下個腩，好味極了!!!真係非常之好味。平日唔會飲湯的我，竟然食到一滴湯都冇。我決定下次再來食爽腩。我食完之後成晚都冇話口渴，所以應該都冇咩落味精既。d阿姐都ok，都預左冇service既。

家住大埔, 但都係第二次去幫襯.. 皆因位置僻同鋪頭細個湯底真係一流!一食就知係真材實料的牛骨湯, 好好味...~食完個咀一口牛油咁..睇左有d 網友話有味精.. 我又唔覺... 就算係落少少, 釣下味都唔過份者... 咁唔鍾意海鮮都唔好食丫....本人認為食面, 最重要係個湯底... 所以我俾1000 個讚!

看到大家都說好吃.昨天放工特地去那兒買回家吃.去到時.收錢的那位女士已很沒禮貌.又收多錢不給回我.我主動問她拿回還質疑我騙她錢.算了.說回食物.我覺得不是太好.如HK(非會員)所說.很多味精.下次都不會再買了!可能是出了名.不愁沒生意做吧.希望那間店的人可以注意一下.

小病是福...今朝去診所做個小手術，之後決定放半天假。有充份時間去享受一個悠閒嘅lunch...決定坐火車入大埔覓食，一嘗大名遠播嘅郡記...出咗火車站兜咗老大個圈都揾唔到，行咗十零分鐘，亂打亂撞卒之揾到，但去到仲未開門，要等十五分鐘，於是又四圍行，係後面街又俾我揾到另一間好評如潮嘅陳漢記，於是決定大開食誡，食完郡記再嚟呢度(詳情見下一篇食評)...卒之開門，做咗佢第一個客。坐低後馬上叫一碗爽腩麵。係九記差唔多冇次食到，係呢度終於可以有得食，實在感動流涕...再望吓個餐牌，發覺差唔多牛大部份嘅部位都食得到--- 牛鞭、牛面珠、牛腳跟...可恨個胃放唔得咁多嘢...萬眾其待嘅爽腩麵終於送到。先飲一口湯，牛味十分濃，冇落味精，顏色比華姐嘅濃，各有千秋，卒之最後成碗湯飲晒，唔怪得淨湯都收四蚊雞la...爽腩邊位明符其實夠爽；腩部份夠腍，絕唔會食到一塊擦字膠；份量亦相當多；最驚喜嘅係麵亦有好高水準---麵質較軟身及幼，冇落鹼，食落竟然有D似食緊新竹米粉，食得好過癮。只係賣二十二蚊碗，就可以食到咁高水準嘅嘢，真係勝過鮑蔘翅肚...

熟食中心一輪風倦殘雲之長傳急攻後,在北回歸線上回程途中,與群記相遇.亦係此行之最後目標.年前出入大埔,未聞此店之存在,今日初試啼聲,有點相逢恨晚.一點才開始營業,一點零五分已經有三數檯食客.一坐下,諗都唔諗爽腩河唔該.)簡單直接.無須轉灣抹角.牆上有告示,落單前請指明要肥腩或瘦腩.爽腩除外.上桌先嚐一口湯,不得了,清甜到得人驚.牛骨味充斥著湯內.打通晒任篤二脈.之前熟食中心的八成程度飽,頓時消失得無影無蹤.難怪如果要淨湯,要比$4,如果腩河的話,絕對不能加湯.原來如此.飲罷你或會覺得,韓國菜的牛肋骨湯,同群記個湯底比,係相差十萬八千里.爽腩入口無渣無黐牙,筋膜位很爽脆,附帶些牛筋位,膠質豐富,不可多得的美味.同九記叮噹馬頭.真係影相都分分鐘平頭.十成飽出門口,撻著番部iPOD,播到去Franz Ferdinand"Jacqualine".32度高溫下的假期,非常充實.只欠一個眉清目秀的靚女同事Jacqualine相伴而已."It's always better on holiday So much better on holiday ........."

之前食過九記,食之前點都會同佢比一比...發覺呢到有牛咪d...冇咁咸...but d 腩就冇九記咁靚..又答牛根又繩,得2,3舊腩食到...but都好好味

2/6(五)回家前黎食爽腩河牛骨湯底係一貫既鮮甜,比起九記,我會覺得群記無九記咁油今次食係件件都有連住筋膜部份既,爽口又餘又唔韌呢到既portion真係細左d,我試過同男朋友同細佬黎食,佢地要食2碗先飽,不過女仔食都ok既會keep住幫襯!!!

一向食開九記GE牛腩..據雜誌介紹。。大埔GE群記清湯腩，自己喳車落去試第一感覺好吾衛生，鋪仔又細，叫左碗清湯牛腩米又咸又味精勁多D牛腩淋到離譜點解D雜誌感吾負責任，見到D擡又勁污遭..我下次吾會去食

有好幾次經過這裡都碰釘，反而今次無心插柳竟成蔭；原來幫襯這裡都幾講緣份。坐下後聽到有人客外買爽脯時被伙計說沽清，心往下一沉，正打算退而求其次要半肥廋時搭單多問句爽脯是否沽清，得來的答案是今天烹製數量不多，故需留給當食客戶；這點令筆者更體會緣份的東西。爽腩河多青，先嚐湯底，鮮甜味美，應仍是鮮牛骨烹製，而比起九記小了層肥油浮面，這點已經可取；爽腩真可做到爽脆效果，另滿口牛香，不錯；而淨牛腩部份食落比較腍，沒有渣，跟九記滿口牛肉纖維不同；河粉本身沒有什麼驚喜，但配上牛肉清湯及辣油效果及食味不錯。可能筆者近短期分別幫襯九記及群記，總以兩者比較，但個人認為群記較好，起碼服裝貼心一點，員工笑容都多一點。

今日同成班同學聚一聚舊,走果陣都四點,突然落好大狗屎,但係行經大埔墟,都係買兩碗牛腩伊比雙親試下味道!其實我先前都黎過好多次,d牛腩水準平穩,但係d湯就一時時,有時真係好鬼咸!今次第一次試下拎走,味道都冇咩變,但母親就話唔太好食!可能味道濃左d,但我就食到好鬼滋味啦!哈哈!兩碗野,加埋d膠碗蓋,$49蚊,算係中等啦!

一心想去和暢食粥, 點知搵唔到...又記得呢間好似好多人介紹咁...就走左入去...唔太多人....幾張細枱仔...! 通常我都係叫啲佢出名既, 因為未食過...穩陣啲!於是叫左個清湯爽腩米粉$22(actually, it's not my favourite), 個湯唔係好油...不過...啲腩肉我就真係唔太識得欣賞, 一來都幾肥, 二來腩肉既地方又唔"淋", 連埋啲根, 啲根又係好實正....我諗下次要再黎會叫牛面肉啦....! 加埋個菜$10!

呢排可能少左人(當然我唔會星期六日去挑戰啦), 次次食親都極高水準。爽腩肥位甘香, 筋位滋味。雖不及以前, 但都有九成。

5月7日14:40下午到北區公園看小魔怪打手球，先在運頭塘村替太座買活絡油，再到這慕名已久的人氣店，差不多全店滿座，祇剩下兩個位。要了爽腩河：爽腩：部分爽脆而部分肥美，仍有咬口，不像純壓力煲之作。湯底：牛味極香濃，而點點偏離鮮，應有一點點師父，仍覺華姐湯底最鮮甜。河粉：吸水力強一族，不夠滑。辣椒油：蒜香、激辣。地方少，客滿時冷氣不夠涼。要找機會埋試九記。

以前還是小店時,湯是真材實料煲的.很味美.但擴建後一排,湯開始用味精了,一飲便知道.現在不知有無比人投訴落小d呢？