緣聚西日餐廳 (仁愛堂圍) (已結業)

同阿仔喺屯門行街，行到V-city附近，發現原來就在眼前，之前聽朋友講過呢度開左間抵食放题日式料理。 一於入去食餐飽…… 睇睇價目 ;分時段收費，星期一至四成人 : 5~30~ 7:00前離座 $ 168 9:00~前離 $ 248星期五、六、日公衆假期及假期前夕時段收費;成人，7:00前離座 $ 1789:00前離座 $ 258還可升级加$ 118 就可以任嘆 ; 即開生蠔， 松葉蟹蓋，海膽手捲，鵝肝多士 海膽鵝肝炒飯等等。生日仲有88折！！内部裝修以工業風格為主調，也有童玩具裝飾，輕鬆活潑！先點一盤刺身先！嘩！件件閃閃令 ！好新鲜呀！三文魚好軟滑，八爪魚爽甜，甜蝦夠鲜甜！帶子爽滑………冇得彈！質素好好！暖暖寿司 非常好味！款式又多！一次過滿足曬阿仔！黄金焗蟹焗到金黄色，芝士好香！哩個蟹粥非常鲜甜！海皇湯有喺高级餐館飲龍蝦湯嘅感覺！象拔貝刺身爽!鲜！再來個火鍋~天婦羅 鬆脆！甜品款式 繁多……由其韓國產榴槤雪條，籃海塩雪糕一定要試！所有甜品擺放整齊衛生！飲品款式更多……汽水，啤酒、枝裝茶，梅洒，任 酙 Rosee口味啤酒，最欣賞係連杯都放入雪櫃内，

約左朋友在屯門食晚餐，朋友book左緣聚，交通一般，港鐵屯門站都行左10分鐘，剛剛又落雨，有點狼狽。地方都幾大，都算闊落，坐的幾舒服。閑日加落雨都滿座，有點信心。飲品好多選擇，清酒，梅酒都有，朋友要了1664，我要了紅梅味Hoegaarden,都幾貴，出乎意料這裏都有,還要任飲三文魚，油甘魚，八爪魚，鮮帶子，中拖羅，甜蝦，三文魚大腩，希靈魚，象拔貝：剛剛去左北海道的朋友都話甜蝦唔錯，鮮甜濃郁，象拔貝鮮甜，嫩口， 希靈魚一半魚肉，一半魚春，有口感，幾特別。其他刺身都相當新鮮美味，放題有這樣的質素又幾驚喜。燒多春魚：細條但新鮮香口，又沒有腥味。蒜子雞翼尖：少少辣，雞翼尖上的皮肉入口即溶，好惹味，一流的送酒美食。芝麻雞翼：外皮好脆，裏面好多汁，又滑又嫩口，芝麻的香味又好夾，食左好多隻。大蝦，紫心番薯，魷魚花枝, 茄子，南瓜，脆炸三文魚骨：天婦羅粉漿唔厚，唔油膩，較喜歡南瓜，味濃，大蝦唔算大只，幾香口。魷魚花枝有點像春捲，幾特別。脆炸三文魚骨又香又有口感。榴槤炸彈：外脆內軟，中間的榴槤香味濃郁，好榴槤者必食。甜品都好多款式木糠布丁：味道香濃，布丁滑口，有酒店甜品的質素。芝士蛋糕：芝士味濃郁，口

之前在元朗食過這間自助餐，終於屯門都有啦，今晚約左朋友一起去。記得之前元朗點菜是用紙這間改左用平板非常環保食自助餐當然一開始就是叫魚生啦魚生十分新鮮，三文魚大腩非常肥美，魚油甘香。象拨貝刺身爽口清甜。油甘魚肉質鮮嫩。跟著上場的是天婦羅特別介紹紫心蕃薯天婦羅，蕃薯味很濃郁，外面的粉漿很薄。魷魚花枝很特別，里面的魷魚粒很鮮味外面的皮脆卜卜好得意。食左一輪野想搵D野飲下，隆重介紹這間紅莓味的Hoegaarden啤酒是任饮。其實出面仲有好多款的飲品俾客選擇D熱野都有好多選擇芝麻雞翼炸到外脆內軟，裡面好juicy，配上芝麻更加香口。辣雞翼尖少少辣，用來送啤酒一流。蟹粥裡面有半只蟹，蟹肉的甜味加上蟹子的鮮味好好味。最后來多個打邊爐，鮮蟹粥底鮮味十足，裡面有成只蟹。好滿足的一餐。

不嬲食放題都係去旺角尖沙咀食，感覺屯門係冇放題，俾我揾到間所以星期六去試下。呢度既放題都幾多選擇，對比起其他大路放題，佢仲多左火鍋、生蠔等選擇。講下食左咩先。。火炙壽司- 全部飯細細件，可以試多幾樣野。火炙三文魚同和牛壽司挺甘香，鰻魚壽司也很不錯。芝士焗蠔、蒜香焗蠔- 雖然細隻，但蠔鮮甜肥美，個人較喜歡芝士，和蠔味道很夾。澳洲羊扒 - 有肉香不羶鐵板牛舌 - 甜甜地，牛舌爽口，幾好食。黃金雞軟骨 - 好香脆，忍唔住食左好多清酒煮蜆 - 最好食係呢個，好鮮甜最欣賞係甜品同飲品，對比市面上既放題比較多選擇。（例如有韓國嗰隻哈密瓜雪條（出面買都幾貴）、清酒、梅酒）。總括呢個價錢以放題黎講算抵，酒水咁多選擇，可以考慮下。

同朋友喺屯門行完街，經過呢間緣聚，望落去裝修好特別，氣氛都唔錯，就決定同朋友一試。呢間同普通放題比較特別嘅地方係，佢唔係用紙黎落單，係每一張枱都有一部平板俾你落單，方便得來，又夠環保！黎食放題，梗係要食刺身啦，呢度嘅三文魚都尚算厚切，食落去都新鮮。甜蝦大隻，如果冇咗啲雪藏味就會更好！壽司細細件，唔會食幾件就好飽，可以試多啲唔同嘅款。特別推薦煙三文魚，入口即溶！之後就輪到炸物，呢度嘅番薯芋圓，入口即溶，甜度岩岩好！焗蠔同燒蠔，都尚算大隻，但係如果可以重返少少好味，口感就會更豐富 呢度都係一樣有自助嘅飲品、雪條同雪糕，比大家任飲仼食！

跟表兄好耐冇聚大家相約行山完左一於食餐好又唔想出市區決定留係大西北搵到呢間放題呢間放題野食都幾多選擇而且有先進科技用PAD 點餐環保之外仲幾有意思飲品同沙律都係自己拎自己配搭唔會限死你選擇真係幾唔錯我的最愛粟米當然唔少得係叫刺身三文魚好厚切，啖啖肉，又滑又新鮮另外值得一讚係帶子好大粒爽口十分鮮甜小小又抵食嘅放題仲竟然有拖羅有拖羅壽司同刺身當然口感一定冇貴價魚生咁好但仍然新鮮同有入口即溶嘅感覺算得上出色另外炸物粉皮唔會厚重點係熱辣辣不過佢唔記得比個天婦羅汁我地但服務員都有禮燒牛舌係呢到嘅最好味野食大塊之餘又唔腥仲好有口感 而且juicy呢到仲有唔同日本酒，清酒，梅酒真係唔錯雖然小弟唔飲酒 但表兄就話好好飲!＿

今天和媽媽慶祝母親節， 為了想媽媽吃得豐富一些， 便選擇了到 “緣聚西日餐廳”吃放題 。第一次來到屯門新開的分店， 地方真是非常闊落 。店內用了很多卡通公仔，壁畫作裝飾 ， 色彩繽紛 ， 十分醒神 。不只是小朋友，連我媽媽都很喜歡 。坐下，店員便給我們平板電腦點餐，有菜名有圖片， 點餐非常清晰方便，上菜亦很快，值得一讚。刺身，點了甜蝦，螺肉，帶子， 都很新鮮。甜蝦膠質很重， 甜美可口。黑椒 枝豆， 清淡得來，帶點黑椒味，我媽話幾好食，可以一試。還有青口和熟蝦， 味道可以火灸三文魚壽司,三文魚肥美 ，沙律醬不太多剛剛好 。火灸蟹膏帶子壽司： 帶子混合蟹膏醬一起吃 很美味 但就略嫌上面的蟹膏太少。壽司細細件， 一啖一件剛剛好。 壽司飯還有少少溫度， 感覺新鮮熱辣，當然要encore.厚燒牛舌： 牛舌有四大件，每件都很厚身。 因為厚身，所以燒過後外脆內軟 ，十分juicy.入味得來又唔會太鹹，喜歡！澳洲羊扒 ，大大件，沒羶味。炸蝦天婦羅， 脆漿較厚， 裏面蝦細隻清淡。反而茄子天婦羅外面脆漿唔厚 ，裡面茄子滑稔濕潤 ，好有口感。蟹粥 用一個小小的石頭鍋 盛著，上面鋪著紅色蟹籽子，賣相令人垂涎。

以前細個西餐廳（好似係椰林閣）變左間放題餐廳，聽聞係元朗好出名既，星期一收工同媽都唔想煮，就提議不如出黎試下呢間，阿媽仲好好咁上定Openrice 睇有咩必食推介。 呢間餐廳門面招牌勁大勁好認，完全估唔到以前黑沉沉既餐廳，變左咁工業風，餐廳內勁多影相靚位。連廁所都設計得好有心思，我去完特登叫媽入去洗個手參觀下。 欣賞呢度用iPad 落單，好環保，同時都好有效率。 一叫就有得食，好快上。 刺身雖則我地叫得小，但師傅都勁有心機拼靚佢，見到隔離多人仲有乾冰噴住上，又係食得睇得既餐廳。 醃魚生，本身好怕太咸，估唔到佢一點都唔咸，反而係好有咬口，勁想有碗飯送魚生。 壽司唔會勁多飯俾你 ，醋同珍珠米比例剛好，係有良心放題店先會咁。 好多都俾勁多飯整飽你，呢間就唔會。相信都要對自己手勢有信心先可做到。 焗蠔係媽媽話其他飯友推介要食，果然係整得唔錯，唔係我地小鳥胃一定再叫。 足料蟹粥，再加可放菜打邊爐，真心估唔到佢黎咁大煲，不過佢煲得好甜，好鮮，但真係要4人先食得晒。芝士蟹籽手卷口感勁豐富，係出面好小有呢個口味食，一點都好流，勁juicy. 一上台，估唔到佢係咩 大家估下，321佢係蕎麥麵。 呢間店好

跟Cindy認了廿多年，當晚的聚會是她婚後第一次見面，坐在對面的她，看起來神彩飛揚，果然幸福的女人特別美。我們相約在”緣聚”晚飯，真的很貼題，Cindy最近轉換工作，恰巧也來到屯門，緣份真的很微妙。說回”緣聚”，我曾在元朗店吃過數次，當知道屯門開了分店，當然要試試吧。門面跟元朗店一樣， 店名用上吸晴的大燈箱， 遠遠已經看得到 ，唔會走漏眼。店內裝潢也跟元朗一樣，佈滿特色的擺設，加上有些不同顏色的小燈泡，令店內的氣氛更迷人。入座途中看到有汽水櫃, 甜品櫃, 雪糕櫃及小吃Bar，款式眾多，任君選擇。屯門店用iPad點菜，可以節省待應下單時間，令上菜更快更準確!由於Cindy不能吃魚生， 只有我自己吃， 所以只選了我最喜愛的三文魚，甜蝦及玉子。當中甜蝦係最出色。好新鮮好鮮甜，冇腥味；三文魚都唔錯，脂肪花紋平均。黃金燒蠔 - 蠔肉飽滿，雪白嫩滑，被半溶的芝士覆蓋，芝士味濃厚，提升蠔的鮮美。焗牛油紫薯粒粒 - 紫薯本身已經很香甜，加埋牛油一齊焗更香更可口。紫心香芋丸 - 香甜嘅芋泥丸炸得外脆內軟，又唔油膩；芝士蝦丸 -芝士蝦丸夠芝士味，又熱又香 ，可惜做不到拉絲的效果，但口感一流很彈牙。如果鐘意

媽媽節決定搵間放題 食餐好但又唔想去咁遠屯門不是太多選擇岩岩開張 食過1次緣聚宜家又黎多次 仲多左野食tim2人同行1人半價低好多wo裝潢都幾大幾舒服既有10款冷盤 係之前無既 有藍青口係唔錯既飲品最suprise係有清酒 雖然無試 但其他選擇都好多一坐低就點刺身 好新鮮 由其係三文魚腩 好厚呀 帶子都大隻 嗌完1盤 已經要再點綠茶係無限飲 一壺上焗蠔有2種味 芝士就creamy d 蒜咪就香口d 一次過食左4隻~甜品柜8款選擇 仲有雪糕雪條柜真係總有一樣岩你鐵板牛脷 好淋 但唔夠味 鍾意燒既多d炸物 雖然無芝士年糕 但有芝士蝦丸 同香芋丸 真係好味 仲有炸花枝 食飽飽 都要留肚 試呢個焦糖3.6牛奶雪糕 好濃味 食左2個咁多其他木糠布甸 milk pudding 都唔錯 不算太甜總括黎講 都唔錯起碼唔駛出到去尖咀先有好正既放題價錢都合理~

我第一次寫食評！都多謝這餐廳！食中午飯！選平88元在加20元飲嘢！都知道平！可能會差少少！其實之前去開元朗店！屋企人都好開心！好食，食物出很快！所以屯門有大家一齊試下！但很不幸！今次令人失望！可能早D待應無乜理人！一理人就係話我做什麼拿了他們的餐具去自己張檯到！其實我屋企人要餐具！他們無人理我！我見到有個待應剛上班！我就問他可以拿來用嗎？他說可以我才拿！後尾令一個姐姐過來鬧！為什麼拿來用！真係O哂嘴！轉頭叫食物！等左20分鐘第一樣食物到！30分鐘第二樣食物！40分鐘第三樣！真係等到儍！在之後仲有衰嘢發生！真係嬲到爆！未見過待應會不停話個客！！出食物超慢！只有一次！無下次！受罪。。。。

以為西 “日” 餐廳，拉麵應OK 的，可是大失所望！一個人中午12:05到此餐廳午餐，點了叉燒拉麵。 ”叉燒”， 似只是用鹽醃到好咸的豚肉，那隻半熟烚蛋，在其他食肆是會醃製過的；湯底亦好咸、沒有香味，麵的份量好少。我情願佢多收幾元，讓我食多幾口，不用要到別處再食下午茶！至於服務，真係好差！我到達餐廳時只有數個客，預咗會被叫坐埋一邊。門口侍應手指一下身旁卡位，我正想坐下，她忽然叫住我，話：「一個最埋果張 」(在雜物存貨前面)，一句唔好意思都無，令我覺得尷尬，如不是趕時間，一定即走！其他侍應亦目無表情，放下食物時一點禮貌都無。最可怕是有一隻巨蚊在面前飛來飛去。一定唔會再去！好懷念以前在同一位置的翠河餐廰 

這天生日男朋友帶我吃個日式放題午餐。雖然生日月有折，但有限制的。午餐都好豐富啊，超多選擇！坐底後，員工會給你一部電子屏幕，代替傳統點餐紙，很環保呢！先來點前菜，蟹籽沙律很開胃，蟹籽份量很多。帶子裙邊很爽很甜，非常好食！我最愛的甜蝦啊，是原隻的啊，非常新鮮，記憶中吃了三盤，回本之選！火炙壽司好食，小小的一個，不會太大個，三文魚，和牛，縵魚和帶子都有再叫第二次！燒蝦很大隻，而且肉質不錯，爽甜的。燒蠔都有兩款味道，辣蒜味和芝士味，兩種都不錯，雖然蠔不是很大隻，但小隻的在放題反而更好，因為來食放題的都希望每樣都可以試到。牛舌都意想不到的煮得入味，厚度適中。之後點個壽喜燒，湯底很濃啊，甚至比起吉XX得更濃，很有驚喜，跟日本的濃度差不多，如果去過日本食壽喜燒就會知道是這樣濃味，食到最後是會令人覺得有點咸的！菜和金菇，丸類和餃子，和牛都不錯，與出面打邊爐的質素真的有得比，但一個價錢有這麼多選擇，而且他比打邊爐更便宜好嗎？飲品任飲而且選擇多到有點選擇困難症。這個桃咪，有4%酒的飲品好好飲，哈哈。更有我平時喜歡的烏龍茶，如果想飲凍檸茶，奶茶這類的都有。我很喜歡這兩個甜品，藍色是海鹽雪糕，咸咸甜甜的非常過

萬眾期待屯門終於有放題，點知失望而回！食物一般但係俾得二佰幾蚊價錢都明白人哋會俾啲咩嘢你嘅！失望嘅係服務人員嘅態度！🤬我同閨蜜食咗45分鐘之後（叫咗第一round嘢食）有位姨姨過嚟話仲有10分鐘last order，我哋話round 1都未到齊點叫round 2 呀？咁我哋唯有快啲叫埋想食又未叫嗰啲啦！5分鐘勁快落完order姨姨又過嚟叫我哋埋單！我哋見距離要交枱時間仲有40分鐘咪諗住等多陣食物到齊再埋單！點知我哋叫嘅食物一直冇嚟！但係佢哋就不停叫我哋埋單！我哋問啲食物幾時有，佢哋就話啲食物冇哂唔會嚟！太過份啦！咁我哋不如唔好食放題？是但搵一間日本嘢食咪得囉！下次都係去遠啲搭車出其他地方食！唔會再有下次！

在4月27日 汁枱有無禮物，扔隻碟來叫我地買骨上隻碟到，之後我地買單，睇張單計多1位小童錢，之後我地話比個女人侍應知，佢問我地有沒有度高，我地話沒有人叫我地度高，根本我個孫仔都唔洗度高都未夠3歲，之後個好無禮物個侍應係都叫我地帶個bb去度高，根主有個靚女行埋黎就同個侍應講都唔洗去度高啦！佢都唔夠高，個女侍應太度都差到不得了，仲有話就話食2個鍾，個半鍾就問我地有無野點，無就接單😈奇實得個半鍾！！