緣聚西日餐廳 (仁愛堂圍) (已結業)

呢間放題就係我屋企樓下，之前我都去過元朗食，覺得好好食，環境又好，所以決定係屯門試下！一入到去，環境真係唔錢，又大又光猛。我地一行四人叫左刺身都十分新鮮，芝士焗壕超好食！推介推介。

爸爸喺屯門返工，趁佢未返工就帶埋媽咪爸爸一齊去食返餐午市放題。午市都已經有好多野食，見到d相片樣樣都好吸人😋入到去店鋪好大好舒服😌裝修好有特色。點餐採用電子屏幕，十分環保♻️又快捷又方便。點菜前可以食住小食及前菜，自由選擇。仲有飲品雪糕供應，清酒都有㗎 B仔雞翼尖，煮到淋淋地好入味，食唔停😋😋😋刺身拼盤有多種選擇，螺肉爽脆鮮甜，帶子都好新鮮，一句講晒，正！蜆肉浸入濃湯，非常清甜入味，一粒沙都無👍芝士焗蠔-熱辣辣好香好濃芝士味，蠔肉一啲都唔腥👍南瓜天婦羅-南瓜肉超甜炸至金黃色，好似食緊甜品一樣

同朋友講起好耐無食放題啦，平日食放題都要出到遠一遠先有得食, 但原來屯門都有放題食㗎。 餐牌嘩……好先進呀，喺用pad點食物㗎，第一次嘗試，夠創新刺身上刺身嘅時候, 除咗有冰底同好靚嘅花花草草做裝飾之外,仲有一杯乾冰, 令到成盤刺身都散滿”仙氣”, 影相呃like一流，值得一讚嘅喺象拔蚌刺身，鮮甜爽脆無雪味，建議無需點醬料食先食到鮮味。還有三文魚, 帶子, 油甘魚, 甜蝦呢啲就一定係必備架啦, 但係最特別嘅就係連三文魚大腩刺身都有, 入口油脂甘香, 加上厚切, 一啲都唔吝嗇。手握有壽司壽司飯全部都係手握嘅, 每一件都細細粒, 食多幾件都唔怕飽。呢間供應的壽司都幾特別好似有海鹽燒和牛壽司，火炙醃漬左口魚邊壽司同火炙蟹膏帶子壽司，呢啲都喺一般放題無供應嘅，值得試吓。至於熟食方面都有好多選擇，例如鹽燒雞亦，澳洲羊扒，澳洲西冷扒，厚燒牛舌，汁煮牛舌等都有一定的水準，醃得夠味又夠淋，炸物有大蝦天婦羅，紫心香芋丸，軟骨餃子，芝麻雞亦等炸漿做得夠薄仍保留肉汁，一啲都唔覺油膩。甜品方面除了選擇多之餘亦有一啲特色嘅提供例如藍海鹽雪糕，焦糖3.6牛乳雪糕，榴槤雪條及yakult gelato等都喺呢度先可

減肥計劃進行得如火如荼 夜晚喺屋企都係食半碗飯 但係耐唔耐都要食番餐好 放任一下 更何況美食當前有時經過都見到呢間入面好多人食 一路都想試下 食日式放題 一開始梗係叫刺身先啦 幾鮮甜 解凍亦都做得幾好手捲都好好食 但係唔好食咁多 如果唔係食到飽曬食唔到其它嘢燒粟米好甜 同埋唔會燒燶 而家要食得健康啲天婦羅番薯 係用紫番薯 甜度同口感都啱啱好食到咁上下飽飽哋 就再叫第二輪刺身水準一樣保持到 點嗰啲全部都嚟曬 試過喺出邊食放題 啲熟食要等好耐先嚟 嚟到都飽曬啦 呢間餐廳幾好我order完好快就有 而且應該係即製嘅 熱辣辣喺個甜品櫃入面 竟然畀我見到有馬卡龍 仲要好好食添

放題$98，飲品甜品自助+$20，加一後每人$129.8，用餐時間2個鐘。食物味道OK，但漏單情況好嚴重。用紙落單要留意落單時間，過左15分鐘無野黎就要追。我12點開始時，1點後落左4張炸物單，到1點半追單先有1張單黎，另外同一張單叫兩碗麵食黎得一碗。漏單漏到咁，好失望。

住新界區的朋友終於唔使出去九龍先食到放題拉難得今日我和老公都早放工，想吃日本料理，在屯門市廣場附近賽馬會隔離就有一間很大的日本放題食店。店裏裝修很新，時尚有型風格，桌椅歺具一致，鮮艷顏色，充滿活力價錢是248 加一，算合理！新的放題食店都用電子點餐，超正食物種類真係多不勝數，刺身，麵，烏冬，火鍋，炸物，甜品吧，沙律吧，熱茶，特飲，啤酒，汽水......算是我吃過的放題當中最多種類刺身是必點的，新鮮新鮮！壽司也很有誠意的，飯細細粒微溫👍有我特別喜歡的炸榴槤波波，吃了4粒，好像有點誇張🙈🙈焗蠔也是超水準之作，芝士微焦熱騰騰的，蠔也剛熟，新鮮每樣都吃一點，吃得飽飽的，最後最吃一杯雪糕就夠滿足

緣聚在屯門開的時候，就想找個機會試試，因爲它是屯門的第一間放題，終於找到一個平日有時間和家人試試。平日的人也不少，幸好去的時候不用等太久就能入座，可能兩位比較好安排。裝修都挺特別，有很多工業風的裝飾。平板點餐一來環保，二來點餐快捷，加上有實物圖，又可以看自己點的食物，真的很方便。飲品櫃有很多選擇，最驚喜是有樽裝維他奶，還是暖的那種。甜品櫃除了有雪糕，雪條還有迷你裝的蛋糕，款式都算挺多。沙律吧有我最喜歡的日式前菜，自己夾，還可以自己弄蟹子沙律，方便。刺身都有不少選擇，有我愛的甜蝦連頭的，挺肥美的。雖然吃放題叫壽司好像有點浪費quota，但面對我愛的灸燒類，都是忍不住叫了兩次，新鮮肥美。燒蠔都令我加了很多次單，蒜蓉最惹味,蠔也不少，吃了很多隻。炸物類都有很多選擇，最驚喜的是炸芋頭丸，外脆内軟，芋頭的外層應該有番薯，不會過甜，一口氣吃了很多粒。另一驚喜的是鐵板一口牛，黑椒味濃，洋葱軟軟的，牛肉很鬆化。滿意的一餐，都算抵食。

今日中午出左去屯門市中心，又未食中午又諗到果頭附近有間放題，難得屯門有放題當然要來試下，平時大都數都是旺角多。坐低店員遞上一部平版電腦落單幾方便吾使再用紙仔落單。食物種類繁多刺多，壽司，握壽司，火炙壽司，天婦羅，卷物，風味之選，燒物，食事，一品料理，西日扒餐和焗蠔。又有飲品任飲，雪糕任食仲有dreyer’s雪糕任食好少餐廳有仲有好多甜品有乳酪，豆腐花，蛋糕，燉蛋等大滿足。蒜蓉焗蠔好香蠔又不會太細隻。刺身三文魚，希靈魚，甜蝦，帶子等全部好新鮮又冇雪藏味蜆仔肉質肥美，湯又鮮甜可口。壽司飯又軟熟。鯖魚燒到皮脆肉嫩，蕃薯仔甜甜地。鐵板牛柳粒肉質夠淋，牛味又濃又入味。炸物全部熱辣辣好香口。蟹膏雞粥好鮮甜粥又夠軟綿綿

食放題，去食放題🎶今日約左屋企人去緣聚西日餐廳食放題,為左有更好表現，大家都留左肚子陣間要食多d,點知實在有太多選擇，喺一個樣樣都想食、樣樣都要叫嘅情況下，好快就宣布戰鬥完畢，個個捧住個肚走，哈哈🤣七點去到已經有好多人，好在餐廳都好多位，唔洗等就入得。餐廳嘅裝修幾特別，以愛情為主，四周以520，1314等燈箱做裝飾。而且冷氣夠，超涼爽，都幾適合聚會黎。呢度用ipad點餐，快靚正🤗老公幫豬點左最愛嘅三文魚、甜蝦、帶子和象拔蚌等，賣相睇起黎都好新鮮，而事實上味道都符合外表嘅鮮美，抵讚👍三文魚唔腥，有口感，唔會好似出面有啲食落好膠咁。甜蝦刺身好鮮甜。漢堡扒，雞扒同燒羊架，當中燒得金金黃黃嘅羊架，非常吸引，見到已經垂涎欲滴。食落非常香口同味，肉質嫩滑多汁，再encore左一次。另外漢堡扒，表弟好喜歡。還有牛柳粒，好腍身。壽司方面我地都食左好多，可能大家會主力食刺身，免得食成嚿飯太快飽，但我地都鐘意食壽司果D款式。而呢度嘅飯都唔會好大嚿，亦都係屬於好食。和牛壽司入口有牛味，帶子壽司都好新鮮，推薦大家。膏蟹雞粥，粥底綿綿的，雞好滑，但說好的膏蟹，多d就好。日式蟹皇翅，幾足料，熱辣辣，唔錯。燒粟米，

相隔三個月 今天又到屯門緣聚西日餐廳 放題 。朋友喜歡吃放題， 貪這裏 就在輕鐵站附近 非常方便就腳 。而且食物種類選擇亦多，西式扒類，日式刺身，壽司，炸物，天婦羅， 甚至乎中式 粥品， 亦可以在這裏吃到。雖然時午飯時間吃放題， 但因為這裏用電腦下單， 上菜 速度很快， 亦沒有發生漏單情況， 所以一點都不倉卒。帶子刺身，一如既往，新鮮又甜美。我一個人點了6件。火炙和牛 和牛壽司， 火炙和牛薄薄一片，半熟，有牛味，入口溶化，配合 美味和暖的壽司飯，十分好吃。火炙蟹膏帶子壽司， 最喜歡吃帶子的我，一定唔會錯過， 火炙過的帶子 雖然沒有帶子刺身般軟滑，但配合軟綿甘香的蟹膏 口感卻剛好。燒牛舌，記得上次吃過好喜歡，十分期待 。但今次送來的牛舌明顯較乾身， 口感一般。 後來決定再點多一次，幸好第二份牛舌 能夠保持水準，厚身， 有光澤， 食落口感諗滑濕潤。燒物方面，除了牛舌之外，還點了燒青魚和燒大蝦及燒魚骨。 估唔到燒大蝦反而有驚喜，大大隻開邊燒， 蝦身上面少少牛油芝士混合蝦的海鮮味非常 惹味（尤其是蝦頭部份）。朋友還點了黃金焗蠔和大蝦天婦羅， 焗蠔蠔身尚算大隻。 大蝦天婦羅 脆漿唔厚， 如果蝦可

緣聚餐廳以工業風為主，金屬的裝潢、紅綠燈座、卡通人物、霓虹光管，彷彿置身於工廠之中。沒有一本厚厚的order簿，可以用掌上電腦落單，我們立刻叫食物，呢度貼心之處可見於落單之上，上至炸物，下至飲品，客人亦無須移步到外自行領取，餐廳服務員會一一為你送上，非常方便。我們選刺身，有三文魚、帶子、甜蝦等等，拼盤擺放比較平實，沒有別店的誇張花巧，但刺身質素高，非常新鮮， 特別是帶子很鮮甜，帶子大大粒，肉厚彈牙，令人津津有味。另甜蝦鮮甜，象拔蚌爽口，性價比不錯，值得推介！ 壽司細細件岩曬女士們，飯量均勻，一級棒啊！接著我們就點了肉類， 當中的一口牛、羊扒均是心水之選， 而料理的忌廉焗蠔、炸雞翼、 芝士獅子狗， 都很美味， 不能錯過！ 燒羊架，睇到都流晒口水，燒得好香口，外脆內軟，帶有肉汁，肉質嫩滑。天婦羅都唔錯，有蝦有蔬菜，天婦羅蝦既外層炸粉炸得好脆，咬落去好明顯聽到chok chok聲，唔會炸得太乾身。天婦羅蕃薯炸既火喉控制得比較好，蕃薯肉香甜。我最鐘意食南瓜，唔油之外，南瓜入口即溶又唔會硬。放題所提供的壽司、軍艦、 料理等等， 種類繁多，不能盡錄， 味道均具水準！ 此店令我欣賞的是，沒有出現漏單

屯門任食放題選擇好少，依間係屯門市中心少數既放題，每晚都好多人排隊，相反lunch就好少人。午市放題仲要只係$98，雖然唔包甜品同飲品，但係都有好多選擇，抵食!!!

響屯門返工嘅關係，成日同同事響lunch時響依區搵食！今次我地就試下依間平時夜晚大排長龍等食放題嘅餐廳～lunch時可以揀食放題或普通lunch set, 時間關係我就食lunch set!lunch set都算幾多選擇喎，我就揀咗雪花肥牛石鍋飯，$48咋上菜都上得幾快，一黎到我見份量都幾多，不過佢冇比任何醬料，撈起上黎有啲乾，但如果加埋個餐嘅泡菜就岩岩好喇(唔食泡菜嘅話可能要考慮下叫第二樣野）肥牛份量算多，味道唔錯！另外朋友就點咗個炸雞脾拉麵！隻炸雞脾好大隻呀，望落賣相唔錯架！值得一提嘅係lunch set嘅餐飲可以揀兩杯，好抵呀(不過凍飲每杯加三蚊架）經過附近不妨黎試下依間日本野呀！座位較多，容易拎位！

朋友聚會，佢地帶左我去呢間屯門區放題，本身覺得唔會好正，點知出乎意料，水準不錯收費大概同尖沙咀區放題差唔多，每人$248點菜係用pad落單食物種類都好多選擇除左有日本野，仲有西餐食物例如牛排、羊架等等魚生新鮮，放題黎講係十分有水準特別一讚象拔蚌刺身，好鮮甜爽口，好少放題可以有呢個水準壽司亦不錯，喜歡佢的飯細細件，唔會食到飽晒有牛肉壽司亦都好驚喜飲品都有好多選擇，竟然有熱維他奶唔駛講野，即刻整返枝先如果喜歡飲酒，呢度仲有任飲啤酒自助沙律吧，朋友話有平時係壽司店一碟得2隻的八爪魚，呢度任食要食返下熟食都有唔少選擇特別喜歡。。。紫薯波波，好脆！入面甜甜地，鬆軟焗蠔，都幾大隻，配上芝士，焗得剛剛好，好juicy芝麻雞翼(忘記拍照)，外脆內軟，好入味雖然唔算平，但食飯有質素會再黎

1.食到一半就截單除左刺身，其他野食上菜相當慢，食物一般都算，但食咗45分鐘已經捷單同叫你埋單2.未夠時就趕你走最後15分鐘，幾個staff已經圍住推架車黎清台，趕你走。我地話未食完，飲埋杯野就走。3.服務態度極品佢地就搵個紋身staff過黎趕人，原句係：「請馬上離座，如果唔係我會一直企係度」。未到時我地離座個陣仲俾說話我地聽，搞到屋企人好勞氣咁走。出到門口見到時間係6:59。如果我係第二輪嘅客，我會為佢地喺7點清哂個場嘅努力而鼓掌。今晚揀呢間野同屋企人慶生，但二百幾蚊貼錢買難受，又令屋企人勞氣，真係好唔開心。從來只用openrice睇食評，但今次真係想反映返。食個飯都咁大壓力，啲客都嚇親......真心希望餐廳老細可以了解下！