緣聚西日餐廳

Together
188
9
6
港鐵屯門站 E 出口, 步行約7分鐘 繼續閱讀
所有分店 (3)
電話號碼
23681691
98186536
開飯介紹
集日式放題與刺身火鍋於一身的餐廳,場內共約有160個座位,裝潢走以時尚工業風,設有以貨櫃為元素的玩味裝置。餐廳提供IPAD的快速點餐配備,提供刺身、西日扒類、燒物、卷物、天婦羅、火鍋等。 繼續閱讀
營業時間
今日營業
11:45 - 15:30
17:00 - 23:30
星期一至日
11:45 - 15:30
17:00 - 23:30
付款方式
Visa Master AlipayHK 支付寶 現金
其他資料
網上訂座
加一服務費
當面支付
有關餐廳
強勢美食!緣聚西日美食嚐不停
坐落於元朗的緣聚西日餐廳,是區內少有集日式放題與刺身火鍋於一身的餐廳,為大家誠意打造創意與選擇多元化的放題dream place!

場內共約有160個座位,以搶眼顏色配搭型格風格,呈獻別出心栽的時尚工業風。有以貨櫃為元素的玩味裝置、復刻的英倫風字牌等,打卡位甚多,未開餐前可以先來個「相機影先」!

除了每枱設有點餐紙畀你任剔任點,同時間更有IPAD的快速點餐配備。眾多美食一網打盡,選擇超過一百款,在限時之內想食乜就食乜!由刺身、一品料理、西日扒類、焗蠔、風味之選、燒物、日式食事、小食及沙律、卷物、天婦羅、手握壽司、火鍋湯底及配料、甜品、甚至自創自助任剔的飲品都有。

必食推介:鮮菌蟹肉粥、蟹粥鍋底、油甘魚刺身、鮮帶子刺身、一口芝士、蒜香焗蠔、澳州羊扒、鐵版牛舌、燒秋刀魚、焦糖3.6牛乳雪糕等。

此外,想舉辦特色主題活動?「緣聚」都有得揀!另設有包場及訂房服務,有關詳情請向店員查詢。

有關獎賞計劃
食評 (235)
等級4 2019-12-05
2929 瀏覽
今日整完回鄉證就喺附近搵野食, 原來屯門都有一間緣聚,呢間超大間, 感覺好新,好企理。餐廳非常大,座位非常多, 設計都幾時尚新穎,仲有iron man嘅小擺設, 感覺貼近潮流嘅尖端。首選先點了些刺身, 三文魚刺身睇落去好肥美,食落去三文魚油多, 味道新鮮鮮甜。吞拿魚夠晒厚切冰凍, 一啲都唔腥。 甜蝦都幾大隻, 搣曬殼而且蝦頭仲有膏添。 象拔蚌夠曬爽口鮮甜,而且仲大大片添。隨意點咗鰻魚壽司,和牛壽司和蟹柳壽司。 我比較鍾意佢嘅壽司細細件,感覺食好多都唔會好飽, 仲可以試好多唔同款式嘅壽司。呢度竟然有三文魚籽手卷食, 簡直係我嘅大愛呀, 三文魚籽成本高,食返十件八件都返本了。出面自助式也分了沙律部,小食部,飲品部和甜品部,非常清晰整齊。呢度竟然有迷你甜筒添, 食枝細細哋仲可以試埋其他款式既甜品,真係正。 甜品選擇多,真係冇可能樣樣都食曬。呢個價錢有咁多選擇,真係好抵食, 仲要唔使成日同人迫。 繼續閱讀
(以上食評乃用戶個人意見 , 並不代表OpenRice之觀點。)
等級3 2020-03-21
0 瀏覽
這間位於屯門日式放題!其實這間店舖還有其它分店!店舖環境十分之唔錯!裝修好特別!我覺得真係幾靚!地方又夠大!坐落真係好舒適!至於食物方面都好多款式!有好新鮮魚生、生蠔、羊扒、大蝦、天婦蘿、雞軟骨、特式甜品,其實還有好多款式!我先介绍這間店舖食物非常新鲜!魚生方面真係好新鲜!可以唔停叫食!還有D虾非常之新鮮又大隻!咬到入口好爽口!味道好鲜甜!.羊扒又新鮮咬落都好腍身!味道又鮮唔錯之選!天婦蘿炸到又夠鬆脆!做出來都好有水準!咬到入口感覺到真係好正唔錯!其實仲有好多款食物!同埋其他釋特色甜品!最特別D甜品有馬卡龍真係好特別!食入口比平時又D唔同!平時D馬卡龍我覺覺得好甜,係到食係完全唔會好甜!咬落去好有口感!十分之正。至於價錢方面,我覺覺得都唔算貴,因為以放題來講食材好新鲜!款式有水準,我覺得可以接受,只係百幾蚊就可以食到!真係可以去試吓! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-02-27
230 瀏覽
分別於2020年2月27日致電屯門店詢問有關一送一優惠詳情, 由女士接聽, 語氣已經非常之差😡 講左: 你上facebook睇, 自己理解, 嚟到冇券就冇優惠近住我問了我的疑問, 只想知道答案是YES 還是 NO她默不作聲幾秒後 cut 左我線, 連訂位都不我訂, 屯門緣聚不願意接客, 就不要推廣, 我會如你所謂不會來光顧. 繼續閱讀
(以上食評乃用戶個人意見 , 並不代表OpenRice之觀點。)
等級2 2020-02-27
289 瀏覽
生日免費好吸引,於是帶多個朋友黎食。屯門好少有日式放題,呢間係屯市附近都幾近,出面招牌都搶眼,算易搵到。日式放題248+1,呢個價錢都算比出面平少少,如果做埋生日優惠就好抵食。用平板手機點餐,種類都好多,咩鍋物,刺身,天婦羅,壽司,手卷,甜品,肉類,冷盤,串燒款款都有,好多選擇。每件壽司都細細件,唔會因為點太多食唔哂,味道方面唔算話好好味,只可以講唔錯,新鮮就一般啦。個人比較喜歡榴槤雪糕,好重榴槤味,又喜歡佢的燕窩樽特飲,唔知係咪真燕窩,呢個價錢食到燕窩基本上冇可能。不過都幾好飲,有口感。 繼續閱讀
(以上食評乃用戶個人意見 , 並不代表OpenRice之觀點。)
緣聚分店有幾間, 睇網上留言係屯門和荃灣嘅CP值比較高🤣今次揀咗屯門試,夜晚九點後有優惠,二人同行一人半價,即係第一位比二百幾蚊,第二位係比百幾蚊,除返每人約220,任飲任食仲有甜品!刺身好新鮮,當然唔少得係三文魚同甜蝦,而且壽司都係即叫即做,壽司是脆脆的紫菜,正!黃金尤魚壽司超正!雪烚三文魚子味道就😅😅大家可以一試😅花膠湯還可以,任食價錢大家不要唸是靚的花膠😂😂燒蝦不錯,不會太乾身,仲有雞軟骨串👍🏻👍🏻雞軟骨餃子也不錯!飲品算幾多選擇,仲有朱古力紙包飲品🤣甜品有雪糕,仲有其他甜品已經飽到食唔落😂 繼續閱讀
(以上食評乃用戶個人意見 , 並不代表OpenRice之觀點。)